ماهو المعيار الحقيقي في اختيار الفحل

[بوخليفه11]

الله يمسيكم بالخيروالعافيه ياربع عندي موضوع حاب اطرحه وهو س / ماهو المعيار الرئيسي في اختيار الفحل الشكل الاول او الاصل او التقاطيع او اللون ونبغي من الجميع المشاركه اذا امكن طبعا المقصود الفحول بكافة انواعه سوري او عربي او عارضي الى اخخخ ؟ لان بعض المربين يضم فحول اما شكلها عادي واذا سألته قال عليك بالاصل والبعض الاخر ضام فحل وصفه حلو لكن مشترا سوق واذا سألته قال مايهم الاصل اهم شي الشكل واحنا نريد المعيار الحقيقي في هذه المسأله وجزاكم الله خير

[دخان]

مرحبا يابوخليفة

مشاركتي مختصرة واقول :

ان جواب سؤالك موجود في موضوعك اي ان لكل شخص طرق معين هو ماشي عليه

فيه ناس ايهمها الاصل والرس
وفيه ناس ايهمها الشكل
وفيه ناس ايشوف الشكل وعقب الاصل والعكس

وفي بداياتي كنت انا ادور الشكل وللأسف الانتاج ما طلع اللي انا اطمح اليه فقمت ادور على الاصل والشكل جميع
والله الموفق الحمد لله اللي طلع انتاج هذه السنة مبشر بالخير

واشكرك على الموضوع المفيد والقيّم
واترك المجال لغيري

[بوعبدالله]

الشكل ثم الاصل

لانه (( عمر الارنب ماتجيب غزل ))

الله يذكرك بالخير ياصاحب هذى المقوله

وفى النهايه الاصل مهم بعد الشكل

[راعي كحيله]

مرحبا اخوي بوخليفه

انا باجاوبك من خبرتي في انتاج الخيل ولا هو بمختلف واجد عن اختيار الفحل في الحلال الاخر

اولآ تشوف شنهي النواقص في الاناث اللي عندك مثلآ تبي تطور الراس او القوائم او الحجم ..... الخ

بناءآ على النواقص يتم اختيار الفحل اللي مركز فيه هذه الصفات اللي انت تبيها

بعد ذالك تحاول تدور على صور شجرة عائلة الفحل وتشوف الاب والام وبعد فوق الجد والجده ...الخ

وتحاول تشوف الفحل هذا هل الصفات اللي فيه ثابته ام ضعيفه هل هي وراثه من العائله ام جات طفره من غير وراثه وطبعآ اللي وراثه صفاته يكون اقوى من اللي طفره لان اذا كان الحصان متكامل الصفات والصفات ضعيفه في عائلته فبالتالي ممكن وراثة المطلوب يكون ضعيف وهذا هو مفهوم التعريف والمعمق عندي انا صخصيآ لان ممكن يكون الحصان معرف واصيل لكن الصفات ضعيفه فبالتالي تعريفه ما انفعه

اما في انتاج المعز فالامر مشابه نوعآ ما
تشوف الفحل ولقيت فيه الصفات وبعدين تسأل عن المعمق والاصل وخصوصآ لو قدرت توصل للصور فهذا افضل شي او في معظم الحالات وهذا طبعآ نافع ايضآ انك تسأل المربين اللي عندهم نفس دم الفحل في حلالهم وطبعآ بيقولون لك مثلآ الفحل اللي ينحدر من السلاله الفلانيه فيه ميزة الاذن الطويله او الراس الكبير او الغزل الطويل ....الخ وهذا المقصود بالمعمق في عالم المعز


ابدآ مب غلط انك لو ما حصلت فحل معروف الاصل انك تجرب في عدد قليل من المعز يمكن هذا المجهول يطرح لك شي يفوق المعرف في المواصفات اوممكن مثل ما حدث لاحد الاخوان مره من المرات كنا نتكلم عن الاصل وعن المعمق وقال انتوا ما تفهمون وراح شرى له تيس بدون ما يعرف اصله وهده في معزاه وانصدم بعد ما المعزا ولدت لان الانتاج كله من 30 عنز كان اللون أحمر!! وطبعآ كل الانتاج راح للقصاب وضيع وقته و وقتنا

