اقتراح ومناقشه ولكم القرار....

[عســـاف]

اخواني المشرفين والاعضاء صباح او مساء الخير اتمنى انكم باحسن حال...
اخواني.. في ظل تطوير منتداكم منتدى حلال قطرحبيت اني اقترح عليكم اقتراح وهو
ان يتم اضافة قسم بمنتدى العوارض ويسمى بمجلس منتدى حلال قطر وهو عباره عن قسم
يتم فيه طرح المواضيع الي يتم فيها طلب الراي ووجهات النظر((( اي الصراحه والرد بالحق والعدل)))
ومن غير ظلم الحلال والمشرف اوالعضو اللي بيطرح الموضوع مايزعل من اي راي لان هذا الرد راح يكون
وجة نظر واتمنى من الاخوان الاعضاء ماتكون مشاركاتهم او ردودهم غير صيحيه بظلم عنصرالموضوع تحت مقولة والله وجهت نظر وانت اللي طلبتها لمجرد
اشباع راغبات غامضه مانعرف اسبابها والمراد والمقصود من هذا المجلس ان النقد اللي فيه هو نقد بناء اي اذا انتقدت تذكر الاسباب وتبينها واذا مدحت ايظآ تذكر الاسباب وتبينها حتى يقدر جميع المشرفيين والاعضاء على اي اساس كان ردك او وجهت نظرك..
ولان هناك بعض الاخوه الهواه الجديد اللي ودهم يميزون بين الدرجات والصفات اللي تفيدهم مستقبلا...
واهم مانقوله للجميع من غييييييييير زعل اولآ واخيرآ كلنا اخوان
هذا ولحضراتكم القرار..((القرار بنسبة التصويت))
تحياتي.اخوكم عســـاف

[القانون]

كلامـــــــك صحيح وانا مؤيد لك وركز على موضوع ( بدون زعل ) انا معاك في كل كلمه وروح يابوجبر الله معاك

[المريخي]

كلام رائع من شخص رائع وضم صوتي لصوتك

[القطـــــــــــــــــــري]

صباح الخير على الجميع أولا ..

موضوعك هذا أخوي عساف بين للجميع أنا هناك مجاملات كثيره وخاصه في قسم العوارض لأنه قسم جمال بكل ماتعنيه الكلمه ,, والدليل بأن طرق باب قسم اللامجاملات وآعتقد الأغلبيه وافقتك الرأي فهذا دليل ايضا في قرارة أنفسهم بأنه توجد مجاملات ..

آتمنى أن لايوضع قسم خاص وانسميه قسم اللامجاملات وقسم العوارض الأساسي أنسميه قسم المجاملات ..

بل المفروض أن نقول أو نطلق مسمى :

منتدى اللامجاملات لكي يكون صرح ومحل تقييم وخاصه بأنه يوجد الكثير من لديهم الخبره الكافيه في تمييز الجمال البين ..


في النهايه أخوي عساف :

آنا لاأتفق معاك في عمل قسم للامجاملات في قسم العوارض ويجب أن يكون المنتدى كاملا منتدى صراحه والي يزعل آعتقد بأنه لن يستطيع الأستمرار في أنتقاء الجميل ..

[الـ@ـاجري]

مساء الخير يا عليك يا ابوجبر وعلى الجمييع

واشكرك على الاهتمام في الارتقاء بالمنتدى

موضوعك حلو وخاصه النقاط الي ذكرتهاا وهي اكييد بتكون في صالح المربي وحتى الزائر للمنتدى

لكن اختلف معاك ان يكون هناك قسم خاص علشان الواحد يبدي رايه

ليش مايكون في نفس القسم اي شخص يعرض صور لحلاله وطلب الراي عليه ان يتحمل وجهة نظر الاخرين

وانا معاك ان اي شخص يبدي رايه عليه ان يذكر الاشياء السلبيه او الايجابيه او يختم مشاركته بذكر الله

انا اتمنى من الجميع اذا له وجهة نظر ان يذكرها مدام شارك في الموضوع

هذي وجهة نظري تحتمل الصواب وتحتمل الخطاء

[ابوجديع]

(( عـسـااااف ))

صباح و مساء النور وجهة نظرك تحترم ولكن في أشياء وأسباب مفيده وغير مفيده .

