سؤال لاهل الخبرة

[بن جهام]

:276:0:سؤال لاهل الخبرة في المنتدى
اذا انا شريت غنم اومعزا ( افحل ومعز اوشوهات ) صنف من اي مكان وارخيت الريال يعني بالعربي رحت حق المنتجين الكبار واخذت من عندهم شي طيب ودفعتم مثلاً في الفحل 50000 وكذالك في المعز او الشوهات مبالغ كبيرة مثلا على 20000 الف او اقل او اكثر هل اكون قد حطيت نواه لتكوين حلال طيب يعني بالعربي اذا الله سبحانه وتعالى وفقني وانتجت من هذا الحلال انتاج طيب هل اكون بذلك سوف انافس مع نفس الشخص الذي شريت منه في البيع مع الفارق في الكمية والشهره طبعا

مثال ( لو ان شخص جاني ويبقي يشتري حلال طيب وقالي ودني حق الشخص الي شريت من حلالك هل يمكن اقوله اشتري من عندي بنفس السعراو اقل شوي توضيح اكثريعني انا شاري انتاج من عند الرجال على عشرين الف والان انا انتجت نفس مستوى انتاج الرجال هل سوف ابيع بعشرين الف والا المساله فيها اعتبارات ثانية مثل الشهرة والبلد الخ ارجوا من الاخوان اهل المنتدى الكرام ان يفيدونا جزاهم الله خير وسامحوني على الاطالة مبتدى جديد يحتاجلي صبر لين اتعلم

[العنبري]

السلام عليكم ورحمة الله وبركاته

اخوي بن جهام ياهلا ومرحبا فيك ومليووون مسهلا
انت تقول هل الخبره وانا باجاوبك من تجربه وماحط عمري محل خبره ولا شي ومازلت اتعلم من اهلها والخبره مالها حدود لان احنا نتعلم كل يوم شي يديد في مجال الحلال

اخوي بن جهام عمر السعر ماكان مقياس والسالفه كلها عرض وطلب ورغبات ونعم اسم المربي وسمعته لهم دور كبير ان الناس اتييه واتواصل معاه وترغب في سلعته وانت نفسك اكيد مب شاري من عند شخص ماترتاح له نفسيا حتى لو كانت عنده احلى سلعه وافضلها ومب شرط السعر يكون ثابت حتى عند المربي اللي انتج والاسعار في طلوع ونزول والسومات اتيي وتروح وياما شي ساموه بالاف مالفه وعقب باعوه بدقة رزق او باقل من سعر التكلفه وكل حاله ولها ظروفها

وبخصوص الحلال الزين بس عند كبار المنتجين هذا كلام غير صحيح ولما تدفع سعر غالي في سلعه هالشي لانك رغبان فيها وشايف فيها شي انت تبيه وانا امشي على خط حلال فلان مب لانه الوحيد الزين بس اطمن قلب ان فلان معروف ان يهتم بالحلال وحلاله مايشكل ويقط الوان

وبخصوص المنافسه اخوي نصيحه سو مثلي واشتر دماغك وخلك بعيد عن المنافسه وانتج حق عمرك وضم الحلال اللي يعجبك واللي يقنع عينك والحلال مع الوقت بيفرض نفسه غصب وبتعرف من ردة فعل الناس اللي اتزاور وياك اذا كنت ماشي صح او لا ولكل مجتهد نصيب

[القاع القبلي ^^]

مرحبا اخوي بن جهام اول شي انت بتاخذ الحلال اللي بتحطه هل تبي السمعه او قصد التجاره او لنفسك
اذا لسمعه مايحتاااااج الحلال الطيب ينذكر او اذا لتجاره فا راح تبيع بيعات طيبه وكل شي بيد الله سبحانه وتعالى
اما الشخص اللي يحط حلال لنفسه ماهمه سواء خذاه بغالي ولا رخيص على قولتهم الحلال عديل الروح
وعن الشهره اخوي ماشي يجيك بساهل على قولة بوعمر لكل مجتهد نصيب وتسلم

