من هو الجدير بتسمية الفحل المنتج

[بوعمار]

أخواني أعضاء المنتدى

موضوع الفحل المنتج أو بالأحرى أشلون نقدر نطلق على التيس / الخاروف بأنه

((((( فحل منتج )))))


ما هي الألية أو المعاير أو المقايس التي تسمح لنا تسميت أي تيس أو خارف بالفحل المنتج


الأنتاج الطيب
,,,,,
الذي يتسابق عليه القناي
,,,,,
العمق والندرة
,,,,,
أسماء بعض المنتجين
,,,,,
نظرتنا الشخصية
,,,,,
التحيز والعنصرية
,,,,,

الخ

تقبلوا تحياتي

أخوكم

[العنبري]

الفحل المنتج باختصار هو الفحل اللي بغض النظر من وين ياي ومن اي مراح كان معرف او مجهول لما افكه في حلالي يعطيني المواصفات اللي ابيها وبالدرجه اللي اتمناها او يضيف ميزه في حلالي انا اسعى لها يعني يطور في مستوى الحلال وانتاجه ايي احسن من مستوى المعزه او الضان كمواصفات

[عبدالاله الحميداني]

الفحل المنتج يجب مرعات نوع الحلال اللي مقطوط معه مثلا 80 راس وسط مايطلع افضل من امهاته اللي40 ومن الخصم4 خصم الخصم0 ندر0هذا نسميه عدل الحلال .

فحل مقطوط مع 40راس ينتج 4 ندر و8خصم 5خصم الخصم وافخر من امهاتها باقي انتاجه نقول عليه فحل انتاجه خصم.


فحل مشري بقية تتجاوز 100الف ريال ويبع من انتاجه قد قيمته وازود في سنة يسمى فحل مشروع ناجح .

[بوعمار]

الفحل المنتج باختصار هو الفحل اللي بغض النظر من وين ياي ومن اي مراح كان معرف او مجهول لما افكه في حلالي يعطيني المواصفات اللي ابيها وبالدرجه اللي اتمناها او يضيف ميزه في حلالي انا اسعى لها يعني يطور في مستوى الحلال وانتاجه ايي احسن من مستوى المعزه او الضان كمواصفات





حبيبي بوعمرو

انا كقارئ أفهم من كلام هذا أن المعيار الي يهمك هو:

أن أنتاج الفحل أفضل من مستوى الأمهات, يطوير مستوى الحلال.

السؤال الي يطرح نفسه, من الي يحكم أن الحلال تطور؟

وهل يهمك نبسة التطوير في الأنتاج, النسب الي يتكلم فيها أخونا بومحمد؟

شاكر لك المشاركة

[بوعمار]

الفحل المنتج يجب مرعات نوع الحلال اللي مقطوط معه مثلا 80 راس وسط مايطلع افضل من امهاته اللي40 ومن الخصم4 خصم الخصم0 ندر0هذا نسميه عدل الحلال .

فحل مقطوط مع 40راس ينتج 4 ندر و8خصم 5خصم الخصم وافخر من امهاتها باقي انتاجه نقول عليه فحل انتاجه خصم.


فحل مشري بقية تتجاوز 100الف ريال ويبع من انتاجه قد قيمته وازود في سنة يسمى فحل مشروع ناجح .





حبيبي بومحمد

انا كقارئ أفهم من كلام هذا أن المعيار الي يهمك هو:

أن أنتاج الفحل يكون أفضل أذا كان فيه تركيز على عدد محدود من الأمهات ويكون أعلى من الوسط.

للحصول على نسبة أعلى من الندر والخصم

السؤال الي يطرح نفسه, من الي يحكم على الأنتاج بأنه ندر وخصم؟

ممكن توضيح لمواصفات الحلال الندر والخصم؟


شاكر لك المشاركة

[بوعمار]

أخواني وخواتي أعضاء, مشرفين, أدارين

أرجو منكم المشاركة والتفاعل ومن المؤكد أختلاف الأراء

لنختلف ونتناقش للوصول ألى تلك المعاير التي لطالما حلمنا بها


تحياتي
;)

[عبدالاله الحميداني]

حبيبي بومحمد

انا كقارئ أفهم من كلام هذا أن المعيار الي يهمك هو:

أن أنتاج الفحل يكون أفضل أذا كان فيه تركيز على عدد محدود من الأمهات ويكون أعلى من الوسط.

للحصول على نسبة أعلى من الندر والخصم

السؤال الي يطرح نفسه, من الي يحكم على الأنتاج بأنه ندر وخصم؟

ممكن توضيح لمواصفات الحلال الندر والخصم؟


شاكر لك المشاركة



اخوي ابو عمار ولايهون اخوي ابوعمر كلما كانت المعزاء خصم او اطيب من الخصم يصعب على الفحل اتفوق عليها بمعنى اذا فلانه من المعزاء قرعها تيس وجابت على مستواها معناها الفحل مهوب اطيب منها دورفحل اقوى معمق ولاكن لوهديت هذا الفحل في غنم وسط عدلها وهذا محك الفحول .


اللي يحدد الندر سير على ابو خالد في مسرة ولا على الشاوي ولا البابطين ولاعلى المريخي بعهاعلى راعي الامارات ولا ممدح العجمي ولا سالم الشيباني ولا فيصل السليس ولا ابوعادل العنزي ولا ابو وائل ولا فهد السويد ولامحمد الروساءولاالعرض حق ابن ثاني الاخير في هذا المنتدى ويعذرني كل مربي عنده ندر ولاذكرته

[جابر]

الخصم والنادر يفرض نفسة بقو على الساحة

القادة العظام في العالم فرضوا نفسهم على الساحة بقوة
والفحل المنتج والخصم والمميز يفرض نفسه على الساحه

ارجعوا الى الساحه وأسالو وتطلع لكم اسماء فحول ندر انتجت الخصم والندر
وانتجت الفحول

والزين يفرض نفسه على الساحه

[العنبري]

حبيبي بوعمرو

انا كقارئ أفهم من كلام هذا أن المعيار الي يهمك هو:

أن أنتاج الفحل أفضل من مستوى الأمهات, يطوير مستوى الحلال.

السؤال الي يطرح نفسه, من الي يحكم أن الحلال تطور؟

وهل يهمك نبسة التطوير في الأنتاج, النسب الي يتكلم فيها أخونا بومحمد؟

شاكر لك المشاركة




اخوي بوعمار انت اللي حبيب قلبي والله وانت من قال هدف المربي هو اللي يحدد واكيد انا كمربي ولي نظرتي الخاصه فيني اللي حطيت حلالي على اساسها واشتغلت كل هالسنين عشان اوصل مستوى معين يرضيني انا وهدفي مثل ماقلت لك من قبل هي القعده العصر وانطر ضوية الغنم من المسراح وعمر ماكان السعر هو المقياس عندي ولايهونون الربع يعني اللي مايبيع ويهدي ربعه اللي حوله معناها حلاله مب خصم ومايستحق يكون فاخر الا اذا باع باقيام مرتفعه ؟؟؟ واذا كان هو مب شاطر في التجاره خلاص ضاع مستوى حلاله لانه استحى وماعرف يصرفه بغالي ؟؟؟ ليش يكون السعر هووو المقياس وماتكون عين الشخص ونظرته ؟؟؟
انا الحمدلله واثق من نفسي وواثق من نظرتي الشخصيه اللي تحدد لي هدفي انا وتخلليني اميز بين الخصم والنادر والفاخر في عيني ومب شرط اتفق مع الغير او الغير يتفق معاي لان الاهداف مختلفه
نعم تهمني نسبة التطوير بصوره عامه وكمستوى ومب بالعدد وشاسوي بفحل اييب لي انتاج مستواه اقل من حلالي حتى لو كان من ساس باعوا امه بمليون او اخته بمليونين والانتاج اللي عطاني اياه مب المواصفات اللي تسر عيني انا كشخص لي شفتها وماوافق هدفي انا العنبري كمربي؟؟؟

[فيصل نادر العصيمي]

أخواني أعضاء المنتدى

موضوع الفحل المنتج أو بالأحرى أشلون نقدر نطلق على التيس / الخاروف بأنه

((((( فحل منتج )))))


ما هي الألية أو المعاير أو المقايس التي تسمح لنا تسميت أي تيس أو خارف بالفحل المنتج

حوار جميل ومفيد جدا

من وجهة نظري القاصره بأن الفحل المنتج هو الذي يستطيع ان يطور مستوى الحلال العادي الى الافضل

بتقول كيف ...؟

اقولك بأن يضيف ميزات جديده في الانتاج
مثل
كبر الراس او القطام او اللون او طول الاذن من ناحية منبتها او طولها او لونها او الارتفاع او عرض الجنب او امتداد الظهر اوالرقبه طول ومنبت ، الركزه , كبر المشرب , الريشه , العرقوب , عرض الخد , ......الخ
مما يرغب فيه المربي

ولاكن من المستحيل ان تجد فحل يطرح كل هذه المواصفات
هناك كثير من الفحول كل له ميزه في الانتاج او اكثر من ميزه

كما نعلم ان هناك فحول مخدومه وهناك فحول غير مخدومه

بتقولي كيف...؟

اقولك ان الفحل الذي ينتج مع معزه معامقها طيبه وهي خصم او فوق الخصم
الانتاج لا ينسب للفحل وحده لان المعزه خادمته

بعكس الي ينتج مع معزه عاديه فأن الانتاج ينسب للفحل

ولاكن نقطة النقاش متى تسمي هذه ندر او خصم او عادي
بلا شك ان هذا يختلف بأختلاف الاذواق

وجهت نظري الخاصه والقاصره كما ذكرت
اخوكم الصغير و الطموح



الأنتاج الطيب
,,,,,
الذي يتسابق عليه القناي

كلاً حسب نظرته ورغبته


,,,,,
العمق والندرة

لم افهم قصدك استاذي الكريم
,,,,,
أسماء بعض المنتجين

كل صاحب هوايه منتج

,,,,,
نظرتنا الشخصية

لم افهم قصدك استاذي الكريم

,,,,,
التحيز والعنصرية



كذالك لم افهم قصدك استاذي الكريم

[الأصايل]