اخي الكريم المشكله في بعض الاخوان تلقاه هو اساسآ جديد مثلي انا مثلآ ولا يبغي يسمع كلام احد وتلقى سوالفه يعذرب في حلال هذا وذاك ولما تدخل معاه في تعريف كلمة انتاج ما بيعرف يجاوبك فما بالك معنى تطوير الانتاج عنده ؟؟؟

وللحديث بقيه بعد قراءة ردود الاخوان وسماع الاراء

[راعي كحيله]

الشكل ثم الاصل

لانه (( عمر الارنب ماتجيب غزل ))

الله يذكرك بالخير ياصاحب هذى المقوله

وفى النهايه الاصل مهم بعد الشكل



هههههههههههههههههههه

ذبحتني من الضحك

يعني تبي تطبق المثل اللي يقول خير الكلام ما قل ودل ؟؟ هههههههههههههه

[ViP]

مرحبا اخوي بوخليفه

انا باجاوبك من خبرتي في انتاج الخيل ولا هو بمختلف واجد عن اختيار الفحل في الحلال الاخر

اولآ تشوف شنهي النواقص في الاناث اللي عندك مثلآ تبي تطور الراس او القوائم او الحجم ..... الخ

بناءآ على النواقص يتم اختيار الفحل اللي مركز فيه هذه الصفات اللي انت تبيها

بعد ذالك تحاول تدور على صور شجرة عائلة الفحل وتشوف الاب والام وبعد فوق الجد والجده ...الخ

وتحاول تشوف الفحل هذا هل الصفات اللي فيه ثابته ام ضعيفه هل هي وراثه من العائله ام جات طفره من غير وراثه وطبعآ اللي وراثه صفاته يكون اقوى من اللي طفره لان اذا كان الحصان متكامل الصفات والصفات ضعيفه في عائلته فبالتالي ممكن وراثة المطلوب يكون ضعيف وهذا هو مفهوم التعريف والمعمق عندي انا صخصيآ لان ممكن يكون الحصان معرف واصيل لكن الصفات ضعيفه فبالتالي تعريفه ما انفعه

اما في انتاج المعز فالامر مشابه نوعآ ما
تشوف الفحل ولقيت فيه الصفات وبعدين تسأل عن المعمق والاصل وخصوصآ لو قدرت توصل للصور فهذا افضل شي او في معظم الحالات وهذا طبعآ نافع ايضآ انك تسأل المربين اللي عندهم نفس دم الفحل في حلالهم وطبعآ بيقولون لك مثلآ الفحل اللي ينحدر من السلاله الفلانيه فيه ميزة الاذن الطويله او الراس الكبير او الغزل الطويل ....الخ وهذا المقصود بالمعمق في عالم المعز


ابدآ مب غلط انك لو ما حصلت فحل معروف الاصل انك تجرب في عدد قليل من المعز يمكن هذا المجهول يطرح لك شي يفوق المعرف في المواصفات اوممكن مثل ما حدث لاحد الاخوان مره من المرات كنا نتكلم عن الاصل وعن المعمق وقال انتوا ما تفهمون وراح شرى له تيس بدون ما يعرف اصله وهده في معزاه وانصدم بعد ما المعزا ولدت لان الانتاج كله من 30 عنز كان اللون أحمر!! وطبعآ كل الانتاج راح للقصاب وضيع وقته و وقتنا

اخي الكريم المشكله في بعض الاخوان تلقاه هو اساسآ جديد مثلي انا مثلآ ولا يبغي يسمع كلام احد وتلقى سوالفه يعذرب في حلال هذا وذاك ولما تدخل معاه في تعريف كلمة انتاج ما بيعرف يجاوبك فما بالك معنى تطوير الانتاج عنده ؟؟؟

وللحديث بقيه بعد قراءة ردود الاخوان وسماع الاراء




هلااا بوعبدالعزيز .. وانت الصادق هديته في 10 بس وانتاجه بعته على طول ... والحمد لله اني ماهديته في الحلال كله .. كنت اقيس واشوف الانتاج وشهو قايل ..