[بن جهام]

اخوي العنبري اشكرك على تواضعك ومليون شكر على نصيحتك (( فوق راسي ))اخوي القاع القبلي اشكرك على ردك الجميل والله يكثر من امثالكم

[راعي كحيله]

بن جهام

انا ما فهمت قصدك بالضبط !! هل انت عندك حلال عادي وتبي تطور او ما عندك شي حاليآ؟

بغض النظر عن كيفية اقناء الحلال سواء عوارض او سوريات او اسعار فوق واسعار تحت اهم شي الشكل اللي ممكن يوصلك لبداية المشوار وانتاج الحلال الطيب فالاطيب والاطيب

اذا انت موجود بقطر حاول تراسل اخونا بوجمران على الخاص وتاخذ رقمه وسولف معه وتكفى اسأله عن ( القوقعه)لان بوجمران الله يحفظه مثلك قبل تقريبآ شهر كان عنده نفس الاسئله وانا بالتلفون عطيته مفتاح اول باب وطبعآ انا ما جبت الكلام من عندي وانما هي نصيحة الرجال اللي قبلي

ولو تحب تكلمني ارسل لي رقمك على الخاص وانا تحت امرك وفي خدمتك وانا باعطيك الحلول الاسرع والارخص باذن الله

الله يوفقك اخوي

[بومحمد المضاحكه]

بن جهام

انا ما فهمت قصدك بالضبط !! هل انت عندك حلال عادي وتبي تطور او ما عندك شي حاليآ؟

بغض النظر عن كيفية اقناء الحلال سواء عوارض او سوريات او اسعار فوق واسعار تحت اهم شي الشكل اللي ممكن يوصلك لبداية المشوار وانتاج الحلال الطيب فالاطيب والاطيب

اذا انت موجود بقطر حاول تراسل اخونا بوجمران على الخاص وتاخذ رقمه وسولف معه وتكفى اسأله عن ( القوقعه)لان بوجمران الله يحفظه مثلك قبل تقريبآ شهر كان عنده نفس الاسئله وانا بالتلفون عطيته مفتاح اول باب وطبعآ انا ما جبت الكلام من عندي وانما هي نصيحة الرجال اللي قبلي

ولو تحب تكلمني ارسل لي رقمك على الخاص وانا تحت امرك وفي خدمتك وانا باعطيك الحلول الاسرع والارخص باذن الله

الله يوفقك اخوي


هههههههههههههههههههههههههههههههههههههههههههههههههه ه الله يغربل ابليسك يابوعبدالعزيز....

((( القوقعه ))) لها قصه طويله مع بوعبدالعزيز وانا انصحك يااخوي بن جهام انك تعرف قصة القوقعه من بوعبدالعزيز وعقب اضغط انتر او استارت وابتدي مع بوعبدالعزيز وقبل هذا توكل على الله ...

وانا واحد من الناس الي وقف معاي بوعبدالعزيز بيض الله وجهه... واشهد انك راح ترتاحله كثير وهو رجال يعجبك من الناس الي لاحطيتهم على الجرح برى وانت اخذ منه النصيحه اذا اعجبتك كان بها واذا ماجبتك ماراح تضرك ان شاء الله...

وانا حاضر يابن جهام بالي تامربه... انتو خوال عيالي وانا ماقدر ارد لكم اي طلب لو اخدمكم بعيني :053:....

