ملاحظة على انتاج ابناء البارجة

[قلب الاسد]

http://7alalqatar.net/vb/uploaded/33_1202905377.jpg


وهذي صورة ثانية للكحلي ولد البارجة
http://www.alselwan.com/up-pic/uploads/4b7e03bad6.jpg



ياجماعة عندي ملاحظة على انتاج ابناء البارجة لأني صرت اعرف اعيالة حتى قبل لا اقراء انهم اعيالة او عيال عيالة
انتاج البارجة يتميز بركزة الرقبة وجمالها وطولها
ويوم تشاهدها وقفة تحس ان رقبتها مميزة ولها جمال مميز كأن على ماقالوا لها نشعة رقبة كأنها مثل اللي تحب تناظر بعيد او ترصد شي بعيد.
او كأنها مثل الخيل اللي تنافس في مسابقة الجمال لما يخليها اللي ماسكها تمد رقبتها
شوفوا انتاج البارجة شوفوا الملكي واخوه وانتاجهم اللي عمره اكثر من شهر
ولاحظوا ركزة الرقبة
اتمنى اسمع رايكم

[القطـــــــــــــــــــري]

كلامك لاغبار عليه أخوي قلب الأسدو والدليل واضح ..

وآعتقد دايما مانجد ميزه يمتاز فيها فحل عن الآخر وكل فحل وله ميزه ..

وكل الفحول ألي آشوفها عند الربع وغيرهم ماشاء الله تبارك الرحمن ..

تحياتي لك أولا ولموضوعك الجميل ثانيا ..

[راعي البادية]

معك حق أخوي قلب الاسد... فعلآ يمتاز فيها الفحل عن الآخر من الفحول
بركزة الرقبة وجمالها وطولها ....و انتاج البارجة معروف

الله يزيدك من فضله أخوي

[راعي الدولار]

اخوي قلب الاسد البارجه معروف وانتاجه معروف ماشالله تبارك الرحمن
كل فيه زين بس اكثر الناس يمكن يقولك عادي تدري ليش؟
عشان الاذن تقاصره ولا هو ماعليه كلام وعندك اكثر الناس يركزون على الاذن
والاذن مب هي كل شي وهذا غلط
تحياتي لك
ويعطيك العافيه

[العنبري]

اخوي راعي الدولار ياصديقي صح كلامك ان الناس المفروض ماتركز بس على الاذن بس بعد مب معناها انها مب مطلوبه وانها مب من الاشياء الاساسيه وفي فرق بين الاساسيات والكماليات واذا تذكر اللي قلته لك يوم كنا في عزبة اخونا الهاجري في وحده من جولاتنا ان لو خلط انتاج الفارس بانتاج عيال البارجه بيطلع شي مسكت ماعليه كلام لان احتمال كبير ياخذ من الفارس الاذن ومن عيال البارجه القطعه مع العلم ان الفارس بعد ماعليه قصور في الجرم والقطعه والرزه وهذا والعلم عند الله

[ابن الأسود]

ماشاء الله تبارك الرحمن
الله يبارك لك في حلالك
دمت بوووود

[راعي الدولار]

نعم صحيح اخوي العنبري
انا وياك في هالشي
وذا كانت على الخلطه بتكون حلوه
والله يبارك حق اخوي الكبير الهاجري

[بوعبدالله]

الله يبارك فى الفحول وفى انتاجهم وانا من اشد المعجبين فى افحولك .....

[قلب الاسد]

رقبتها مثل رقبة اللاما لاحظوها
http://www.alselwan.com/up-pic/uploads/4b7e03bad6.jpg
http://upload.wikimedia.org/wikipedia/commons/thumb/d/d5/Lama3.jpg/250px-Lama3.jpg

[ولد الامارات2007]

معك حق أخوي قلب الاسد... فعلآ يمتاز فيها الفحل عن الآخر من الفحول
بركزة الرقبة وجمالها وطولها ....و انتاج البارجة معروف

الله يزيدك من فضله أخوي

[الـ@ـاجري]

