سؤال ياأهل الخبرة أفيدوني جزاكم الله خير

[أبو هلال]

بسم الله الحمن الرحيم
السلام عليكم ورحمة الله وبركاتة وبعد
إخواني الاعضاء أفيدوني جزاكم الله خيرعندي سؤال مخصوص لأهل الصنف والخبرة والمعرفة
وأرجوا أن تجاوبوني عاجل عليه
إخواني وجدت فحل عارضي خصم الخصم والسن طيب والشعرة طيبة والعين صفراء وكل المواصفات الجمالية فيه إلا نه فيه زوايد هل الزوايد عيب وهل أشتريه أم لا رغم أنه في منهى الجمال والروعة..
أفيدوني بأسرع وقت وجزاكم الله خير

[دخان]

بكل صراحة اجاوبك

في الفترة الحالية الاغلب لا يفضل الزوايد

وكان في السابق الناس تبحث عن الزوايد

والباقي عليك انت يا اخي انت ورغبتك

اذا انت لاترغب او لاتفضل فلا تاخذه
ومهب شرط ان كل انتاجه بيطلع به زوايد



وتحياتي لك

[أبو هلال]

أخي العزيز جزاك الله خير لكن أقصد الان لو إشتريته وبعدين فكرت إني أبيعه هل هومرغوب هل ينباع في المنتديات ويشترونه أهل الصنف أفيدني جزاك الله خير

[الشرقاوي]

الاخ العزيز / ابوهلال
السلام عليكم

هذا شي راجعلك اذا انت عاجبك الفحل وتشوفه انه يستاهل اعتقد ان الزوايد ماهي عيب اذا انت تفكر في البيع اقلب الناس ما يرغب ابو الزوايد على العلم ان الزين يفرض نفسه سو كان فيه زوايد او بدون
انا حضرت مزاد في الاحساء بيعت ثلاث جفارفيه زوايد بمبلغ تقريبا 28000 الف وهي احسن ما نزل في المزاد في هذاك اليوم


تحياتي لك

[راعي كحيله]

لا تشتريه اخوي لان لو حبيت تبيعه عقب ماراح ينباع بسهوله

[ابوجديع]

(( ابوهلال ))

وعليكم السلام ..

قبل لاتشتريه شوف خواته إذا خواته خصم وشيئ طيب إخذه وتوكل على الله لأن راح ينتج إنتاج طيب وإذا بغيت تبيعه راح يشوفون إنتاجه والمهم الإنتاج ...

والزوايد موعذروب رئيسي ..

أأأخوك أأأبوجديــــــــــــع

[ابو ماجد]

اخوي العزيز ابوهلال
أشتر وانت الربحان ماعليك من كثر الكلام الي يقول ان الزوايد عيب في العوارض وهده في معزاك ورايح تحصل خير منه اذا انتاجه طيب
ورايح انشاالله تبيع انتاجه بمبالغ طيبه تعوض المبلغ الي شريته فيه ويمكن يطلع بعد كذا بلاش اما مسئله انه محد شاريه وهو في زوايد لاتخاف
رايح يشرونه اذا شافوا انتاجه توكل على الله واشتر بس لابد ان معه معزا طيبه تساعده في الانتاج
وحبذا تكون مافيها زوايد والله يطرح فيه البركه

[وحيد الدار]

اشتر ومنت الرابح ولي يعارض يبين ليش الناس ميرقبونها

[ابوالريش]

اخي العزيز اكل واشرب على ذوقك بس لا تلبس الا على ذوق الناس
يعني الاغـــــــــــــــــــلب لا يرغبون زوايد ولو انها خصم بتكون اقل بلمقارن لوها بدون زوايد بتكون اغلى الزوايد عذروب ولو انها ماهي عذروب خلهم الي يقولون لك اشتر ايجيبون فحل واحد من المعروفه على الساحه فيه زوايد مع الشكر

[ابو مرزوق]

أهم شي انتاجه شفته ولا تشتري وبس