[جابر]

الآخ بن جهام تستاهل حبه خشم

يعجبني الرجل الذي يبدا من حيث أنتهى الاخرين

نعم و نعم ونعم أذا أنت توفقت وشريت حلال خصم وخصم الخصم ونوادر من الرجال

وتوجت ذلك بفحل يشار اليه بالنان في الآنتاج الفاخر

و حبكت ذلك بخبرتك وأستشارة المربين المحترفين وذوي الخبرة وهم معروفين

وخاصة الرجال الثقات وهم معروفين

أبشر بالخير وخلال فترة وجيزة أذا الله بارك لك راح يكون عندك حلال ومربط حلال

وأنا مستعد بكل ما يلزمك ان بغيت خوه خاويتك
وان بغيت أذكر لك بعض الرجال الثقات أبشر
و أن بغيت أخبرك عن الرجال الخبرات وأهل الحلال فالك طيب

أسعدني قولك و روح أرقى سنود أذا ريالك حار وراسك فيه طنخة توكل

وعسى الله يبارك لك و يوقك

ولك عندي سوالف اتصل بي وتسلم

تعجبني ------------------

[راعي كفاح]

[b]بسم الله والصلاة والسلام على من لا نبي بعده
اخي الفاضل بوجمران ليس دليل انك تشتري من مربي كبير دليل على النجاح في هذا المجال وانك سوف تصل القمه بهذه الطريقه
ولكن انت من يخدم نفسه بالذهاب لاهل الحلال ومشاهدة الحلال الفاخر على الطبيعه قبل البدء بهذا المجال لتتمكن على ضوء ذلك ان تعرف كيف تشتري الحلال المميز بعد توفيق الله سبحانه وتعالى
وياخي الفاضل عمر السعر ماكان دليل على طيب السلعه ولكن تفيدك انت شخصيا لتعرف كيف يوصل هذا الحلال لهذه القيمه العاليه
والصبر دائما هو مفتاح الفرج لان المربي الكبير كيف وصل ليكون مربي كبير الا بجهد منه ومثابره سنين للوصول لذلك [/b

واكرر عليك اخي الفاضل حسن الاختيار حسن الاختيار هو سر النجاح حتى ولو قل العدد عندك في المراح

ومع ذلك سوف تشتري حلال غالي واذا جيت اتبيعه ماحد يسومه منك بسعر قيم الا من يعرف قيمة هذه السلعه ولكن بجهدك المميز باظهار انتاج مميز سوف تكون مميز بحلالك وبيعك له

وعذرا على الاطاله

[بومحمد المضاحكه]

[b]بسم الله والصلاة والسلام على من لا نبي بعده
اخي الفاضل بوجمران ليس دليل انك تشتري من مربي كبير دليل على النجاح في هذا المجال وانك سوف تصل القمه بهذه الطريقه
ولكن انت من يخدم نفسه بالذهاب لاهل الحلال ومشاهدة الحلال الفاخر على الطبيعه قبل البدء بهذا المجال لتتمكن على ضوء ذلك ان تعرف كيف تشتري الحلال المميز بعد توفيق الله سبحانه وتعالى
وياخي الفاضل عمر السعر ماكان دليل على طيب السلعه ولكن تفيدك انت شخصيا لتعرف كيف يوصل هذا الحلال لهذه القيمه العاليه
والصبر دائما هو مفتاح الفرج لان المربي الكبير كيف وصل ليكون مربي كبير الا بجهد منه ومثابره سنين للوصول لذلك [/b

واكرر عليك اخي الفاضل حسن الاختيار حسن الاختيار هو سر النجاح حتى ولو قل العدد عندك في المراح

ومع ذلك سوف تشتري حلال غالي واذا جيت اتبيعه ماحد يسومه منك بسعر قيم الا من يعرف قيمة هذه السلعه ولكن بجهدك المميز باظهار انتاج مميز سوف تكون مميز بحلالك وبيعك له

وعذرا على الاطاله

اخوي راعي كفاح ...

يعطيك العافيه وبيض الله وجهك على النصيحه الطيبه...

