المساعد الشخصي الرقمي

مشاهدة النسخة كاملة : مطلوب عزبة


بنت QATAR
03-16-2009, 09:18 AM
مطلوب عزبة في مجمع ابو نخلة للبيع عاجل وياليت اذا احد من الاعضاء يعرف المناطق التي يسمح
فيها بالعزبة الجوالة يوضحها لنا وشكرا".
ابوناصر القطري
03-16-2009, 09:44 AM
موفقة خير بنت qatar

اما العزب الجوالة (منطقة المزروعة وماحولها ) وذلك لقربها من الدوحة وسرعة الوصول اليها ولوجود تناكر توصيل الماء بالقرب منها0

0
0
تحياتي/بوناصر
ابوجديع
03-16-2009, 09:55 AM
(( بنت قطر ))

ياهلا ومرحبا فيج ..

وأنشاء الله الإخوان ماراح يقصرون ..

وإنشاء الله راح تلقينها كويسه ورخيصه وقريبه ..

أأأخوك أأأبوجديع
الأصايل
03-16-2009, 09:58 AM
الله يوفقكم بالعزبة الطيبة
والإخوان ماراح يقصرون0
بنت QATAR
03-17-2009, 04:29 AM
أشكر الجميع على المرور والمعلومات وجزاءكم الله خيرا" في الدنيا والاخرة.
لعديد
03-19-2009, 11:25 AM
السلام عليكم ورحمه الله وبركاته ..
اختي بنت قطر بخصوص العزبه المطلوبه فيه عزبه مجمع في مجمع الشحانيه بس مش متأكد هل هي موجوده او لا
راعي كحيله
03-20-2009, 12:42 AM
الله يوفقك بنت قطر
بوباسم
03-22-2009, 09:15 PM
بنت قطر

بالتوفيق أختي وتلقين طلبكِ

تحياتي
لعديد
03-23-2009, 02:15 AM
موجوده العزبه يابنت قطر في مجمع الشحانيه
بنت QATAR
03-24-2009, 07:41 AM
مرحبا اخوي

بخصوص العزبة إلي في الشحانية
كم المطلوب فيها ؟
وأيش محتواها ؟
لعديد
03-24-2009, 12:33 PM
في عزبه فاضيه ومسوره بكيربي جديد مطلوب فيها اعتقد65000 وفاضيه
وفيه وحده فيها 80 راس غنم ومعزا مخلوطه وعدد اربع من البقر والحمام والبط ومجلس بيت شعر وغرفتين وغرفه راعي ومحاكر حق الحمام مطلوبه 180000 مائه وثمانين الف لأن راعيها راح يسافر دوره خارج الباد 3 سنوات على حسب الاعلان الموجود في المنتدى وممكن التواصل معه
بنت QATAR
03-25-2009, 06:28 AM
شكراً لك يا أخ لعديد على الإهتمام بالموضوع ..
مختار999
03-31-2009, 04:40 PM
السلام عليكم ورحمة الله وبركاته

اختي بنت قطر ... اما بعد حبيت ابين لك ان عندي عزبه في مجمع ابوو نخله ومرتبه ترتيب ممتاز ومساحتهآ 50 في 50 وفيها غرفه مرتكبل والارض مفروشه بكنكري + استوور علف+ دورات مياه الله يعزج ويعز الموجودين عدد 2 + وعدد 2 تانكي ميأه+ طبيلات 40 متر في 6 متر ومحوطه العزبه بكيربي جديد .. وشكرا لتواصل 3257369
تاج
04-09-2009, 11:01 PM
اذا حابة عندي عزبة جوالة .. تفتح النفس وقريبه ماهي بعيده في ام الافاعي -على فكره اسم المنطقه ماااااله اي علاقه بالافاعي - ابدن ما شفت ولا حيه من يوم نزلت محلي وجيراني محد شكى من هالموضوع ابدن-

المهم يبي لها عشر الى ربع ساعه وتكونين هناك قريب منها محطه فيها سوبر ماركت وعندها مكان بيع اعلاف الغنم... تدشين لفة منطقة ام الافاعي .. وتدشين داخل ..بعد العزبه عن الشارع الداخلي مسافة 400 متر ... العزب القريبه كلها لعوايل ..كلش هادين .... ومحترمين بشكل كبير ...


..الارض نظيفه ممسوحه ومفروشه بكنكري ... يوجد عدد 2 مرجيحات وحده حق اطفال والثانيه موديل الروماني
موجود خيمتين وحده عوده حق العايله ... نظيييييييفه وتوها جديده... الخيمه الثانيه حق الراعي او الحارس اذا حبيتي
الحمام وانتي بكرامه نظيف وجديد ...
موجود عدد 3 تانكي ماي سعة 800 جالون

مع مكينة كهربه و11 عمود اناره تنور العزبه منتشره حوالين العزبه ووايرتها مردومه تحت الكنكري يعني شغل مرتب ...

مخزن للاعلاف
شبك 5 اقسام
قسم ضان فيه عدد 9 ضان
قسم معزى فيه عدد 33 معزى
قسم صخال عدد ما بين 10 وخلال هاليومين ان شا الله بيزيدون احتمال يوصلون 15
قسم الجمد عدد 11 جمد
قسم فحول (1 فحل ظان +3 تيوس ) = 4

كل قسم له طرف ..= جزء الواحد يقدر يعزل فيه المعزى.. يحلبها فيه ...او اذا بسم الله مرضت

شبك حق الدجاج

اذا مهتمه فالموضوع حياك تقهوى عندنا وسوميها على عينك


ام خالد 6490628