المساعد الشخصي الرقمي

مشاهدة النسخة كاملة : سؤال لأهل الخـــــبره ؟؟؟


محمد بن سعد
07-24-2009, 08:09 PM
بــــسم الله الرحمن الرحيم

الـــسلام عليكم ورحمة الله وبركاته

ياربع عندي سؤال ونود ان نستفيد من خبراتكم الله يجزاكم عنا كل خير ...

وش رس تيوس بوكتيفه الكبار اللي انتج منها غنمه ((انا اتكلم عن التيوس اللي اسس فيها غنمه ))؟؟؟
qwe.1122
07-24-2009, 09:21 PM
بــــسم الله الرحمن الرحيم

الـــسلام عليكم ورحمة الله وبركاته

ياربع عندي سؤال ونود ان نستفيد من خبراتكم الله يجزاكم عنا كل خير ...

وش رس تيوس بوكتيفه الكبار اللي انتج منها غنمه ((انا اتكلم عن التيوس اللي اسس فيها غنمه ))؟؟؟

وعليكم السلام ورحمة الله وبركاته
قبل لااجاوبك اخي العزيز لماذا ابو كتيفه بالذات عنده معزى تختلف عن باقي البدو علما ان فيه ناس قديم اهل معزى مشهوريين من قديم امثال الخوالد والعوازم والهواجر والدواسر والسبعان اهل رماح .....اذا المسأله فيها شي
عشان اريحك طبعا اهل الكتيفيات مايحبون هذا الكلام وهذا واقع لاكني انا اعترف بان الكتيفيات طورت الحلال مثل الاذن الملبه الارقاب الامتداد فنحن مع التطور لاكن لااحد يقول ان الكتيفيه ااصل الحلال فاالخلط او الشرك هو الي طور حلال ابو كتيفه وفحوله فيها شرك ولاماكان جات بالاشكال هذي شكرا بوسعد
بوناصر
07-24-2009, 09:46 PM
ان شاء الله بيفيدونك اهل الكتيفيات لانهم اهل باع طويل فيها وهم ماسكين رسها ومعمقها
محمد بن سعد
07-25-2009, 04:39 AM
وعليكم السلام ورحمة الله وبركاته
قبل لااجاوبك اخي العزيز لماذا ابو كتيفه بالذات عنده معزى تختلف عن باقي البدو علما ان فيه ناس قديم اهل معزى مشهوريين من قديم امثال الخوالد والعوازم والهواجر والدواسر والسبعان اهل رماح .....اذا المسأله فيها شي
عشان اريحك طبعا اهل الكتيفيات مايحبون هذا الكلام وهذا واقع لاكني انا اعترف بان الكتيفيات طورت الحلال مثل الاذن الملبه الارقاب الامتداد فنحن مع التطور لاكن لااحد يقول ان الكتيفيه ااصل الحلال فاالخلط او الشرك هو الي طور حلال ابو كتيفه وفحوله فيها شرك ولاماكان جات بالاشكال هذي شكرا بوسعد

مرحبااا اخوي qwe.1122 ...

المشكله ونا اخوك ماهي بس ان الكتيفيات اصل الحلال ...
المشكله ان في حلال انظلم والناس ماعطوه حقه بس لأنه ماهو مرسس ...
من وجهة نظري اللي على قدي ولا اقصد بكلامي شخص معين ((لا حد يفهم كلامي غلط ولاحد يفسره على كيفه )) :
سالفت الرس ذي سالفت شريطيه !!!!
اي نعم شريـــــطيه علشان يمشون البضاعه اللي عندهم ...
سوها دعايات علشان يضهرون حلالهم على الساحه ...
واللي كبر السالفه الاخوه الهواه اللي قنوا الغنم متأخرين ...
يقعد في مجلس ويسمع عوارض وتيس فلان وجمدة علان ...
يقوم الصبح يقول ابي عوارض ...
طيب بلعكس الشي ذي زين ونشجع الناس عليه ...
نقوله يالله عندك السوق وعندك عزبة فلان وفلان غنمهم زينه ...
يقولك لا فلان غنمه ماهي مرسسه ,وفلان غنمه فيها سر باكستاني ...
عنبوك متى عرفت الغنم علشان تعرف الرس والمهجن !!!!!
ويطيحله في حدا هشريطيه وشريه غنم براس عنتر((باسعار عاليه ))وياليت الغنم تسوى ,,,
بس ياخذه بسالفت الرس والمعمق ويلحس مخه وبوفلان فاج حلجه ولا يميز من الزين والشين ...
والله ياربع اني اعرف واحد من الربع يشتري معزا بقيام خياليه وهي ماتسوى شي بس لأنها كتيفيه ...
وفي معزا والله انها اطييب منها عند االسودانيين في السوق ....
اللي ابي اوضحه ان الزين زين سوا كان من عند بوكتيفه ولا من عند غيره ...
والرس مايزيد ولا يأخر في شي يعني لايسمن ولايغني من جوع ...
ومثل ماقلت سابقا :راعي الحلال الباخص يعرف الزين من الشين مايحتاي رس ولا اسامي علشان يميز الغنم ...
ولا اطيل عليكم ولاتحرمونا من ردودكم ...

