مطلوب معزا عوارض وغنم نعيم شويهات معرفه في قطر

[بوعبدالهادي]

السلام عليكم ورحمة الله وبركاته

طلب لأخواني الغاليين....وأخص بالذكر أهل الصنف المعرف
أرجو ممن لديه معزا عوارض وفحل وغنم نعيم وتكون معرفه وصنف وناوي يبيع بسعر معقول (بعيد عن الخياليه) وتكون في قطرنا العزيزه لصعوبة دخولها من الخارج يتصل فيني في أقرب وقت..

أكرر....(بعيد عن الخياليه في الأسعار أرجوكم)..

أخوكم: بوعبدالهادي
تلفون: 5765666

[ابوناصر القطري]

بالتوفيق انشاء الله

وتلقى طلبك والسعر المناسب والربع انشاء الله ماراح يقصرون

[محمد بن سعد]

موفق خير يالنشمي :)

[بوعبدالهادي]

"]أبوناصر وبوسعد تسلمون عالرد....وفي انتظار الردود من باقي المربين

ملاحظه: الظاهر أن الموضوع ما جاز لبعض المربين وقالوا هذا يبي يشتري تعبنا بأبخص الأسعار وكلن طبعا حر بحلاله...

ولكن أرجع وأصر على البعد عن الخياليه في الأسعار ولا نترك الحلال ونشوف لنا لنج وأثنين هنود وندخل في مجال البحر (بصراحة رحت فرضة الصيادين يوم الخميس الي طاف وشفت العجب ...الهندي يبيع سمك بالالاف وأحنا قاعدين بين عارضيه وجرم وأذن وقطام)..

طبعا موضوعي هذا بصراحه من الأساس المقصود منه جس نبض بعض المربين أصحاب الكلمات الرنانه وأنهم يشجعون الشباب المبتدئين وراح يبيعون لهم من حلالهم بأبخص الأسعار بس علشان يشجعون الأتحاد القومي أوه أقصد علشان يشجعون الشباب المبتدئين على رياضة الأباء والأجداد .....حلوه رياضه

عموما أرجوا عدم الزعل والبعد عن التشنجات ألي ما راح تضر من هم وراء الشاشات ألا أنهم بيجيبون لراعيهم أرتفاع في السكر والضغط ويا كثر انتشارها هالأيام اللهم يا كافي....

أستنتاج مهم: لا تحاول تدخل في الشيمة في مصدر رزقك أذا كنت تترزق من ورا التربيه لأنك راح تحرج نفسك أما أذا كنت هاوي وربي منعم عليك فلك حرية أعطاء الوعود..

أخوكم : بوعبدالهادي[/center]

[الـ@ـاجري]

السلام عليكم

ابوعبدالهادي ترى ياخوي من الصعب تحصل الطيب والصنف بسعر معقول ها الايام
وخاصه في قطر لان الحلال قليل والكل متمسك في حلاله الا اذا اغريته بسعر
لو نشوف السعوديه الي الحلال فيها بالملايين اسعار الطيب والصنف فيها خيالي
كيف قطر الي الحلال فيها عند اشخاص معيين

لكن من الممكن تشتري على قد قدرتك وتفك لك فحل طيب وتصبر على الحلال وان اشالله تشوف الطيب عندك
ترى السوق الحين طاير والطيب مايوقع فيه

اما كلامك الي تقول فيه وين الي يشجعون الشباب اسمح لي اخوي العزيز

انا يوم بعت حلالي الاخير اعلانه عنه هنا في البدايه صدقني الاخوان الي جاوني العزبه
قامو يكسرون ظهري يفكرون اني منحد على بيعه بعد فتره جاوني الاخوان الشريطيه وعطوني فيه سعر طيب
بنسبه لي ولكن لم ابيعه وبعد فتره اتصل فيني كم عضو وجاني العزبه قلت لهم الحلال مسيوم من الشريطيه بهذا السعر
ردهم لي زين ممكن ننقي من الحلال بنفس سعر الشريطيه هل يعقل ان ابيعهم بهذا السعر

وعلى فكره بعت الحلال على الشريطيه بعد بيومين راحو وشروه من عندهم بضعف السعر

هذا هو الفرق اخوي العزيز في تحفظ الاخوان على البيع

ان شالله فكرتي وصلتك وان شالله اشوفك من اهل الحلال الطيب

[بوعبدالهادي]

أخي العزيز الهاجري..
الله يعلم أن كلامك عجبني ولمست من كلامك أنك عتبان على أصحابك في المنتدى الي جوك العزبه يشترون بأقل من سعر الشريطيه ومعاك الحق 1000000 بالميه... وهذا ياخوي مربط الفرس .....بسألك طال عمرك سؤال....هل الأخوان الي ساموا منك الحلال بسعر قليل جدا هم من المبتدئين في تربية الحلال؟؟؟ما أعتقد أخي الفاضل...الي أنا اجزم عليه طال عمرك هو أن الي أعرضوا عليك السعر هذا مثل ما قلت أنت هم ناس يعتقدون أنك محتد على البيع ويبغون يستغلونك وهم أدرى الناس أن حلالك يسوى أكثر من سوماتهم الي مب طيبه ولا من وجيه طيبه..

أنا أخي الفاضل لما قلت سعر معقول لم أقصد أن يبيعون لي العنز العارضيه الطيبه ب600 ريال ولكن قصدت أن لا يتعدى سعرها المعقول... وحدود المعقول طال عمرك معروف ومثلك لا يعرف يالهاجري..ولكن أن تقول لي أن العنز الفلانيه بنت فلان بنت فلانه منسامه ب20000 ألف فأسمحلي طال عمرك هذا الكلام لا كان عند جدي وجدك ألي أعرفوا الحلال وقنوا الزين قبل لا نوعا أحنا على الدنيا...ولكن ما تدري يمكن يبون يواكبون ألأرتفاع في أسعار الحديد

كلامك يالهاجري جاء مصدقا لكلامي لو عرفت أن من حاولوا يشترون منك هم ناس ذو خبره في الحلال وأسعاره ولكن صدقني المبتدىء لا أعتقد أنه سوف يتجرأ ويسوم حلالك برخيص ويرجع يشتريه من الشريطيه...

عموما أنت أخي الفاضل لست ممن يوعدون فيخلفون...كلامي طال عمرك موجه لبعض الناس الي ردوا على مواضيع بعض الشباب في المنتدى على أنهم ما راح يقصرون معاهم في الأسعار فقط لتشجيع الشباب المبتدىء.....ياخي يدخل مخك هالكلام؟؟؟؟

أنا طال عمرك كنت متابع لهذا المنتدى من فتره وقريت كثير من النقاشات الحاده الي تلخصت في النهايه على أن بعض المربين الأفاضل من ذوي الخبره سوف يتكرمون ببيع جزء من حلالهم للشباب المبتدئين بأسعار التنزيلات وما شفنا شي الصراحه...