انا من رأي الخاص انه الفحل المنتج هو اللي يكون انتاجه احسن منه ومن المعزا او الضان اللي معاه
وبغض النظر عن تعريفه يعني لو كان الفحل انتاجه خصم الخصم وهو غير معرف اهده في اغنمي ولا علي من احد
وهذا غاية المربي والمنتج انه يكون انتاجه افضل فأفضل
وانم كان التعريف موجود فهو زيادة الخير خيران

[بوعمار]

الخصم والنادر يفرض نفسة بقو على الساحة

القادة العظام في العالم فرضوا نفسهم على الساحة بقوة
والفحل المنتج والخصم والمميز يفرض نفسه على الساحه

ارجعوا الى الساحه وأسالو وتطلع لكم اسماء فحول ندر انتجت الخصم والندر
وانتجت الفحول

والزين يفرض نفسه على الساحه





هلا ولله بخوي بوغانم, كلام طيب بس عايم

أشلون

الساحة واضحة للبعض والبعض مستغرب

وكثير ما شفت وسمعت الأستغراب ليش هذا الفحل طيب وش الي ميزة ورفع سعره

ودي أسمع وجهت نظرك من النقاط المذكوره أو أذا فيه شي ثاني, أضافتك أنشاء الله بتكون مفيدة

شاكر لك المشاركة

[بوعمار]

اخوي ابو عمار ولايهون اخوي ابوعمر كلما كانت المعزاء خصم او اطيب من الخصم يصعب على الفحل اتفوق عليها بمعنى اذا فلانه من المعزاء قرعها تيس وجابت على مستواها معناها الفحل مهوب اطيب منها دورفحل اقوى معمق ولاكن لوهديت هذا الفحل في غنم وسط عدلها وهذا محك الفحول .


اللي يحدد الندر سير على ابو خالد في مسرة ولا على الشاوي ولا البابطين ولاعلى المريخي بعهاعلى راعي الامارات ولا ممدح العجمي ولا سالم الشيباني ولا فيصل السليس ولا ابوعادل العنزي ولا ابو وائل ولا فهد السويد ولامحمد الروساءولاالعرض حق ابن ثاني الاخير في هذا المنتدى ويعذرني كل مربي عنده ندر ولاذكرته




بومحمد النقاش معاك على الطبيعة ولا أحلى,,,,!

بس من ندخل على المنتدى أشتغلت بالسياسة والكلام غير مباشر وشرحك يبله شرح

انا أعرف الي تفكر فيه من ربعتنا بس انت على راحتك في شرحك وطرح فكرت


شاكر لك المشاركة

[بوعمار]

أخوي بونادر وباقي الربع

السؤال المطروح هو على أي أساس يسمى التيس / الخاروف بالفحل المنتج

ماهي المعاير أو المواصفات المميزة التي تمنحه هذا اللقب

هل هي النقاط المطروحه:

الأنتاج الطيب,,الذي يتسابق عليه القناي,,في ساحات البيع,,والذي ينتقل من شخص الى أخر
,,,,,
أم هو السر في العمق والندرة,,والمرتبط بمواصفات معينة
,,,,,
أم هو مرتبط بأسماء بعض المنتجين المشهورين ولهم تاريخ من الأنتاج
,,,,,
أم هي نظرت المربي الشخصية فقط,, أم هي التحيز والعنصرية لأسماء أشخاص معينة
,,,,,

الخ

أخواني النقاط المطروحة ما هي الا ملخص من بعض المشاركات والمناقشات وما يقال في المجالس

أذا كان هناك نقاط أخرى الرجاء طرحها


الهدف من الطرح هو الوصول الى المعاير التي تمنح التيس أو الفحل لقب

((((((( فحل منتج )))))))


شاكر لكم المشاركة البنائة

[حمد بن محمد الدوسري]

الفحل المنتج هو من وجهة نظري الشخصية الفحل اللي يعدل المراح المتوسط ويقلبه لمراح طيب وهذا شفناه عند أكثر من مربي سواءً نجد أو عوارض وأعرف مربين معرفة شخصية مراح الواحد منهم لولا الله ثم هالفحل كان ماطلع له إسم ولا تميز حلالة من بين الحلال فنقول عن هي الفحول منتجة.

[عبدالاله الحميداني]

بومحمد النقاش معاك على الطبيعة ولا أحلى,,,,!

بس من ندخل على المنتدى أشتغلت بالسياسة والكلام غير مباشر وشرحك يبله شرح

انا أعرف الي تفكر فيه من ربعتنا بس انت على راحتك في شرحك وطرح فكرت


شاكر لك المشاركة




أم هو السر في العمق والندرة,,والمرتبط بمواصفات معينة

مسيت بلخير اخوى بو عمار انت وباقي الاعضاء.

الفحول ماهي سواء حتى لوكانت من ابو واحد لذالك تشوف المربي دائما يسئل عن المعمق اذا فيه خصم او خصم الخصم اى امه او تويمت امه اوجدته اوتويمت جدتة......الخ فيهم خصم الخصم يعرف انه بينتج مثل هذه السلاله وكل مربي يبحث عن الفحل الي يتوقع انه يقدر يطور امراحه وكل مراح له مستوى معين لايمكن مراح عايدي بينتج ندر .

[عبدالاله الحميداني]

الأنتاج الطيب,,الذي يتسابق عليه القناي,,في ساحات البيع,,والذي ينتقل من شخص الى أخر

طبعا يحدد الانتاج الطيب انك تشتري او واحد من الناس جفرة طيبه 10000 الف وبعد فترة تنشراء منك 13000الف ويبيعها 20000الف وانتاجه الثاني ينباع 23000الف وكل وماله في تصاعد هذا يحدد قوت انتاج الفحل ويعتبر من الفحول الخصم.

[عبدالاله الحميداني]

أم هو مرتبط بأسماء بعض المنتجين المشهورين ولهم تاريخ من الأنتاج

المنتج المشهور يكفيه هذا الاسم وتاريخه طلما صلاحيته سارية المفعول فكل يبحث عن الشهرة ولا تحصل الابلاجتهاد والجهد ويستاهل كل من استطاع الوصول اليها.

[عبدالاله الحميداني]

أم هي نظرت المربي الشخصية فقط,, أم هي التحيز والعنصرية لأسماء أشخاص معينة


لا تخلو الساحة من التطبيل والبحث عن المصالح ولاكن لايصح الااصحيح.

[جابر]

اخواني الله يوفقكم

الفحول الخصم معروفه وهي التى فرضت نفسها من زين واضح وفعل باين في الانتاج
والان لا يوجد في مراح اي منكم فحل الا ابوه معروف
والفحول مثل الرجال يقال فلان فحل ومن فحول رجال لان فعله وفعل عروقه طيبه
والحلال كذلك
الحديث جيد ولكن الفحول الزينه والطيبه تطلع روسها

مثل مال قال راعي المثل

فعل الحيا والغانمين يبان

وسلامتكم

[بوعمار]

انا من رأي الخاص انه الفحل المنتج هو اللي يكون انتاجه احسن منه ومن المعزا او الضان اللي معاه
وبغض النظر عن تعريفه يعني لو كان الفحل انتاجه خصم الخصم وهو غير معرف اهده في اغنمي ولا علي من احد
وهذا غاية المربي والمنتج انه يكون انتاجه افضل فأفضل
وانم كان التعريف موجود فهو زيادة الخير خيران






هلا ولله وغلا

أفهم من كلامك أن شرط يكون أنتاجه أفضل ( منه ومن المعزا أو الشهوات )

كلام طيب بس ما تعتقد أن هذا الشي ينفع مع الأناث المتوسطت المستوى

طيب وش العمل لما توصل لمستوى الخصم (توب)

وعندك فحل خصم ومعزا خصم والأنتاج ماطلع أفضل منهم

هل راح تبقى تقول عنه فحل منتج ولا أيش؟


شاكر لك المشاركة

[بوعمار]

اخواني الله يوفقكم

الفحول الخصم معروفه وهي التى فرضت نفسها من زين واضح وفعل باين في الانتاج
والان لا يوجد في مراح اي منكم فحل الا ابوه معروف
والفحول مثل الرجال يقال فلان فحل ومن فحول رجال لان فعله وفعل عروقه طيبه
والحلال كذلك
الحديث جيد ولكن الفحول الزينه والطيبه تطلع روسها

مثل مال قال راعي المثل

فعل الحيا والغانمين يبان

وسلامتكم





هلا بك هلا والله يسمك من كل شر

الحين وضحت الفكرة لقب ( الفحل المنتج )

يشترط فيه أن يكون أنتاجه طيب و( عروقه = عمقه ) طيب


شاكر لك المشاركة

[بوعمار]

الفحل المنتج هو من وجهة نظري الشخصية الفحل اللي يعدل المراح المتوسط ويقلبه لمراح طيب وهذا شفناه عند أكثر من مربي سواءً نجد أو عوارض وأعرف مربين معرفة شخصية مراح الواحد منهم لولا الله ثم هالفحل كان ماطلع له إسم ولا تميز حلالة من بين الحلال فنقول عن هي الفحول منتجة.