والعذر والسموحه من جميع الاخوه ...
واذا كلامي ماعجبكم اسمعوا من اذن وطلعوا من الثانيه ...
راعي كحيله
07-25-2009, 05:59 AM
الاخ الغالي محمد بن سعد ولا هانوا الاخوان
ابوكتيفه ما درى بهاذيله الربع ولا يوم نشد منهم
مو عشان الجماعه تكلموا وقالوا احنا نخلي ابو كتيفه علج في حلوجنا.. الرجال في حاله وما له شغل باحد وان كان الربع يتعايون ويكثرون من الحكي اللي ما له معنى احنا نحترم ونقدر رجل شيبه من سن جدانا
انت طال عمرك سؤالك عن التيوس الكبار !! ظنك بيجاوبونك الربع ؟؟ ابوكتيفه وارث حلاله اب عن جد و ابوكتيفه ربي يحفظه عمره على ما اظن فوق الثمانين يعني بذمتك تبي ربعنا بالمنتدى يذكرون لك ساس تيوس بو كتيفه !! يوم بوكتيفه اهتم وركز على الانتاج مو بس الربع ما انولدوا حتى ابائهم ما انولدوا

انا عارف ان كثير من الناس متضايقين من حلال بوكتيفه والسبب طبعآ مو بوكتيفه الله يحفظه وانما السبب هو السوالف اللي ما لها معنى من كثير من الاخوان

شوف يا اخوي الغالي اذا تبي تعرف الجواب حاول انك تزور الاخوان العمالقه والكبار بالسن في السعوديه وبتحصل الجواب اما الربع اللي اهني بالمنتدى محد منهم بيجاوبك ولعلمك الخاص حفيد بوكتيفه عضو معانا بالمنتدى وانا اعرفه واعرف الاسم اللي مسجل به ولكن ما باعلم احد

ومره من المرات دافع عن جده في احدى المقالات بس طبعآ ما قال من يكون هو بس انا معاه على الخاص وعرفت انه تضايق يوم بعض الربع للاسف تمادوا بالحكي وابتدوا يغلطون على حلال جده
الكلام ما راح يودي ولا يجيب وانت بنفسك قلت عين المربي هي اللي تحكم على جودة الحلال واذا تحس ان ربعك يدفعون مبالغ كبيره في حلال ما يسوى انصحهم وعقبها كيفهم انت اللي عليك سويته

بوسعد خلنا نربي الحلال ونستانس ونترك الحكي اللي ما له معنى وانا اخوك وان شاءالله بيجي يوم وما تسمع فيه بطن وظهر وانما بتسمع فيه حلال فاخر وراقي وخصم
انا في الفروسيه اكثر من 30 سنه ونفس الشي الناس الجدد لين شروا حصان او فرس قالوا هذي من عند فلان وهذي خيل قويه ونسمها طويل واخرتها يوم صارت المراثونات قاموا يجيبون خيل استراليا وفرنسا وامريكا ..... الخ

طيب وين خيلكم اللي كنتوا تمدحونها ؟؟ ليش ما سوت شي بالميادين ؟؟؟
الله يوفقك يابوسعد
عســـاف
07-25-2009, 09:08 AM
اخوي ابوسعد حلو موضوعك ...
والناس ياما عادت وزادت فالهموضوع وكان الرد ان ابوكتيفه ((رجال يدخل السوق والفحل اللي يصلح له ياخذه ويهده في حلاله))
والناس سمت الحلال بأسم المنتج لان الرجل كان راعي نظر ويعرف الفحل اللي يصلح لحلاله والفحل اللي مايصلح لحلاله ...
وكانت نظرت الرجال ناجحه وبدى الرجال بتطوير الحلال وياما سمعنا من الناس ان ابوكتيفه هجن وسوى وهد فحل وهجن منه...
ومازالوا الناس يتكلمون بالشي هذا انا ماقول الشي هذا دفاعآ عن ابوكتيفه لشخصه ولكن انا اقول ابي رجال يحلف ان شاف ابواكتيفه وهو هاد وسط حلاله الفحل اللي يدعونه
اخوي ابوسعد انا ابي اقول لاتفتح باب للناس اللي تو جايه وداخله المجال اتكلم عن رجال يطور فالحلال قبل لايجون على وجه الدنيا...
وبرجع واقول تيوس الرجال تيوس عوارض جابها على انظره وهده في حلاله وانتج وصل لمرحله مااوصلوا لها 99%من المنتجين واللي جعلني اقول اتيوس عوارض لاني ماشفت مايدل على ان الرجال هجن ولنفرض ان هجن هل تهجينه دمر او طور وهجه السؤال لنفسك يابوسعد وجاوبني ... وانا عن نفسي تيس ماله تعريف بيموت ما انتج عندي والله لااطلعه من المراح عرض..
ولكن انا الحين اوجه لك السؤال ((هل اهل الابل اشريطيه ؟ هل اهل السلق اعزكم الله اشريطيه ؟ هل اهل الخيل اشريطيه؟))
اخوي ابوسعد ياليت تجابني على اسئلتي بمنطوق الواقع وليس بمنطوق الانحيازيه
محمد بن سعد
07-25-2009, 05:59 PM
مرحبا اخوي العزيز راعي كحيله ...