ما أطيل عليك ولكن عندي طلب بسيط للأداره وهو نقل الموضوع لساحة النقاش لكي نتناقش مع أصحاب الوعود الرنانه وأوعدك أنهم راح يبينون...:d

أخوك بوعبدالهادي

[سعود]

ياعيني عليك يابوعبدالهادي كلامك عجيييييييب .......

تحياااتي لك ....

[بوعبدالهادي]

تحياتي لك ياسعود وأبيك تعرف أني من المتابعين لمواضيعك وعرفت أنك من المبتدئين بهذا المجال وتبي تدخل في هالمجال الصعب (ربي يوفقك ودربك خضر) وصعوبته مب بالمجال نفسه لأن مميزات الصنف ممكن تاخذ فيها كورس تعليمي مبسط (يومين) عند أخونا ألعنبري الله يحفظه الي أكن له كل الأحترام والتقدير من غير ما أعرفه ولا يهونون الباقيين ولكن صعوبة المجال هذي هو في الناس الي سبقونا أو بصورة أوضح الناس الي من جيلنا ويبون يسوون علم الصنف دكتوراه فخريه لا يأخذها الا من باع بغالي أو من شرا بغالي أومن شرا من رس معين وفي النهايه تلاقيهم يقنون شي من هذا الرس وأفهم يا فهيم.....

للحديث بقيه عقب الدوام.....

[راعي كحيله]

السلام عليكم ورحمة الله وبركاته
انا طال عمرك اتصلت بك بس انت ما رديت على مكالمتي
كنت بانصحك بنصيحه نصحني بها رجل من مربي العوارض في قطر سابقآ والنصيحه هذي تسوى لها ملايين
وبعدها انت على كيفك بتاخذ طراد او بتاخذ تريله الامر راجع لك طال عمرك

[بوعبدالهادي]

أرحب يا راعي كحيله.. بيننا تلفون يالغالي بأذن الله عقب الدوام ..... وأن كان عالنصيحه أرجو منك تقولها في المنتدى لتعم الفائده والكل يستفيد....

مافي طيران هالأسبوع؟؟؟ :d

[راعي كحيله]

أرحب يا راعي كحيله.. بيننا تلفون يالغالي بأذن الله عقب الدوام ..... وأن كان عالنصيحه أرجو منك تقولها في المنتدى لتعم الفائده والكل يستفيد....

مافي طيران هالأسبوع؟؟؟ :d

عشت يا بوعبدالهادي
وانا بانتظار اتصالك
انا بانقل لك نصيحة الرجل وانت كيفك تبي تكتبها بالمنتدى او لا لان الصراحه مافيني شدة المعاياه
بوعبدالهادي مادري ليش احس اني اعرفك !!؟؟

[بوعبدالهادي]

يمكن التقارب في الأعمار والتفكير هو سبب الأحساس

بالنسبة للطراد أخوك بحري قديم بس مسوي تمويه :)

[سعود]

السلام عليكم ورحمة الله وبركاته
انا طال عمرك اتصلت بك بس انت ما رديت على مكالمتي
كنت بانصحك بنصيحه نصحني بها رجل من مربي العوارض في قطر سابقآ والنصيحه هذي تسوى لها ملايين
وبعدها انت على كيفك بتاخذ طراد او بتاخذ تريله الامر راجع لك طال عمرك
راعي كحيله اسمحلي على المداخله....ممكن تقولي هالنصيحه اللي تسوى ملايين تكفى وانا خوك لاتبخل علينا بالنصايح الطيبه....
تحيااتي لك...

[دخان]

"]أبوناصر وبوسعد تسلمون عالرد....وفي انتظار الردود من باقي المربين

ملاحظه: الظاهر أن الموضوع ما جاز لبعض المربين وقالوا هذا يبي يشتري تعبنا بأبخص الأسعار وكلن طبعا حر بحلاله...

ولكن أرجع وأصر على البعد عن الخياليه في الأسعار ولا نترك الحلال ونشوف لنا لنج وأثنين هنود وندخل في مجال البحر (بصراحة رحت فرضة الصيادين يوم الخميس الي طاف وشفت العجب ...الهندي يبيع سمك بالالاف وأحنا قاعدين بين عارضيه وجرم وأذن وقطام)..

طبعا موضوعي هذا بصراحه من الأساس المقصود منه جس نبض بعض المربين أصحاب الكلمات الرنانه وأنهم يشجعون الشباب المبتدئين وراح يبيعون لهم من حلالهم بأبخص الأسعار بس علشان يشجعون الأتحاد القومي أوه أقصد علشان يشجعون الشباب المبتدئين على رياضة الأباء والأجداد .....حلوه رياضه

عموما أرجوا عدم الزعل والبعد عن التشنجات ألي ما راح تضر من هم وراء الشاشات ألا أنهم بيجيبون لراعيهم أرتفاع في السكر والضغط ويا كثر انتشارها هالأيام اللهم يا كافي....

أستنتاج مهم: لا تحاول تدخل في الشيمة في مصدر رزقك أذا كنت تترزق من ورا التربيه لأنك راح تحرج نفسك أما أذا كنت هاوي وربي منعم عليك فلك حرية أعطاء الوعود..

أخوكم : بوعبدالهادي[/center]


اخوي بوعبدالهادي اتمنى لك التوفيق ........ واتمنى انك ما تفهمني غلط
بس انا ما سمعت عن المربيين الكبار اللي عندنا في قطر ان هم بيشجعون المبتدئين
وكلن عندة سلعته وكلن له سعره
وهم ما باعو بها الاسعار الا من عقب ما اتعبو على حلالهم وصار لهم اسم معروف في السوق
ونصيحة للمبتدئين اللي يبغون ايناطحون الكبار انهم ايقرقشون مخابيهم وينتظر كم سنه لين ينشهر
ولا كل واحد ياخذ اللي على قده
وسؤال للمبتدئين : ليش تبغي غنم طيبة او فاخرة او سمها ما شئت ؟ ليش ما تاخذغنم عادية سعرها متوسط ؟
الجواب اختياري : { هل تبغي شهرة وربح ــ هل تبغي لحم وحليب ــ هل تبغيها طربة }

والعذر والسموحة للجميع

[بوعبدالهادي]

السلام عليكم ورحمة الله وبركاته ومساك الله بالخير أخوي دخان

كلامك جميل واسألتك أجمل ويدل على أنك واحد من الكبار ويا عيني عالكبار الي ما يقدرون يناطحونهم الصغار أو المبتدئين .............أنا بارد على اسألتك سؤال سؤال وبعدين باعلق تعليق بسيط

أولا أنت تقول أنك ما سمعت عن حد من الكبار وعد أنه بيساعد المبتدئين وأنا اقولك أنك أخي العزيز يمكن ما تكون تابعت المنتدى في الفتره الأخيره أو أنشغلت يالغالي بالحلال الصنف والمعرف الفاخر وما قرأت بعض المواضيع الي صار فيها جدال كبير وفالأخير أستقروا الى أن المربين الكبار ممكن يبيعون بأسعار معقوله للمبتدئين تشجيعا لهم وبدون ما أذكر الموضوع أو أسماء المربين الكبار حاول ترجع لبعض المواضيع الي صار فيها جدال ونقاش حاد وبتتأكد من صحة كلامي....

