البيئه _ عضو جديد

[بن مشرف]

السلام عليكم
شحالكم يالربع عساكم بخير

والله يا جماعه الخير انا جديد في هالمنتدى الرائع


واتمنى اني افيدكم واستفيد منكم


وبالنسبه حق الموضوع الي ابي اعرضه عليكم

هو البيئه

شرايكم فيهم
هل تشوفون الي يسوون من محميات وقوانين عدله او لا

بالنسبه لي اشوف انهم مبالغين شوي

لان احلى المناطق صكروها ( سميسمه والوسيل وغيرها من الناطق )

وما تلاحضون ان البيئه عندنا مطلعين صيتهم على المواطنين بس

ليش ما تكلموا يوم صار مصنع راس لفان و المشاريع الي في البحر آبار نفط
ولؤلؤه الخليج وغيرها

هل في شروط على هالشركات بخصوص البيئه

انا معاهم في موضوع النتور وموضوع موسم حق الارانب وحق المقناص
بس يا جماعه ناس وايد انضلموا يوم شلو العزب
ومجمع العزب ما ينفع زحمه وحراميه ووصاخه الله يعزكم

اتكمنى اني ما اكون ثقيل عليكم
لاكن هذي وجهه نظر وابي رايكم في هالموضوع


اخوكم محمد الكواري

[الماستر]

السلام عليكم
شحالكم يالربع عساكم بخير

والله يا جماعه الخير انا جديد في هالمنتدى الرائع


واتمنى اني افيدكم واستفيد منكم



وعليكم السلام ورحمة الله وبركاته

حياك الله اخوي بن مشرف بين اخوانك وربعك

وان شاء الله تفيد وتستفيد

ويسعدني ان اكون اول من ايرد على اول موضوع لك في هذا المنتدى المتواضع


هل تشوفون الي يسوون من محميات وقوانين عدله او لا



طبعاً ما في شي يستوي من غير دراسة ، وصاحب الشان ادرى في هذه الامور
وهم لهم نظره ثانية تختلف عنا




وما تلاحضون ان البيئه عندنا مطلعين صيتهم على المواطنين بس

ليش ما تكلموا يوم صار مصنع راس لفان و المشاريع الي في البحر آبار نفط
ولؤلؤه الخليج وغيرها

هل في شروط على هالشركات بخصوص البيئه




اول شي اعتقد ان المشاريع الي في البحر ، انشئت قبل تشكيل البيئة

اما بخصوص انه في شروط بخصوص الشركات ، حسب علمي ان قانون وشروط البيئة تسري على الشركات ، وفي شركات ومؤسسات ، تطبقت عليها الشروط




انا معاهم في موضوع النتور وموضوع موسم حق الارانب وحق المقناص




حتى في هذا الموضوع صحيح انه وضع قانون حق هذا الشي ، بس في بعض الناس الله يهديهم ، وخاصة اهل صيد الارانب اذا جائت فترة السماح بالصيد ، يحشر الارنب حشار بدل الوحده والثنتين قاموا يصدون 10 و 15




بس يا جماعه ناس وايد انضلموا يوم شلو العزب
ومجمع العزب ما ينفع زحمه وحراميه ووصاخه الله يعزكم




المشكلة في ناس تخرب على ناس ، لو تمشي على القوانين والشروط ، لما اضطروا الي اصدار قرارات وسحب عزب
حتى في مجمع العزب في ناس تستغل الاعزب في غير غرضها ، في الي يحولها الي كراج وفي من الي يحولها لسكن عمال ، ومنهم من يحولها الي ورشة حدادة ، ومنهم من إجر العزبة .







اتكمنى اني ما اكون ثقيل عليكم
لاكن هذي وجهه نظر وابي رايكم في هالموضوع


اخوكم محمد الكواري


بالعكس موضوعك موضوع جميل تشكر عليه
الله يعطيك العافيه

[بوعبدالله]

تعليق مفصل من اخونا الماستر يشكر عليه ...

والله اخوى انا عفت المقناص والسبه انهم صكرو الوسيل

وايد انا زعلان على الوسيل ولا باقى القوانين اوكى

تبى صج انا اخاف انهم يسون البر كله محميه اهنيه بافتح دكان خضره وباسمع الراديووو


اخوى محمد اسمحلى بس لانا موضوعك شيق نسيت ارحب فيك

نورة المنتدى والله ويمرحبا فيك بين اخوانك وربعك

[ابوجديع]

(( بن مشرف ))

نرحب فيك كاضيف جديد يامرحبا فيك بين أخوانك وربعك ..

لاتعليق علي الموضوع أنا من الكويت ..

والموجودين فيهم البركه ..

أأأأبوجديع

[القانون]

بن مشرف يامرحبابك بين ربعك واخوانك والله يحيك وإنشاءالله انك تفيد وتستفيد ونترقب مواضيعك ومشاركاتك

[بن مشرف]

مشكورين جميعا على ردوكم


ما قصرتوا جميعا

وخصوصا الماستر

الله لا يهينكم يالربع
احترمكم واحترم وجهات نضركم

[معاند]

انا ردي يمكن يكون متأخر شوي
بس للظروف احكام

ماراح اطول باالكتابه وبقول اللي عندي بأختصار::

((باالنسبه لقوانين البيئه وضعت بدراسه علميه كخطط ولكن التنفيذ بدون دراسه نهائيا))

ويامرحبا فيك بين اخوانك

ونتشرف بأنظمام قلم مثل قلمك بيننا

ودمت بخير