انت تدري زين اني ماكتبت الموضوع ابي اسوي فتنه ولا ابي انقص عليكم ولا قاصد اقرقر على روسكم على الفاضي ...
ولا طلعني وانا اخوك قدام الناس بشينه ...
وبوكتيفه كشخصه ماله مني الا كل احترم وتقدير والله يعطيه الصحه والعافيه وطولت العمر ...
وانا ماقلت ان حلال بوكتيفه ماهو زين بلعكس حلال بوكتيفه من افخر الحلال وانتج اندر التيوس والمعزا ...
ومافي عزبة عوارض اليوم مافيها عنز ولا تيس من حلال ابوكتيفه ...
لكن الزين عنده وعند غيره ولا انا غلطان !!!
ياخوي افهم كلامي اررررررجوك انا ماقصد امس بوكتيفه بشي ...
لكن الربع ذولا احصروا دائرة الزين والاصيل والنادر في دائره ضيقه ...
والعذر والسموحه اذا كلامي يزعل احد ...
محمد بن سعد
07-25-2009, 06:29 PM
اخوي ابوسعد حلو موضوعك ...
والناس ياما عادت وزادت فالهموضوع وكان الرد ان ابوكتيفه ((رجال يدخل السوق والفحل اللي يصلح له ياخذه ويهده في حلاله))
والناس سمت الحلال بأسم المنتج لان الرجل كان راعي نظر ويعرف الفحل اللي يصلح لحلاله والفحل اللي مايصلح لحلاله ...
وكانت نظرت الرجال ناجحه وبدى الرجال بتطوير الحلال وياما سمعنا من الناس ان ابوكتيفه هجن وسوى وهد فحل وهجن منه...
ومازالوا الناس يتكلمون بالشي هذا انا ماقول الشي هذا دفاعآ عن ابوكتيفه لشخصه ولكن انا اقول ابي رجال يحلف ان شاف ابواكتيفه وهو هاد وسط حلاله الفحل اللي يدعونه
اخوي ابوسعد انا ابي اقول لاتفتح باب للناس اللي تو جايه وداخله المجال اتكلم عن رجال يطور فالحلال قبل لايجون على وجه الدنيا...
وبرجع واقول تيوس الرجال تيوس عوارض جابها على انظره وهده في حلاله وانتج وصل لمرحله مااوصلوا لها 99%من المنتجين واللي جعلني اقول اتيوس عوارض لاني ماشفت مايدل على ان الرجال هجن ولنفرض ان هجن هل تهجينه دمر او طور وهجه السؤال لنفسك يابوسعد وجاوبني ... وانا عن نفسي تيس ماله تعريف بيموت ما انتج عندي والله لااطلعه من المراح عرض..
ولكن انا الحين اوجه لك السؤال ((هل اهل الابل اشريطيه ؟ هل اهل السلق اعزكم الله اشريطيه ؟ هل اهل الخيل اشريطيه؟))
اخوي ابوسعد ياليت تجابني على اسئلتي بمنطوق الواقع وليس بمنطوق الانحيازيه

ارحب ياخوي العود عساف ...
طيب اسمحلي ان ارد عليك في نقاط ...
اول نقطه انا معك ان الرجال راعي نظره وانتج حلال يبطون الربع ذوله يوصلون مواصيله وبوكتيفه رجل مشهودله بزين ...
اما اني احلف انه هد تيس مهجن في اغنمه هني انا اوقف اصلا انا ماجيت مراحه علشان احلف لكن انت احلف انه كل تيوسه اللي هدها عوارض خلص 100% ...

ثاني نقطه انت تقول هل التهجين طور او دمر الحلال ؟؟
لا بالله طور لكن ليش ماتخلون الناس اطور حلالها مثل ماطور بوكتيفه حلاله والله حلال على ناس وحرام على ناس ...
واقصد بتطوير اني مثلا اهد تيس عارضي بس دمه غريب عن معزاي مو بهد باكستاني او حجازي ...

