الي يقدر يساعدني

[العارض]

يا اخواني الي يقدر يساعدني في عرض الصور او يعطيني اسامي انا ناسيها لمربين العوارض اكون له ممنون لاني حاب انزل صور لجميع ملاك الحلال لقيت للبعض صور في النت والبعض مالقيت لهم مثل المربي عبد العزيز العطيه وجاسم الخاطر

[جابر]

ابحث عن حلال فهد السويد
ابحث عن حلال السعدون
ابحث عن حلال ابومنصور الجربوع
ابحث عن حلال ابوعلى الهويريني
ابحث عن حلال خدعان السبيعي
ابحث عن حلال على ابو فايز
ابحث عن حلال منير النومس
ابحث عن حلال ابووايل عبدالرحمن العنزي
ابحث عن حلال مازن المزيني
ابحث عن حلال البابطين
ابحث عن حلال خالد العقيل
ابحث عن حلال محمد الباتع
ابحث عن حلال الجناحي
ابحث عن حلال احمد السبيعي
ابحث عن حلال فيصل العصيمي
ابحث عن حلال رجال كثير مميزين نريدهم هم يدخلون ويعرضون من حلالهم
انت ما قصرت وبيض الله وجهك بذلت جهد تشكر عليه

[جابر]

تحية شكر لك اخونا العارض كحلت عيونا بالزين وتسلم
وبيض الله وجهك ودي اكتب كل اسماء المربين ولكن هم كلهم غالين ونتعلم منهم
بيض الله وجهك

[العارض]

الله يبيض وجهك يابوغانم وابشر بالي يقدرني في عرضه وان شالله الاقي صور لحلالهم جاري البحث وسنوافيك بالعرض باذن الله

[دخان]

موفق انشاء الله

[qwe.1122]

اخوي جابر فيه مربين اشهر من نار على علم تذكرهم لماذا ???????????????????

[qwe.1122]

ليش مارديت ياالعنبري على هالنقطه مع الشكر.

[العنبري]

ليش مارديت ياالعنبري على هالنقطه مع الشكر.



اخوي انت قريت الموضوع عدل قبل لاتشارك ؟؟؟
اخونا العارض طلب اسامي مربين عشان يسوي سيرج عن حلالهم ويعرض لهم وماقال اسامي وحطهم في مقارنه مع غيرهم ولا قال حلالهم افضل من غيرهم واخوي بوغانم حط الاسامي اللي يات على باله كمساعده
واضحه النقطه اخوي والا اوضحها اكثر ؟؟؟؟
لاتظن ان في شي شخصي اخوي وياليت تقرى المواضيع عدل وتفهمها وتفهم وجهات النظر قبل لاتستعيل بالحكم والرد

[العارض]

اخواني يشهد الله ماطلبت اسامي المربين الا لاني اتمنى اشوف عروضهم يمكن لان بعضهم مايدخل النت او له صور قديمه احب تجديدها والي يقدر يساعدني بصور او باسامي انا اجهلها او ناسيها اتمنى يضيفها والهدف نشوف حلال المربين سواء المشهورين او الغير مشهورين مبتدئين او كبار عشان المبتدء يشوف حلال الكبار ويقارن حلاله ويستفيد من خبرات الي قبله واذا موضوعي او كلامي يسبب حساسيه انا اعتذرواعلن توقفي عن العرض .

[بوباسم]

العارض

موفق وعساك على القوة

تحياتي

[ابو طلال]

ابحث واعرض لنا من حلال عبدالعزيز المهوس / مزارع العمرو / عبدالرحمن الحماد / خالد الصيخان اضافة الى ما ذكرت وشكرا اخي العارض لما تقوم به

[العارض]

باذن الله عن قريب بتشوفون عروض لاهل الحلال

[محمد بن سعد]

موفق بأذن الله

[دخان]

وين المربين القطريين
الاولى ان تعرض حلالهم اول شيء
والله ايوفقك

[بوعمار]

