( من المسؤوووووول )

[القانون]

سباق المرموم بينتهي والكؤوس تتوالى للهجن الإماراتيه ، والحصيله بندقيه ذهبيه لهجن القمرا وهو واحد من ابناء القبائل ، وهجن الشيوخ لم تحقق اي نتيجه سوى الثاني عل كاس الثنايا ، واعتبرها نتيجه غير مرضيه ، ولم تصرف الملايين للمضمرين لحصد السيارات وإنما للكؤوس ولم يتبقى سوى كأس الحيل هل سيبقى للهجن الاماراتيه ام سيغادر لقطر ، وإذا لم يغادر من المسؤول عن هذا الإخفاق

[راعي الدولار]

اخوي القانون الطيور طارت برزاقها وانت ادرى
حمدان الصراحه ماقصر الاسنين الي فاتت شرا مطايا سبق لين قال بس
اشلون تبيهم يفوزون !!!
--------------------------------------------------
والحين عيال الامير توهم داخلين مجال الهجن واملنا فيهم كبير
وان شالله نشوف منافسه قويه
والله يوفقهم
ومانقول الا الله كريم

[بوعبدالله]

اها يالقانون :

انت تصرخ ولا حد يسمعك بس انا بسمعك بحاول اوسيك

انا اشوف انه المسؤل هو المضمر تدرى ليش من سؤ الاعداد حق السباق

تدرى انا اكثر المضمرين يبقون يطلعون فى الصورهااا انه مضمر الشيخ الفلانى او الامير ولا ولى العهد

ويبى بزات من المعزب ..........

ولا الهجن الى فى قطر من افضل الهجن متورثينهاااا من اجيال وغير هااااا من الى شروهااا وجيبااا كؤس وسيارات

الله المستعااااااااااان يالقانون........وصبر صبر ايوب

[روح قطر]

الله يوفق لهم أن شاء الله الأيام الجاية تبشر بالخير

[عســـاف]

القانون ماتجهلك امور الريس
ومشترى المصافيط والمضمرين
الموجودين وبنسبة 95% يستاهلون كل اللي يجرالهم لان اغرتهم الدنيا والاسم
والواحد يبغي الماده مايبغي الناموس للشيوخ هذي زبدة الكلام

[الـ@ـاجري]

المسئوال في المقام الاول هو صاحب العزبه

المضمرين الي في الساحه الحين كلهم شباب عودهم دقيق
وين المضمرين اهل الخبره عن عزب الشيوخ

والشي الاخر كل العزب تحصل المضمر يحتكر العزبه بكبرها ولا يخلي يدخل معه مضمر منافس
في نفس العزبه عكس الامارات كل عزبه من عزب الشيوخ فيها مالايقل عن خمسة مضمرين
لكل واحد اسمه الرنان

اما المصاريف السنه هذي انصرفت مبالغ طائله عندنا ولكن وين صاحب النظره الثاقبه في الشراياء

هذا هو السوووووووووووووول

[المريخي]

راح اقول كلمتين لا اكثر المسؤل الاول الواسطه والمسؤل الثاني الصفطان بكره تجي الثالثه تنشرا ولي سابقتها ماحد يطالعها ليه وتنشرا الي سابقتها من اهل الامارات وترجع لها وتسبقها سبق فاضح والعذر مختله انزين مختله شلون جات الثالثه في نفس اشوط الي فيه البكره الي جات الاول من قبل ------------------------------------------

تحياتي

[القانون]

راعي الدولار ، بوعبدالله ، روح قطر ، بيض الله وجيهكم على المرور المشرف ، عســـاف : كلام سليم ، الـ@ـاجري : المبالغ اللي انصرفت عد واغلط ، ويذكر علي على ايام ناصر بن مسفر اللي يشتريهم على مدار العام لاتتجاوز العشرين وكانت معروفه وكان يشتري حتى في سباقات السرعه 6 كيلو ( الطفح ) إذا شاف وحده يمكن تساعده في الشوط الرئيسي ، الحين من كثر الحلال اللي شروه المضمرين الجدد والله مانعرفهم والنتيجه صفر ، يالمريخي إذا انت راغب الشي وتبي تشتريه ماراح تحط واسطه ياخوي اللي يحط واسطه للي بيشتري بنفسه ويبي مراعاة السعر ، لكن تشتري للشيخ يعني معطيك الضوء الاخضر اشتر وارفع اسمي