يجوز او مايجوز ؟؟؟؟؟؟؟؟

[القانون]

بسم الله الرحمن الرحيم


اخواني اخواتي اعضاء المنتدى الكرام ، طرى على بالي موضوع وانا كنت اتناقش مع اخوي بوعبدالله ، الموضوع ابي رايكم فيه بصراحه ، بالنسبه لي الفحل تهده في الحلال سنه سنتين ثلاث على كيفك ، لكن اللي اعرفه هذا الفحل مانهده في بناته ، نستكره نهده في بناته خلال هالسنين لابد بتشتري شي جديد تهد الفحل فيه في حال انك ماتقدر تستغني عنه ، لكن بناته تهد فيهن فحل ثاني ، على العموم هذا اللي عرفته من الشيبان لكن عطوني رايكم هل يجوز او لايجوز

[بوعبدالله]

يجوز اذا الاب كايد وكايف وطيب

وعلى حظى انا الى رديت اول واحد ههههه

[ViP]

ياااالله حيهم واشلونكم اربكم طيبين وحلوووين
والله ياخوك نشدت لي كذا واحد وقالي عادي بس الاحسن هو تغير الدم لا اكثر واعرف لي كم واحد مايغير افحله الين ماتخفي ملامحه بالعربي يقطن عنده ولا يبيعه

بس الاغبيلة يبدلون افحولهم كل سنتين او كل 3 اسنين

[ابوجديع]

انا من رأيي إذا كان الفحل خصم وأنتاجه طيب وبناته مافيها عذروب مئه في المئه وعياله كذلك مئه في المئه .
أمسك الاب لين يموت وأنتج من عياله واحد أو أثنين وخليهم لي خاصه فقط .

يعني بصراحه إذا شفنا أو سمعنا عند شخص فحل طيب , مانقول لو عندي هذا الفحل , ولله ما أبيعه أخليه عندي وأنتج منه وأبيع إللي ما أبيها .

أنا أخليه يقرع بناته وبنات بناته وبنات بنات بناته , حتي يصبحون وجه واحـــد مئه في المئه حتي ماتفرق الواحده عن الاخري , ويصبح الشكل و المنظر جميل والميزه واحده .

وهذا من باب تجربه أحنا شفناها عند أهل الحلال

أأأأبـــوجـــديــــــع

[عســـاف]

والله انا اقول الله يعطيكم العافيه جميع
وهذا حريت راي اللي يبي يهد فحله يهده
واللي مايبي يهده لايهده بس اللي نعرفه انه مكرووه

[معاند]

ياطويل العمر

انا اشوف انه مافيها شي
وهذي بهايم تتناسل
ولو كان فيه شي كان عرفناه ومااذكر ان فيه حديث او دليل من القران يحرم هذا الشي او يكره فيه
اما اذا كان مكروه عند الشيبان فهذا شي ثاني

ودمتم بخير

[ابوجديع]

عساف نعم هذا الكلام سمعناه من الشيبان .

ولكن هل هذا سمعناه من العلماء أو الرسول صلي لله عليه وسلم .

وهل حصل شيئ أذا قرع بناته , إذ كان هو يقرع أمه ولم يحصل أي شيئ .

أنا أقول أن هذا الكلام غير صحيح , لأنها بهايم وبالعكس أنه يقرب الدم حتي يبن الرس .



أأأبــوجـــديـــع

[راعي البادية]

بتصدق اني كنت افكر في الموضوع أخوي ابو جاع شلخه دافع على ابوه الكايد واالله أنا رأيي من رايي أخوي عساف.... لايجوز ان الفحل يهد في بناته وهذا رايي.....

[القانون]

بيض الله وجيهكم يالربع على الردود

[العنبري]

انا اضم صوتي حق صوت اخوي بو جديع واخوي معاند وفعلا ماسمعنا حديث في هالموضوع وترى كره الشيبان حق هالشغله مجرد نفسيه واغلب اهل الحلال يقولون ان الحلال يتقاصر جرمه مع الوقت اذا كانت فحوله منه وفيه وان الافضل تغير الفحل وتدخل دم يديد والله اعلم

[القانون]

بومحمد ــــ العنبري : شاكرلكم تواصلكم