ثالث نقطه : ياخوي كلامنا عن المعزا وشدخل الابل والخيل في السالفه ...
الا اذا ناوي تسوي ريس عوارض في المزروعه شي ثاني هههههههههه اتغشمر لا تزعل ...
وكل سلعه فيها بيع وشرى فيها شريطيه حتى البصل يابوجبر ...
وحتى الابل اللي يحلفون على اصالتها على القرآن فيها تهجين ...
واكبر دليل ناقة سين من الناس ثلاث سنين تاخذ الشوط الاول في مزاين الدوله وعليها سوم بلملاين ...
والسنه طلعوها من مزاين الضفره لأن راعيه اللي شرو منه الربع الناقه اماراتي وهوم منتجها من مجهم :eek:
يعني الناقه حمرت مجاهييييييييييييييييييييم واللي منتجها حلف ؟؟؟
اما الكلاب ((اعزكم الله )) ماباتكلم فيها لأن البيع والشرى فيها حرااااااام ...
والخيل ماقدر افتيك فيها لأن مالي فيها ماني براعي خيل بفتيك فيها راعي كحيله ...

رابع نقطه والضربه القاضيه ((ههههههههههههههه)):
استعد لها ترى الضربه صاروخ باتريوك ارض جو نوويي ...
انت وسعت الموضوع وشعبته ودخلت الخيل والمطايا في السالفه وانا بارده وباعود على الغنم ...
انت قلت :
وانا عن نفسي تيس ماله تعريف بيموت ما انتج عندي والله لااطلعه من المراح عرض..

عيل الله لايهينك طلع ولد تمام اللي جدته سواكنيه بعتراف صاحبه من مراحك يالغالي ....
واذا بتقول ماهديته في الغنم باقولك يكفي انك شاريه بعشرين الف وهاذا تشجيع مادي ومعنوي للمربين بتهجين الحلال
((كلامك م ت ن ا ق ض ياالغالي ))
ارجـــــــــــــــــــــــــــــــــوك لا تزعل مني والدعوه نقاش هادف بناء ...
قسم بالله يابو جبر اني اكن لك احترم في قلبي مايعلمه الا ربي ...
تكفااا تقبل رايي بصدر رحب وماضن ان كلامي بضايقك لأنك اكبر من هاشي ...
تقبل ردي واحترامي واطيب تحياتي بصدر رحب ...
اخوك الصغييييييير المعجب بك وشخصيتك الفذه || محمد بن سعد ...
عســـاف
07-25-2009, 09:28 PM
عيل الله لايهينك طلع ولد تمام اللي جدته سواكنيه بعتراف صاحبه من مراحك يالغالي ....
واذا بتقول ماهديته في الغنم باقولك يكفي انك شاريه بعشرين الف وهاذا تشجيع مادي ومعنوي للمربين بتهجين الحلال
((كلامك م ت ن ا ق ض ياالغالي ))
ارجـــــــــــــــــــــــــــــــــوك لا تزعل مني والدعوه نقاش هادف بناء ...
قسم بالله يابو جبر اني اكن لك احترم في قلبي مايعلمه الا ربي ...
تكفااا تقبل رايي بصدر رحب وماضن ان كلامي بضايقك لأنك اكبر من هاشي ...
تقبل ردي واحترامي واطيب تحياتي بصدر رحب ...
اخوك الصغييييييير المعجب بك وشخصيتك الفذه || محمد بن سعد ... حبيب قلبي راعي تمام معنا فالمنتدى واسمه الحضاره
بعدين يالحبيب ضربتك اصبحت ضربة مرمى لانك بنفسك عرفت الطلي وقلت ولدتمام
وبعدين كلامك هذا معناه ان الاخ محمد بن منصور العجمي غشني بالفحل لانه ماافصح لي ان امه سواكنيه
((ماتعرف اتحاور والكوره مقطوعه :D)) واذا على كذا انا راح اواجه الرجال بالمعلومه الجديده اما اذا طلع كلامك غير صحيح فعليك محكمه عسكريه هههههههه وياويلك من المجلس التأديبي
واخيرآ وليس اخرآ مب اكثر همي الضان يالذيب وانا اصلا حاطها اكمالت عدد :rolleyes:
محمد بن سعد
07-26-2009, 06:50 AM
يانور عيني يابوجبر ادري ان بومنصور معنى في المنتدى ,,,
وانا كل ماقلت كلمه قلتولي الرجال معنى في المنتدى ...
ادري ان الرجال معنى في المنتدى
وله تبينا نتكلم من ورى ضهور العرب خلنا على المكشوف ابرك وانا اخوك ...
وبعدين انا ماقلت شي يزعل بومنصور هو اللي قال ان جدت تمام سواكنيه ...
ام انه قالك ولا ماقالك هذي مو مشكلتي لتشوش الريال علي يالغالي :cool: ...
وبعدين من اللي قالك اني ضد تعريف الحلال ((لا تقولني كلام ماقلته ))...
ارجع وقرا مشاركاتي من اول مشاركه الى اخر وحده شوف انا طريت التعريف ...
وفرق جزاك الله بين المصطلحات اللي يستخدمها راعي الحلال ...
الصراحه ماكنت اتوقع انك ما تعرف تفرق بين التعريف والرس وباقي المصطلحات ...
طحت من فوق راسي الى عيني ...
وخذ هذي الشوته ((بووووووووووووووووووووووووز))..
مثال :رس العنز مثلا كتيفيه((بلوراثه من الام والاب )) اما تعريفها من انتاج المربي القدير بوجبر ...
مثال ثاني الطلي اللي عندك رسه اذا ماخانتني الذاكره النطووح اما التعريف انتاج المنتج القدير بومنصور ...
يعني انا في وادي وانت في وادي ...
ثنين صفر يابو جبر ;) ;)
احنا انتكلم ليش تحصرون الغنم الاصيله في مراح واحد ...
ويش اللي يثبت ان مافيها تهجين ...
وانت تقولي تعريف الغنم ...
ترى ياخوي حتى البربر لها تعريف تعريفها انها جايه من الصومال ...
بوجبر ارجوك خلك في صلب الموضوع لا تراوغ يمين ويسار ((تكفى لاتشعب الموضوع مره مطايا وسلق وخيول والحين تبي تسويلي سالفه مع بو منصور ))...

