بطاقة دعوى لإخواننا في قطر

[حمود الخضيري]

يتشرف اخوانكم هواة ومربو الماعز العارضي بمحافظة الزلفي بدعوتكم لحضور المزاد الثالث للماعز العارضي والذي سيقام في 19/10/1430 ه يوم الخميس ليلة الجمعه الموافق 8 اكتوبر 2009 م

حضوركم دعم وشرف لنا

[راعي كحيله]

اخي الكريم حمود الخضيري
اشكرك على الدعوه بس ليتك معلن عن تاريخ المزاد بدري
لان انا خذت 3 ايام اجازه من تاريخ 15-10-2009 تلبيه لدعوة حضور مزاد المجمعه
ان شاءالله باحاول مع الشغل اني اخذ اجازه بتاريخ مزادكم لان انا من زمان خاطري ازور الزلفي واتعرف على الرجال اللي مثلك وشرواك
دعيت بس اخوانك بقطر بعد ما بازعل وتأكد ان الخليج كله اخوان ان شاءالله
تمنياتي لكم بالتوفيق

[راعي كحيله]

لو تسمح لي اخي باوضح نقطه مهمه للاخوان والاخوات بالمنتدى تتعلق بالمزادات
افضل شرياتي كانت بالمزادات والعروض بالمرح من ناحيه النوعيه والسعر
لان بالمزاد الواحد يقول اللي بخاطره والسعر اللي يبيه والحمدلله الحلال واجد
لكن اذا جيت الواحد مراحه تخاف تقول سعر وتضايق راعي الحلال اما بالمزاد السعر يبدأ من 100 ريال والكل في النهايه الشاري والبايع راضيين
لذالك اتمنى من جميع الاخوان حضور مثل هذه المزادات مش بس لشراء الحلال ولكن للتعرف على الرجال اللي بدونهم وبفضل الله عز وجل اولآ ما وصل الحلال لهذا المستوى
الله يوفق الجميع

[بوعمار]

الله يوفقكم في مزادكم والله يقدرنا ونحضره

دعوتكم يا أهل الزلفي شرف

وشاكر لكم الدعوة


أخوكم

[بوعبدالله]

الله يوفقكم ونشاءالله يكون مزاد ناجح بكل المقايس

[عبيد المزروعي]

الله يوفقكم ونشاءالله يكون مزاد ناجح بكل المقايس

[فيصل نادر العصيمي]

بيض الله وجهك اخوي حمود
ومشكور على الدعوه
وبأذن الله مزاد ناجح ومميز
وكيف لا والمنضمين رجال الزلفي
نسأل الله لكم التوفيق والسداد

وعلى فكره
منتدى حلال قطر يضم كثير من المربين المعروفين
من قطر ومن جميع دول الخليج
من الكويت والبحرين والسعوديه والامارات
ومن دول عربيه ايضا
صحيح ان المنتدى يحمل اسم غالي على الكل
(( قطر ))
ولاكنه منتدى للجميع من قطر ومن جميع دول العالم

بس الحمد لله مازعل اخونا راعي كحيله
ههههههههههههههه
واخونا راعي كحيله من البحرين
وبأذن الله بتخاوا انا وياه للمزاد
بس على الله يوافق

[راعي كحيله]

بيض الله وجهك اخوي حمود
ومشكور على الدعوه
وبأذن الله مزاد ناجح ومميز
وكيف لا والمنضمين رجال الزلفي
نسأل الله لكم التوفيق والسداد

وعلى فكره
منتدى حلال قطر يضم كثير من المربين المعروفين
من قطر ومن جميع دول الخليج
من الكويت والبحرين والسعوديه والامارات
ومن دول عربيه ايضا
صحيح ان المنتدى يحمل اسم غالي على الكل
(( قطر ))
ولاكنه منتدى للجميع من قطر ومن جميع دول العالم

بس الحمد لله مازعل اخونا راعي كحيله
ههههههههههههههه
واخونا راعي كحيله من البحرين
وبأذن الله بتخاوا انا وياه للمزاد
بس على الله يوافق


بونادر والله العظيم ان خوتك تنشرى
بس على الله احصل اجازه