مابي العناق تموت علي تكفول الحل

[عاشقة الجمس]

السلام عليكم
أخواني الغالين
أنا عندي معزا منوعه وأغلبها عارضيات اللهم لك الحمد
وأغلبهم كان دفيع وقبل أسبوعين ولدن ولاحد يقول وين التمايم مابه خلصت هههههههههههههههههه
المهم فيه بعضهن أشوفه يكح لأن فيه عندنا بدايت برد مع أني مدفيتهن يعني موقيتهن من البرد والمطر
وعندي عناق توها مولوده بس أشوفها اليوم هزيله يالله تتحرك ولا ترضع الا قليل بعد ماقربها من أمها
وخايفه عليها تموت لأني حيل أحب البهم وأخاف عليهم نصحوني بعلاج اللي هو أقمنتين اللي يعطى الأطفال
بس ماشوفها تحسنت لا زالت هزيلة الجسد
أبي تنصحوني وش أعطيها وبعدين وش علاج الكحه لهن
ياليت تفيدوني لاعدمتكم يالغالين
أنتظر ردكم تكفون قبل تموت العناق علي
لكم تحــــيتي

[راعي كحيله]

لا عاد تقولين تكفون
هذي كبيره بقاموسي

الحل ان شاءالله سهل اذا بها ضعف ولا تتحرك ممكن يكون جفاف بسبب عدم الرضاعه لذالك اذا به دكتور قريب منك قولي له يركب عليها سيلان واذا تبين تتأكيد ان فيها نقص بالسوائل استخدمي الترمومتر واذا حرارتها نازله يعني فعلا نقص سوائل

وان شاءالله الدكتور الجزائري طبيب المنتدى راح ينفعك اكثر
اتمنى لك التوفيق

[عاشقة الجمس]

لا عاد تقولين تكفون
هذي كبيره بقاموسي

الحل ان شاءالله سهل اذا بها ضعف ولا تتحرك ممكن يكون جفاف بسبب عدم الرضاعه لذالك اذا به دكتور قريب منك قولي له يركب عليها سيلان واذا تبين تتأكيد ان فيها نقص بالسوائل استخدمي الترمومتر واذا حرارتها نازله يعني فعلا نقص سوائل

وان شاءالله الدكتور الجزائري طبيب المنتدى راح ينفعك اكثر
اتمنى لك التوفيق


ياهلا فيك وغلا حياك الله أخوي الغالي
جزاك الله الف خير والله يعطيك الف عافيه
لا خلا ولا عدم
بس وين ألاقي هالدكتور الجزائري فيه موجود هو في المنتدى الله يجزاك خير
يعني أرسله على الخاص
تكفا رد علي لا عدمتك يالغالي
والف شكرلك ولمرورك الطيب
تحـــــيتي

[ابو مرزوق]

ان ماتت ابشري بلعوض

[عاشقة الجمس]

ان ماتت ابشري بلعوض


العوض براسك نفداك ماقصرت
بس أنت تعرف الحلال عديل الروح الواحد ماوده لابعناق ولارخله ولا تويس يروح من حلاله
الله المستعان والله يعطيك العافيه يالغالي
الف شكرلك ولمرورك الطيب
تحـــيتي

[ابووائل]

اختي ما يفيدك الا دكتور بيطري ممتاز