هلا بك والله هلا

كلام طيب الفحل المنتج من يرفع المستوى المتوسط الى مستوى طيب

شاكر لك المشاركة

[عادل المطيري]

السلام عليكم جميعا
انا من وجهة نظري الفحل المنتج هو الفحل اللي اذا هديته علي الحلال
عادي او وسط او جميل يعني علي العموم
اذا المعزا 50 راس يعطيني انتاج تقريبا
نص الانتاج احسن من المعزا
وانا من وجهت نظري واشوف عند الناس واجد يعني في السعوديه وفي الكويت
مافي فحل يعطيك كل الانتاج جميل هذا مستحيل
يعطيك اذا قنا 50 راس اقل شي من 15 راس الي 20 راس جميل
وباقي الانتاج وسط يعني في اللي تشبه امها وفي شي قريبه من امها
وهذا الانتاج
هذا من وجهة نظري يا اخوان
وشكرا علي الموظوع الجميل
تقبلو مروري

[بوعمار]

اخوي بوعمار انت اللي حبيب قلبي والله وانت من قال هدف المربي هو اللي يحدد واكيد انا كمربي ولي نظرتي الخاصه فيني اللي حطيت حلالي على اساسها واشتغلت كل هالسنين عشان اوصل مستوى معين يرضيني انا وهدفي مثل ماقلت لك من قبل هي القعده العصر وانطر ضوية الغنم من المسراح وعمر ماكان السعر هو المقياس عندي ولايهونون الربع يعني اللي مايبيع ويهدي ربعه اللي حوله معناها حلاله مب خصم ومايستحق يكون فاخر الا اذا باع باقيام مرتفعه ؟؟؟ واذا كان هو مب شاطر في التجاره خلاص ضاع مستوى حلاله لانه استحى وماعرف يصرفه بغالي ؟؟؟ ليش يكون السعر هووو المقياس وماتكون عين الشخص ونظرته ؟؟؟
انا الحمدلله واثق من نفسي وواثق من نظرتي الشخصيه اللي تحدد لي هدفي انا وتخلليني اميز بين الخصم والنادر والفاخر في عيني ومب شرط اتفق مع الغير او الغير يتفق معاي لان الاهداف مختلفه
نعم تهمني نسبة التطوير بصوره عامه وكمستوى ومب بالعدد وشاسوي بفحل اييب لي انتاج مستواه اقل من حلالي حتى لو كان من ساس باعوا امه بمليون او اخته بمليونين والانتاج اللي عطاني اياه مب المواصفات اللي تسر عيني انا كشخص لي شفتها وماوافق هدفي انا العنبري كمربي؟؟؟



وبعدين معاك يا بوعمرو ركز معاي في الموضوع

من الي يستاهل يتسمى ( بالفحل المنتج )

نعم انا قلت وقلت بعد أن العام كان لي هدف ومستوى والسنة غير والجاية أكيد بيكون الهدف غير للتطوير

لا يكون السعر هو المقياس بس أذا عجبك فحل تدفع فيه عشرا الألاف

ماتبيع وكله هدو شلون يعني مصاريف العمال والعلف وغيرها تجيك بلاش ولا حد يهديك ذي الأشياء
لا ياحبيبي أنت هاوي تريبة حلال وهذي هوايه المفروض تصرف على نفسها وبعد عشرين سنة من الممارسة المفروض يكون فيها مردود, ما هي بزي هواية المقناص أو غيرها من الهوايات المكلفة.

وأذا ما تعرف تبيع ولا أنت بشاطر في البيع بيع في مزاد وأرجع ( لخطة الأسلاك الشائكة ههههههههههههه )

واثق من نفسك , وتميز الخصم والنادر , ولا تتفق مع الغير
لحظظظظظظظظظظظظظظظظة
شلون يعني ما تشوف أن فيه شوية تناقض على شوية غرور على شوية عنصرية
والله عفيسه مادري وش أقولك, عشرين سنة وأنت تربي وعندك كل هالمزايا المفروض
يكون مراح كله خصم ونادر وخالي من العيوب والشوائب,,,,,,,,,,!
ما خاب من ستشار
بوعمرو ممكن أن الشخص يدرس أنتساب بنفسه وبدون مساعدة أذا كان شاطر وذكي
بس أخر السنة لازم يروح يمتحن في لجنة واللجنة هي الي تصحح وتقيم.

أما أخر نقطة عاد بالغت فيها (وايد) أشدعوه يا العنبري مليون عاد ولا يطور حلالك
الهندبريك لو تنتجه صح بيطور حلالك بدون كلام

بوعمرو لاحظ أن النقاش أعلاه بعيد شوي عن صلب ومحور الموضوع
بس انا ودي تراجع نفسك شوي وبتشوف أنك كررت هذا الكلام في مواضيع مختلفة

أرجوك تركز معاي في السالفة

وأرجوك تصيغ كلامك في نقاط وجمل بدل الفقرة المشبوكة والله أني قاعد ساعتين وانا أفصص فيها
واصل حوشي الساعة 6:30 من الساعة 10:30 لين 12:00 وانا أكتب في ردك



تقبل حبي وتحياتي

[الأصايل]

هلا ولله وغلا

أفهم من كلامك أن شرط يكون أنتاجه أفضل ( منه ومن المعزا أو الشهوات )

كلام طيب بس ما تعتقد أن هذا الشي ينفع مع الأناث المتوسطت المستوى

طيب وش العمل لما توصل لمستوى الخصم (توب)

وعندك فحل خصم ومعزا خصم والأنتاج ماطلع أفضل منهم

هل راح تبقى تقول عنه فحل منتج ولا أيش؟


شاكر لك المشاركة


الأخ بوعمار
في حال اني وصلت الى الخصم راح يطرح نوادر وبذلك يكون فحل منتج
واذا وصلت للنوادر خلاص هذا غاية الهاوي
واما انه في مراح ما ينتج الا الخصم والنوادر هذي صعبه
ولا بتحصل الا ان يشاء الله
لان حتى لو اخذت افضل عنز او شاه في العالم
وركبتها على افضل فحل في العالم
مو شرط تعطيك شي افضل منهم ولا حتى في مستواهم
الامر في الاول والاخير توفيق من رب العالمين
وثانيا تكميل نواقص في حلالك
يعني تشوف اللي ناقص في حلالك واتهد الفحل اللي يطور الامور الناقصه
هذا هو الفحل المنتج

[العنبري]

وبعدين معاك يا بوعمرو ركز معاي في الموضوع

من الي يستاهل يتسمى ( بالفحل المنتج )

نعم انا قلت وقلت بعد أن العام كان لي هدف ومستوى والسنة غير والجاية أكيد بيكون الهدف غير للتطوير

لا يكون السعر هو المقياس بس أذا عجبك فحل تدفع فيه عشرا الألاف

ماتبيع وكله هدو شلون يعني مصاريف العمال والعلف وغيرها تجيك بلاش ولا حد يهديك ذي الأشياء
لا ياحبيبي أنت هاوي تريبة حلال وهذي هوايه المفروض تصرف على نفسها وبعد عشرين سنة من الممارسة المفروض يكون فيها مردود, ما هي بزي هواية المقناص أو غيرها من الهوايات المكلفة.

وأذا ما تعرف تبيع ولا أنت بشاطر في البيع بيع في مزاد وأرجع ( لخطة الأسلاك الشائكة ههههههههههههه )

واثق من نفسك , وتميز الخصم والنادر , ولا تتفق مع الغير
لحظظظظظظظظظظظظظظظظة
شلون يعني ما تشوف أن فيه شوية تناقض على شوية غرور على شوية عنصرية
والله عفيسه مادري وش أقولك, عشرين سنة وأنت تربي وعندك كل هالمزايا المفروض
يكون مراح كله خصم ونادر وخالي من العيوب والشوائب,,,,,,,,,,!
ما خاب من ستشار
بوعمرو ممكن أن الشخص يدرس أنتساب بنفسه وبدون مساعدة أذا كان شاطر وذكي
بس أخر السنة لازم يروح يمتحن في لجنة واللجنة هي الي تصحح وتقيم.

أما أخر نقطة عاد بالغت فيها (وايد) أشدعوه يا العنبري مليون عاد ولا يطور حلالك
الهندبريك لو تنتجه صح بيطور حلالك بدون كلام

بوعمرو لاحظ أن النقاش أعلاه بعيد شوي عن صلب ومحور الموضوع
بس انا ودي تراجع نفسك شوي وبتشوف أنك كررت هذا الكلام في مواضيع مختلفة

أرجوك تركز معاي في السالفة

وأرجوك تصيغ كلامك في نقاط وجمل بدل الفقرة المشبوكة والله أني قاعد ساعتين وانا أفصص فيها
واصل حوشي الساعة 6:30 من الساعة 10:30 لين 12:00 وانا أكتب في ردك



تقبل حبي وتحياتي



هههههههههههههههههههه احلف بس انك مب فاهم قصدي ومادري اناحسك وماجاوب ؟؟؟؟

الله يبعدني عن الغرور مع انه ساعات يكون مطلوب في حدود وانا قصدت بسالفة واثق من نفسي ونظرتي ان الاذواق تختلف وانا لي ذوق خاص فيني مبني على ساس الهدف اللي ماغيرته واحتمال كبير اني مب مغيره

اخوي بوعمار يوم كنت طالب كنت ابيع من ذباح بين فتره وفتره على اللي حولي من هل الشمال واسد حاجتي ويوم الله وفقني وتخرجت وانعم علي وزاد راتبي وقفت البيع والشهرين اللي راحوا يوم ياتنا ضربة فودا فون بعت وسديت حاجتي ومافكرت في الاسعار ومافيها شي

وبخصوص الشوائب مافي مراح يخلى منها واعتقد قلت في اكثر من مشاركه لي ان اي مراح لازم ةتختلف فيه المستويات ولاتنسى ان مب الكل الله منعم عليه ويقدر يشتري وانا بديت في العوارض كصنف وانا طالب في الاعداديه يعني مصروف جيب المدرسه مع اخوي علي وخلال هالمده وصلت حق هالمستوى اللي انت شفته بعينك وراضي به حاليا ومقتنع واكيد باطمع بالافضل مستقبلا وهذي دور الهندبريك ان شالله

هههههههههههه بو عمار تقول عني صفصطائي ماتلاحظ ان انت الحين صاير صفصطائي فديت خشمك ووين اللي مب واضح في كلامي وقاعد اكرره ؟؟؟ وركز انك انت قاعد تكرر كلامك بعد معاي مع انك عارف وجهة نظري وفاهمها وتكلمنا الف مره فيها ووين المشكله اذا انا تميت متمسك بطريقتي شباضركم فيه ؟؟؟ انتوا ملزومين فيني اقتنع بطريقتكم وامشي على خطاكم ولااااااااااازم ابيع باقيام عاليه عشان اصير من كبار المربين ؟؟؟