وبالنسبه لنصيحتك للمبتدئين ياخي ما أدري أنت تقصدني أنا...؟؟ وأن كنت أنا فسامحني يا طويل العمر أنا ما أنتضر من حلال يشهرني...أما أذا كنت تقصد الشهره ألي تكسبني معرفة الناس فيني بأني لا أملك الا الحلال الفاخر وبعد ذالك يجون المبتدئين وياخذون مني حلال حتى لو كان تعبان بس علشان أسمي فهذي هي الفاجعه بعينها...ياخي الظاهر أنت فهمتني غلط أبسلوتلي (حلوه أبسلوتلي) ياخي من قالك اني أبغي الشهره من وراء الحلال؟؟؟ ما أعتقد أني ذكرت أني أبغي أصير مشهور مثل ماركوفانباستن أو توم كروز كل الي طلبته أنا توضيح من المربين الأجلاء هل يعقل أن يكون انسان يسترزق الله من وراء الحلال ويوعد ويخلف؟؟ وليش لازم يكون سعر الغنم خيالي وصاروخي علشان نقول عنها صنف وليش لازم يكون الغنم من رس معين مع أن الكل يشوفه طيب وفيه مواصفات ممتازه لكن لأنه مب معرف نعوفه وما نبيه؟؟؟ أسألتي كلها يا وجه الخير تصب في موضوع انا من وجهة نظري لم يتفق عليه المربين أصلا

وبالنسبه لسؤالك ليش تبغي يالمبتدىء اغنام فاخره ؟؟؟ أرجوك تستفسر في البدايه عن نية هذا المبتدىء هل هي للتربيه فقط وأمتلاك الطيب ولا البيع والشهره على قولتك وأنا بريحك من ألحين وأقولك أن أخوك بوعبدالهادي دام أنه غطى مصاريف عزبته وعياله يتونسون بالحلال فهو ما يطلب من الله غير حسن الخاتمه....وفي هذي الحاله أعتقد أنه من حقه يقتني الفاخر..الي هو يشوفه فاخر مب علشان أسم مربي أو أسم المراح الي جا منه الحلال :)

تدري يالغالي أيش الي عجبني في ردك كله..... أخر سؤال قلته وهو ألي اعتبره فعلا مشاركه:

الجواب اختياري : { هل تبغي شهرة وربح ــ هل تبغي لحم وحليب ــ هل تبغيه طربه

كانت نيتي أعلق تعليق نهائي لكن أكتفي بالي قلته وأنا يالغالي أكن لك وللجميع كل الأحترام ولكن يجب أن تعرف أنك في يوم من الأيام كنت مبتدىء ويمكن ما كنت تعرف العارضيه من الشاميه من السواكني :) لين تعلمت وصار لك أسم بين المربين وأصبحت تكاسر كبار المربين بخبرتك ومواضيعك القيمه في المنتدى وكلنا نتعلم...

خذ كلامي بسعة صدر....

أخوك المبتدىء ألي ما يحب الشهره : بوعبدالهادي

[العنبري]

اخوي بو عبدالهادي مساك او صبحك الله بالخير

الله فوق ويشهد اني ماشفت موضوعك هذي الا اليوم وانا طالع من الدوام يوم ياني اتصال من واحد من الاخوان وقال لي ترى يابوا طاريك في موضوع واشكرك على حسن ظنك فيني وكلامك الطيب وتاكد ان الاحترام متبادل حتى لو اختلفت الاراء وصدقني والله ماتجاهلت موضوعك ولاتجنبته

اخوي انا مادري شتقصد بموضوعك واذا كان موجه لشخص معين او انك اتكلم بصوره عامه لكن ترى اصابع يدك مب سوى ومب كل اللي يوعد يخلف ومب شرط التشجيع يكون بالبيع والمشترى ومب كل التشجيع يحصل راعيه تشجيع لان ساعات تنفتح عليه ابواب ويصير محارب من فئه معينه بدال مايصير محبوب بين الناس واسال مجرب ولا تسال طبيب

اخوي انا عن نفسي عمري ماعتبرت عمري من كبار المربين وبالعكس انا مربي عادي ولي خط سير ماشي عليه وان شالله اني ماوعدت في يوم واخلفت وانا قاصد والحمدلله عمري مامنعت فحولي عن العرب ومنها واحد راح منيح البحرين

اخوي بوعبدالهادي انا في كل ولده اطلع كم صخله وياخذونهم الربع وانا اقولها لك مني انت اول واحد مبدى على غيرك في ولدة شهر 12 مفكوك فيها بوسنام والهندبريك وعراك واليتيم وولد نمرود كلها فحول منتجه ومالك عندي الا طيبة الخاطر ومن بكره تقدر اتيي العزبه اتخير من عيال الهندبريك اللي اييوز لك فيهم

واذا في خاطرك زود وماتبي تقوله هني تقدر تكلمني على الخاص او تحط لي رقم تليفونك والحلال حطيناه نشتري به خوة مثلك وشرواك وفي الاخر تراه زهايد دنيا ومايسوى ثرك

[راعي كحيله]

راعي كحيله اسمحلي على المداخله....ممكن تقولي هالنصيحه اللي تسوى ملايين تكفى وانا خوك لاتبخل علينا بالنصايح الطيبه....
تحيااتي لك...

ابشر بعزك اخوي
ارسل لي رقمك على الخاص وانا اعطيك فن الهوايه ان شاءالله

[راعي كحيله]

السلام عليكم ورحمة الله وبركاته ومساك الله بالخير أخوي دخان

كلامك جميل واسألتك أجمل ويدل على أنك واحد من الكبار ويا عيني عالكبار الي ما يقدرون يناطحونهم الصغار أو المبتدئين .............أنا بارد على اسألتك سؤال سؤال وبعدين باعلق تعليق بسيط

أولا أنت تقول أنك ما سمعت عن حد من الكبار وعد أنه بيساعد المبتدئين وأنا اقولك أنك أخي العزيز يمكن ما تكون تابعت المنتدى في الفتره الأخيره أو أنشغلت يالغالي بالحلال الصنف والمعرف الفاخر وما قرأت بعض المواضيع الي صار فيها جدال كبير وفالأخير أستقروا الى أن المربين الكبار ممكن يبيعون بأسعار معقوله للمبتدئين تشجيعا لهم وبدون ما أذكر الموضوع أو أسماء المربين الكبار حاول ترجع لبعض المواضيع الي صار فيها جدال ونقاش حاد وبتتأكد من صحة كلامي....

