## عزبه من تصميمي ##

[القانون]

بسم الله الرحمن الرحيم
اخواني اخواتي اهل المنتدى الكرام السلام عليكم ورحمة الله وبركاته ، لاحظت ياجماعة الخير كذا عزبه تملك مقومات وحلال طيب لكن ترتيبها يعيبها وخصوصا عندما تكون عزبتك هي موقعك الثاني للترفيه والخروج عن ملل المدينه والدوام ، وتحب إذا رحت مكانك أو عزبتك تلقاها حلوه نظيفه مرتبه ، عملت لكم نموذج بسيط للعزبه والنموذج قابل للتعديل حسب إحتياجات صاحب العزبه ، ويمكن بعض الربع ماتعجبه الإتجاهات بحيث تكون العزبه ماتشاهد الشمال بسبب الغبار لكن من وجهة نظري تعمدت اخلي العزبه بإتجاه الشمال بحيث عندما تكون عندك وليد يكون مكان الصخال ادفى مكان في العزبه وطبعا تكون الحوط كلها مغطاه من فوق ولو تلاحظون مكان الصخال مغطى من ثلاث جهات وياريت تعطوني آرائكم ، وترى مانسيت المطاعم ويرجع مكانها على راحة المالك وين مايبي وسامحوني على الإطاله
http://alnawe55.googlepages.com/GIF

[ViP]

منت بسهل يالقانون
طلعت مهندس زين والله عجل لمن جيت اسنع العزبه ببلغك....
التصميم ترتوب والي عجبني مكان المجلس لانه مثل ماتقول امسيان اتبسط برى واتقهوى وانت تخايل الحلال ^_^

وان بغيت الصدق مفروض يغيرون الكلام الانكليزي الي تحت نكك ويكتبون مهندس ئــد الدنيا خخخخ

أخوكـ

[الماستر]

يعطيك العااافيه اخوي القانون تصميم حلو

بس شلون يكون ترتيب الصيف ؟

[القانون]

منت بسهل يالقانون
طلعت مهندس زين والله عجل لمن جيت اسنع العزبه ببلغك....
التصميم ترتوب والي عجبني مكان المجلس لانه مثل ماتقول امسيان اتبسط برى واتقهوى وانت تخايل الحلال ^_^

وان بغيت الصدق مفروض يغيرون الكلام الانكليزي الي تحت نكك ويكتبون مهندس ئــد الدنيا خخخخ

أخوكـ
شاكرلك إطرائك الجميل وبالنسبه للتوقيع ماقدر اغيره ،ماركه منافسه لديور وجفينشي والربع :D

[القانون]

يعطيك العااافيه اخوي القانون تصميم حلو

بس شلون يكون ترتيب الصيف ؟


بالنسبه للصيف اخوي الماستر الواجهه الشماليه يكون فيها نوافذ طولها متر في متر ونص ، واللي عنده امكانية مكينةكهرباء في ناس شفتهم وفكرتهم جميله جدا وهي وضع مراوح في حوطة الصخال او الطليان خصوصا في وقت الصيف وذلك بعد مايفرشون الارضيه بخياش من النوع الخفيف ورشه بالماء وشاكرلك مرورك الطيب

[راعي الدولار]

اخوي القانون طلعت مب بسيط مهندس من ورانا واحنا ماندري
سو مخطط حق اخوي العنبري
بس دخلت في راسي فكرة الخياش ونرش عليها ماي بطبقها في الصيف
ومنكم نستفيد
لاهنت على الموضوع يالمهندس

[عســـاف]

خطير يالحبيب بس علم الحمر:)

[القانون]

اخوي القانون طلعت مب بسيط مهندس من ورانا واحنا ماندري
سو مخطط حق اخوي العنبري
بس دخلت في راسي فكرة الخياش ونرش عليها ماي بطبقها في الصيف
ومنكم نستفيد
لاهنت على الموضوع يالمهندس


يامرحبا براعي الدولار ، العنبري باسويله سجن لأنه ثروه ولابد نحافظ عليه حتى إذا خرّف بعد ثروه ، وشاكرلك مرورك الجميل

[القانون]

خطير يالحبيب بس علم الحمر:)


يامرحبا بمشرفنا العزيز ، الحمر حته من ألبي --> يعني قلبي ، اللي يبيه يستوي على طول

[راعي البادية]

يعطيك العااافيه اخوي القانون تصميم حلو

[بوعبدالله]

تسلم يمينك ............. يالمهندس انا خلصت وبنيت ولا باخذ من افكااااااااارك الهندسيه

تحياتى يالخيالى

[القانون]

يعطيك العااافيه اخوي القانون تصميم حلو


الله يعافيك وشاكرلك مرورك الكريم

[القانون]

تسلم يمينك ............. يالمهندس انا خلصت وبنيت ولا باخذ من افكااااااااارك الهندسيه

تحياتى يالخيالى


يامرحبابك يابوعبدالله وانا في الخدمه وتحت امرك وخدمتك شرف لي