ولد الكايد وانتاجه

[العنبري]

انا مب شاطر ياجماعه في التصوير بس عشان اللي اطلبوا هالموضوع نزلته اليوم


ولد الكايد

http://7alalqatar.net/vb/uploaded2/8/1208623436.jpg

http://7alalqatar.net/vb/uploaded2/8/1208623499.jpg

http://7alalqatar.net/vb/uploaded2/8/1208549046.jpg

http://7alalqatar.net/vb/uploaded2/8/1208623638.jpg

ولد ولد الكايد

http://7alalqatar.net/vb/uploaded/8_1205684046.jpg

بنت ولد الكايد

http://7alalqatar.net/vb/uploaded/8_1197237209.jpg

صخل من انتاجه السنه ناوي افحله وابي رايكم

http://7alalqatar.net/vb/uploaded2/8/1208623843.jpg

صخل من انتاجه سبق وعرضته وكان راي واحد من الاخوان اني اخلليه سكين وابي رايكم الحين تغير او لا

http://7alalqatar.net/vb/uploaded2/8/1208623976.jpg



وقريبا جدا ان شالله باعرض بو سنام وانتاجه وسمحوا لنا على القصور

[بوعبدالله]

شهاتى فى حلالك مجروحه وتدرى ليش مجروحه ....... بس ماقول لا الله يبارك فى الحلال وفى راعيهم ويعطيه ربى على قد نيتك

والصخول طيبه وانا شفتهم وقتلك قبل لتقولى انك مخليهم وبعدهم بتغيرون للحسن

تحياتى لك اخوك الصغير بوعبدالله

[برووق]

الله يباركلك فيه وفي الحلال الباقي حلال موووووووووووووقف الحكي
عزالله أنبه حلال طيب الله يكفيك شر العين
تحياتي

[ViP]

شهادتي في حلالك مجروحه يابوعمر
ودخن عزبتك بالسويده من الحسد عن الشكه ههههههههههه
والله يبارك لك في حلالك ومالك
أخوك الصغير

[العنبري]

الله يباركلك فيه وفي الحلال الباقي حلال موووووووووووووقف الحكي
عزالله أنبه حلال طيب الله يكفيك شر العين
تحياتي

تسلم يابو عبدالله على هالاطراء اللي اثلج صدري وفرحني وماعندي الا حلالك

[العنبري]

شهادتي في حلالك مجروحه يابوعمر
ودخن عزبتك بالسويده من الحسد عن الشكه ههههههههههه
والله يبارك لك في حلالك ومالك
أخوك الصغير

هههههههههههه اهلا وسهلا يا ابا مووحسن واذا شهادتك مجروحه حط عليها ايدين ولزقه وبخصوص السويده اخاف ادخن العزبه بها اشرد ربعي الينانوه اللي يسهرون معاي اذا ضربت الليت في الليل بروحي وعلى فكره هالاسبوع متواعدين عند حمزه ومن الحين اقولك فض عمرك وبطنك

[العنبري]

شهاتى فى حلالك مجروحه وتدرى ليش مجروحه ....... بس ماقول لا الله يبارك فى الحلال وفى راعيهم ويعطيه ربى على قد نيتك

والصخول طيبه وانا شفتهم وقتلك قبل لتقولى انك مخليهم وبعدهم بتغيرون للحسن

تحياتى لك اخوك الصغير بوعبدالله

تحت امرك يابوعبدالله وماعندي الا حلالك يا ويه الخير كله علي

[بو وجاع]

مشاءالله تبارك الرحمان
حلال امسكت
ونت راعي الزين
وماعندي كلام ثاني لائنك مميز
وتقبل تحياتي

[بوناصر]

الله يبارك لك فيه وفي انتاجه . اخوك بوناصر

[العنبري]

بو ناصر فديت خشمك تسلم على هالطله الحلوه بس انت بالذات كنت ابيك تقول انتقاداتك بالضبط في مواضيعي وحلالي ولا بالربع قصور ان شالله وابي الصك والحك يصير بيني وبينك هني وانتناقش وكل واحد يقول رايه لانك واحد راعي باع طويل في الحلال واقدم مني في الشغله واعرف خبرتك في هالمجال مالها حدود وابي استفيد منك حتى لو اختلف راينا وانا اتقبل كل انتقاداتك وصدقني باستفيد منها حتى لو كانت عكس اللي خاطري اسمعه واهم شي تبتعد معاي عن المجاملات عشان اتعلم منك