وبالنسبه لنصيحتك للمبتدئين ياخي ما أدري أنت تقصدني أنا...؟؟ وأن كنت أنا فسامحني يا طويل العمر أنا ما أنتضر من حلال يشهرني...أما أذا كنت تقصد الشهره ألي تكسبني معرفة الناس فيني بأني لا أملك الا الحلال الفاخر وبعد ذالك يجون المبتدئين وياخذون مني حلال حتى لو كان تعبان بس علشان أسمي فهذي هي الفاجعه بعينها...ياخي الظاهر أنت فهمتني غلط أبسلوتلي (حلوه أبسلوتلي) ياخي من قالك اني أبغي الشهره من وراء الحلال؟؟؟ ما أعتقد أني ذكرت أني أبغي أصير مشهور مثل ماركوفانباستن أو توم كروز كل الي طلبته أنا توضيح من المربين الأجلاء هل يعقل أن يكون انسان يسترزق الله من وراء الحلال ويوعد ويخلف؟؟ وليش لازم يكون سعر الغنم خيالي وصاروخي علشان نقول عنها صنف وليش لازم يكون الغنم من رس معين مع أن الكل يشوفه طيب وفيه مواصفات ممتازه لكن لأنه مب معرف نعوفه وما نبيه؟؟؟ أسألتي كلها يا وجه الخير تصب في موضوع انا من وجهة نظري لم يتفق عليه المربين أصلا

وبالنسبه لسؤالك ليش تبغي يالمبتدىء اغنام فاخره ؟؟؟ أرجوك تستفسر في البدايه عن نية هذا المبتدىء هل هي للتربيه فقط وأمتلاك الطيب ولا البيع والشهره على قولتك وأنا بريحك من ألحين وأقولك أن أخوك بوعبدالهادي دام أنه غطى مصاريف عزبته وعياله يتونسون بالحلال فهو ما يطلب من الله غير حسن الخاتمه....وفي هذي الحاله أعتقد أنه من حقه يقتني الفاخر..الي هو يشوفه فاخر مب علشان أسم مربي أو أسم المراح الي جا منه الحلال :)

تدري يالغالي أيش الي عجبني في ردك كله..... أخر سؤال قلته وهو ألي اعتبره فعلا مشاركه:

الجواب اختياري : { هل تبغي شهرة وربح ــ هل تبغي لحم وحليب ــ هل تبغيه طربه

كانت نيتي أعلق تعليق نهائي لكن أكتفي بالي قلته وأنا يالغالي أكن لك وللجميع كل الأحترام ولكن يجب أن تعرف أنك في يوم من الأيام كنت مبتدىء ويمكن ما كنت تعرف العارضيه من الشاميه من السواكني :) لين تعلمت وصار لك أسم بين المربين وأصبحت تكاسر كبار المربين بخبرتك ومواضيعك القيمه في المنتدى وكلنا نتعلم...

خذ كلامي بسعة صدر....

أخوك المبتدىء ألي ما يحب الشهره : بوعبدالهادي

يا اخوي ارجع للبدايه واكتشف بنفسك ليش رد عليك اخوي دخان بهذا الرد

تحياتي للجميع

[راعي كحيله]

اخوي بو عبدالهادي مساك او صبحك الله بالخير

الله فوق ويشهد اني ماشفت موضوعك هذي الا اليوم وانا طالع من الدوام يوم ياني اتصال من واحد من الاخوان وقال لي ترى يابوا طاريك في موضوع واشكرك على حسن ظنك فيني وكلامك الطيب وتاكد ان الاحترام متبادل حتى لو اختلفت الاراء وصدقني والله ماتجاهلت موضوعك ولاتجنبته

اخوي انا مادري شتقصد بموضوعك واذا كان موجه لشخص معين او انك اتكلم بصوره عامه لكن ترى اصابع يدك مب سوى ومب كل اللي يوعد يخلف ومب شرط التشجيع يكون بالبيع والمشترى ومب كل التشجيع يحصل راعيه تشجيع لان ساعات تنفتح عليه ابواب ويصير محارب من فئه معينه بدال مايصير محبوب بين الناس واسال مجرب ولا تسال طبيب

اخوي انا عن نفسي عمري ماعتبرت عمري من كبار المربين وبالعكس انا مربي عادي ولي خط سير ماشي عليه وان شالله اني ماوعدت في يوم واخلفت وانا قاصد والحمدلله عمري مامنعت فحولي عن العرب ومنها واحد راح منيح البحرين

اخوي بوعبدالهادي انا في كل ولده اطلع كم صخله وياخذونهم الربع وانا اقولها لك مني انت اول واحد مبدى على غيرك في ولدة شهر 12 مفكوك فيها بوسنام والهندبريك وعراك واليتيم وولد نمرود كلها فحول منتجه ومالك عندي الا طيبة الخاطر ومن بكره تقدر اتيي العزبه اتخير من عيال الهندبريك اللي اييوز لك فيهم

واذا في خاطرك زود وماتبي تقوله هني تقدر تكلمني على الخاص او تحط لي رقم تليفونك والحلال حطيناه نشتري به خوة مثلك وشرواك وفي الاخر تراه زهايد دنيا ومايسوى ثرك

تهقى اللي اتصل فيك وعلمك ان يابوا طاريك يحب السوالف ههههههههههههه

ما اقول الا بيض الله وجهك على هذا الرد وانت كريم بس لا تعطي بوعبدالهادي لان ما عطاني وجه ولا قدر اتصالي به ههههههههههههه

تحري بها يابوعمرو و الوعد عقب سنه تقريبآ انتاج بنات ولد ولد الكايد على الفحل اللي انت خابر بس اهم شي تركب لي الفحل في طراد اخونا حبيب وبعدين باقول( من ارض الاساطير ولدت اسطوره اخرى) على فكره ارض الاساطير هي البحرين

الله يبارك في كل ما تملك ولك مني مليون تحيه يا استاذ الجميع

[بوعبدالهادي]

السلام عليكم ورحمة الله وبركاته

العنبري صبحك الله بالخير يا وجه الخير والله يعلم أني دعيتلك من قلبي على هالفجر ربي يباركلك مب بس في حلالك ولكن في عيالك وصحتك ومالك

بيض الله وجهك يالعنبري عالكلام الي قلته كله ,ابغيك تعرف أخي العزيز أني ما قصدتك وأنت يا طويل العمر رايتك بيضا وعزب الدوحه كلها تتحدث عن عطاياك وربي بارك لك بحلالك لأنك أنساس ما تحب اللف والدوران ....وما تدور مجرد المكسب السريع وحط تحتها مليون خط

أنا طالب منك طلبه يا طويل العمر وأنا والله أدري أنك قدها : أبغيك ما تفكر أني كنت طالب هذا الشي فالنهايه وهو أني أحصل على عطيه من ورا كلامي ويعلم الله أني سعيد جدا بردك ألي هو فعلا الدفعه الحقيقيه للمبتدءين..وفي النهايه معرفتك هي الي مكسب والحلال يجي ويروح ويمرض ويموت ويبقى الأنسان الفنان في أختياراته ومعرفته بالحلال الطيب هي الأهم لأنه هو الأساس في تطوير أي شي في حياته ولولا أنك ما تعلمت ما كنت شريت شروات من السوق والكل ذمها لك ورفض أنك تشتريها وأرجعوا كلهم وصفقولك وأرفعوا لك القبعه..