انا يكفيني فخر واكبر شهاده اعتز فيها ان اثنين من عمد كبار مربين الحلال في قطر تمنحوا من عندي فحول ويكفيني ان فحولي دارت منايح على عزب قطر وبذرها موجود فيها ومنتشر من شمال لي جنوب واعتقد هذي يخلليني مع الناس اللي ساهموا في تطوير الحلال عندنا واكيد بيي غيري وبيكمل المشوار

بخصوص المواصفات اللي تبي توصل لها من وجهة نظري

اهم شي عندي رهاوة الاذن وبياضها ومواري الدابشه ككل وتناسقها وغزلها وجبارها ورباشها وطول رقبتها وفي شغلات كماليه وتحللي مثل القذله وانا احب شغله الربع مايوافقوني فيها وهي القرن الفارق
اذا تحققت هالمواصفات بالنسبه لي صار الشي فاخر وراقي حتى لو ماكان معرف وبالنسبه لي انا ماشوف شي نادر الحين لان الحلال صار متوفر في كل مكان وهذي وجهة نظر شخصيه مافرضها على حد ولا حد يفرض غيرها علي

وسالفة اعرض مثله لو عندك هذي ماتمشي الحال لان من اللجنه اللي بتحكم وعلى اي اساس بتحكم دام الاذواق مختلفه ومثل ماقلت من قبل شلون بتحكم بين اثنين واحد يحب الشهب اكثر والثاني يفضل الربش او العطر ؟؟؟ واذا اللي انت عرضته وماركب على ذوقي هل معناها ان مب زين او العكس ؟؟؟

اخوي بوعمار ادري بتقول اني حورت الموضوع وطلعت من النقاش بس ركز معاي واقرى كلامي عدل بتلقاني في صلب الموضوع والبيع والمشترى مب كل شي

الله يوفق الجميع في كل مايملكون ويحقق اهدافهم اللي يسعون لها تجاره او غيرها

[راعي كحيله]

طبعآ خلص رمضان وانطلق العنبري هههههههههههههه

[العنبري]

طبعآ خلص رمضان وانطلق العنبري هههههههههههههه



ههههههههههههههههههههههههه لو على العنبري وده يكون متفرج بس وليتكم تشوفون مواضيع انشائكم بعد

[سعود]

في البدايه احب اعايد على اخواني في المنتدى كل واحد باسمه....العيد عليكم مبارك وعساكم من عايدين العيد

وتحياااتي للفطاحل اللثنين(بوعمار والعنبري) اللي انا اعتبرهم مكسب لي ان اسمع اراءهم الثمينه..والقيمه

واذا سمحتولي انا قريت الكلام اللي انكتب وحسيت ان الهدف من التربيه هو اللي يحدد الفحل ,,يعني العنبري يربي الحلال ليوسع خاطرة ويستانس بالحلال مع هله وعياله والا يفكر بالربح فقط فكان رايه يختلف مع اللي يبغي ينتج للربح اكثر من الوناسه...فاختلفت المعاايير

تحيااتي لكم

[عبدالاله الحميداني]

نامل من كل شخص يطرح موضوع ان يكون له هدف وهي المصلحة العامه وان يلتزم برد على جميع المشاركين وان يكون في حدود الباقه وان يطرح امثله او صور تدعم وجهت نظره وفي حال طلب منه التوضيح سواء كان اسمه الحقيقي او شي من حلاله ان يكون على قد المسؤليه ويظهر راسه مع الرجاجيل اللي مثله او يكون مستمع لطرح ويستفيد ولا له داعي للجدال يااخوان نحن نبحث عن الاستفادة ومن ناحية التحسين في الحلال كل واحد حر في حلاله بس لايقول مافيه خصم الخصم ولافيه ندر ولافيه حلال ينباع بمبالغ عاليه او انه مايسوا القيمه اللي انشراء فيها او انا عندي خبرة وعدد من السنين ياخي فيه ناس مالهم ولا سنتين لاكن اول ماطلعو جالسو اهل الصنف المعروفين وصار عنده فكر احسن من واحد خبرته تفوق الخمسة عشر سنه ولو تجي ابو سنتين لقيت عنده حلال من الخصم وفوق ولو جيت ابو خمس عشر سنه لقيت حلال ماتدري وش الحبش من ام عرنون من عارضيه اقل من الوسط العمد على الفكر السائد عند اهل الصنف المعروفين .
(وسمحولي على الاطالة)

[بوعمار]

الأخ بوعمار
في حال اني وصلت الى الخصم راح يطرح نوادر وبذلك يكون فحل منتج
واذا وصلت للنوادر خلاص هذا غاية الهاوي
واما انه في مراح ما ينتج الا الخصم والنوادر هذي صعبه
ولا بتحصل الا ان يشاء الله
لان حتى لو اخذت افضل عنز او شاه في العالم
وركبتها على افضل فحل في العالم
مو شرط تعطيك شي افضل منهم ولا حتى في مستواهم
الامر في الاول والاخير توفيق من رب العالمين
وثانيا تكميل نواقص في حلالك
يعني تشوف اللي ناقص في حلالك واتهد الفحل اللي يطور الامور الناقصه
هذا هو الفحل المنتج





هذا الكلام طيب ومختلف عن ما ذكرته في مشاركة الأولى

بأنه لازم يكون الأنتاج أفضل من الفحل والمعزا

الفحل المنتج اللي يطور ويكمل النواقص

وأكيد بتكون الجودة بنسب متفاوته

الله يبلغنا وياكم مستوى النوادر

شاكر لك المشاركة

[بوعمار]

السلام عليكم جميعا
انا من وجهة نظري الفحل المنتج هو الفحل اللي اذا هديته علي الحلال
عادي او وسط او جميل يعني علي العموم
اذا المعزا 50 راس يعطيني انتاج تقريبا
نص الانتاج احسن من المعزا
وانا من وجهت نظري واشوف عند الناس واجد يعني في السعوديه وفي الكويت
مافي فحل يعطيك كل الانتاج جميل هذا مستحيل
يعطيك اذا قنا 50 راس اقل شي من 15 راس الي 20 راس جميل
وباقي الانتاج وسط يعني في اللي تشبه امها وفي شي قريبه من امها
وهذا الانتاج
هذا من وجهة نظري يا اخوان
وشكرا علي الموظوع الجميل
تقبلو مروري





كلام طيب ومعقول, الأنتاج الطيب يجي في نسب متفاوته

انا معاك ما أنتاج 100% طيب


شاكر لك المشاركة

[بوعمار]

هههههههههههههههههههه احلف بس انك مب فاهم قصدي ومادري اناحسك وماجاوب ؟؟؟؟

الله يبعدني عن الغرور مع انه ساعات يكون مطلوب في حدود وانا قصدت بسالفة واثق من نفسي ونظرتي ان الاذواق تختلف وانا لي ذوق خاص فيني مبني على ساس الهدف اللي ماغيرته واحتمال كبير اني مب مغيره

اخوي بوعمار يوم كنت طالب كنت ابيع من ذباح بين فتره وفتره على اللي حولي من هل الشمال واسد حاجتي ويوم الله وفقني وتخرجت وانعم علي وزاد راتبي وقفت البيع والشهرين اللي راحوا يوم ياتنا ضربة فودا فون بعت وسديت حاجتي ومافكرت في الاسعار ومافيها شي

وبخصوص الشوائب مافي مراح يخلى منها واعتقد قلت في اكثر من مشاركه لي ان اي مراح لازم ةتختلف فيه المستويات ولاتنسى ان مب الكل الله منعم عليه ويقدر يشتري وانا بديت في العوارض كصنف وانا طالب في الاعداديه يعني مصروف جيب المدرسه مع اخوي علي وخلال هالمده وصلت حق هالمستوى اللي انت شفته بعينك وراضي به حاليا ومقتنع واكيد باطمع بالافضل مستقبلا وهذي دور الهندبريك ان شالله

هههههههههههه بو عمار تقول عني صفصطائي ماتلاحظ ان انت الحين صاير صفصطائي فديت خشمك ووين اللي مب واضح في كلامي وقاعد اكرره ؟؟؟ وركز انك انت قاعد تكرر كلامك بعد معاي مع انك عارف وجهة نظري وفاهمها وتكلمنا الف مره فيها ووين المشكله اذا انا تميت متمسك بطريقتي شباضركم فيه ؟؟؟ انتوا ملزومين فيني اقتنع بطريقتكم وامشي على خطاكم ولااااااااااازم ابيع باقيام عاليه عشان اصير من كبار المربين ؟؟؟

انا يكفيني فخر واكبر شهاده اعتز فيها ان اثنين من عمد كبار مربين الحلال في قطر تمنحوا من عندي فحول ويكفيني ان فحولي دارت منايح على عزب قطر وبذرها موجود فيها ومنتشر من شمال لي جنوب واعتقد هذي يخلليني مع الناس اللي ساهموا في تطوير الحلال عندنا واكيد بيي غيري وبيكمل المشوار

بخصوص المواصفات اللي تبي توصل لها من وجهة نظري

اهم شي عندي رهاوة الاذن وبياضها ومواري الدابشه ككل وتناسقها وغزلها وجبارها ورباشها وطول رقبتها وفي شغلات كماليه وتحللي مثل القذله وانا احب شغله الربع مايوافقوني فيها وهي القرن الفارق
اذا تحققت هالمواصفات بالنسبه لي صار الشي فاخر وراقي حتى لو ماكان معرف وبالنسبه لي انا ماشوف شي نادر الحين لان الحلال صار متوفر في كل مكان وهذي وجهة نظر شخصيه مافرضها على حد ولا حد يفرض غيرها علي

وسالفة اعرض مثله لو عندك هذي ماتمشي الحال لان من اللجنه اللي بتحكم وعلى اي اساس بتحكم دام الاذواق مختلفه ومثل ماقلت من قبل شلون بتحكم بين اثنين واحد يحب الشهب اكثر والثاني يفضل الربش او العطر ؟؟؟ واذا اللي انت عرضته وماركب على ذوقي هل معناها ان مب زين او العكس ؟؟؟

اخوي بوعمار ادري بتقول اني حورت الموضوع وطلعت من النقاش بس ركز معاي واقرى كلامي عدل بتلقاني في صلب الموضوع والبيع والمشترى مب كل شي