أولا : فتح هذا المنتدي لتعارف , والكل يعرض ويشوف ويستفيد ونستفاد .

ثانيا : أنا أشوف لازم ان يكون هناك بعض المجاملات والمدح المعقول حتي لايتحبط الشخص من حلاله .

ثالثا : ألا إذا أن كان هناك شخص ويقول يا اصحاب المعرفه عطوني رايكم في هذه الصوره بصراحه وذمه .

رابعا : إن هذا المنتدي للكل والكل يحب أن يشاهده ويستفيد ونستفاد من أي شخص أن يبدي في رأيه .

خامسا : حتي نتجنب الحزازيات والكلام الغير مثمر في هذا المنتدي .

سادسا : أن هذي الفكره التي تقول عنها , الأحسن أن تكون في المزادات أو عند شخص , وتحددون من كل أسبوع أو يوم في الشهر , والجمهور موجود هو الذي يحكم .

سابعا : حينها راح يبين كل شيئ ويعلن المنتدي في ذلك .

وشكرا وهذي وجهة نظري // أأأخــوكــم أأأبــوجــديـــع

[راعي البادية]

كلامـــــــك صحيح وانا مؤيد لك وركز على موضوع ( بدون زعل ) أتفق معاك ....

[راعي الدليل]

اولا: اقراح جيد وجاء في وقته...تدري ليش....لانه جاء الوقت اللي نتميز فيه عن باقي المنتديات المحيطه في وقت بدأنا نتبع فيه تلك المنتديات بدون احساس.....بحيث انك تحس لي دخلت المنتدى انك دخلت منتدى ثاني يشبهه..
اذا التغيير و التطوير يجب ان لا يشمل المظمون فقط ,بل والشكل ككل ايضا.

ثانيا : ليه نقيد نفسنا في في الشكل التقليدي للمنتديات العربيه بشكل عام....ليه مانتعلم من موقع Flickr
على سبيل المثال. يعني بحيث يكون لكل مربي مساحه يعرض فيها صور حلاله ...واللي تعجبه صوره من الصور يدخل ويحط تعليقه بحيث مايحتاج صاحب الصوره انه يدخل ويرد على الناس ويعلق على تعليقهم...(من شكر ومجامله ...الخ). وفي نفس الوقت نكتفي بالتعليق بكل صراحه بعيد عن المجاملات....وفالنهايه ماراح يكون زعل ..وبتعم الفايده

ثالثا: اذا تم هذا الاقتراح اتمني يتبعه الافصاح عن اسماء المربين في الموقع.

والقصد الارتقاء بهذه الهوايه اولا وبالموقع ثانيا

وما اجمل ان يكون موقع حلال قطر رااااااااااائد

وماقصرت اخوي عساااف على هالموضوع واعطائنا الفرصه لأبداء الرأي والأقتراح

[بوعبدالله]

صباحكم ورد ..... ومساكم مسك

اشكرررر اخوى عساف لاعطااااء الاعضاااء حريت التعبير.....

لازم ياخوانى يكون فى نوع من المجاملات......والامجاملات موجوده فى حياتنا اليوميه

الواحدا اذا مايجامل راح يخسر كثير من ربعه .........

اخوانى الاعضااااء .......

هناك فرق بين الانتقااااد البناااااء والتجريح ....

انا غير ماااايد لفكرت قسم خاااص للعرض لانه بتكون هناااك زعل وحساسيه

ياجماعه الكل يشوف الحلال وراعى الحلال ابخص فى حلاله

وانا معه اخوى بوجديع ..... انك ماتحطم نفسيت المبتدء ولازم تجامله

وهنااااك موضيع حيه فى المنتدى بدون ذكرهاااااا

اخوانى اسف على الاطاله بس وجهت نظراااا متواضعه....

