المساعد الشخصي الرقمي

مشاهدة النسخة كاملة : سؤال لاهل الخبرة


دخان
10-03-2009, 01:53 PM
اخواني اصحاب الخبرة

حبيت اسأل عن اصناف غنم النعيم

وبالذات العوس والشفال

اذا حد عنده مواصفات مدعمة بصور يفيدنا بذلك

وهل هناك اصناف اخرى بغنم النعيم
وهل العوس والشفال من غنم النعيم ولا تفرق ؟
بوعمير
10-03-2009, 02:19 PM
السلام عليكم، أنا ماني من أهل الخبرة ولكن عندي معلومة متأكد منها وأتمنى تفيدك، مسمى العواسي أو الشفالي أسم يطلق في بلاد الشام والعراق وعندنا في الخليج نسمية النعيمي (نسبة لأول شخص أحضرة لدول الخليج) بمعنى أن العواسي أو الشافلي هو نفسه النعيمي مجرد إختلاف في التسمية من منطقة إلى أخرى، أما أنواعه الي أعرفه أنه يوجد بلدي ومحلي ومهجن (المهجن تم تهجينة مع غنم فلسطيني وأنتج سلاله سميت بالعساف) والله أعلم، والسموحة إذا به قصور.
بوعمار
10-03-2009, 04:38 PM
ههههههههه أهل الخبرة

بوعلي كل ما أشوف لك مشاركة أتذكر خبراء ((( طمبق ستان كركستان )))

المهم انا ما زلت أتعلم وأحب أستفيد, والمشاركات صارت محسوبة علي ,,,,,,!

بس المشكلة الكلام الي موجود في توقيع يجبرني على الكلام.


الجفالي,وجمعها جفاليات, من غنم العراق

الشكل أقرب ما يكون للغنم المسماه بالنعيمي

تختلف في الحجم, الجفالي أمد ضهر وأجبر والكزة فارعة على النعيمي, بس القوايم حلسة.


العويسي, وجمعها العويسيات, من غنم بلاد الشام.

أقرب ما يكون لشكل العرب في صوفها, بس اللون أبيض سادة , وتجي منها الشقرة والدبسة مثل للون النعيم

الفحول تجي جمة (يمة) وهي بصفة عامة أجبر من النعيم وتختلف عن الجفالي بصوف على القوائم


كثير من طور أنتاجه من النعيم بالجفالي, والتطوير واضح في أول أنتاج


أما عن الصور أخوي بوعلي راحت مع ضياع جوالي بس أبشر في أول زيارة لراعي العويسيات
دخان
10-03-2009, 07:12 PM
السلام عليكم، أنا ماني من أهل الخبرة ولكن عندي معلومة متأكد منها وأتمنى تفيدك، مسمى العواسي أو الشفالي أسم يطلق في بلاد الشام والعراق وعندنا في الخليج نسمية النعيمي (نسبة لأول شخص أحضرة لدول الخليج) بمعنى أن العواسي أو الشافلي هو نفسه النعيمي مجرد إختلاف في التسمية من منطقة إلى أخرى، أما أنواعه الي أعرفه أنه يوجد بلدي ومحلي ومهجن (المهجن تم تهجينة مع غنم فلسطيني وأنتج سلاله سميت بالعساف) والله أعلم، والسموحة إذا به قصور.


اخوي بوعمير اشكرك على المداخله

حسب معلوماتي ان الشفالي غير العواسي
وتختلف في المواصفات
وننتظر باقي الاخوان كلن يدلي بدلوه
حتى نستفيد ونظهر بمعلومات مفيدة متفق عليها

ونغلب هل العوارض اللي لين الحين ما اتفقو على العوارض الاصلية
اتغشمر .....اضحك .....عم بمزح
دخان
10-03-2009, 07:27 PM
ههههههههه أهل الخبرة

بوعلي كل ما أشوف لك مشاركة أتذكر خبراء ((( طمبق ستان كركستان )))

المهم انا ما زلت أتعلم وأحب أستفيد, والمشاركات صارت محسوبة علي ,,,,,,!

بس المشكلة الكلام الي موجود في توقيع يجبرني على الكلام.


الجفالي,وجمعها جفاليات, من غنم العراق

الشكل أقرب ما يكون للغنم المسماه بالنعيمي

تختلف في الحجم, الجفالي أمد ضهر وأجبر والكزة فارعة على النعيمي, بس القوايم حلسة.


العويسي, وجمعها العويسيات, من غنم بلاد الشام.

أقرب ما يكون لشكل العرب في صوفها, بس اللون أبيض سادة , وتجي منها الشقرة والدبسة مثل للون النعيم

الفحول تجي جمة (يمة) وهي بصفة عامة أجبر من النعيم وتختلف عن الجفالي بصوف على القوائم


كثير من طور أنتاجه من النعيم بالجفالي, والتطوير واضح في أول أنتاج


أما عن الصور أخوي بوعلي راحت مع ضياع جوالي بس أبشر في أول زيارة لراعي العويسيات



اخوي بوعمار مرحبابك

اولا :
انشاء الله ما نحتاج خبراء من طمبق ستان و قرقع ستان . ههههههه
ثانيا :
تصحيح بسيط هي اسمها الشفاليات وليس الجفاليات
اما القرن في فحول العوس موجود حسب معلوماتي

وفي انتظار الصور منك وفي انتظار باقي الاراء

تحياتي لك ....
بوعمار
10-04-2009, 10:36 PM
اخوي بوعمار مرحبابك

اولا :
انشاء الله ما نحتاج خبراء من طمبق ستان و قرقع ستان . ههههههه
ثانيا :
تصحيح بسيط هي اسمها الشفاليات وليس الجفاليات
اما القرن في فحول العوس موجود حسب معلوماتي

وفي انتظار الصور منك وفي انتظار باقي الاراء

تحياتي لك ....