الله يوفق الجميع في كل مايملكون ويحقق اهدافهم اللي يسعون لها تجاره او غيرها





ههههههههههههههههههههههههههه

انا بس أبغي بوعبدالله وراعي كحيلة يقولون شي هم بس قاعدين يتفرجون علي وانت تسحبني يمين ويسار

أنت أبداً ماحورت النقاش, الا شلخته تشليخ, ههههههههههههههههه, ارحم نفسك يا بوعمرو

أنت بس لو تقول على أي أساس تسمي التيس أو الخاروف ((( فحل منتج )))

بدون ما تذكر كل هذي السوالف, ولله مشكلة أذا أنت تشوف هذا في صلب الموضوع

بوعبدالله, بوعبدالعزيز قول شي بس Pleaseeeeeeeeeeeeee


تحياتي وأشواقي الحاره

[بوعمار]

نامل من كل شخص يطرح موضوع ان يكون له هدف وهي المصلحة العامه وان يلتزم برد على جميع المشاركين وان يكون في حدود الباقه وان يطرح امثله او صور تدعم وجهت نظره وفي حال طلب منه التوضيح سواء كان اسمه الحقيقي او شي من حلاله ان يكون على قد المسؤليه ويظهر راسه مع الرجاجيل اللي مثله او يكون مستمع لطرح ويستفيد ولا له داعي للجدال يااخوان نحن نبحث عن الاستفادة ومن ناحية التحسين في الحلال كل واحد حر في حلاله بس لايقول مافيه خصم الخصم ولافيه ندر ولافيه حلال ينباع بمبالغ عاليه او انه مايسوا القيمه اللي انشراء فيها او انا عندي خبرة وعدد من السنين ياخي فيه ناس مالهم ولا سنتين لاكن اول ماطلعو جالسو اهل الصنف المعروفين وصار عنده فكر احسن من واحد خبرته تفوق الخمسة عشر سنه ولو تجي ابو سنتين لقيت عنده حلال من الخصم وفوق ولو جيت ابو خمس عشر سنه لقيت حلال ماتدري وش الحبش من ام عرنون من عارضيه اقل من الوسط العمد على الفكر السائد عند اهل الصنف المعروفين .
(وسمحولي على الاطالة)




حبيبي بومحمد أنا أسف أذا تأخرت عليك في الرد

والكلام ألي قلته أنا أتفق معك 100% فيه جملة وتفصيل

والوصول للهدف بعد توفيق الله محتاج فكر متفتحت ونظره بعيده


شاكر لك المشاركة المفيدة

[بوعمار]

في البدايه احب اعايد على اخواني في المنتدى كل واحد باسمه....العيد عليكم مبارك وعساكم من عايدين العيد

وتحياااتي للفطاحل اللثنين(بوعمار والعنبري) اللي انا اعتبرهم مكسب لي ان اسمع اراءهم الثمينه..والقيمه

واذا سمحتولي انا قريت الكلام اللي انكتب وحسيت ان الهدف من التربيه هو اللي يحدد الفحل ,,يعني العنبري يربي الحلال ليوسع خاطرة ويستانس بالحلال مع هله وعياله والا يفكر بالربح فقط فكان رايه يختلف مع اللي يبغي ينتج للربح اكثر من الوناسه...فاختلفت المعاايير

تحيااتي لكم




عساك من العايدين الفايزين والله يعوده علينا الخير

أرجوك لاتقول عني فطحل جزاك الله خير انا ما زلت أتعلم من الموجودين

والحقيقة قلتها من زمان, من أستويت وانا مع الحيوانات والطيور بأنواعها

بس على مستوى الصنف جدييييييييييييييييييييد بقراطيسي عمري فيه ما يتجاوز السنتين

وطموحي ماله حد, وهذا حق شرعي, ومن حقي أنافس للوصول للقمة

ولا يمنع بأن أعلن أني جديد وداخل للمنافسة, وأذا ما وصلت

يكفيني الشجاعة في المنافسة في حدود الروح الرياضية


أما عن الموضوع أخوي سعود فهمته خطاء, ما ألومك, كله من العنبري,,,,,!

السالفة هي على أي أساس أو ما هي المعاير الي عليها نقدر نسمي التيس أ و الخاروف

(((((((((((( فحل منتج )))))))))))))

نقاط ومفاتيح النقاش مذكورة أعلاه

وأذا أنت تشوف شي ثاني أطرحه


شاكر لك المشاركة

[بوعمار]

أم هي نظرت المربي الشخصية فقط,, أم هي التحيز والعنصرية لأسماء أشخاص معينة


لا تخلو الساحة من التطبيل والبحث عن المصالح ولاكن لايصح الااصحيح.





الله لاينصرهم ولايربحهم ويبعدهم عنا

[بوعمار]

أم هو مرتبط بأسماء بعض المنتجين المشهورين ولهم تاريخ من الأنتاج

المنتج المشهور يكفيه هذا الاسم وتاريخه طلما صلاحيته سارية المفعول فكل يبحث عن الشهرة ولا تحصل الابلاجتهاد والجهد ويستاهل كل من استطاع الوصول اليها.







ولكل مجتهد نصيب, والله يرزقنا وياكم بالحلال الطيب

[بوعمار]

أم هو السر في العمق والندرة,,والمرتبط بمواصفات معينة

مسيت بلخير اخوى بو عمار انت وباقي الاعضاء.

الفحول ماهي سواء حتى لوكانت من ابو واحد لذالك تشوف المربي دائما يسئل عن المعمق اذا فيه خصم او خصم الخصم اى امه او تويمت امه اوجدته اوتويمت جدتة......الخ فيهم خصم الخصم يعرف انه بينتج مثل هذه السلاله وكل مربي يبحث عن الفحل الي يتوقع انه يقدر يطور امراحه وكل مراح له مستوى معين لايمكن مراح عايدي بينتج ندر .






أتفق معك في أن السلالاة النظيفة تنتج النظيف وبنسب متفاوته

وعمر الأرنب ما تنجب غزال

[بوعمار]

الأنتاج الطيب,,الذي يتسابق عليه القناي,,في ساحات البيع,,والذي ينتقل من شخص الى أخر

طبعا يحدد الانتاج الطيب انك تشتري او واحد من الناس جفرة طيبه 10000 الف وبعد فترة تنشراء منك 13000الف ويبيعها 20000الف وانتاجه الثاني ينباع 23000الف وكل وماله في تصاعد هذا يحدد قوت انتاج الفحل ويعتبر من الفحول الخصم.







هذا الكلام واقعي وهذا الي حاصل مع بعض الأنتاجات الي على الساحة

وبدون شك أن هذا الأنتاج (المتسابق عليه) يدعم الفحل والمنتج

[فيصل نادر العصيمي]

ماشاء الله نقاش ساخن

اخوي ابو عمار

انا ذكرت لك ان اي فحل يطور في الحلال يسمى منتج وهذا لا جدال فيه

ولاكن كل فحل له مستوى معين من التطوير على حسب الاناث الي تحته

يعني لو هديت فحل في حلال خصم وانتج لي افضل منها يسمى منتج

ونفس الفحل هديته في حلال خصم الخصم ولم يطور في الانتاج هل اقول عنه غير منتج

كل حلال له نوع معين من الفحول يكمل النواقص الموجوده في الاناث

اما بالنسبه للمبيعات من انتاج الفحل هذا لا يحكم بأنه منتج

هناك اشخاص تستطيع ان تدفع مبالغ مرتفعه في حلال انا وانت نراه عادي او متوسط ولاكن

نظرة هذا الشخص تختلف عن نظرتنا

ورايت انت ورأيت انا حلال يباع بمبالغ طائله لا يملك من المواصفات الشي الكثير

سوى انه ينتمي الا سلاله معينه او ان امه فلانه وابوه فلان

ولاكن احب ان اسأل سوأل واطلب منك طلب

لو ان هناك فحل فيه جميع المواصفات الي انا احبها واعتبرها وكثير من المربين يعتبرها طيبه

وكان انتاجه نفس المستوى هل يسمى منتج ويستحق هذا الاسم...؟

طبعا هذا بعد اتفاقنا على المواصفات الطيبه كا كبر الرأس وطول الاذن ومنبتها المتفاهق جبر العضام الامتداد اللون

وطلبي يابو عمار اريدك ان تطرح انت رأيك في موضوعك الجميل ..

تحياتي

[بوعمار]

ماشاء الله نقاش ساخن

اخوي ابو عمار

انا ذكرت لك ان اي فحل يطور في الحلال يسمى منتج وهذا لا جدال فيه

ولاكن كل فحل له مستوى معين من التطوير على حسب الاناث الي تحته

يعني لو هديت فحل في حلال خصم وانتج لي افضل منها يسمى منتج

ونفس الفحل هديته في حلال خصم الخصم ولم يطور في الانتاج هل اقول عنه غير منتج

كل حلال له نوع معين من الفحول يكمل النواقص الموجوده في الاناث

اما بالنسبه للمبيعات من انتاج الفحل هذا لا يحكم بأنه منتج

هناك اشخاص تستطيع ان تدفع مبالغ مرتفعه في حلال انا وانت نراه عادي او متوسط ولاكن

نظرة هذا الشخص تختلف عن نظرتنا

ورايت انت ورأيت انا حلال يباع بمبالغ طائله لا يملك من المواصفات الشي الكثير

سوى انه ينتمي الا سلاله معينه او ان امه فلانه وابوه فلان

ولاكن احب ان اسأل سوأل واطلب منك طلب

لو ان هناك فحل فيه جميع المواصفات الي انا احبها واعتبرها وكثير من المربين يعتبرها طيبه

وكان انتاجه نفس المستوى هل يسمى منتج ويستحق هذا الاسم...؟

طبعا هذا بعد اتفاقنا على المواصفات الطيبه كا كبر الرأس وطول الاذن ومنبتها المتفاهق جبر العضام الامتداد اللون

وطلبي يابو عمار اريدك ان تطرح انت رأيك في موضوعك الجميل ..

