خدمه الله يبيض وجيهكم

[محمد المري]

السلام عليكم ورحمة الله وبركاته


يالربع فكرت أسوي عزبه وقالوا الشباب ان تراخيص العزب متوقفه

السؤال يالربع هل التوقف على طول ( يعني نمش بوزنا من العزب الجواله )

ولا مؤقته ونصبر ,,,,,,,

اللي عنده أي معلومه لا يبخس

[ViP]

وعليكم السلام والرحمه

ارحب يامحمد .. ياخوك الي نعرفه ان العزبه اموقفه .. وفيه كلام شايع اللحين ان العزب الجواله بيكنسلونها والله واعلم
واشور عليك انك تتصل فيهم وتاخذ الاعلوم منهم ابرك لك..

[محمد المري]

أخوي vip

المرحب باقي ,,, الله لا يهينك على الرد

رحت لهم ,,, الموظفين العاديين مايدرون عن شي

والإدارة العليا ,, اللي في برج البيئة يقولون تحت الدراسة ,,,,

[ViP]

ولااااا يشينك يامحمد
طيب عطني فرصه بحاول اني اطلع العلم الوكاد ...
وبنشد كمن واحد اعرفه في البيئه .. والله كريم ان شاء الله

[راعي كحيله]

اخي محمد المري

سو مثلي عقب ما لوعوا كبودنا في البحرين قررت اني اودي الحلال للسعوديه وان شاءالله عن قريب رايح وعلى فكره هناك ابرك العلف متوفر ورخيص

والخيل باوديها لقطر وباحطها عند رجال مثلك وشرواك ولا اعور راسي بناس ما لهم قيمه في الوجود

[محمد المري]

أخوي vip أنتظر العلم منك

الأخ راعي كحيله انا عزبتي وحلالي والخيل كلها في السعوديه - بر الاحساء
والعيال مبسوطين والقاع هناك زينه للحلال وللخيل والفروسية .
لكن ياأخوك مليت من كثر الروحة والجيه ,, ومراكز الحدود التي ترفع الضغط .

[بومحمد المضاحكه]

اخوي محمد المري + راعي الكحيله ....

بخصوص العزب اذا عندك واسطه راح يمشونك وحاليا في دراسه في البيئه ان يضمون العزب كلها مع بعض يعني الجواله باي باي ....

وانا انصحك انك تقدم على عزبه على احد المجمع للعزب اذا كان عندك حلال فوق 50 راس ومسجل في الثروه الحيوانيه ....

وان شاء الله راح يعطونك عزبه لان حاليا خلال هذا الشهر في حمله تفتيشيه على مجمع العزب وفي ناس كثير راح تنسحب منهم رخصه ....

وانا يااخوي راعي كحيله مانصحك ابدا انك اطلع حلالك برا بلادك ... وانشد الي كان عنده حلال برا بلاده شلون كان مبتلش في دخلتهم وطلعتهم... وروحته وجيته ..... وودك الحلال يكون بين عينك والله يكون في العون.....وعندي ناس اعرفهم حاليا ودهم يدخلون حلالهم البلاد ولاهم بقادرين الله يكون في عونهم......

(((((((((((((والله اعـــــــلـــــــــــــــم)))))))))))

[محمد المري]

بو جمران الله يبيض وجهك على المعلومات ,,,,

لكن لي ربع جربوا المجمعات ,,, كلها أمراض ,, والغرض ترى كله وناسه ومد النظر في البر
ماهو حكره بين شبوك المجمعات ,,, اذا ما حصلت العزبه الجوالة ,,,
ما فيه داعي للعزبه ,,, وخل الحلال في السعوديه أبرك له .

[راعي كحيله]

أخوي vip أنتظر العلم منك

الأخ راعي كحيله انا عزبتي وحلالي والخيل كلها في السعوديه - بر الاحساء
والعيال مبسوطين والقاع هناك زينه للحلال وللخيل والفروسية .
لكن ياأخوك مليت من كثر الروحة والجيه ,, ومراكز الحدود التي ترفع الضغط .


في هذي معاك حق

فعلا يرفعون الضغط

[راعي كحيله]

اخوي محمد المري + راعي الكحيله ....

بخصوص العزب اذا عندك واسطه راح يمشونك وحاليا في دراسه في البيئه ان يضمون العزب كلها مع بعض يعني الجواله باي باي ....

وانا انصحك انك تقدم على عزبه على احد المجمع للعزب اذا كان عندك حلال فوق 50 راس ومسجل في الثروه الحيوانيه ....

وان شاء الله راح يعطونك عزبه لان حاليا خلال هذا الشهر في حمله تفتيشيه على مجمع العزب وفي ناس كثير راح تنسحب منهم رخصه ....

وانا يااخوي راعي كحيله مانصحك ابدا انك اطلع حلالك برا بلادك ... وانشد الي كان عنده حلال برا بلاده شلون كان مبتلش في دخلتهم وطلعتهم... وروحته وجيته ..... وودك الحلال يكون بين عينك والله يكون في العون.....وعندي ناس اعرفهم حاليا ودهم يدخلون حلالهم البلاد ولاهم بقادرين الله يكون في عونهم......

(((((((((((((والله اعـــــــلـــــــــــــــم)))))))))))


بيض الله وجهك على النصيحه اخوي بوجمران

[بوخليفه الكبيسي]

وعليكم السلام أخوي / محمد المري وعموم الاعضاء والزوار
بخصوص تصاريح العزب الجواله سوف يتم التصريح بها السماح لمالكينها بإنشإها في 01/06/2010م وهذا على حسب ماوصلني من أحد موظفين البيئه
ولكم الشكر
تقبلوا مروري وردودي