كفيـت يا ( الناوي ) ووفيــت

[القانون]

هذا بعيركم قبل لايكون بعيري ( الناوي) من سلاله معروفه من انتاج عزبة الشيخ / محمد بن خليفه آل ثاني حفظه الله ، ابوه ( بارود ) وجده ( مساح ) وامه سودانيه ، والناوي تم تحويله لعزبة الإنتاج بعد سباق سيدي سمو الامير المفدى ، ومن إنجازات الناوي حاصل على المركز ( الاول) 8 مرات ، ثلاث مرات في السباق المحلي ، مره في سباق رئيس الوزراء ، مرتين في سباق ولي العهد ، مره في سباق سيدي سمو الامير وحصل على سياره ، ومره في سباق ابوظبي في ميدان الوثبه وحصل على سياره ، وعدة مرات حصل على المركز الثاني والثالث ، ونطمح في ان يعود بالمنفعه للجميع ويطرح البركه في انتاجه ومن شهر 8 اللي يبي يضرب البعير سبيل للجميع مكفل حلالكم المكان والطعام ولاتشيلون حلالكم إلا وهن متلاقحات بعون الله ، وفي النهايه اقول للناوي بيض الله وجهك وكفيت ووفيت


http://7alalqatar.net/vb/uploaded3/79_1212825815.jpg

http://7alalqatar.net/vb/uploaded3/79_1212825870.jpg

http://7alalqatar.net/vb/uploaded3/79_1212825904.jpg

[روح قطر]

بيض الله وجهك أخوى القانون

كفيت ووفيت ياكحيلان

وموب غريبة عليك فعايل الرجال الطيبة كاسبها من أصلك ومعدنك

ربي ينور طريقك ويسعد قلبك ويبارك لك في حلالك

[بوعبدالله]

بيضااا الله وجهك يالقانون والله يباركلك فى انتاجه

[الـ@ـاجري]

بيض الله وجهك يا القانون
قوول وفعل
والله يجملك قداام ربعك

[المارونـــي]

حي ذا العين
ماشاء الله تبارك الرحمن
والله ثم والله يالقانون
اني حبيت شوفت المطايا والسبه بعيرك
الله يبارك لك فيه ان شاء الله ومنها الى الامام
وانت راعيها بس مب كنه صار لي كم يوم ماشفتك

[القانون]

روح قطر : وويهج ابيض ياروح والله يعز مقدارج على الكلام الطيب اللي ماهوب غريب عليج
الـ@ـاجري : ووجهك ابيض وماعندي إلا حلالك يعلم الله
بوعبدالله : ووجهك ابيض هاا بوعبدالله ماودك تغير من الغنم ؟
المارونـــي : يامرحبابك وتو ماتبارك المنتدى بهالطله الكريمه ، وكلامك صحيح ، خبرك سباق الامير وضيوفه ولهينا معاهم

[ViP]

تهدي الابل يالقانون



قال الشاعر:
الله يجملني مع كاسب الطيب *** والله يقدرني لكسب الجمايل

وانا اقولك ويشهد علي الله انك كسبت الجمايل بعلومك الغانمه من اول مهب من تو

أخوك الصغير

[القانون]

ViP : الله لايهينك على الكلام الطيب وماعليك زود بيض الله وجهك

[المارونـــي]

روح قطر : وويهج ابيض ياروح والله يعز مقدارج على الكلام الطيب اللي ماهوب غريب عليج
الـ@ـاجري : ووجهك ابيض وماعندي إلا حلالك يعلم الله
بوعبدالله : ووجهك ابيض هاا بوعبدالله ماودك تغير من الغنم ؟
المارونـــي : يامرحبابك وتو ماتبارك المنتدى بهالطله الكريمه ، وكلامك صحيح ، خبرك سباق الامير وضيوفه ولهينا معاهم

الله يوفقك ان شاء الله يالخال

[راعي البادية]

بيض ا لله وجهك يالقانون والله يبارك لك فيه وتستاهل كل خير أخوي القانون ..

[ابن الأسود]

بيض الله وجهك أخوى القانون

كفيت ووفيت
دمت بوووووود

[احمد الجاسم]

ماشاء الله تبارك الله

الله يهنيك في نتاجه ويبارك لك فيه اخوي القانون

بيض الله ويهك وتستاهل الطيب ياراعي الطيب

[القانون]

راعي البادية ، ابن الأسود، احمد الجاسم ، شاكرلكم مروركم وبيض الله وجيهكم ولاعندنا إلا حلالكم

[زيـــــدان]

بيض الله وجهك ياالقانون والله يبارك فيما قدمت وانشاءالله نشوف انتاج الناوي في سباق القادمه
وهذي مب غريبه عليك يا القانون انت قول وفعل

[القانون]

زيـــــدان : يامرحبابك يابن عمي وتو مانور المنتدى ، ومابه إلا حلالك الحلال وراعيه رهن اشارتك

[عشق الشمال]

القانون
بيض الله وجهك وبارك الله لك في حلالك ومالك

بس عندي ملاحظة بسيطه وهي بخصوص مرض البروسولا أو الحمه الماطية طبعا والكثير يعرف بأن من الطرق اللي ينتقل بها هذا المرض هو الضراب وأنت ماقصرت ورايتك بيضه ، وبعد إذنك .

بس حبيت اقول للأخوان اللي وده يضرب ياليت لو يفحص حلاله قبل للأطمئنان .

مع تمنياتي للجميع بالتوفيق .

[القانون]

القانون
بيض الله وجهك وبارك الله لك في حلالك ومالك

بس عندي ملاحظة بسيطه وهي بخصوص مرض البروسولا أو الحمه الماطية طبعا والكثير يعرف بأن من الطرق اللي ينتقل بها هذا المرض هو الضراب وأنت ماقصرت ورايتك بيضه ، وبعد إذنك .

بس حبيت اقول للأخوان اللي وده يضرب ياليت لو يفحص حلاله قبل للأطمئنان .

مع تمنياتي للجميع بالتوفيق .

ماقول إلا بيض الله وجهك على النصيحه

[بوناصر]

الله يبارك لك في حلالك والناوي وانتاجه .

اخوك . بوناصر

[القانون]

الله يبارك لك في حلالك والناوي وانتاجه .

اخوك . بوناصر


يامرحبا وغلا والله يجزاك خير ومايحتاي حلالك

[قناد]

مرحبا

مرحبا

مرحبا

بالناوي وراعيه

أشهد أنه كفى ووفى وتاريخه معروف يالقانون

ولاقصور فالمنتدى وأهله لكن ماشاركت الا يوم شفت موضوع الناوي


وحبيت تكون أول مشاركة لي في موضوع الناوي

الصور ماطلعت عندي لكن أنا حافظه حفظ

[القانون]

مرحبا عداد ماخضر الحيا ---- وعداد براقه وناس(ن) تخايله
يامرحبا بقناد والناوي وراعيه يحصل لهم الشرف بمرورك الكريم والله ابرك الساعات وشهادتك وسااااام على صدري والصور حطيتها لك مره ثانيه