تراك ماتعلمت المعااااياه صح من راعي الهديف ...
خذلك كورس عنده يمكن تفلح وانا اخوك...
بعدين اذا تبيني ادرسك شوي عن معنى الرس والتعريف والتهجين حياك ;)
محلي تدله بس ترى كل حصه بجمده والشهاده باخذ عليها تيس و5 معزا كبار :D:D:D
وتقبل تحياتي اخوك \\ محمد بن سعد ...
راعي كحيله
07-26-2009, 07:10 AM
مرحبا اخوي العزيز راعي كحيله ...

انت تدري زين اني ماكتبت الموضوع ابي اسوي فتنه ولا ابي انقص عليكم ولا قاصد اقرقر على روسكم على الفاضي ...
ولا طلعني وانا اخوك قدام الناس بشينه ...
وبوكتيفه كشخصه ماله مني الا كل احترم وتقدير والله يعطيه الصحه والعافيه وطولت العمر ...
وانا ماقلت ان حلال بوكتيفه ماهو زين بلعكس حلال بوكتيفه من افخر الحلال وانتج اندر التيوس والمعزا ...
ومافي عزبة عوارض اليوم مافيها عنز ولا تيس من حلال ابوكتيفه ...
لكن الزين عنده وعند غيره ولا انا غلطان !!!
ياخوي افهم كلامي اررررررجوك انا ماقصد امس بوكتيفه بشي ...
لكن الربع ذولا احصروا دائرة الزين والاصيل والنادر في دائره ضيقه ...
والعذر والسموحه اذا كلامي يزعل احد ...

يا اخوي انت طلعت ولد سعد الغالي علي ما باقدر اقول شي وابوك الله يحفظه له فضل علي من بعد الله سبحانه وتعالى
رجل تعلمت منه الكثير

باخلي عساف يواصل النقاش معاك لانك مو سهل طلعت داهيه الله يحفظك وتقرأ بين السطور هههههههههههه
بس باقول لك بوجبر بيغلبك لاني متأكد هو قاعد يتبع خطة الهدوء قبل العاصفه
انت تقول انت فايز اثنين صفر اصبر وشوف التعادل ولو انتهى الوقت تأكد ان مرماك بيكون سهل بالركلات الترجيحيه هههههههههههههه
عندك اياه بوجبر :d
عســـاف
07-26-2009, 09:39 AM
:Dههههههههههههههههههههههههههههههههههههههههههههاي
لاتاخذ فروحك موقف ترى كلنا اعيال اقريا وكلن اعلم بأخيه
والاصول هي الساس والساس هو التعريف والتعريف هو النسب
والامور هذي تنطبق على الانسان والحيوان
والتهجيين كمثال ان يزوج عربي من فارسيه
او يتزوج اسيوي من افريقيه ومثال آخر ان يتم تهجين الباكستاني بالعارضي او المجهم بالمغتر او الباكستاني بالمجهم وغيرها من الحلال
وكلن له مرجع
اما بالنسبه للحلال فالمطايا لها اهلها والغنم لها اهلها والبقر ايضآ لها ناسها ونقدر انتوجه لهم وهم اللي يفيدونا
واذا حاب انتعايا خلنا اغزر فالموضوووووووووووووع:D:D:D:rolleyes:
محمد بن سعد
07-26-2009, 10:57 AM
ههههههههههههههههههههههههه
مرحبا ياراعي كحيله وهذا من طيبك واخلاقك الكريمه طال عمرك ....
لكن تقول بوجبر يبي يغلبني خله يغلبني حنا مانتعااايه علشان احد يفوووز ...
حنا نتناقش عشان نصل الى نتيجه ..
بلعكس اذا غلبني يعني انا كنت غلطان وتعلمت الصح منكم ...
واعتقد ان وجهت نضري وصلت للكل ...
وارجوا ان نستفيد منكم انتم اخوانا الكبار لكم خبرتكم في هذا المجال ...
واحنا ليس الا تلاميذ عندك وعند اخوي العود عساف ...
وارجوا ان محد يزعل من كلامي ووجهت نضري ...
واحيي اخوي الغالي عساف على الروح الرياضيه المرحه ...