ونعم انا قبل كنت اخذ على الشكل واغض البصر عن المعمق

ولكن اللحين اركز على نقطتين الشكل وثانيا المعمق اشوفه اذا خالي من الشوائب اهده في حلالي .. واذا امه ولا اخته فيها عذرايب اصرف النظر عنه على طول ... لان الفحل امعروف يا اما يعمر المراح ولا يدمره ..

[عســـاف]

والله ماندري وش نقول ابوعبدالعزيز ماخلا شي
الله يجزاه وياكم الف خير
ولكن عليك بالتركيب اي اكمل ماهو ينقص في حلالك
حاول ان المراح يكون على طرق واحد اي متشابه بنسبه كبيرة
حتى يسهل عليك باقي المشوار وبعد ذالك انظر للنواقص ودور الفحل اذا لقيته اسأل عن معامقه وان جاز توكل بالله وان ماجاز والاطلع مجهول اتركه وشف لك غير
وبالنهايه الامر توفيق من الله لان التركيبه ممكن ماتركب

[بن جهام]

مرحبا يابوخليفة ماقصرو الشباب لاكن انا اقول من خلال ماريناه من اهل الشاميات فان عليك بالانتاج لان الانتاج هو المحك واذا حصل الاصل والشكل فزود على زود

[القاع القبلي ^^]

مرحبا اخوي انا اشوف تسأل عن معمق التيس والشكل مطلوب
يعني شي يكمل شي
ولاخوان ماقصروا ف التوضيح

[مزرعة العمرو]

السلام عليكم

تحية طيبة

الموضوع لا يمكن أن يبت به لأن قناعات البشر مختلفة :128:

وبالنسبة للماعز اعتقد أن الاصول مهمة

ولا يمكن لفحل واحد أن يطور الحلال :256:

[العنبري]

بالنسبه لي في حالة اختيار الفحل اول خطوه الشكل والمواصفات والخطوه الثانيه ان حصل تعريف زين على زين ويكفيني تعريف حلال فلان او فلان والخطوه الاخيره وهي اللي تحكم حكم نهائي الانتاج وهذي اهم شي

[بوخليفه11]

تحياتي دخان بوعبدالله راعي كحيله vip عساف بن جهام القاع القبلي مزرعه العمرو العنبري بيض الله اوجيهكم على المشاركه الطيبه ولا مانع من مشاركه اخرى في نفس الموضوع لتبين بعض التجارب السابقه وشكرا للجميع

[راعي كحيله]

انا كنت اتمنى ان الربع يعطونا افكار وصور ونقاش لكن الظاهر الكل متبع ( خير الكلام ما قل ودل )!!
على العوم كان لي اضافات على الموضوع بس ما باشغل روحي اكثر طالما مابه نقاش

بوخليفه ان اشاءالله لو باظيف على الموضوع بارسل لك على الخاص لان محد يبي الفايده اهني في العام
الله يوفقكم

[بوخليفه11]

انشهد انك صدقت ياراعي كحيله اتصدق انا كل الردود في وادي ورد بوعبدالله الله يهديه في وادي شدخل الارنب والغزال وقام يتذكر ناس مادري من الحي منهم ؟ بوعبدالله ارجوك ركز معانا وتحياتي للجميع

[راعي كحيله]

انشهد انك صدقت ياراعي كحيله اتصدق انا كل الردود في وادي ورد بوعبدالله الله يهديه في وادي شدخل الارنب والغزال وقام يتذكر ناس مادري من الحي منهم ؟ بوعبدالله ارجوك ركز معانا وتحياتي للجميع

هههههههههههههه

للحين ما شفت شي

مع بوعبدالله الدنيا غير هههههههههههههههه

[العنبري]

هههههههههههههه

للحين ما شفت شي

مع بوعبدالله الدنيا غير هههههههههههههههه



ههههههههههههههههههههههههههه انا احتج واعترض بشده وبقوه ومحد يقول مع بوعبدالله الدنيا غير الا انا لان مالي انا بروحي فديت خشمه واخوي بوخليفه بخصوص التركيز عند حبيب قلبي بوعبدالله هذي يبيلها يني المصباح ويكون لك خمسين امنيه مب ثلاث بس ويتم اليني يحاول ويحاول وانت اتمنى امنيه ورى امنيه وكلهم نفس الامنيه ان بوعبدالله يركز يمكن الامنيه السبعه واربعين او الثمانيه واربعين تصيب ويبقى لك امنيتين تطلب بهم من اليني ان بوعبدالله مايفقد تركيزه معانا