[أبوطامي]

[quote=جابر;90178]الآخ بن جهام تستاهل حبه خشم

يعجبني الرجل الذي يبدا من حيث أنتهى الاخرين

نعم و نعم ونعم أذا أنت توفقت وشريت حلال خصم وخصم الخصم ونوادر من الرجال

وتوجت ذلك بفحل يشار اليه بالنان في الآنتاج الفاخر

و حبكت ذلك بخبرتك وأستشارة المربين المحترفين وذوي الخبرة وهم معروفين

وخاصة الرجال الثقات وهم معروفين

أبشر بالخير وخلال فترة وجيزة أذا الله بارك لك راح يكون عندك حلال ومربط حلال

وأنا مستعد بكل ما يلزمك ان بغيت خوه خاويتك
وان بغيت أذكر لك بعض الرجال الثقات أبشر
و أن بغيت أخبرك عن الرجال الخبرات وأهل الحلال فالك طيب


أسعدني قولك و روح أرقى سنود أذا ريالك حار وراسك فيه طنخة توكل

وعسى الله يبارك لك و يوقك

ولك عندي سوالف اتصل بي وتسلم
تعجبني ------------------[/quote

خوي بن جهام انا اشوف الاندفع في البدايه ماله داعي حتى لو شاورت اهل الخبره لانك لازم عليك اتجرب بنفسك خصوصا اول سنه تتعلم فيها وخلال هاالسنه تتعرف على الامراض والعلاجات المطلوبه لكي لاتخسر حلالك الغالي في اول سنه تجربه ومساله انك تبيع وانت مغمور باسعار عاليه ماوالله لان نسبه عاليه من المربين تشري بذانها ويمكن انا واحد منهم محد يزكي نفسه أخوي جابر سجل اعجابي بما طرحت وبيض الله وجهك على الفزعه الغير مستغربه ودمتم

[عســـاف]

اخوي بن جهام مساك الله بالخير وعسى الله يوفقك وتوصل لكل ماتهدف له
احب ابين لك كلمه يمكن بعض الشباب مش مستوعبينها وهي معنى المربين الكبار
المقصود بالمربين الكبار اهل الصنف والصنف درجات متفاوته ولكن واحد عن واحد يفرق
انا ماراح اذكر اسامي مربين ولكن انا اقولك مستوى المربين الكبار يختلف فيهم اللي يملك الخصم اللي على حد الندر ومنهم من يملك الخصم
ومنهم من يملك الندر والندر بتلقاهم فالمراح ثنتين والا ثلاث ولكن هالمربي الكبير مراح يبيع اعيون مراحه والله لو وش بتدفع والحلال الطيب مايقاس بالاسعاريقاس بالعين وكيفية الفكره عندك شلون تركب العنز والفحل يمكن تاخذ فحل خصم ومنتج وتاخذ عنز طيبه وخصم ولكن مااتجانس مع الفحل وتصبح النتيجه سلبيه اخوي انا والله ماودي ادخلك بمتاهات ولكن ابيك قبل لاتشتري سلعه دور على المرح مره ومرتين وثلاث واشبع عينك من الشوف وخذ بكل مره شوير وشف وش لاحظ فالمراح وشف الثاني وشف الثالث واعرف وش اتفقوا عليه ولاحظ هالمواصفات فالمرح الثانيه وشوي شوي انت بنفسك بتقدر اتميز الخصم والندر والطيب حق الانتاج وبعد هالفتره بتكون اكتسبت الخبر واكتسبت النظره بيبقى عليك الرس والسلاله وسلسلها شوي شوي وباذن الله بيدرجون الناس اسمك مع المربين الكبار واذا لقيت الخصم اللي على حد الندر او افل شوي والاصل مجهول خذها ولااتردد لان الطيب ماجى من فراغ .....
وفالنهايه اسأل الله انه يوفقك

[بوخليفه11]

نعم اخوي بن جهام الموضوع في اعتبارات ومحسوبيات لفتره بسيطه ومن ثم ستكون قريب من اهل الشهره وذلك من خلال تطوير الحلال اللي شريته واشهاره من خلال المشاركه بالمزدات والمنتديات والله يوفق الجميع وتقبل تحياتي

[دخان]