يالعنبري أنا تابعت أغلب مواضيع هذا المنتدى أذا ما كان الكل ..... والله لو تسألني عن شخصية الأخوان واحد واحد يمكن وتفكيرهم ونيتهم من تربية الحلال يمكن راح ألخصها لك بثلاث صفحات وكنت أتمنى أني أستمر بسكوتي وأتعلم من هالدنيا وما أدخل في مهاترات مع حد في المنتدى وليعلم الأخ العزيز الغالي على قلبي (راعي كحيله ) أن هذا السبب من وراء تأخير الرد عليه .... ولكن أنتوا الأثنين وبعض الموجودين وليس الكل وبعد متابعه طويله للمنتدى اقول أن معرفتكم مكسب ولا يهونون باقي الأعضاء....

للكلام بقيه معاك بس خلنا نلحق عالدوام وسلم لي على بوضلوف ودكان الكيما الي ما اعرف اسمه وعيال بومرشد :) الحين بيقولون طلع يعرفه وجابه علشان يمدحه

أخوك: بوعبدالهادي

[عابر]

السلام عليكم

بوعبدالهادي

الله يعينك ويرزقك الحلالل الطيب الي في

بالك ولي يسرك اخي الكريم بوعبد الهادي

ان كان عندك خبره ونضره في الحلال داوم

على سوق الحلالل انشاالله اتحصل الي تبيه

اوبسعار مناسبه جداً ثره معضم المربين الكبار

وانا صادق يشترون من السودانين شلمشكله

اذاكانت المعزه مش امعرفه والفحل امعرف او معمق

على ماقالو الخوان الانتاج يكون معمق انت في هلحاله

قصرت المشوار وكثرت من المعمقات في اقصر مدة واقل الاثمان
هذا شور ولله اعلم.... شكراً

اخوك .. السوداني الصغير

[بوعبدالهادي]

أخي العزيز عابر شكرا عالنصيحة وأوعدك أخذها في الأعتبار

جاني أستفسار من أحد الأخوان يسأل من أنا أصلا وهل أنا عضو قديم ومتخفي أو جديد ومتفلسف :)

كل القصه يالغالي أني قارىء قديم لهذا المنتدى بس بدون تسجيل وقمت بالتسجيل من قريب...وما عدت أتحمل السكوت :) ويا زين السكوت أحيانا

[دخان]

اخوي بوعبد الهادي صبحك الله بالخير
واسمح لي بارد على كلامك نقطة نقطة ... وفي ردي الاول انا قلت لاتفهمني غلط ...وموضوعك كان عنوانه مطلوب معزا وضان .. وكان في سوق المنتدى السلام عليكم ورحمة الله وبركاته ومساك الله بالخير أخوي دخان

كلامك جميل واسألتك أجمل ويدل على أنك واحد من الكبار ويا عيني عالكبار الي ما يقدرون يناطحونهم الصغار أو المبتدئين .............أنا بارد على اسألتك سؤال سؤال وبعدين باعلق تعليق بسيط
( انا ما ني من كبار او صغار المربين اشلون دل كلامي على اني من كبار المربين ؟؟؟؟؟؟ )

أولا أنت تقول أنك ما سمعت عن حد من الكبار وعد أنه بيساعد المبتدئين وأنا اقولك أنك أخي العزيز يمكن ما تكون تابعت المنتدى في الفتره الأخيره أو أنشغلت يالغالي بالحلال الصنف والمعرف الفاخر ههههه من البداية اطنازة وما قرأت بعض المواضيع الي صار فيها جدال كبير وفالأخير أستقروا الى أن المربين الكبار ممكن يبيعون بأسعار معقوله للمبتدئين تشجيعا لهم وبدون ما أذكر الموضوع أو أسماء المربين الكبار حاول ترجع لبعض المواضيع الي صار فيها جدال ونقاش حاد وبتتأكد من صحة كلامي....
( ما قريت المواضيع اللي قالو فيها المربين ببيعون فيها حلالهم اللي شروه بغالي عشان المبتدئين بسعر رمزي وتشجيعا لهم ، غطو على قطر الخيرية )

وبالنسبه لنصيحتك للمبتدئين ياخي ما أدري أنت تقصدني أنا...؟؟ ( اذا انت مبتدئ نعم اقصدك )وأن كنت أنا فسامحني يا طويل العمر أنا ما أنتضر من حلال يشهرني... ( كلن ونيّته ) أما أذا كنت تقصد الشهره ألي تكسبني معرفة الناس فيني بأني لا أملك الا الحلال الفاخر وبعد ذالك يجون المبتدئين وياخذون مني حلال حتى لو كان تعبان بس علشان أسمي فهذي هي الفاجعه بعينها...( السوق عرض وطلب فيه من الناس يحب يشتري حلاله من مربي معروف وفيه ناس مايفرق عندهم ) ياخي الظاهر أنت فهمتني غلط أبسلوتلي (حلوه أبسلوتلي) ( ابسلوتلي - ما فهمت الكلمة يمكن تقصد Absolutly) ياخي من قالك اني أبغي الشهره من وراء الحلال؟؟؟ ما أعتقد أني ذكرت أني أبغي أصير مشهور مثل ماركوفانباستن أو توم كروز ( اقسم بالله محد قالي) كل الي طلبته أنا توضيح من المربين الأجلاء هل يعقل أن يكون انسان يسترزق الله من وراء الحلال ويوعد ويخلف؟؟ ( ما ادري اذا حد من المربين اللي يسترزقون واعدك في شي الله اعلم ) وليش لازم يكون سعر الغنم خيالي وصاروخي علشان نقول عنها صنف وليش لازم يكون الغنم من رس معين مع أن الكل يشوفه طيب وفيه مواصفات ممتازه لكن لأنه مب معرف نعوفه وما نبيه؟؟؟ أسألتي كلها يا وجه الخير تصب في موضوع انا من وجهة نظري لم يتفق عليه المربين أصلا ( هذا موضوع آخر لا علاقة له في بداية موضوعك وعلى فكرة انت قلت في بداية موضوعك وأخص بالذكر أهل الصنف المعرف
أرجو ممن لديه معزا عوارض وفحل وغنم نعيم وتكون معرفه وصنف وناوي يبيع بسعر معقول (بعيد عن الخياليه) وتكون في قطرنا العزيزه لصعوبة دخولها من الخارج يتصل فيني في أقرب وقت صدقني انا كنت ناوي ابيعك غنم نعيم اول ما حطيت الموضوع بس اللي ردني انك تبغي امعرف )