تحياتي





مرحبا بك يا بونادر

الفحل الي يطور ويجيب أفضل من الأمهات فحل منتج متفق عليه

نفس الفحل فكيته على معزة خصم الخصم, مايفقده لقبه بأنه فحل منتج

بس المعزة الي هي في مستوى خصم الخصم وأذا هي أفترضنا أنها وصلت للقمة
تحط لها فحل من نفس مستواها, أذا ماطورها ماينزل مستواها يعني يحافظ المستوى


أخوي بونادر المبيعات ما تحكم, صعبه شويه, المبيعات تدعم وتأكد أن أنتاج الفحل مطلوب ومرغوب
وأذا كان التسابق عليه موجود, أذاً المجموعة الي تسابقت على شراء الأنتاج ترى بأن نسبة المبيعات معيار معتمد لديهم

أما من الي يقدر يشتري, والمبالغ الي تدفع, ويسوى أو ما يسوى, وشراء سلالات معينه
ذي مواضيع غير الي أحنا ننقاشه يا بونادر

ونقطة نفس المستوى غير واضحة
وأذا كان يحمل كل المواصفات الي ذكرته, أعتقد أنه مسمي نفسه ولا وش رايك.

أما بخصوص رأيي يستطيع القارئ أن يستشفه من ردودي
ودائما ما أختم أي موضوع أطرحه بملخص من أراء المشاركين ورأيي
صبراً آل ياسر أن موعدكم الجنة


شاكر لك المشاركة

[روح قطر]

يعطيك العافية يابو عمار موضوعك شيق ونحتاج لكل المربين يشاركون فية

متااااااااااااااااااااااااااااابعة للنقاش

تحياتى

[العنبري]

نامل من كل شخص يطرح موضوع ان يكون له هدف وهي المصلحة العامه وان يلتزم برد على جميع المشاركين وان يكون في حدود الباقه وان يطرح امثله او صور تدعم وجهت نظره وفي حال طلب منه التوضيح سواء كان اسمه الحقيقي او شي من حلاله ان يكون على قد المسؤليه ويظهر راسه مع الرجاجيل اللي مثله او يكون مستمع لطرح ويستفيد ولا له داعي للجدال يااخوان نحن نبحث عن الاستفادة ومن ناحية التحسين في الحلال كل واحد حر في حلاله بس لايقول مافيه خصم الخصم ولافيه ندر ولافيه حلال ينباع بمبالغ عاليه او انه مايسوا القيمه اللي انشراء فيها او انا عندي خبرة وعدد من السنين ياخي فيه ناس مالهم ولا سنتين لاكن اول ماطلعو جالسو اهل الصنف المعروفين وصار عنده فكر احسن من واحد خبرته تفوق الخمسة عشر سنه ولو تجي ابو سنتين لقيت عنده حلال من الخصم وفوق ولو جيت ابو خمس عشر سنه لقيت حلال ماتدري وش الحبش من ام عرنون من عارضيه اقل من الوسط العمد على الفكر السائد عند اهل الصنف المعروفين .
(وسمحولي على الاطالة)



اخوي بو محمد مسيك بالخير

بس حبيت اتاكد قبل لا انطلق في ردي على قولة حبيب قلبي بو عبدالعزيز لان احتمال يكون في سوء فهم او تواصل مني هل انا المقصود بكلامك هذا ؟؟؟؟

[العنبري]

ههههههههههههههههههههههههههه

انا بس أبغي بوعبدالله وراعي كحيلة يقولون شي هم بس قاعدين يتفرجون علي وانت تسحبني يمين ويسار

أنت أبداً ماحورت النقاش, الا شلخته تشليخ, ههههههههههههههههه, ارحم نفسك يا بوعمرو

أنت بس لو تقول على أي أساس تسمي التيس أو الخاروف ((( فحل منتج )))

بدون ما تذكر كل هذي السوالف, ولله مشكلة أذا أنت تشوف هذا في صلب الموضوع

بوعبدالله, بوعبدالعزيز قول شي بس pleaseeeeeeeeeeeeee


تحياتي وأشواقي الحاره



ههههههههههههههههه انت اللي ارحم نفسك يابوعمار وصدقني مستحيل توصل حق نتيجه لان الاهداف مختلفه والاذواق يمين ويسار شرق وجبله

ايش اللي طلعت فيه عن صلب الموضوع ؟؟؟

قلت لك المواصفات اللي تهمني وقلت لك الاسعار لاتعني لي شي ولاتحكم على فخامة الفحل عندي وشرحت لك كل اللي اللي عندي وانت عارفه وفاهمه من قبل وين المشكله الحين اللي انت مب فاهمها ؟؟؟

والف مره عدت وزدت وقلت محد يفرض رايه على حد واللي تشوفونه نادر وخصم انا مب ملزوم اشوفه بنفس النظره والعكس صحيح مب شرط تشوفون اللي في عيني فاخر بنفس طريقتي وين المشكله ؟؟؟

انت قلت ان انا عشرين سنه ماسويت شي وانا رديت عليك وقلت لك سويت وهدفي مب تجاري وماهمتني الاسعار شاللي مزعلكم من كلامي الحين ؟؟؟؟

انا في صلب الموضوع يابوعمار وقولي وين انا طلعت عن الموضوع وشرط اثبت لك اني في صلبه وان كلامي رد على كلامكم ونقاشكم

[أبو سما]

أخي الغالي

موضوع الفحل المنتج سواء كان تيس أو خـروف أو بعير

يطلق أو يسمي بالفحـل المنتـج على الفحـل الذي يطور
الحلال المهدود فيه حتى وإن كان الحلال المهدود فيه وسط

وتسمية الفحـل بالمنتج لأن إنتاجه طيب ويتسابق عليه المربين
من كل صـوب

وللأسف هناك فحـول منتجـه ولكـن تجد التحيز والعنصرية
والتطبيل بين بعض المربين وكلاً يطبل لرفيقه

ولكن لا يبقي إلي الصحيح الفحل الطيب يبقي ولا يهتم بالتطبيل وإنتاجه يشهد له على الساحة

ومن يقول عكس ذالك يغالط نفسه

بعض الفحول خياليه ومنتجه ولكن علشان يكسرونها
أدخلوا فيها شائعات الشرك علشان يشوشون على المربين
الباحثين عن الحلال الطيب

ومن هذي الفحول التي تم هضم حقها أبو فوطه

وبهذا الفحول المنتجه أغلبها الوقت الراهن تطبيل
وغالباً ما تجد فحل منتج ومهضوم لأنه لم يجد من يطبل له

وأي عوارض فيها ملبه أو عرنون الوقت الحالي تعتبر مشروكة ومهجنه
ومن يقول عكس ذالك أنا في وجهة نظري أعتبره من المطبلين لفحول معينه في نظرهم

تقبل أرق وأطيب تحياتي ،،،

[عبدالاله الحميداني]

ههههههههههههههههه انت اللي ارحم نفسك يابوعمار وصدقني مستحيل توصل حق نتيجه لان الاهداف مختلفه والاذواق يمين ويسار شرق وجبله

ايش اللي طلعت فيه عن صلب الموضوع ؟؟؟

قلت لك المواصفات اللي تهمني وقلت لك الاسعار لاتعني لي شي ولاتحكم على فخامة الفحل عندي وشرحت لك كل اللي اللي عندي وانت عارفه وفاهمه من قبل وين المشكله الحين اللي انت مب فاهمها ؟؟؟

والف مره عدت وزدت وقلت محد يفرض رايه على حد واللي تشوفونه نادر وخصم انا مب ملزوم اشوفه بنفس النظره والعكس صحيح مب شرط تشوفون اللي في عيني فاخر بنفس طريقتي وين المشكله ؟؟؟

انت قلت ان انا عشرين سنه ماسويت شي وانا رديت عليك وقلت لك سويت وهدفي مب تجاري وماهمتني الاسعار شاللي مزعلكم من كلامي الحين ؟؟؟؟

انا في صلب الموضوع يابوعمار وقولي وين انا طلعت عن الموضوع وشرط اثبت لك اني في صلبه وان كلامي رد على كلامكم ونقاشكم




ابو عمر الله يطول عمرك على طاعته كل كلامك يتلخص في(باطمع بالافضل مستقبلا وهذي دور الهندبريك ان شالله) وهو اغلاء فحولك واقواها معمق ورايح يثبت انه الفحل المطلوب انتاجه في الساحة ولو يجونك اهل الصنف رايح يعجبون في انتاجة .


وانا جاني اتصال يقول انك غلطت على اهل الحلال القداما وكلامي كان يثبت ان السنين قليلة او كثيرة تعتمد على الفكر ومخالطة اهل الصنف من ذوي الخبرة ولا ينقص من حق المربين القدما شئ ولاكن رب قديم يهتم بلكم اكثر من الكيف.

[فيصل نادر العصيمي]

مرحبا بك يا بونادر

الفحل الي يطور ويجيب أفضل من الأمهات فحل منتج متفق عليه

نفس الفحل فكيته على معزة خصم الخصم, مايفقده لقبه بأنه فحل منتج

بس المعزة الي هي في مستوى خصم الخصم وأذا هي أفترضنا أنها وصلت للقمة
تحط لها فحل من نفس مستواها, أذا ماطورها ماينزل مستواها يعني يحافظ المستوى


أخوي بونادر المبيعات ما تحكم, صعبه شويه, المبيعات تدعم وتأكد أن أنتاج الفحل مطلوب ومرغوب
وأذا كان التسابق عليه موجود, أذاً المجموعة الي تسابقت على شراء الأنتاج ترى بأن نسبة المبيعات معيار معتمد لديهم

أما من الي يقدر يشتري, والمبالغ الي تدفع, ويسوى أو ما يسوى, وشراء سلالات معينه
ذي مواضيع غير الي أحنا ننقاشه يا بونادر

ونقطة نفس المستوى غير واضحة
وأذا كان يحمل كل المواصفات الي ذكرته, أعتقد أنه مسمي نفسه ولا وش رايك.