[الـ@ـاجري]

ماشالله تبارك الرحمن
والله يبارك لك يا العنبري في ها الفحل وانتاجه
ويبارك لك في جميع الحلال

وشاكر لك تلبيت الطلب بهذي السرعه والله لا يهينك

ماشالله الفحل وافي من جميع الصفات

وهذي وجهة نظري فيه

1/ الجباره في الفحل يعني جبر ماشالله عليه
2/ الجنب العريض
3/ الشعره الطيبه والسواد الداكن وخاصه ان محلك محل رطوبه
4/الفرسن العريض
5/الارتفاع وماشالله ارتفاعه طيب جدآ
6/المده وماشالله تبارك الرحمن عليه مده طيبه من الراس حتى الذيل
7/الخده والراس الكبير والاقطم
8/الاذن الربشه والطويله
9/ المقفى الطيب للفحل

وهذي وجهة نظري في الفحل عسى الله يبارك لك فيه

بنته طيبه ماشالله تبارك الرحمن
ولكن من وجهة نظري انها ماخذت من ابوها الا الازن والراس

الصخال فيهم من ابوهم الكثير ماشالله عليهم خاصه الاول وانا من وجهة نظري ماتحكم عليهم الا بعد مايكمل 5 شهور

وفي الختام شاكر لك تلبية الطلب والله يبارك لك في ها الحلال المميز الي ماتشبع العين من شوفته

[ابوجديع]

(( ااالعنبري ))

ولد الكايد وبس وتوكل علي الله ودربك خضر ..

أأأبوجديع

[العنبري]

ماشالله تبارك الرحمن
والله يبارك لك يا العنبري في ها الفحل وانتاجه
ويبارك لك في جميع الحلال

وشاكر لك تلبيت الطلب بهذي السرعه والله لا يهينك

ماشالله الفحل وافي من جميع الصفات

وهذي وجهة نظري فيه

1/ الجباره في الفحل يعني جبر ماشالله عليه
2/ الجنب العريض
3/ الشعره الطيبه والسواد الداكن وخاصه ان محلك محل رطوبه
4/الفرسن العريض
5/الارتفاع وماشالله ارتفاعه طيب جدآ
6/المده وماشالله تبارك الرحمن عليه مده طيبه من الراس حتى الذيل
7/الخده والراس الكبير والاقطم
8/الاذن الربشه والطويله
9/ المقفى الطيب للفحل

وهذي وجهة نظري في الفحل عسى الله يبارك لك فيه

بنته طيبه ماشالله تبارك الرحمن
ولكن من وجهة نظري انها ماخذت من ابوها الا الازن والراس

الصخال فيهم من ابوهم الكثير ماشالله عليهم خاصه الاول وانا من وجهة نظري ماتحكم عليهم الا بعد مايكمل 5 شهور

وفي الختام شاكر لك تلبية الطلب والله يبارك لك في ها الحلال المميز الي ماتشبع العين من شوفته

شاكر لك تحليلك اخوي الكبير وبيض الله ويهك كفيت ووفيت وبخصوص بنته فعلا في الصوره مبينه انها ماخذت شي منه في المد لانها متقرفضه في الصوره بس في الطبيعه غير وتراه تحت امرك واللي كان يلعب على السيكل بو ثلاث تواير اعرف شيبي من الفحول ومافي تعارض مصالح لاتخاف فديت خشمك

[العنبري]

(( ااالعنبري ))

ولد الكايد وبس وتوكل علي الله ودربك خضر ..