أخوي العارض ما شاء الله عليك شعلة نشاط الله يديم هذا الحماس فيك

انا أضم صوتي لصوت أخوي ( دخان )
منتدى حلال قطر يخدم الجميع وأكبر دليل على هذا الكلام أعضاء الأدرة الي منوووووورين المنتدى
من البحرين وغيرها,,,,,,,, ودكتورنا وأستشارينا الجزائري ,,,,, ويعذروني الي انا أجهل بلانينهم كل غالين


ويشهد أني ما أحرض على العنصرية, ولكن الأسماء السابق ذكرها كبار ولاشك في هذا, بس الحلال الي عندهم تقريبا نوعية وحدة ومواصفات معينة ودم واحد تقريباً ركزو على أنتاجة معضم الأسماء السابق ذكرها

بس في مربين في قطر جالشين في الضل ومتكين مالهم أي نشاط على مستوى النت والمنتديات ولا عندهم اهتمام في هذا المجال لأسباب كثيرة: منها نقص في المعرفة بهذي التقنية, عدم تفرغ, عدم الرغبة في الشهرة, عدم الرغبة في الأعلان للبيع اوماشابة ذلك وأسباب لا تحصر وتلك الأسباب ماتعيبهم ولا تنقص من جودة حلالهم,,,, بس تحرمنا المتعة والفايدة وتحصرنا في (((((......))))))!

وهنيه يجي دور هالمنتدى (الأدارة) والأعضاء المهمين, النشيطين, يشمرون ويتحزمون ويطلعون شوي من نشاطهم ويتحركون وينفضون غبار حيشان وحلال أكل عليه الدهر وشرب, والله يا الربع أن قطر فيها حلال من العوراض العتق وفيها من الأصالة الي تحبس الأنفاس (نوعية الحلال الي يتكلم فيه أخوي الغالي بوناصر وغيرها) هذي الفئة المجهولة عن الساحة ولا هي بمجهولة على الربع ما حد من الأعضاء الا ويعرف حد من الي أقصدهم, ويشهد الله أن لهم حق على هذا المنتدى بالذات (حلال قطر) أن يسويلهم شيء ويستاهلون العنى والجهد.

أخوي العارض مجهودك تشكر عليها ولا توقف عنه, بس لازم تفتح جبة ثانية على اليهم بعيد عن النت.

هذي فكرة ويلبها شغل وياليت الأدارة تتبناها وتكون انت واحد من الفريق,,,,

يبتدي المسح من أباظلوف (بس قبل لا تبتدي أتخل البرنيوش وتبخه ودهينة مع صويفيات أصغر من الكف بشوي ولا مسح بظلوف فاشل ههههههه فديت البرنيوش)وبعدين حدر جنوب ولف يمين مرة ومرة يسار لين ما توصل الوكرة وأسأل عن الي سألت عنه وبعدها غرب شوي صوب الوكير وتوقف عندها وكحل عيونك شوي وعقب على الخرارة على بونخلة وانت حاط رجلك على التانكي ووقف عند الشحانية وضواحيها والجميلة والي حويلها وتكمل على دخان وتنسى تتلفت أشوي من يمين ويسار, وبعدين تاخذ الطريق صوب الشمال والله ينك بتشوف شي يسر خاطرك ويغنيك عن السؤال عن أوصاف العارضية والحبشية ,,,,,,,!

أخوي العارض عاد انا الحين أنقطع أنفسي ولا فيني شدة ولا عندي لياقة بشوت الكورة على العنبري هو الي بيجنح لهم (المجهولين عن الساحة) عدل وهو راعيها وأنت يا العارض في الموضوع من أوله الى تالية عاد خلك جاهز للكورة ثرى العنبري شوتاته قوية وفتح له اللعب الله يفتح عليك.

أخواني لو صار هذا الشي بيكون عندنا مرجع أساس لتاريخ العوارض في قطر

هذي أمنية وياريت تتحقق


أخوكم بوعمار