أما بخصوص رأيي يستطيع القارئ أن يستشفه من ردودي
ودائما ما أختم أي موضوع أطرحه بملخص من أراء المشاركين ورأيي
صبراً آل ياسر أن موعدكم الجنة


شاكر لك المشاركة


كلام جميل

وبيض الله وجهك وفي انتظار رايك

ولاكن ابو عمار الا تلاحظ ان هناك من شطح عن الموضوع

نتمنى من الجميع التحدث في صلب الموضوع لنستفيد

وشكرا للجميع

[بوعمار]

ههههههههههههههههه انت اللي ارحم نفسك يابوعمار وصدقني مستحيل توصل حق نتيجه لان الاهداف مختلفه والاذواق يمين ويسار شرق وجبله

ايش اللي طلعت فيه عن صلب الموضوع ؟؟؟

قلت لك المواصفات اللي تهمني وقلت لك الاسعار لاتعني لي شي ولاتحكم على فخامة الفحل عندي وشرحت لك كل اللي اللي عندي وانت عارفه وفاهمه من قبل وين المشكله الحين اللي انت مب فاهمها ؟؟؟

والف مره عدت وزدت وقلت محد يفرض رايه على حد واللي تشوفونه نادر وخصم انا مب ملزوم اشوفه بنفس النظره والعكس صحيح مب شرط تشوفون اللي في عيني فاخر بنفس طريقتي وين المشكله ؟؟؟

انت قلت ان انا عشرين سنه ماسويت شي وانا رديت عليك وقلت لك سويت وهدفي مب تجاري وماهمتني الاسعار شاللي مزعلكم من كلامي الحين ؟؟؟؟

انا في صلب الموضوع يابوعمار وقولي وين انا طلعت عن الموضوع وشرط اثبت لك اني في صلبه وان كلامي رد على كلامكم ونقاشكم






أسأل الله الرحمة لنا أجمعين,,,,,أمين

النتيجة, أذا كنت تقصد أتفاق الأراء يمكن تكون صح في وقتنا الحاضر, أتفاق و أختلاف.
بس بيجي اليوم الي تنحط المعاير والمواصفات بالضبط مثل الخيل والسقان
مع أنهم عربية بس فرضت علينا من دول أجنبية, والتحكيم والتقيم
من عندهم حتى لو في أنه ألأونه الأخيرة دخل بعض العرب
في التحكيم بس بالمعاير الي جات من عندهم
تعرف ليش, لأن أحنا ما نعرف نتفق,,!

أما النتيجة الي كنت أسعى لها تأكد أني وصلت للجزء الأكبر والأهم منها,,,,,,,,,,,,,,,,!
وباقي نسمع أراء المربين من واقع خبرتهم وتجاربهم, يمكن تكون فيه معلومة أنا وأنت نجهلها أو غافلين عنها

حبيبي بوعمرو انا ما قلت عشرين سنة وما سويت شي, وهذا أقتباس من مشاركثي

واثق من نفسك , وتميز الخصم والنادر , ولا تتفق مع الغير
لحظظظظظظظظظظظظظظظظة
شلون يعني ما تشوف أن فيه شوية تناقض على شوية غرور على شوية عنصرية
والله عفيسه مادري وش أقولك, عشرين سنة وأنت تربي وعندك كل هالمزايا المفروض
يكون مراح كله خصم ونادر وخالي من العيوب والشوائب,,,,,,,,,,!
ما خاب من ستشار
بوعمرو ممكن أن الشخص يدرس أنتساب بنفسه وبدون مساعدة أذا كان شاطر وذكي
بس أخر السنة لازم يروح يمتحن في لجنة واللجنة هي الي تصحح وتقيم.


الحين يا بوعمرو انا أبيك تتذكر أول مشاركة لي في نقاشات هذا المنتدى

لما كنت أقول ( ولا تبخسوا الناس أشيائهم )

كنت ضد تهميش أي فئة, ممكن تقول؟


يا بوعمرو دامك شارط أنك تثبت لي أنك ما طلعت من الموضوع قيل لا أقول وين, أذا ما فيه فايدة

أبيك بس بينك وبين نفسك تقارن مشاركاتك مع جميع مشاركات باقي الأعضاء

وأنت بتشوف وبتعرف أن ((( بظلوف غير )))


تدري عاد الحين وانا في الدمام وما حولي غير المندي والمشاوي

تذكرت أنك مواعدين بالبرنيوش وصويفيات مقلية ودهينة من الي قلبك يحب

لكن معليه والله لا أقدم شكوة في ميلس أبوي يبر وأنت عاد كيفك



قلبك أبيض يا بوعمور

[بوعمار]

أخي الغالي

موضوع الفحل المنتج سواء كان تيس أو خـروف أو بعير

يطلق أو يسمي بالفحـل المنتـج على الفحـل الذي يطور
الحلال المهدود فيه حتى وإن كان الحلال المهدود فيه وسط

وتسمية الفحـل بالمنتج لأن إنتاجه طيب ويتسابق عليه المربين
من كل صـوب

وللأسف هناك فحـول منتجـه ولكـن تجد التحيز والعنصرية
والتطبيل بين بعض المربين وكلاً يطبل لرفيقه

ولكن لا يبقي إلي الصحيح الفحل الطيب يبقي ولا يهتم بالتطبيل وإنتاجه يشهد له على الساحة

ومن يقول عكس ذالك يغالط نفسه



تقبل أرق وأطيب تحياتي ،،،





هلا والله هلا

كلام طيب وجميل وأنا أتفق معك في ما ذكرت أعلاه أخوي بوسماء

بس في ما يتعلق بموضوع مشكلة بوفوطه هذا خارج الموضوع

أرجوك لا تدخلنا في متاهات ما لها أول ولا أخر

كما أرجو من باقي الأخوان عدم التطرق لمواضيع مشابه


شاكر لك مشاركتك

[عبدالاله الحميداني]

اخوي بو محمد مسيك بالخير

بس حبيت اتاكد قبل لا انطلق في ردي على قولة حبيب قلبي بو عبدالعزيز لان احتمال يكون في سوء فهم او تواصل مني هل انا المقصود بكلامك هذا ؟؟؟؟



ابو عمر كلامي عام وليس موجه للي احد ولو ارت ان اوجه اقتبست منك او من الشخص ووضعته في طرحي ويجب ان يعلم كل شخص يشارك هنا انها وجهت نظر والاختلاف لايفسد للود قضيه ان اتفقنا او لم نتفق.

[العنبري]

ابو عمر الله يطول عمرك على طاعته كل كلامك يتلخص في(باطمع بالافضل مستقبلا وهذي دور الهندبريك ان شالله) وهو اغلاء فحولك واقواها معمق ورايح يثبت انه الفحل المطلوب انتاجه في الساحة ولو يجونك اهل الصنف رايح يعجبون في انتاجة .


وانا جاني اتصال يقول انك غلطت على اهل الحلال القداما وكلامي كان يثبت ان السنين قليلة او كثيرة تعتمد على الفكر ومخالطة اهل الصنف من ذوي الخبرة ولا ينقص من حق المربين القدما شئ ولاكن رب قديم يهتم بلكم اكثر من الكيف.



هلا وغلا اخوي بو محمد ومسيك بالخير

انا ماشفتك غلطت على المربين القداما ومادري عن سالفة التليفون اللي جاك ومن حقك تقول رايك مثل مالكل يقول رايه دامه في برواز الاحترام وعدم التجريح وهذي اللي عرفناه عنك وخبرناه فيك وعزيز وغالي يابومحمد

اصحح معلوماتك الهندبريك مب اغلى فحولي كسعر ومب اقواها معمق بالعكس انا اشوفه اضعفهم واقلهم معمق لاني شريت ولد الكايد اغلى منه بالف ريال والكايد والعاصي اشهر فحلين عندنا في قطر وعندي الاشرم ولد العاصي شريته بسمبعمية ريال على ايام الرخص وقبل لاتنتبه الناس حق العوارض وتغلى اسعارها وكان ذاك الوقت ترى بسعر فحل لان الذبيحه ماكانت اتعدى الثلاثمية ريال وصدقني اول من قال عني مينون اني شريت بهالقيمه لانها عاليه ذاك الوقت كان اخوي علي وكلمة مينون هذي وااايد سمعتها حتى يوم شريت اغلى شرية هي ولد الكايد بقيمة 19000 هاوشوني وقالوا مب صاحي تشتري بهالاسعار وتقدر تشوف بكم انباعت بنات العاصي والكايد وعيالهم عقب ومنهم على حسب معلوماتي البيرق اللي باعوه بمبلغ 150000 ومنهم ميزان وفحول كثيره اطلعت في الساحه غير اللي ذكرتهم وبوسنام من نفس المعمق وعافور وحتى الجاموس كلهم من نفس المراح ونفس المعمق شريتهم صخال تحت امهاتهم ماكملوا الاسبوعين على اربع الاف الواحد وخذتهم في حظي يزينون او يشينون وعراك شريته على حظي من السوق وقبل لا اشتريه بلحظات دريت انه من غنم اخونا جاسم الخاطر وكان معاي في هالشي اخونا بوعبدالوهاب وشاورته فيه قبل لااشتريه وقال لي اخذه وانت مغمض وعقب ماشريته دريت انه ولد فحل اخونا سعود بن عبدالله الاشهب الكتيفي

الهندبريك انا شريته بس عشان شي واحد وصفه وحده ابي ادخلها على حلالي وهي اذنه البرصه الرخوه لاني احب الاذن الراهيه البيضه ومارغب في الغشوه والا باقي مواصفاته الحمدلله كلها موجوده في حلالي وعندي فحول انتاجها كمستوى مايقل عنه وفي حالات افضل بعد من وجهة نظري وهذي اللي قصدته اني باطور حلالي اني بادخل عليه صفه يديده والحمدلله عطاني اللي ابيه واحب فحولي على قلبي مع انه مب احلاهم بوسنام

[العنبري]

ابو عمر كلامي عام وليس موجه للي احد ولو ارت ان اوجه اقتبست منك او من الشخص ووضعته في طرحي ويجب ان يعلم كل شخص يشارك هنا انها وجهت نظر والاختلاف لايفسد للود قضيه ان اتفقنا او لم نتفق.


