الدولار

[راعي الدولار]

السلام عليكم ورحمة الله وبركاته

اضعلكم صورة الفحل الدولار
وان شالله يعجبكم

http://www.arb-up.com/files/arb-up-2008-1/2Ur51953.jpg

http://www.arb-up.com/files/arb-up-2008-1/nzz52137.jpg

http://www.arb-up.com/files/arb-up-2008-1/xUK52244.jpg

[واحـــ من الناس ـــد]

ماشاء الله ماشاء الله

خصم جداااا فى نظرى

[راعي الدولار]

تسلم وكلك ذوق
واسعدني تواجدك

[بوعبدالله]

الله يبارك فى حلالك .......... ظهر المستخبى

وفى انتظار جديدك .......

اخوك........

[فهيد العايد]

الله يبارك فى حلالك

[ولد سيالة]

ماشاء الله تبارك الرحمن
اذا ممكن تعرض شئ من انتاجه

[عســـاف]

مشالله تبارك الرحمن
اخوي راعي الدولاار وش ذا التصوير الزين
ولكن الفحل هو اللي زينه ازياده

[راعي الدولار]

الله يجزيكم خير
وتستاهلون كل خير
والتصوير لكم عليه اشوي
والقادم افضل ان شالله

[العنبري]

ماااااشااااااالله تبارك الرحمن ومع ان اللي صوره بروفشنل ( خبير ) وتسلم انامله الذهبيه لكن واااااالله العظيم انه على الطبيعه احلى بوااااايد في نظري وقلت لك واشهد رب العالمين على كلامي ان على كثر الربع اللي اعرضوا علي الفحول اللي عندهم وكلها درجه اولى عشان افكها في حلالي وبيض الله ويوهم ومامنهم قصور لاافيهم ولا في حلالهم بس مادخل خاطري فحل اني افكه بحلالي غير الدولار والفحل اللي قلت لك عنه عند القحطاني وانت تدري اني عمري مافكيت فحل منيح من قبل ولا تسالني ليش لان الشغله شغلة مزاج حتى انا مب فاهمها وربي يبارك لك ويبارك حق الجميع في مالهم وحلالهم

[الـ@ـاجري]

ماشالله تبارك الرحمن
الله يبارك لك فيه وتشوف انتاجه

[خالد بومحمد]

ما شاء الله وتبارك الله
والله يعطيك خيرهن ويكفيك شرهن
بومحمد.

[راعي الدولار]

الله يجزيكم خير
وتسلمون على المرور الطيب
اخوي العنبري مصدق يالغالي ومابه الا حلالك يالغالي يوصلك لمحلك
واسعدني مرورك العطر

[ولهان ومسير]

أخوي راعي الدولار هالفحل فنان والله أوفقك : أخوك ولهان ومسير

[العنبري]

هههههههه اخوي ولهان ومسير ركز على كلمة فنان وتاثير النسايب بين يابو مناوشات وارجع حق اصل الكلمه بتفهم قصدي واذكرك اهم شي اللي ابلعوا الييمه

[راعي الدولار]

شكرآ اخوي ولهان ومسير
واسعدني تواجدك

[الشاوي]

الله يبارك لك ممتاز هذا التيس وبالبركه الشاوي

[prince_qatar]

الله يبارك لك اخوي في الفحل الطيب

[راعي الدولار]

الله يجزاكم خير
والله يكثر من امثالكم
واسعدني تواجدكم

[بوناصر]

اخي راعي الدولار الفحل عادي للغايه واتمنى ان تتقبلها بصدر رحب واتمنى اقتناء الافضل هذ رائيي واتمنى عدم الزعل

[راعي الدولار]

وجهة نظر واحترمها

[العنبري]