واعتقد ان حان الوقت لأنها النقاش ((المعااااياه))لأن وجهات النظر على ماعتقد وصلت ...
ولا انسى شكر كل من مر وعلق وشارك بخبرته في هذا المناقشه ...
واقدم اعتذاري الى الاخ حفيد بوكتيفه اذا الموضوع كان يضايقه ...
واعتذاري الى المربي المبدع بومنصور ويابومنصور طرينا اسمك مندون علمك وهذا غلط وانا اعتذر عني وعن باقي الاخوه ...
وانا اســـــــــف لكل من ازعجه النقاش ...


تقبلوا تحيات اخوكم الصغير \\ محمد بن سعد
بوعمار
07-26-2009, 07:06 PM
بــــسم الله الرحمن الرحيم

الـــسلام عليكم ورحمة الله وبركاته

ياربع عندي سؤال ونود ان نستفيد من خبراتكم الله يجزاكم عنا كل خير ...

وش رس تيوس بوكتيفه الكبار اللي انتج منها غنمه ((انا اتكلم عن التيوس اللي اسس فيها غنمه ))؟؟؟






الموضوع منتهي بس كلمة حق لازم تنقال

أخوي محمد سعد أسمحلي أقولك أن سؤالك ما جا في محلة
وأكبر دليل أنك أنهيت الناقش بدون فايدة الي كنت تطلبها من الأخوان
لا ونتهت بالأعتذار شي حلو انك تعذر بس أخوي ما كان في داعي لك الي أنقال

أذا تبي تستفيد من خبرات الأعضاء الموجودين تقدر توجه سؤال مباشر
ولا تسأل عن رجال في حد ذاته, هنا لازم توجه سؤالك مباشرة له
أو تقدر تتوجه للي شروا من بوكتيفة مباشرة, وهم معروفين
أخوي محمد سؤالك ماكان عن خبرات مثل ماتفضلت,
بل كان عن ما أذا كان بوكتيفة هجن ولا لا

كل الحلال طيب ومبروك, الكتيفيات وغير الكتيفيات
وكل مربي مخير, يربي الي يجوزله
(أنفخ على ضوك, بس لا تطفي ضو الغير)

الله يطول في عمر بوكتيفة ويدم عليه الصحة والعافية
والله يجزاه خير على هذا الأنتاج الي فرض وجودة
عابر
07-27-2009, 07:47 AM
السلام عليكم
بوعمار والحاضرين

كنك يابوعمار داش في الوقت الضايع

وينك انت اعتذر الرجال وصفر الحكم

ثره مره ثانية انزل مكانك البشيرهجوم ونريح الدفاع

على الدكه(لاتزعل انا لما اشوف بوعمار احب اشارك واشاغبه ولا يقولون ربعك يمون ومايمون)

اخوك المشاغب الصغير عابر
بوعمار
07-27-2009, 09:14 AM
السلام عليكم
بوعمار والحاضرين

كنك يابوعمار داش في الوقت الضايع

وينك انت اعتذر الرجال وصفر الحكم

ثره مره ثانية انزل مكانك البشيرهجوم ونريح الدفاع

على الدكه(لاتزعل انا لما اشوف بوعمار احب اشارك واشاغبه ولا يقولون ربعك يمون ومايمون)

اخوك المشاغب الصغير عابر











كيف حالك انت بخير
لعديد
07-28-2009, 05:20 AM
أنا كان عندي تعقيب بس أخوي ابوعمار كفى ووفى وكلامه عين الصوااااب
احمد الجاسم
07-28-2009, 06:27 AM
السلام عليكم ورحمة الله وبركاته

أخواني الأعزاء

عزوا حلالكم يا أخواني الله يجزاكم خير ولا يطز الواحد منكم عينه بيده

اذا انتم عذربتوا بالحلال الطيب وشبقالكم من الحلال

لا حد منكم يهد في حلاله اللا الفحل المعرف ولا تشتري اللا الحلال اللي يجوز لك او اخذ راي اهل الخبره

اما اذا دخلتوا الشك من بينكم في حلالكم عزالله ضاع تعبكم على حلالكم

اجتهدوا اخواني في ان يعز بعضنا بعض والنصيحه لأخواننا بالحلال الطيب

عجبني مقاله في احد الصحف لمزارع ذره

المزارع هذا كان يفوز بمسابقة اجود محصول كل سنه

وسأله الصحفي انت ليش توزع بذورك الجيد على المزارعين اللي حواليك

وكان رده ان الهواء ينقل بذور اللقاح فانا اريد ان يكون المزارعين اللي حوالي كلهم عندهم محاصيل جيده حتى اذا نتقلت حبوب اللقاح الى مزرعتي تكون من اصل جيد