وبالنسبه لسؤالك ليش تبغي يالمبتدىء اغنام فاخره ؟؟؟ أرجوك تستفسر في البدايه عن نية هذا المبتدىء ( سؤال واستفسار كله معنى واحد واعتقد اني سئلته وحطيت جواب اختياري )هل هي للتربيه فقط وأمتلاك الطيب ولا البيع والشهره على قولتك وأنا بريحك من ألحين وأقولك أن أخوك بوعبدالهادي دام أنه غطى مصاريف عزبته وعياله يتونسون بالحلال فهو ما يطلب من الله غير حسن الخاتمه....وفي هذي الحاله أعتقد أنه من حقه يقتني الفاخر..الي هو يشوفه فاخر مب علشان أسم مربي أو أسم المراح الي جا منه الحلال ( بس انت قلت تبي امعرف ؟؟؟ حيرتني )

تدري يالغالي أيش الي عجبني في ردك كله..... أخر سؤال قلته وهو ألي اعتبره فعلا مشاركه:

الجواب اختياري : { هل تبغي شهرة وربح ــ هل تبغي لحم وحليب ــ هل تبغيه طربه

كانت نيتي أعلق تعليق نهائي لكن أكتفي بالي قلته وأنا يالغالي أكن لك وللجميع كل الأحترام ولكن يجب أن تعرف أنك في يوم من الأيام كنت مبتدىء ويمكن ما كنت تعرف العارضيه من الشاميه من السواكني لين تعلمت وصار لك أسم بين المربين وأصبحت تكاسر كبار المربين بخبرتك ومواضيعك القيمه في المنتدى وكلنا نتعلم... ( نعم كنت في يوم من الايام ما اعرف شيء وما افرق بين الناقة والحصان بس الحمد لله الحين اعرف كل شيء الا الزوايد في العارضية )


خذ كلامي بسعة صدر....( ايضا انا ما ابيك تزعل من ردي اعتبرني اخوك الصغير على والمثل ايقول ما محبة الا بعد امعاياه ) وادعوك لزيارة عزبتي المتواضعة

أخوك المبتدىء ألي ما يحب الشهره : بوعبدالهادي
( اخوك المشهور : دخان فتى الجبل )

[راعي كحيله]

اخوي بوعبد الهادي صبحك الله بالخير
واسمح لي بارد على كلامك نقطة نقطة ... وفي ردي الاول انا قلت لاتفهمني غلط ...وموضوعك كان عنوانه مطلوب معزا وضان .. وكان في سوق المنتدى السلام عليكم ورحمة الله وبركاته ومساك الله بالخير أخوي دخان

كلامك جميل واسألتك أجمل ويدل على أنك واحد من الكبار ويا عيني عالكبار الي ما يقدرون يناطحونهم الصغار أو المبتدئين .............أنا بارد على اسألتك سؤال سؤال وبعدين باعلق تعليق بسيط
( انا ما ني من كبار او صغار المربين اشلون دل كلامي على اني من كبار المربين ؟؟؟؟؟؟ )

أولا أنت تقول أنك ما سمعت عن حد من الكبار وعد أنه بيساعد المبتدئين وأنا اقولك أنك أخي العزيز يمكن ما تكون تابعت المنتدى في الفتره الأخيره أو أنشغلت يالغالي بالحلال الصنف والمعرف الفاخر ههههه من البداية اطنازة وما قرأت بعض المواضيع الي صار فيها جدال كبير وفالأخير أستقروا الى أن المربين الكبار ممكن يبيعون بأسعار معقوله للمبتدئين تشجيعا لهم وبدون ما أذكر الموضوع أو أسماء المربين الكبار حاول ترجع لبعض المواضيع الي صار فيها جدال ونقاش حاد وبتتأكد من صحة كلامي....
( ما قريت المواضيع اللي قالو فيها المربين ببيعون فيها حلالهم اللي شروه بغالي عشان المبتدئين بسعر رمزي وتشجيعا لهم ، غطو على قطر الخيرية )

وبالنسبه لنصيحتك للمبتدئين ياخي ما أدري أنت تقصدني أنا...؟؟ ( اذا انت مبتدئ نعم اقصدك )وأن كنت أنا فسامحني يا طويل العمر أنا ما أنتضر من حلال يشهرني... ( كلن ونيّته ) أما أذا كنت تقصد الشهره ألي تكسبني معرفة الناس فيني بأني لا أملك الا الحلال الفاخر وبعد ذالك يجون المبتدئين وياخذون مني حلال حتى لو كان تعبان بس علشان أسمي فهذي هي الفاجعه بعينها...( السوق عرض وطلب فيه من الناس يحب يشتري حلاله من مربي معروف وفيه ناس مايفرق عندهم ) ياخي الظاهر أنت فهمتني غلط أبسلوتلي (حلوه أبسلوتلي) ( ابسلوتلي - ما فهمت الكلمة يمكن تقصد absolutly) ياخي من قالك اني أبغي الشهره من وراء الحلال؟؟؟ ما أعتقد أني ذكرت أني أبغي أصير مشهور مثل ماركوفانباستن أو توم كروز ( اقسم بالله محد قالي) كل الي طلبته أنا توضيح من المربين الأجلاء هل يعقل أن يكون انسان يسترزق الله من وراء الحلال ويوعد ويخلف؟؟ ( ما ادري اذا حد من المربين اللي يسترزقون واعدك في شي الله اعلم ) وليش لازم يكون سعر الغنم خيالي وصاروخي علشان نقول عنها صنف وليش لازم يكون الغنم من رس معين مع أن الكل يشوفه طيب وفيه مواصفات ممتازه لكن لأنه مب معرف نعوفه وما نبيه؟؟؟ أسألتي كلها يا وجه الخير تصب في موضوع انا من وجهة نظري لم يتفق عليه المربين أصلا ( هذا موضوع آخر لا علاقة له في بداية موضوعك وعلى فكرة انت قلت في بداية موضوعك وأخص بالذكر أهل الصنف المعرف
أرجو ممن لديه معزا عوارض وفحل وغنم نعيم وتكون معرفه وصنف وناوي يبيع بسعر معقول (بعيد عن الخياليه) وتكون في قطرنا العزيزه لصعوبة دخولها من الخارج يتصل فيني في أقرب وقت صدقني انا كنت ناوي ابيعك غنم نعيم اول ما حطيت الموضوع بس اللي ردني انك تبغي امعرف )