أأأبوجديع

ولا يهمك اخوي بو جديع ولا تحاتي بياخذ حقه ان شالله وزياده وبتشوف انتاجه اذا الله راد ولك واحد من عياله يوصلك الكويت

[بوناصر]

بو ناصر فديت خشمك تسلم على هالطله الحلوه بس انت بالذات كنت ابيك تقول انتقاداتك بالضبط في مواضيعي وحلالي ولا بالربع قصور ان شالله وابي الصك والحك يصير بيني وبينك هني وانتناقش وكل واحد يقول رايه لانك واحد راعي باع طويل في الحلال واقدم مني في الشغله واعرف خبرتك في هالمجال مالها حدود وابي استفيد منك حتى لو اختلف راينا وانا اتقبل كل انتقاداتك وصدقني باستفيد منها حتى لو كانت عكس اللي خاطري اسمعه واهم شي تبتعد معاي عن المجاملات عشان اتعلم منك

اخوي العنبري. الله لايجيب بينا الاختلاف حتا في وجهات النظر ان شالله .والاهم من الخبره الاستفاده منها وكل حسب طموحه والوصول الى القمه سهل لكن من الصعب المحافضه عليها من السهل انك تشتري حلال طيب او غالي الثمن وفيه المواصفات الكامله لكن صعب انك تحافض على مستواه للابد الا اذا ضل اهتمامك فيه بلا نهايه واقصد في هالكلام الفحول لانها هي اساس كل مراح وطبعا هذ شي ليس بالسهل لان مزايا الفحول كثيره واهمها ان تكون ميزه الفحل تكمله الناقص في شي معين من صفات المعزى والاهم من هذ كله ان يكون الفحل صافي وخالي من اي خلط يعني بطن وظهر ولو ترجع للعلم الحديث وعلم الجينات لوجدت ان الجينات الورائيه تتواجد للجيل الثامن والعشرين وهذ شي ليس بالسهل اكتشافه الا بالتحاليل او من ذوي الخبره العاليه الي يقدر يميز هالاشياء بالممارسه والخبره العميقه لان كل نوع او سلاله من الماعز لها صفات خاصه فيها واضرب لك مثال ولدت عنز عند واحد وجابت له صخله بزمه طبعا هو يقول حاله نادره وتحصل طبيعي ونا اقول العرق دساس وزعل مني لاني شككت بالخلط مع ان الام عارضيه كشكل والاب عارضي كشكل . وهذ يثبت ان كلامي صحيح ميه في الميه ومثال اخر واكيد هالشي حصل معاك تكون الام ربشه والاب اربش ويجي الصخل عطر لان في رس الام او الاب موجود العطار وهذ جين في اللون وهذ لايشكك في اصالتها لان الالوان دارجه في العوارض منها الربشه والعطره والغشوه والصفره ف يطلع لك لون من هالالوان الي اقصده ان فيه ناس كثيره ماتقدر تفرق في تقاطيع العارضيه وصفاتها ويركزون على اللون فقط وينسوون القرن والغزل والاذن والعين وحجم الراس وانسيابه لان كل ماذكرته يختلف من فصيله الى اخرى وذا كانت لك خبره في اشكال ومواصفات انواع المعزى الاخرى يسهل عليك اكتشافها في الانواع المشروكه خلاصه الكلام انا عن نفسي ماشوف فحولك كلها تصلح لمعزاك ولسبب واحد انها ماتطور فيها اي شي وليس هذ تشكيك في طيبها او اصالتها واخير فحل في فحولك هو ولد الكايد بس ماراح يضيف شي لحلالك لانه صفاته قريبه من حلالك وايد انت يبيلك تدخل في حلالك فحل اسود صافي عشان يغير لون شعرتها ولاتقول ان الرطوبه لها دور في تغيير لون الشعره لان الرطوبه تغير لون الشعره الناعمه ولا تغير لون الشعره الخشنه ولاحض في معزاك فيها الي لونها اسود صافي شوف فحل من نوع شعرتها وثاني شي يبيلك الاذاني تكون صافيه مثل اذن فحل عبد العزيز الي شفته وعليك بالغزل والباقي عليك تبيها خده ولا ربشه. اتمنى اني قدرت افيدك . اخوك نوماس

[القانون]

بوناصر شتقول ماشاءالله ( درر ـ لولو ـ دانات ـ حصبهاوياتات -----> مابغت تطلع )

[العنبري]

كفيت ووفيت يابو ناصر وماقصرت وبيض الله ويهك وصح كلامك ان الفحل لازم تكون فيه ميزه تكمل النقص ويمكن تستغرب لو قلت لك اني احب الرباش المقطع اكثر من المحدد واحب الشهب اكثر من السود وكل منهم فيه ميزه وبالضبط انا احب السود اللي فيهم شهاب وعشان جذي تلاحظ اني اخلط الشهب بالسود عشان اطلع هالصنف والحمدلله قدرت انتج منه وصدت عرض اذاني السود وبياض اذاني الشهب ولي الحين طموحي اكبر من اللي عندي والشغله يبي لها تعب وصبر ولا خلا ولا عدم من نصايحك وخبرتك