:276:0:سؤال لاهل الخبرة في المنتدى
اذا انا شريت غنم اومعزا ( افحل ومعز اوشوهات ) صنف من اي مكان وارخيت الريال يعني بالعربي رحت حق المنتجين الكبار واخذت من عندهم شي طيب ودفعتم مثلاً في الفحل 50000 وكذالك في المعز او الشوهات مبالغ كبيرة مثلا على 20000 الف او اقل او اكثر هل اكون قد حطيت نواه لتكوين حلال طيب الجواب نعم يعني بالعربي اذا الله سبحانه وتعالى وفقني وانتجت من هذا الحلال انتاج طيب هل اكون بذلك سوف انافس مع نفس الشخص الذي شريت منه في البيع مع الفارق في الكمية والشهره طبعا لا ليست منافسة فممكن هو ايطور حلاله اكثر من ما هو مطور يوم انك تشتري من عنده اي انك بتاخذ دم واحد وهو عنده او حوله مربين للصنف ودم حلالهم غير عن دم حلاله يعني شغلة فسيولوجية والمنافسة لن تكون اا انت شريت من مكان او دولة اخرى وكيف بتنافسة اذا كان عدد الهواه عنده اكثر من عدد الهواه عندك

مثال ( لو ان شخص جاني ويبقي يشتري حلال طيب وقالي ودني حق الشخص الي شريت من حلالك هل يمكن اقوله اشتري من عندي بنفس السعراو اقل شوي توضيح اكثريعني انا شاري انتاج من عند الرجال على عشرين الف والان انا انتجت نفس مستوى انتاج الرجال هل سوف ابيع بعشرين الف والا المساله فيها اعتبارات ثانية مثل الشهرة والبلد الخ اكيد فيها اعتبارات اخرى مثل الشهرة لها دور و توفر الهواة الخ الخ .. ولوراعي الحلال اللي انت شريت منه ايبيع بالفين نفس اللي باعهم لك ابعشرين ما ايكون خسران لانه منتج من سنين وانت لو بتبيع اول انتاج بعشرين تعتبر خسران في الانتاج الاول لانك عوضت راس المال ولكن التكاليف ما عوضتها ( مثل التغذية والعناية والمكان والرعيان والخ الخ ... فالربح يأتي بعد فترات من الانتاج وفيه ملاحظة بسيطة لي ولك ولمن يرغب : لا تقني حلال واتفكر انك تبيع باسعار خيالية فهذا هو بداية الفشل عند المربي ، والصحيح انك اتفكر تشتري شي صح واتفكر كيف تنتج ، وايضاً النجاح ليس باقتناء حلال صنف او فاخر فقط لا النجاح في التربية الصحيحة للحلال مثل العناية بصحة الحلال والغذاء الجيد وغيرها ، فممكن احط لي حلال صنف وانا ما اعرف الشاة من الخروف ذيك الساعة اش باسوي ما لي الا الفلس ارجوا من الاخوان اهل المنتدى الكرام ان يفيدونا جزاهم الله خير وسامحوني على الاطالة مبتدى جديد يحتاجلي صبر لين اتعلم
ارجو اني وضّحت شي مفيد .... وشاكر لك على موضوعك

[بن جهام]

السلام عليكم جميعا
[sizاخواني احب اشكركم واحد واحداخوي بوحمران وراعي كحيله وجابروراعي كفاح وعساف وخليفه ودخان والجميع على مروركم ونصايحكم التي استفيد منها وكلكم على راسي واقول ماخاب من استشار وماندم من استخار وسامحوني اذا نسيت حد او حد فهم كلامي غلط ترى الدعوه شاه وعنز ماتسوى ثر واحد منكم ويقول النبي صلى الله عليه وسلم في معنى الحديث لان تهدم الكعبه حجراً حجرا اهون على الله من تهان كرامة مسلم[/color][/size][/size][/size]

[هاوي العوارض والنجد]

إذا سألت الناس في أمر ................ عرض عليك الكل ما يراه
فارجع لربك في كل أمر ................. عسـاه يرشدك لخير تراه