خلونا ناخذ عبره من هذا المزارع ونعز حلال بعض حتى يعتز حلالنا

خلوها منافسه شريفه بان كل واحد مننا يطور في حلاله وينتج حلال فاخر

اتمنى للجميع الانتاج الطيب والحلال الفاخر
راعي كحيله
07-28-2009, 07:01 AM
السلام عليكم ورحمة الله وبركاته

أخواني الأعزاء

عزوا حلالكم يا أخواني الله يجزاكم خير ولا يطز الواحد منكم عينه بيده

اذا انتم عذربتوا بالحلال الطيب وشبقالكم من الحلال

لا حد منكم يهد في حلاله اللا الفحل المعرف ولا تشتري اللا الحلال اللي يجوز لك او اخذ راي اهل الخبره

اما اذا دخلتوا الشك من بينكم في حلالكم عزالله ضاع تعبكم على حلالكم

اجتهدوا اخواني في ان يعز بعضنا بعض والنصيحه لأخواننا بالحلال الطيب

عجبني مقاله في احد الصحف لمزارع ذره

المزارع هذا كان يفوز بمسابقة اجود محصول كل سنه

وسأله الصحفي انت ليش توزع بذورك الجيد على المزارعين اللي حواليك

وكان رده ان الهواء ينقل بذور اللقاح فانا اريد ان يكون المزارعين اللي حوالي كلهم عندهم محاصيل جيده حتى اذا نتقلت حبوب اللقاح الى مزرعتي تكون من اصل جيد

خلونا ناخذ عبره من هذا المزارع ونعز حلال بعض حتى يعتز حلالنا

خلوها منافسه شريفه بان كل واحد مننا يطور في حلاله وينتج حلال فاخر

اتمنى للجميع الانتاج الطيب والحلال الفاخر

لا هنت يا اخي الكريم على هذه المداخله النافعه ومثالك هذا عن مزارع الذره فعلآ عجيب وان شاءالله اخوانا الاعضاء يتفكرون شوي في اللي كتبته
عساك على القوه ولا تحرمنا من مشاركاتك
راعي كحيله
07-28-2009, 07:04 AM
ههههههههههههههههههههههههه
مرحبا ياراعي كحيله وهذا من طيبك واخلاقك الكريمه طال عمرك ....
لكن تقول بوجبر يبي يغلبني خله يغلبني حنا مانتعااايه علشان احد يفوووز ...
حنا نتناقش عشان نصل الى نتيجه ..
بلعكس اذا غلبني يعني انا كنت غلطان وتعلمت الصح منكم ...
واعتقد ان وجهت نضري وصلت للكل ...
وارجوا ان نستفيد منكم انتم اخوانا الكبار لكم خبرتكم في هذا المجال ...
واحنا ليس الا تلاميذ عندك وعند اخوي العود عساف ...
وارجوا ان محد يزعل من كلامي ووجهت نضري ...
واحيي اخوي الغالي عساف على الروح الرياضيه المرحه ...

واعتقد ان حان الوقت لأنها النقاش ((المعااااياه))لأن وجهات النظر على ماعتقد وصلت ...
ولا انسى شكر كل من مر وعلق وشارك بخبرته في هذا المناقشه ...
واقدم اعتذاري الى الاخ حفيد بوكتيفه اذا الموضوع كان يضايقه ...
واعتذاري الى المربي المبدع بومنصور ويابومنصور طرينا اسمك مندون علمك وهذا غلط وانا اعتذر عني وعن باقي الاخوه ...
وانا اســـــــــف لكل من ازعجه النقاش ...


تقبلوا تحيات اخوكم الصغير \\ محمد بن سعد

بوسعد
انا على فكره مبتدأ والاساتذه هم اللي حولك وانا تعلمت منهم
بوسعد ولا تهون اعرض لنا العوارض اللي عندك الله يبارك في حلالك
الصراحه خاطري اشوف حلالك
العنبري
07-28-2009, 07:36 AM
بوسعد
انا على فكره مبتدأ والاساتذه هم اللي حولك وانا تعلمت منهم
بوسعد ولا تهون اعرض لنا العوارض اللي عندك الله يبارك في حلالك
الصراحه خاطري اشوف حلالك



عوارض بوسعد عندي وبينهم بنات الهندبريك والله يبارك له ان شالله
بوعمار
07-28-2009, 09:44 AM
عوارض بوسعد عندي وبينهم بنات الهندبريك والله يبارك له ان شالله