وبالنسبه لسؤالك ليش تبغي يالمبتدىء اغنام فاخره ؟؟؟ أرجوك تستفسر في البدايه عن نية هذا المبتدىء ( سؤال واستفسار كله معنى واحد واعتقد اني سئلته وحطيت جواب اختياري )هل هي للتربيه فقط وأمتلاك الطيب ولا البيع والشهره على قولتك وأنا بريحك من ألحين وأقولك أن أخوك بوعبدالهادي دام أنه غطى مصاريف عزبته وعياله يتونسون بالحلال فهو ما يطلب من الله غير حسن الخاتمه....وفي هذي الحاله أعتقد أنه من حقه يقتني الفاخر..الي هو يشوفه فاخر مب علشان أسم مربي أو أسم المراح الي جا منه الحلال ( بس انت قلت تبي امعرف ؟؟؟ حيرتني )

تدري يالغالي أيش الي عجبني في ردك كله..... أخر سؤال قلته وهو ألي اعتبره فعلا مشاركه:

الجواب اختياري : { هل تبغي شهرة وربح ــ هل تبغي لحم وحليب ــ هل تبغيه طربه

كانت نيتي أعلق تعليق نهائي لكن أكتفي بالي قلته وأنا يالغالي أكن لك وللجميع كل الأحترام ولكن يجب أن تعرف أنك في يوم من الأيام كنت مبتدىء ويمكن ما كنت تعرف العارضيه من الشاميه من السواكني لين تعلمت وصار لك أسم بين المربين وأصبحت تكاسر كبار المربين بخبرتك ومواضيعك القيمه في المنتدى وكلنا نتعلم... ( نعم كنت في يوم من الايام ما اعرف شيء وما افرق بين الناقة والحصان بس الحمد لله الحين اعرف كل شيء الا الزوايد في العارضية )


خذ كلامي بسعة صدر....( ايضا انا ما ابيك تزعل من ردي اعتبرني اخوك الصغير على والمثل ايقول ما محبة الا بعد امعاياه ) وادعوك لزيارة عزبتي المتواضعة

أخوك المبتدىء ألي ما يحب الشهره : بوعبدالهادي
( اخوك المشهور : دخان فتى الجبل )


دخااان
انت من صجك فهمت وش يبي اخونا بوعبدالهادي!!!؟؟؟

لان لحد الان انا مو فاهم لان كلامه سالب وموجب كل كلمه تلغي الاخرى

[العنبري]

السلام عليكم ورحمة الله وبركاته

العنبري صبحك الله بالخير يا وجه الخير والله يعلم أني دعيتلك من قلبي على هالفجر ربي يباركلك مب بس في حلالك ولكن في عيالك وصحتك ومالك

بيض الله وجهك يالعنبري عالكلام الي قلته كله ,ابغيك تعرف أخي العزيز أني ما قصدتك وأنت يا طويل العمر رايتك بيضا وعزب الدوحه كلها تتحدث عن عطاياك وربي بارك لك بحلالك لأنك أنساس ما تحب اللف والدوران ....وما تدور مجرد المكسب السريع وحط تحتها مليون خط

أنا طالب منك طلبه يا طويل العمر وأنا والله أدري أنك قدها : أبغيك ما تفكر أني كنت طالب هذا الشي فالنهايه وهو أني أحصل على عطيه من ورا كلامي ويعلم الله أني سعيد جدا بردك ألي هو فعلا الدفعه الحقيقيه للمبتدءين..وفي النهايه معرفتك هي الي مكسب والحلال يجي ويروح ويمرض ويموت ويبقى الأنسان الفنان في أختياراته ومعرفته بالحلال الطيب هي الأهم لأنه هو الأساس في تطوير أي شي في حياته ولولا أنك ما تعلمت ما كنت شريت شروات من السوق والكل ذمها لك ورفض أنك تشتريها وأرجعوا كلهم وصفقولك وأرفعوا لك القبعه..

يالعنبري أنا تابعت أغلب مواضيع هذا المنتدى أذا ما كان الكل ..... والله لو تسألني عن شخصية الأخوان واحد واحد يمكن وتفكيرهم ونيتهم من تربية الحلال يمكن راح ألخصها لك بثلاث صفحات وكنت أتمنى أني أستمر بسكوتي وأتعلم من هالدنيا وما أدخل في مهاترات مع حد في المنتدى وليعلم الأخ العزيز الغالي على قلبي (راعي كحيله ) أن هذا السبب من وراء تأخير الرد عليه .... ولكن أنتوا الأثنين وبعض الموجودين وليس الكل وبعد متابعه طويله للمنتدى اقول أن معرفتكم مكسب ولا يهونون باقي الأعضاء....

للكلام بقيه معاك بس خلنا نلحق عالدوام وسلم لي على بوضلوف ودكان الكيما الي ما اعرف اسمه وعيال بومرشد :) الحين بيقولون طلع يعرفه وجابه علشان يمدحه

أخوك: بوعبدالهادي



اخوي بوعبدالهادي حيرتني معاك وتراك حيرت باقي الربع مب عارفين شتبي وبخصوص العطيه انت ماطلبت وانا اللي عطيت وقلت لك تعال ولاتحاتي ماكان في بالي شي وبخصوص عيال بومرشد لزيم عمري واحد منهم واحنا كنا شله وحده ومجموعه كبيره من صف اول ابتدائي لي صف ثالث ثانوي يعني كنا نقعد مع بعض ونشوف بعض اكثر من شوفتنا لاهلنا وعقب المدرسه خبرك لعب كوره في الفريج لي المغرب وكانت يمعتنا وحده ودووووم مع بعض وواحد منهم اللي نكه بوجاسم معانا في المنتدى بالعربي كل هل الشمال اللي من جيلي الحين يسمونهم جيل الشيبان تجمعنا ذكريات طفوله وياسعد عيني اذا انت طلعت واحد منهم

وبخصوص ان بيقولون الحين اعرفك وانا يايبك تمدحني ترى ياما قالوا وتكلموا عني واذا صدق فيني الغريب اللي مايعرفني هذي شي عادي اما اذا صدق فيني اللي عارفني وعايش معاي هذي كسار الظهر وحزتها صج الدنيا مافيها خير وخل اللي يقول يقول براحته

[الـ@ـاجري]

أخي العزيز الهاجري..
الله يعلم أن كلامك عجبني ولمست من كلامك أنك عتبان على أصحابك في المنتدى الي جوك العزبه يشترون بأقل من سعر الشريطيه ومعاك الحق 1000000 بالميه... وهذا ياخوي مربط الفرس .....بسألك طال عمرك سؤال....هل الأخوان الي ساموا منك الحلال بسعر قليل جدا هم من المبتدئين في تربية الحلال؟؟؟ما أعتقد أخي الفاضل...الي أنا اجزم عليه طال عمرك هو أن الي أعرضوا عليك السعر هذا مثل ما قلت أنت هم ناس يعتقدون أنك محتد على البيع ويبغون يستغلونك وهم أدرى الناس أن حلالك يسوى أكثر من سوماتهم الي مب طيبه ولا من وجيه طيبه..

