الي عنده حل ..حق مشكلتي

[عبدالله المنصوري]

السلام عليكم .. شحالكم يالربع عساكم مرتاحين ..

ياشباب تكفون الي عنده حلو لايبخل علي .. عندي مشكله في جمده وحده وهالجمده حلووووه بالمره ربشه واذاني لكن فيها عذروب واحد وووابي حل حق هالعذروب.

ام هالجمده ماتت بعد ماولدت بيوم قمت اعتني بهالجمده والجمده ماتشرب حليب حاولت اشربها مافيه فايده شربتها نيدو تشرب اشوي يعني عانيت ويها حوالي الشهرين لين ماكلت لكن مب سمين كانت ضعيفه بعد الشهرين من التعب لاحظت على خواتها انهم ارفع منها والحين عمرها 9 شهور لكن مب مرتفعه كنها صخله ام شهرين بس الحين بان شقها اشوي مع العلم ان ابوها وامها ارتفاعهم 100 %

شاسوي يالربع عشان اخليها تلحق خواتها..

[العنبري]

ماعليك انطر عليها لين يكمل عمرها وايي حل القريع حتى لو ماشبت بيكون فيها الساس والرس الطيب يعني فك فيها الفحل وشوف انتاجها اذا هي طيبه مثل ماقلت حتى لو تمت قطوه ومارتفعت وتذكر كلام اخوك الصغير العنبري وهالشي ترى من تجربه سابقه والله يبارك لك في حلالك ومالك

[عبدالله المنصوري]

تسلم فديت خشمك اخوي .. انا ماعندي اي مشكله بنطر عليها لين الحول الجاي بيكون سنها حول السنه 9 شهور وعقب باافك فيها

[العنبري]

اي انطر عليها وماعليك من جرمها لان ساسها طيب وبتسحب لك هالساس وعادي الدابشه اتدعول احيانا وهي صغيره وعقب تشب مره وحده وحتى لو ماشبت اتم فيها الجينات الوراثيه وان شالله انها بتبارك عندك وبتذكر كلام اخوك الصغير العنبري

[بوعبدالله]

امش على شور الدكتور شيبتنا عمنا خالنا جدنا العنبرى .......... خبرهااا 30 سنه تحفه من حزووم الشمال هههه

[ViP]

بو خرباش طرش لي رقمك على الخاص