في البدايه شكرآ يا السليطي
على طرح الموضوع وكنت اتمنى بدال الصور انك تشرف العزبه وتشوفها على نظرك واتعرف عليك لان معرفة الرجال مكاسب
وبنسبه للفحول لو تكلمت انا عنهاا
بتكون شهادتي مبالغ فيها لان انا واحد من الاشخاص الي يغتنون من انتاج الفحل البارجه الله يبارك لصاحبه فيه
وافظل ان الاخوان هم الاجدر مني بالتعليق على الموضوع

وانا مستمتع لاراء الاخوان ونظرتهم الي بتخليني استفيد بكل تاكيد منهااا

واشكر جميع الاخوان الي علقو على الموضوع والله يبارك لهم في حلالهم
وللعلم جمييع الفحول والحلال فيها خاصيه تنفرد عن مثيلاتها من الحلال الاخر

فيه عتب محبه على الاخوان العنبري وراعي الدولار

انا متفاجئ من ظمن تعليقكم ذكرتو انكم مريتو على العزبه وانا ماعندي خبر في زيارتكم الا من هذا الموضوع
والعتب مش انكم زرتوها بالعكس هذا محلكم ويتشرف فيكم في كل حزه
ولكن الواحد يتعنى للرجال الطيبين لمحلاتهم علشان يتعرف عليهم فما بالكم انهم واصلينه الى محله
وكان من المفروض يكون عندي خبر على الاقل لو نقوم باالواجب حتى لو بفنجال قهوه وانتو حقكم اكبر من كذا

واتمنى منكم تعويضنا بزياره اخرى غير الزياره المفاجئه

[ViP]

ولد البارجه معروف وانتاجه معروف
للعلم فقط على الطبيعه احلى الفحل له رزه تميزه عن باقي الافحول
اللحين الناس مفتره صوب الاذن نسو الجباره ومد الرقبه والوجه .... والخ
الله يبارك لك في ولد البارجه والفارس
أخوك

[العنبري]

الحق معاك وااااااالله اخوي الهاجري ومعرفتك مب مكسب وبس الا شرف لي وربي يشهد بس والله ان زيارتنا يومها ماكانت على البال ولا كان اصلا في جدول معين نمشي عليه وكانت العزبه على دربنا وقال اخوي راعي الدولار شرايك نمر وقلت له توكل على الله ومرينا غير انها كانت الصبح في وقت دوامات ولك مني وعد اييك لي مكانك في اقرب فرصه

هههههههههه انا كنت عبري والسكان كان في يد اخوي راعي الدولار وعندك اياه لاتفوتها له عشان مايعيدها

[راعي الدولار]

الله يرحم والديك اخوي الهاجري
وان شالله بنمرك هاليومين على العصاري عشان تكون متواجد
ولايهمك السكان عندي وانا بجيب وياي العنبري
الله لايهينك اخوي العود وبيض الله وجهك

[الـ@ـاجري]

عبدالله جزاك الله خير وشهاده اعتز فيها من شخص غالي الله يبارك لك في حلالك

العنبري مابينا حقوق طال عمرك لو انك مب عزيز كان ماشفت عتب المحبه بينا
والكلام كله القصد منه ان الواحد يتشرف بمعرفة شرواكم وهي راس مال
ويشهد الله انها الساعه المباركه الي شرفتو فيهاا محلكم

راعي الدولار جعل من جابك الجنه على ها الدعاء الطيب
والله يجزيك خير ووجهك ابيض
والساعه المباركه الي نشوفكم فيها تشرفون محلكم

[قلب الاسد]

في البدايه شكرآ يا السليطي
على طرح الموضوع وكنت اتمنى بدال الصور انك تشرف العزبه وتشوفها على نظرك واتعرف عليك لان معرفة الرجال مكاسب


والله يا الهاجري معرفتك تزيدنا شرف وشوفتك ومعرفة شرواك مكسب
وانشاء الله يكون لنا لقاء قريب مع العلم ان معرفتنا قديمة لو اني ماشفتك ولا شفتني للحين من ايام منتدى سوريات
لكن القلوب سبحانه اللي يالف بينها
اما مدحتي لفحولك والله لاني عايش القصة من اولها وعارف اصل فحولك
وهي فحول مبروكة راحت من رجال والنعم فيه وهو راعي البارجة الى رجال له فكر
وبصيرة وذوق واخلاق مثلك
وما مدحت الا ما شفت وجذبني زينه وتستاهل الطيب يا الطيب
دمت بود