أنا أخي الفاضل لما قلت سعر معقول لم أقصد أن يبيعون لي العنز العارضيه الطيبه ب600 ريال ولكن قصدت أن لا يتعدى سعرها المعقول... وحدود المعقول طال عمرك معروف ومثلك لا يعرف يالهاجري..ولكن أن تقول لي أن العنز الفلانيه بنت فلان بنت فلانه منسامه ب20000 ألف فأسمحلي طال عمرك هذا الكلام لا كان عند جدي وجدك ألي أعرفوا الحلال وقنوا الزين قبل لا نوعا أحنا على الدنيا...ولكن ما تدري يمكن يبون يواكبون ألأرتفاع في أسعار الحديد

كلامك يالهاجري جاء مصدقا لكلامي لو عرفت أن من حاولوا يشترون منك هم ناس ذو خبره في الحلال وأسعاره ولكن صدقني المبتدىء لا أعتقد أنه سوف يتجرأ ويسوم حلالك برخيص ويرجع يشتريه من الشريطيه...

عموما أنت أخي الفاضل لست ممن يوعدون فيخلفون...كلامي طال عمرك موجه لبعض الناس الي ردوا على مواضيع بعض الشباب في المنتدى على أنهم ما راح يقصرون معاهم في الأسعار فقط لتشجيع الشباب المبتدىء.....ياخي يدخل مخك هالكلام؟؟؟؟

أنا طال عمرك كنت متابع لهذا المنتدى من فتره وقريت كثير من النقاشات الحاده الي تلخصت في النهايه على أن بعض المربين الأفاضل من ذوي الخبره سوف يتكرمون ببيع جزء من حلالهم للشباب المبتدئين بأسعار التنزيلات وما شفنا شي الصراحه...

ما أطيل عليك ولكن عندي طلب بسيط للأداره وهو نقل الموضوع لساحة النقاش لكي نتناقش مع أصحاب الوعود الرنانه وأوعدك أنهم راح يبينون...:d

أخوك بوعبدالهادي

السلام عليكم

في البدايه اولآ - اشكر الاخوان الاداريين انهم حققو طلبك ونقلو الموضوع للقسم المختص

والشي الثاني اشكرك اخوي بوعبدالهادي على مشاركتك الطيبه وردودك العقلانيه

كم اسعدني امتعاضك للوضع الحاصل بين المربين اصحاب الصيت والطريقه السائده في تعريف الحلال الحالي

والله يوفقنا وياك على طاعته

[بوعبدالهادي]

سبحان الله أنا في الدوام والدنيا من وراي تطحن طحين ......

دخان.....أبد ما أزعل منك ولا راح أزعل يالغالي لأني طلبت بنفسي الأبتعاد عن التشنجات والعصبيه وأنا مب ناقص وكلها شاشه وكيبورد :) أكتفي بردودك ولا أزيد عليها شي تدري ليش؟؟لأنك خيبت ضني وطلعت طيب قلب وما تستاهل المعاياة

راعي كحيله مش راد عليك وبدون ما أعطيك أسباب (ذبحته)

العنبري....أفاااا وأنا الي أقول عنك تفهمها وهي طايره ما فهمت مغزاي من الموضوع؟؟؟ هل تعتقد أني كنت راح أحصل حد من المربين الحاليين يبيعلي حلاله الفاخر والمعرف بسعر معقول؟؟؟ ألا من رحم ربي (قلتها علشان ال 1% ما يزعلون) وأنت مش من ال1% لأنك تعطي وما تبيع :)
وبخصوص أني من جيلك (جيل الشيبان) لا أرجوك لا تكبرني .... وعيال بومرشد الله يحفظهم جميع...ويا زين الشمال وأهله

الهاجري .....بيض الله وجهك وأرحم الله والديك ريحتني وأصبت الهدف ببساطه عقبال العنبري وراعي كحيله ودخان

[العنبري]

هههههههههههههه اخوي بوعبدالهادي لو ركزت في ردي الاول عليك بتعرف اني صبت الهدف ونص وان مالي ومال غيري ولو ركزت في جملة اسال مجرب ولاتسال طبيب بتعرف اني معاك على الخط من البدايه وافهم يافهيم

[بوعبدالهادي]

العنبري باسألك وتكفى مابي منك ردود في المنتدى لأنها بتثير التساؤلات

ليش أنا أخترت هذا الوقت بالذات وأطلع من سكوتي؟؟؟ مع أن أغلب المواضيع القديمة المشوقه فضلت فيها السكوت؟؟

وأرجع لأغلب مشاحناتك مع كبار المربين وصلب موضوعي ..... ما تشوف في وجه شبه؟؟؟

أأأأخ يا فهيم بس أأخ

[العنبري]

ههههههههههههههههههه ان شالله ولايهمك مب راد هني بس انت رد علي بالتليفون

[راعي كحيله]

بوعبدالهادي
انا اسف في الكلام اللي باقول بس اذا طرحك للموضوع فيه نوايا خافيه
ما باقول لك الا الله فوقك وما به افضل من من دعى الى الاصلاح وليس العداء

[بوعبدالهادي]

راعي كحيلة أنا أدعو للعداء؟؟؟

أستفسارات من شخص مبتدىء وفيها بعض الغشمره صارت دعوه للعداء

حسبي الله ونعم الوكيل

وتبغونا نرد على المكالمات ونتزاور ونتهادى من الحلال وعقب اصغر موقف أو أقصر ضن يخلينا نخسر بعض بلمح البصر


منكم العذر والسموحه اذا أخطأت

[دخان]

راعي كحيلة أنا أدعو للعداء؟؟؟

أستفسارات من شخص مبتدىء وفيها بعض الغشمره صارت دعوه للعداء

حسبي الله ونعم الوكيل

وتبغونا نرد على المكالمات ونتزاور ونتهادى من الحلال وعقب اصغر موقف أو أقصر ضن يخلينا نخسر بعض بلمح البصر


منكم العذر والسموحه اذا أخطأت


اخوي بوعبدالهادي
بصراحة وبدون زعل باقولك هالكلمتين وارجو ان تتقبلها مني
كونك تطرح موضوع في سوق المنتدى وتطلب فيه حلال
وعقب اتقول اني باختبر ناس في بالي هذا مب كلام وياريت اتحولون الموضوع لقسم النقاش
وشو الاستفسارات اللي تبغيها
كان من الافضل ان تكون واضح بدل هذا اللف والدوران
لوكنت حاط موضوع واضح من البداية كان عرفنا انت وشو تقصد
واعتقد انك ما اصبت في موضوعك هذا وخانك التعبير
وارجو ان كلامي هذا تاخذه نصيحة وما تزعل منه