[العنبري]

بوناصر شتقول ماشاءالله ( درر ـ لولو ـ دانات ـ حصبهاوياتات -----> مابغت تطلع )

استانست يبه لقيت لك من يأيدك الراي ؟؟؟؟ والله يعيني الحين يبي لك سنه بتنفخ راسي كل ماتعاييت وياك بتقول لي شفت شقال بو ناصر

[عشق الشمال]

ماشاء الله تبارك الله

زين على زين

الله يبارك لك في الفحل وفي انتاجه
وفي حلالك كله
يالجار القاطع
هههههههههههههههه

[العنبري]

ماشاء الله تبارك الله

زين على زين

الله يبارك لك في الفحل وفي انتاجه
وفي حلالك كله
يالجار القاطع
هههههههههههههههه

<<<< قاعد يسمع اغنية عبدالكريم ردوا الزياره

[احمد الجاسم]

ماشاء الله تبارك الله فحل طيب وانتاجه طيب مثله

لكن الصخل الاخير طالبته السكين

والله يبارك لك ويعطيك من خيره

[العنبري]

ماشاء الله تبارك الله فحل طيب وانتاجه طيب مثله

لكن الصخل الاخير طالبته السكين

والله يبارك لك ويعطيك من خيره

جزاك الله خير اخوي احمد وماعندي الا حلالك والناس دوم تقول ماشي يحرم على البيع وانا اقول لا والله ماشي يحرم على السكين عندي وحمزه دوم حاضر ومستعد لي بس الربع فروا راسي وقالوا لاتستعيل وانطر عليه والحمدلله الله مكثر الفحول عندي واخوانه قبله نفس مستواه لحقتهم السكين السنين اللي راحت وربي يبارك لك في حلالك ومالك

[واحـــ من الناس ـــد]

الله يبارك شى طيب وانتاج اطيب

[خالد بومحمد]

الله يباركلك فيه يااخوي العنبري
وما شاء الله عليه وعلى إنتاجه
بومحمد

[العنبري]

الله يبارك شى طيب وانتاج اطيب

تسلم يا واحد من الناس على المرور اللي عطر صفحتي وماعندي الا حلالك

[العنبري]

الله يباركلك فيه يااخوي العنبري
وما شاء الله عليه وعلى إنتاجه
بومحمد

هلا والله وغلا اخوي بو محمد واسعدني مرورك وربي يبارك لك في حلالك ومالك

[عشق الشمال]

<<<< قاعد يسمع اغنية عبدالكريم ردوا الزياره


هههههههههههههههههه

حاضرين ولايهمك

بامر عليك هالأسبوع بإذن الله

بس متى بالضبط تكون في العزبه
بالساعة بالدقيقة بالثانية
تدري الوقت من ذهب
ومن بيكون معاك
إجراءات أمنية

ههههههههههههههههههه
إن شاء الله أمر عليك هالأسبوع بس عطني الوقت اللي تكون فيه موجود وأبشر نرد الزياره .

[العنبري]

هههههههههههههههههه

حاضرين ولايهمك

بامر عليك هالأسبوع بإذن الله

بس متى بالضبط تكون في العزبه
بالساعة بالدقيقة بالثانية
تدري الوقت من ذهب
ومن بيكون معاك
إجراءات أمنية

ههههههههههههههههههه
إن شاء الله أمر عليك هالأسبوع بس عطني الوقت اللي تكون فيه موجود وأبشر نرد الزياره .