الشفاليات أو الجفاليات, تذكرني بختلاف الهجات

مثال البعض يسمون القلابي ( نشال أو نجال )
والبعض يطلق على المؤنث ( س , ش , ج )
مثال ( شلونس , شلونش , شلونج )

أختلاف الهجات لا ندخل فيها, المهم كلوا صح وأخر تمام
والأهم المواصفات

بس وش رايك ونا رايح لهم أوديك معاي,,,,,,!
ابوجديع
10-05-2009, 10:26 AM
اخواني اصحاب الخبرة

حبيت اسأل عن اصناف غنم النعيم

وبالذات العوس والشفال

اذا حد عنده مواصفات مدعمة بصور يفيدنا بذلك

وهل هناك اصناف اخرى بغنم النعيم
وهل العوس والشفال من غنم النعيم ولا تفرق ؟

(( دخان ))

الشفاليه والعوسيه والخكريه ..

الشفاليه هي نعجه قصيره ولها ذنب كبير وصوفتها هله كبيره ..
والعوسيه هي نعجه طويله ورفيعه والوجه رفيع ودقيق والرقبه طويله ..
والخكريه هي نعجه متوسطه وأرجلها إسخاف جدآ وصوفها لبد أي خشن وكثيف ..

وكلها يطلق عليها في الجزيره العربيه بأسم (( النعيم ))
عبيد المزروعي
10-08-2009, 04:20 AM
ياهلا وغلا بخوي دخان
مشاءالله الربع كلهم
كفوا وفوا
تقبل تحياتي ....
راعي كحيله
10-08-2009, 06:54 AM
والله مب سهل اخوي الغالي دخاااان
مواضيعك تدل على خبرتك في هذا المجال
بس تأكد مهما تسوي ما راح تغلب هل العوارض هههههههههههه
دخان
10-08-2009, 10:11 PM
الشفاليات أو الجفاليات, تذكرني بختلاف الهجات


بس وش رايك ونا رايح لهم أوديك معاي,,,,,,!



وين اتوديني ؟؟
دخان
10-08-2009, 10:14 PM
(( دخان ))
الشفاليه والعوسيه والخكريه ..
الشفاليه هي نعجه قصيره ولها ذنب كبير وصوفتها هله كبيره ..
والعوسيه هي نعجه طويله ورفيعه والوجه رفيع ودقيق والرقبه طويله ..
والخكريه هي نعجه متوسطه وأرجلها إسخاف جدآ وصوفها لبد أي خشن وكثيف ..
وكلها يطلق عليها في الجزيره العربيه بأسم (( النعيم ))


اخوي بوجديع :
نبغي اكثر تفصيل وياريت صور
بس هل تعتقد ان جميع هذه الانواع اختلطت ببعض وما هي النتيجة

تحياتي لك
دخان
10-08-2009, 10:19 PM
ياهلا وغلا بخوي دخان
مشاءالله الربع كلهم
كفوا وفوا
تقبل تحياتي ....


مرحبا مليون اخوي عبيد

ترى مانستغني من خبراتك ولازم تدلي بدلوك
دخان
10-08-2009, 10:23 PM
والله مب سهل اخوي الغالي دخاااان
مواضيعك تدل على خبرتك في هذا المجال
بس تأكد مهما تسوي ما راح تغلب هل العوارض هههههههههههه


خبرتي نقطة من بحر خبرتك يا الشيبة

وهل العوارض غالبينهم من زمان
شوف ما عندنى امعاياة ولا هواش

وخل العنبري ايطرش لك المسج اللي طرشته له عن الفرق بين هل المعزا والضان
راعي كحيله
10-09-2009, 09:33 AM
مادري هذي هي العواس ام لا!!؟؟

بس الله يخلي كوكل

http://www.7alalup.net/uploads/images1/images-86f00a02c8.jpg (http://www.7alalup.net/uploads/images1/images-86f00a02c8.jpg)



http://www.7alalup.net/uploads/images1/images-c1f99fdd6c.jpg (http://www.7alalup.net/uploads/images1/images-c1f99fdd6c.jpg)
بوعمار
10-09-2009, 07:42 PM
وين اتوديني ؟؟





قريب طال عمرك

الدمام تشوف العويسيات عند شايب

وبعدين نعيرية تشوف باقي حلاله من العويسيات والعرب


أما على تشكيلة الجفاليات والي انا أعرفها عنهم

ثراهم يشبهون حلال الرجال الي شفتك عنده

وانا قلت له هذا الشي, والله أعلم


تحياتي
دخان
10-09-2009, 09:50 PM
اخوي بوعمار
انشاء الله عقب عيد الاضحي اذا عطوني اجازة ابشر

بس غنم الرجال اللي تقصده عواسي مب شفالية على ما اضن

تقبل تحياتي
بوعمار
10-09-2009, 11:25 PM
اخوي بوعمار
انشاء الله عقب عيد الاضحي اذا عطوني اجازة ابشر

بس غنم الرجال اللي تقصده عواسي مب شفالية على ما اضن

تقبل تحياتي






الله يبلغنا بعيد الأضحى, ونتبارك بخوتك

نعم الرجال عنده عويسيات باع منهم مجموعة كبيرة ومحافظ على الباقي

وهو في الأصل راعي عرب