عزيز وغالي يابومحمد وقلت لك من قبل النقاش معاك متعه والاختلاف في الراي لايفسد من الود قضيه

[العنبري]

أسأل الله الرحمة لنا أجمعين,,,,,أمين

النتيجة, أذا كنت تقصد أتفاق الأراء يمكن تكون صح في وقتنا الحاضر, أتفاق و أختلاف.
بس بيجي اليوم الي تنحط المعاير والمواصفات بالضبط مثل الخيل والسقان
مع أنهم عربية بس فرضت علينا من دول أجنبية, والتحكيم والتقيم
من عندهم حتى لو في أنه ألأونه الأخيرة دخل بعض العرب
في التحكيم بس بالمعاير الي جات من عندهم
تعرف ليش, لأن أحنا ما نعرف نتفق,,!

أما النتيجة الي كنت أسعى لها تأكد أني وصلت للجزء الأكبر والأهم منها,,,,,,,,,,,,,,,,!
وباقي نسمع أراء المربين من واقع خبرتهم وتجاربهم, يمكن تكون فيه معلومة أنا وأنت نجهلها أو غافلين عنها

حبيبي بوعمرو انا ما قلت عشرين سنة وما سويت شي, وهذا أقتباس من مشاركثي

واثق من نفسك , وتميز الخصم والنادر , ولا تتفق مع الغير
لحظظظظظظظظظظظظظظظظة
شلون يعني ما تشوف أن فيه شوية تناقض على شوية غرور على شوية عنصرية
والله عفيسه مادري وش أقولك, عشرين سنة وأنت تربي وعندك كل هالمزايا المفروض
يكون مراح كله خصم ونادر وخالي من العيوب والشوائب,,,,,,,,,,!
ما خاب من ستشار
بوعمرو ممكن أن الشخص يدرس أنتساب بنفسه وبدون مساعدة أذا كان شاطر وذكي
بس أخر السنة لازم يروح يمتحن في لجنة واللجنة هي الي تصحح وتقيم.


الحين يا بوعمرو انا أبيك تتذكر أول مشاركة لي في نقاشات هذا المنتدى

لما كنت أقول ( ولا تبخسوا الناس أشيائهم )

كنت ضد تهميش أي فئة, ممكن تقول؟


يا بوعمرو دامك شارط أنك تثبت لي أنك ما طلعت من الموضوع قيل لا أقول وين, أذا ما فيه فايدة

أبيك بس بينك وبين نفسك تقارن مشاركاتك مع جميع مشاركات باقي الأعضاء

وأنت بتشوف وبتعرف أن ((( بظلوف غير )))


تدري عاد الحين وانا في الدمام وما حولي غير المندي والمشاوي

تذكرت أنك مواعدين بالبرنيوش وصويفيات مقلية ودهينة من الي قلبك يحب

لكن معليه والله لا أقدم شكوة في ميلس أبوي يبر وأنت عاد كيفك



قلبك أبيض يا بوعمور






ههههههههههههههههههههههه مع اني مصمم على رايي بخصوص صلب الموضوع وماشطحت بس دام فيها عمي يبر وعياله وفيها شكوى عندهم واااااااالله العظيم انا امتنع عن التصويت وارفع الرايه البيضا

عزيز وغالي والله يابوعمار وواسطتك قياده عليا عندنا وحكومه مانقدر نقول برم لهم وكلامهم يمشي على رقابنا

[بوناصر]

اخوي بوعمار الفحل الي يستاهل بنقال عنه فحل هو الي تشوفه في انتاجه يعني من تشوف انتاجه تشوف مواري الاب فيه هذ ينقال عنه فحل بغض النظر عن مواصفاته لان المواصفات انت الي تختارها وطبعا اي شخص يختار فحل يكون عاجبه شكله وشايف فيه مواري يبي يدخلها في حلاله واذا هالفحل ماقدر ينسخ صفاته في انتاجه اعتقد مايستاهل يكون فحل لان الاختيار يكون لتكمله مواصفات ناقصه .

[بوعمار]

اخوي بوعمار الفحل الي يستاهل بنقال عنه فحل هو الي تشوفه في انتاجه يعني من تشوف انتاجه تشوف مواري الاب فيه هذ ينقال عنه فحل بغض النظر عن مواصفاته لان المواصفات انت الي تختارها وطبعا اي شخص يختار فحل يكون عاجبه شكله وشايف فيه مواري يبي يدخلها في حلاله واذا هالفحل ماقدر ينسخ صفاته في انتاجه اعتقد مايستاهل يكون فحل لان الاختيار يكون لتكمله مواصفات ناقصه .





هلا والله هلا

بوناصر من طول الغيبات جاب الغنايم, وين هالغيبة.

كلام طيب من رجل راعي فكر وماشي على خطة للوصول للهدف

الفحل الي ينسخ صفاته في تكميل النقص يستحق لقب الفحل, كلم طيب ومعقول


شاكر لك مشاركتك

أخوك

[ابوجديع]

(( بوعمار ))

الله يعطيك العافيه على هذا الموضوع الهادف ..

والأخوان الذين شاركوك النقاش كلهم نفس الكلام بالنسبه للفحل المنتج وآنا أقولك وبإختصار ..

الفحل المنتج الذي يظهر نفسه سواء كانت عنده حلال صنف أو عاديه هذا هو المنتج وأنت في مراحك يأتونك من جميع المناطق أو من البلدان المجاوره ويشترون منك في أعلا الأسعار يريدون منه عياله أو بناته لكي ينتجون منه ..
والشخص الذكي الذي يظهر فحل من مراحه ولا ينسبه للغير أو يكون شاريه من شخص معروف ويتوفق فيه ويكون عنده إنتاج أحلا وأحسن من أبوه وهذا توفيق من عندالله عز وجل ..

أأأخوكم أأأبوجديع

[بوعمار]

(( بوعمار ))

الله يعطيك العافيه على هذا الموضوع الهادف ..

والأخوان الذين شاركوك النقاش كلهم نفس الكلام بالنسبه للفحل المنتج وآنا أقولك وبإختصار ..

الفحل المنتج الذي يظهر نفسه سواء كانت عنده حلال صنف أو عاديه هذا هو المنتج وأنت في مراحك يأتونك من جميع المناطق أو من البلدان المجاوره ويشترون منك في أعلا الأسعار يريدون منه عياله أو بناته لكي ينتجون منه ..
والشخص الذكي الذي يظهر فحل من مراحه ولا ينسبه للغير أو يكون شاريه من شخص معروف ويتوفق فيه ويكون عنده إنتاج أحلا وأحسن من أبوه وهذا توفيق من عندالله عز وجل ..

أأأخوكم أأأبوجديع




كلام طيب من رجل منتج الطيب

المنتج الي ينجح في أنتاجه على الصنف والعادي

والي يكون مطلوب أنتاجه بأسعار عاليه, ويكون أنتاجه أخلى منه

كلام طيب ونقاط مهمه في معاير الفحل


شاكر لك مشاركتك المفيدة

[بوعمار]

أخواني الهدف من طرح موضوع الفحل المنتج
هو الوصل إلى المعاير أو المواصفات التي تمنحه لقب الفحل المنتج.

والملاحظ من النقاط التي تمت مناقشتها كانت متقاربة نوعاً ما باختلاف الأذواق, وكما أسلفت سابقاً أن هدف المربي هو الموجه الرئيسي, ولا ننسى أن موازنتة المربي أيضاً تكون بمثابة القيد في معظم الأحيان.

النقاط والآراء المطروحة:

الإنتاج الطيب, يفترض من الفحل رفع مستوى المراح, وذلك عن طريق تكميل النواقص أو أضافت ملامح ومواصفات جديدة أو تحسين مواصفات موجودة. وهنا يختلف مستوى الفحول باختلاف مستوى الحلال المفكوك فيه (فحل أنتاجه طيب, وفحل أنتاجه خصم, وفحل أنتاجه ندر) وهنا لا أقصد أن فحل معين ما ينتج غير الندر والخصم, تكون هناك نسب متفاوتة شي ندر وشي خصم, وشي مندي, كلهم يستحقون تسمية (فحل منتج)
وهنا في حالت وصلوا المراح إلى مستوى خصم الخصم وإذا افترضنا أن الحلال وصلت للقمة, تحط الفحل من نفس المستوى, وإذا لم يطورها ماينزل المستوى يعني يحافظ المستوى.

أعجبتني كلمته واحد من الأعضاء بس ما شارك قالها لي وحنا نتناقش في مجلسة, أن الفحل المنتج ألي تكون بصمته واضحة في الإنتاج بغض النظر عن مستوى الحلال المفكوك فيه, يعني ألي يشوف الإنتاج يعرف أنهم أخوان.

أنتاج مطلوب ومرغوب والذي يتسابق عليه القناي في ساحات البيع , والذي ينتقل من شخص إلى أخر, وكثيرة الأمثل من أنتاج تم بيعة بسعر 5,000 ريال ومن ثم بيع إلى شخص أخر ب 10,000 ريال ومن بعد ذلك بيع إلى أخر 15,000 ريال وحتى وصل سعر إلى فوق 25,000 ريال,,,,,
وشوي شوي حتى صار السعر ثابت لإنتاج الفحل, وسعر أنتاج الفحل يبتدي من 10,000 وفوق.
هناك بعض الفحول بيعة بأسعار متواضعة وبعد ما أنتجت أرتفع سعرها فوق ويرفض صاحب الفحل بيعة الفحل بمئات الآلاف.

وفيه من قال السر في العمق والندرة, وأن الفحل ألي يتحدر من سلالة الندر يجيب الندر (الفحل لأمهاته).
وهنية لي كلمة دايم أقولها أن من المفترض على المربي المبتدئ يبتدي من (نقطة ما أنتها بها الغير).

ومن الآراء من ربط الندرة بأسماء بعض المنتجين.

ومن يأخذ بنظرته الشخصية والهدف مربوط بنوماس وناسه.


عزيزي القراء ربما تتفق مع بعض النقاط وتختلف مع الأخر, تأكد أنها ظاهره صحية أذا لم يكن في اختلافك تقليل من شأن رأي الغير.

أخواني أود شكر كل من ساهم بإثراء النقاش.

أخوكم,