يافديت خشمك يابوعبداااااااالله وترانا كللللللللللللش ماطلعنا برى الموضوع والا شرايك يابوعبدالعزيز ؟؟؟

وصح كلام اخوي بوعبدالله عمر الارنب ماتييب غزال يعني المقصود ان لو شرينا شي شين على امل انه من مراح طيب غالبا بيكون الانتاج شين والله اعلم

[راعي كفاح]

بسم الله والصلاة والسلام على رسول الله ومن اهتدى بهداه الى يوم الدين

المعيار الحقيقي :-
1 ) توفيق الله سبحانه وتعالى فربما تجتهد ولا يكتب الله لك النجاح في هذا المجال
2 ) في الماعز العارضي هنالك سلالات كثيره وكل سلاله تتميز بشي قوي مثل ( قصر الحي والارتكاز الرائع وكبر المشرب والشعره والراس وقوة اللون والتناسق المميز والسراد وغيرها من المواصفات )
3) الشكل والمعمق لابد ان تجتمع في الفحل ومن السلاله التي ترغب في مواصفاتها وتعرف تطور هذه السلاله
4) يجب ان تكون الام فاخره وامها فاخره واذا استطعت ان تحصل على ام الام فهو اقوى ويكون ابوها منتج
5) يجب عليك ان تخدم الفحل بمعزا طيبه لتستطيع ان تنتج حلال طيب وتميز انتاج فحلك
6) للوصول لانتاج فاخر يجب عليك ان ترى نواقص الفحل اذا انتج وتكمله بمعزا فيها الصفه الناقصه بالفحل

امل اني قد ذكر ماهو مفيد لي ولكم وتقبلوا خالص تحياتي وتقديري

[بوخليفه11]

راعي كفاح معلومات قيمه تستحق الشكر والتقدير وتفبل تحياتي

[هاوي العوارض والنجد]

أخواني السائلين والمجيبين والمشاركين أسأل الله لكم جميعاً التوفيق والسداد وما قلتموه من أن الأصل أولاً صحيح ولا يختلف عليه أثنين وإن حصل مع الأصل الشكل الملفت للنظر فهذا خير وبركه وأرى أن يبدأ بفحل طيب وعمق وجميل حتى لو هده بمعزاء وسط لمعرفة إنتاجه منها هل هذا الفحل سيطور الوسط الى زين أم يستمر الإنتاج بنفس المستوى فإن كان الانتاج طيب فالفحل ممتاز وعليه أن يتمسك به ويبدأ بإدخال معزاء وجفرات معه طيبه ليأخذ الإنتاج الطيب إن شاء الله ولو كان إنتاجه بنسبة 50 % فهو رابح بإذن الله والله من وراء القصد.

[بوخليفه11]

هاوي العوارض والنجد مرورك عطر وذو فائده كبيره اي تأكد كلام السابقين في التعليق وشكرا مره اخرى

[راعي كحيله]

أخواني السائلين والمجيبين والمشاركين أسأل الله لكم جميعاً التوفيق والسداد وما قلتموه من أن الأصل أولاً صحيح ولا يختلف عليه أثنين وإن حصل مع الأصل الشكل الملفت للنظر فهذا خير وبركه وأرى أن يبدأ بفحل طيب وعمق وجميل حتى لو هده بمعزاء وسط لمعرفة إنتاجه منها هل هذا الفحل سيطور الوسط الى زين أم يستمر الإنتاج بنفس المستوى فإن كان الانتاج طيب فالفحل ممتاز وعليه أن يتمسك به ويبدأ بإدخال معزاء وجفرات معه طيبه ليأخذ الإنتاج الطيب إن شاء الله ولو كان إنتاجه بنسبة 50 % فهو رابح بإذن الله والله من وراء القصد.

كلام منطقي اخي هاوي العوارض والنجد واتفق معاك مليون بالمئه

ولكن انا في نظري

هناك اختبار افضل للفحل اذا هده في معزا طيبه اذا جا الانتاج احلى من الامهات فهذا يعتبر ممتاز ودمه قوي

بانتظار ردود الاخوان