اخوي بو ناصر اشكرك على وجهة نظرك وانا شفت الدولار على الطبيعه وان الله راد بافكه السنه في حلالي بعد اذن اخوي راعي الدولار وتراه احلى من الصوره بواااااايد واذا تخبر لنا فحل احسن من الدولار بقيمه معقوله نقدر عليها ترانا نجني الزين وندوره وماعتقد اصلا بتحصل شي بمستوى الدولار هلايام بقيمه يطالها اي واحد وكثير من الفحول اقل مستوى بواااايد من الدولار راحت بعشرين الف وثلاثين الف وانا اشوفه وااااالله وبكل امانه من افضل الفحول على مستوى قطر كلها ويكفي انه من انتاج المربي المعروف جاسم الخاطر وفي مربي اخر معروف على مستوى وحلاله من افضل الحلال على مستوى قطر بل على مستوى الخليج كله الحين ماخذ الدولار منيح وفاكه في غنمه وعرض انه يشتريه وهالشخص مايجني الا الزين والدرجه الاولى من الدرجه الاولى ولو ماشافه زين وعلى مستوى عالي ويستاهل ودرجه اولى ماكان اصلا فكه في غنمه من الاساس والاختلاف في الراي لايفسد من الود قضيه ولولا تعدد الاذواق لبارت السلع وياليت لو تعرض لنا شي من حلالك اذا كان موجود واذا فيه شي افضل عندك من الدولار ماراح نهضمه حقه ومثل ماقلت لك احنا نحاول على قد مانقدر وعلى قد ماعطانا رب العالمين نجني الزين وندوره
وتقبل مروري

[راعي الدولار]

اخوي العنبري بيض الله وجهك وماعندي الا حلالك وانا والله صادق وانت ادرى بهالشي
كفيت ووفيت

[ابن الأسود]

مشالله تبارك الرحمن
الله يبارك لك في حلالك وجزاااااااااااااااااااااك اااااااااااااااالله ....خير الجزاااااااااااااااااااااااااااء
دمت بووووووووووود

[راعي الدولار]

مرحبابك بن الاسود
والله يجزيك خير
واسعدني مرورك

[بوناصر]

شكرا لاخي راعي الدولار على سعه صدره وتقبله رائيي بكل رحابه وهذ ان دل على شي دل على حسن خلقه وتقبله للنقد ...

[بوناصر]

اخوي العنبري مساك الله بالخير ...كلام جميل تطرقت له وهو ان الصوره مرااات كثيره تظلم الحلال هذ وانت تقول ان الفحل عالطبيعه افضل بكثير من الصوره وهذ شي مهم وخصوصا ان الصور سلاح ذو حدين يمكن يظلم ويمكن يخدع ويمكن يعطي انطباع مغاير للحقيقه من حيث البعد ونا حكمت على صوره لا غير والي شفته بالصوره قلت رائيي فيه بكل صراحه وطبعا عالشكل وناماحكمت على شي غير الشكل والباقي متروك لصاحب الحلال وهو اعرف وادرى برس الفحل ومعمقه وانتاجه ... اما اسعار الفحول الي ماتنطال على ماذكرت اسمح لي ان اعقب على ماذكرت لان في فحول انباعت باسعار خياليه وهذ ليس بالدليل على انها هي الاجمل او الااصل او هي خيره الفحول لاني حضرت بيعات وكانت لافحل مشروكه وكانت اسعارها خياليه ويمكن انك رأيت بام عينك في بعض المزادات بعض هذه النوعيه واسمح لي بان السعر ليس هو الاساس في ان يكون الفحل هو الافضل نعم هناك فحول طيبه انباعت باسعار مرتفعه لكن شكلها وانتاجها ومعمقها يؤهلها لهذ الاسعار يعني في اساسيات مهمه لارتفاع اسعارها وصدقني في فحول مجهوله كثيره افضل من بعض الفحول المشهوره والمعروضه.. وهل تعلم بان يوجد بعض المربيين المشهورين الذين يضرب بهم المثل يدخلو ن في حلالهم الفحول المشروكه لتحسين الانتاج على حسب فهمهم ولادخال بعض المواصفات الخاصه في حلالهم ....اما بخصوص عرض صور من حلالي ابشر في اقرب فرصه راح اعرض لك صور من حلالي ولو اعرف اصور وانزل الصور كان نزلتها قبل لاتطلب بس الحين انت تحمسني واوعدك في اقرب فرصه راح تشوف الصور واتمنى انها تنال اعجابك وباقي الاعضاء ... مع خالص تقديري اخوك بوناصر

[العنبري]

بيض الله وجهك يا بو ناصر واحنا كلنا شوق ولهفه نشوف عرضك والمقصد من هالمنتدى ان هل الحلال يتعارفون ويعرضون حلالهم ويسمعون النقد البناء من هل الخبره والناس اللي اقدم منهم في هالمجال واحنا انتعلم منكم وانا اتشرف بمعرفتك

[بوباسم]

الله يبارك لك في حلالك