ما شاء الله تبارك الرحمن أنتج الهندبريك ولا بشرتنا يابوعمرو.....؟

حبيبي أحجزلي على ذوقك مايحتاج أشوف انا شراي
ههههههههههههههههههههههههههههههههههه
فديت انا المنانعة كلهم

مبروك يابوسعد بداية موفقة أنشاء الله
( بداية من نقطة ماوصله الغير )
العنبري
07-28-2009, 03:02 PM
ما شاء الله تبارك الرحمن أنتج الهندبريك ولا بشرتنا يابوعمرو.....؟

حبيبي أحجزلي على ذوقك مايحتاج أشوف انا شراي
ههههههههههههههههههههههههههههههههههه
فديت انا المنانعة كلهم

مبروك يابوسعد بداية موفقة أنشاء الله
( بداية من نقطة ماوصله الغير )



هلا وغلا فديت خشمك يابوعمار والهندبريك انتج وعرضت انتاجه من فتره والحين عليه معز دفيع حروتهم نص الشهر الياي اذا الله راد وبارك وبوسعد ورحال الشمال وولدك مبارك وراعي الهديف وبوسيف غلاهم من غلا عامر ويبر وحمد وعلي ويامرون على العزبه باللي فيها
ههههههههههههههههههههه هذولي شلة البشمرقا وظهورهن يالنشامى والا نسيت ؟؟؟
ههههههههههههههههههههههه مب قصدي احطك من البشمرقه يابوسيف بس قصدتك معاهم في الغلا
هههههههههههههههههههههههه انا وبوسعد وعامر متفقين على مشروع افطار صائم عقب ماتوللد المعز على الهندبريك


http://www.7alalqatar.net/vb/showthread.php?t=5020


http://www.7alalqatar.net/vb/showthread.php?t=5025
محمد بن سعد
07-28-2009, 06:56 PM
[color="red"]هلا وغلا فديت خشمك يابوعمار والهندبريك انتج وعرضت انتاجه من فتره والحين عليه معز دفيع حروتهم نص الشهر الياي اذا الله راد وبارك وبوسعد ورحال الشمال وولدك مبارك وراعي الهديف وبوسيف غلاهم من غلا عامر ويبر وحمد وعلي ويامرون على العزبه باللي فيها
ههههههههههههههههههههه هذولي شلة البشمرقا وظهورهن يالنشامى والا نسيت ؟؟؟
ههههههههههههههههههههههه مب قصدي احطك من البشمرقه يابوسيف بس قصدتك معاهم في الغلا
هههههههههههههههههههههههه انا وبوسعد وعامر متفقين على مشروع افطار صائم عقب ماتوللد المعز على الهندبريك




ماتقصر يالغالي بـــــوعمر وخيرك سابق وجمايلك مغرقتنا يالعنبري ...
انت بس اصمل على مشروع افطار صائم وفالك طييييب هههههههههههههههه
والصراحه ياراعي كحيله انا ريال اخاف من العين والعين حق والعين مثل مايقولون ماتشاور احد ...
والشايب ايقولي تحمل من عيون بوعبدالعزيز ترى عيونه ناررررررررررررررر ههههههههههههههههههههههههه....
ولكن ابــــشر لجل عين تكرم الف عين ابشر بالعرض يالغالي ....
هاوي الشهب
07-28-2009, 09:10 PM
هلا وغلا فديت خشمك يابوعمار والهندبريك انتج وعرضت انتاجه من فتره والحين عليه معز دفيع حروتهم نص الشهر الياي اذا الله راد وبارك وبوسعد ورحال الشمال وولدك مبارك وراعي الهديف وبوسيف غلاهم من غلا عامر ويبر وحمد وعلي ويامرون على العزبه باللي فيها
ههههههههههههههههههههه هذولي شلة البشمرقا وظهورهن يالنشامى والا نسيت ؟؟؟
ههههههههههههههههههههههه مب قصدي احطك من البشمرقه يابوسيف بس قصدتك معاهم في الغلا
هههههههههههههههههههههههه انا وبوسعد وعامر متفقين على مشروع افطار صائم عقب ماتوللد المعز على الهندبريك


http://www.7alalqatar.net/vb/showthread.php?t=5020


http://www.7alalqatar.net/vb/showthread.php?t=5025

فـــديـــــت خشـــــــمك ياااابوعمـــــر وااافـــــي
راعي كحيله
07-30-2009, 02:20 AM
عوارض بوسعد عندي وبينهم بنات الهندبريك والله يبارك له ان شالله

هههههههههههههه وش ذي الفزعه؟؟ عسى العنز اللي اشرت عليها ما نساها الراعي
العنبري
07-30-2009, 06:06 AM
هههههههههههههه وش ذي الفزعه؟؟ عسى العنز اللي اشرت عليها ما نساها الراعي



هههههههههههههههههههه حاضرين للطيبين وعنزك دخلناها مشروع افطار صايم وكفالة يتيم بعد ومشروع وقف