انا بانتظارك تقابلني وتسمع قصتي حتى النهايه
والاحداثيات مع الوقت بتييك ان شالله بمسج مشفر

[عشق الشمال]

اقول

إذا المسألة فيها قصص وأحزان وشكاوي وهموم

ماني بجاي
بروحي شارد من الدوحه من هم الشغل والبنيان والزحمه والغلا وإرتفاع الأسعار وونزول البورصه ووووووالخ
وتقولي قصتك حتى النهاية
لأ يبه
ههههههههههههههههههههههههههههههه

[المارونـــي]

ماشاء الله تبارك الرحمن
انتاج طيب الله يطرح لك فيه البركه ان شاء الله
اللهم صلي على محمد
واهم شي اللي لي الله الله فيه بالحليب واترك الباقي
هههههههههههههههههههههه
الله يبارك لك يالعنبري
وشهادتي فيك مجروحه

[العنبري]

ماشاء الله تبارك الرحمن
انتاج طيب الله يطرح لك فيه البركه ان شاء الله
اللهم صلي على محمد
واهم شي اللي لي الله الله فيه بالحليب واترك الباقي
هههههههههههههههههههههه
الله يبارك لك يالعنبري
وشهادتي فيك مجروحه

لاتحاتي اللي لك موجود ومعتني فيه دلييييييل بو قنم بيدا
وبخصوص الشهاده اللي اعرفه ان ماعندك حتى ابتدائيه وطلعت من صف الخامس عشان ماتعور راسك بالعنجريزي
وبخصوص الشهاده المجروحه في هالحاله يمدحون اللزقه والايدين
وشاكر لك طلتك الحلوووه وربي يبارك لك بحلالك ومالك ويخللي لك طبجتك

[عاهد بن علي]

اللهم بارك لهم في حلالهم وفي ذريتهم

وارزقهم الرزق الحلال

اللهم آمين

**********

[المارونـــي]

وش قصدك بالشهاده
الظاهر عينك عادها متنفخه

[العنبري]

اللهم بارك لهم في حلالهم وفي ذريتهم

وارزقهم الرزق الحلال

اللهم آمين

**********

ربي يبارك لك في حلالك ومالك اخوي عاهد ولا يحرمنا من شوفتك

[العنبري]

وش قصدك بالشهاده
الظاهر عينك عادها متنفخه

هههههههههه الماروني يسلم عليك اللي يقول قنم بيدا واستغربت انهم كلهم يذكرونك لي الحين يعني الحين انت وام خماس عندهم من الشخصيات اللي في الذكريات وماينسونهم

[المارونـــي]

هههههههههه الماروني يسلم عليك اللي يقول قنم بيدا واستغربت انهم كلهم يذكرونك لي الحين يعني الحين انت وام خماس عندهم من الشخصيات اللي في الذكريات وماينسونهم


حبيبي انا واعوذ بالله من كلمة اانا
ابو الونات
هههههههههههه
وحد يقدر ينسى دليل
هذا راعي القنم البيده

[العنبري]

تحت امرك وحاضرين لك يالماروني

[راعي البادية]

ماشاء الله تبارك الرحمن
الله يبارك لك بحلالك اخوي

[العنبري]

ماشاء الله تبارك الرحمن
الله يبارك لك بحلالك اخوي

شاكر لك مرورك اخوي راعي الباديه وماعندي الا حلالك

[أبو عيسى]

العنبري الغالي
اللة يطرح البركة في الحلال الطيب ويحفضة من العين

[العنبري]

العنبري الغالي
اللة يطرح البركة في الحلال الطيب ويحفضة من العين

اخوي بو عيسى يعز غاليك ومغليك وشاكر لك هالمرور الطيب والدعوه المبروكه وربي يبارك لك بحلالك ومالك

[المارونـــي]

ماشاء الله تبارك الرحمن
الله يبارك لك بحلالك ان شاء الله
تقبل مروري اخوي

[ابوساره]

ماشاء الله تبارك الله
الله يبارك لك فيه وتستاهل
والانتاج طيب واي سكين الله يهديك اقول اصبر وانشاء الله بيطلع قمه

[العنبري]

ماشاء الله تبارك الرحمن
الله يبارك لك بحلالك ان شاء الله
تقبل مروري اخوي

شاكر لك مرورك ومتقبله اخوي الماروني وماعندي الا حلالك وربي يرجعك بالسلامه

[العنبري]

ماشاء الله تبارك الله
الله يبارك لك فيه وتستاهل
والانتاج طيب واي سكين الله يهديك اقول اصبر وانشاء الله بيطلع قمه

تستاهل خير اخوي بو ساره والطيب هو تعقيبك ورايك شهاده اعتز فيها وابشرك ان الصخل موجود والحمدلله كل يوم يزين عن اليوم اللي قبله وربي يبارك لك في كل ماتملك