[عســـاف]

اخواني الاعضاء والمشرفين احترم آراء الجميع ووجهات النظر
ولكن الجميع اظهروا لي فكرتين الموافقين واللي ماوافقوا على الاقتراح
بس الشريحتين مافهموا معنى هذا الاقتراح وفكرته انا حاب ابين لكم ان هذا القسم
قسم قوي ومو اي مربي راح يعرض فيه يعني اللي خايف من الحقيقه اللي هو عارفها
ولكن يحاول مايصدقها او يخفيها عن انظره لهذا السبب انا اقترحت هذا الاقتراح وبعدين حنا مانجبر احد
اللي يبي يطرح الموضوع يطرحه اذا كان يبي الراي والاستفاده من ذوي الخبره وانا عن نفسي الكلام اللي يعجبني من اهل الخبر باخذه
والكلام اللي من واحد يجهل امور الصنف بتركه
اما بالنسبه لكلام اخوي القطري لين هذا الوقت انا ماأشوف اي مجاملات لان هناك ردود ولكن بصيغه دبلماسيه
ماتجرح صاحب الحلال او الطرح واذا انت تعتبرها مجاملات فهذا اسلوب الجميع والاخلاق واحترام مشاعر الآخرين مايعتبر مجامله
عمومآالموضوع مازال تحت النقاش واللى عنده راي لايبخل علينا فيه
ولاتنسووون ان كلنا اخوان واسره وحده واللي هي
((اسرة منتدى حلال قطر)))

[ولهان ومسير]

السلام عليكم أشكر أخوي عساف على الفكره وقترح ان يكون الأنتقاد على شكل نصيحه عشان مايزعل راعي الحلال وبكل صراحه اكثر الحلال المعروض في المنتدى ممتاز

[ViP]

السلام عليكم ورحمة الله وبركاته ...

اخوي عساف فكره طيبه ولكن اشور عليكم انكم ماتفتحون القسم هذا وتخلونه طبيعي مثل ماهو والي ينزل صور حلاله يكون الرد عادي واما اذا طلب الراي فلابد ان يتقبل الراي بصدر رحب وكما هو معلوم ان الحلال من طويله مبروك ولكن اذا اصر راعي الموضوع برأي فيجب عليه انه يتحمل سوى كانت من ايجابيات ولا من سلبيات
وفكرة اخوي راعي الدليل بعد زينه..
ولكم القرار الاول والاخير لكم ...

[قلب الاسد]

انا استغرب من ناس يبون يحطون الردي والزين في ميزان واحد
اعتقد هذا ما يرضي اي عاقل
واستغرب من ناس يطالبون بالمجاملات وهذا والله طلب من العيب المطالبة به
اللي يجاملك ويقول عن حلالك انه ممتاز وهو دون المستوى هذا يضحك عليك ويستخف بعقلك
اللي يجاملك ويمدح الحلال الردي او المتوسط على حساب الحلال الجيد او الممتاز او النادر
هذا يظلم الناس اللي يتعبون وينتقون
اللي يقول عن الحلال دون المستوى انه حلال ممتاز هذا مايبيك تتطور ولا يبيك ترتقي بحلالك
لمستوى يخلي الناس تشهدلك بأمانه وتحطك مع اهل الصنف واللي لهم نظر
الاوليين كانوا يقولون كفٍ صفعني نفعني وقديماً قيل رحم الله امريٍ اهدى الي عيوبي
وقيل في الحكم صديقك من صدقك لا من صدّقك
وفي نفس الوقت مانبي النقد اللي يحقر او يسيء لراعي الحلال اللي تعب وصور وعرض
يبي النصيحه والشهاده والراي
يا اخي ترى ما تقدر تعرف انت ايش مستواك الا اذا قارعت واحتكيت مع اللي مثلك
فاذا انت مثلهم اتعب على شان تصير احسن منهم واذا انت دونهم لا تزعل اتعب على
الفحل الطيب وشوف انت في ايش مقصر وطور نفسك
لكن بتعرض علينا وتقول امدحوني غصب هذا والله مثل اللي يقول:
( فوق شينة قواة عينه)