عدم المجاملة

[الوحداني]

لوحظ في الاونة الاخير بعض المشاركين في منتدي حلال قطر انهم يجاملون بعض في حلالهم مثلا واحد عارض صورت معرا عادية جدا ويقوم الاخوان بكتابت اللة يباركلك حلالك طيب ونسلة طيب حافظ علية ليش هذي المجاملات ليش ما ننصحة بتربيت صنف اعلا واطيب ما فيها شي لو ذمينا حلالهم ليش ما يتقبلون الاراء بصدر رحب لا تزعلون مني يا اخون انا ما تكلمت الا على اساس الاخوان يطورون حلالهم مب نمدح على شي مب طيب وين راح نتطور ويصير عندنا انتاج نادر يضرب فية الوصف وشكرا واكرر لحد يزعل مني واتقبل انتقاداتكم

[العنبري]

اخوي الوحداني اشكرك على طرح هالموضوع واشكر فيك اهتمامك بس لازم نحط في بالنا ان في اختلاف اذواق واي شخص يذم بتكون محسوبه عليه واحتمال الذم يدخل مرحلة التحقير او ينفهم بهالطريقه اذا خان الاسلوب والمجامله مطلوبه من باب التشجيع بشرط انها ماتكون تعظيم حق الشي وفوق حقه وبعد لازم نحط في الاعتبار ان مب الكل مقتدر والله منعم عليه ان يشتري حلال طيب وصنف بالاسعار الموجوده الحاليه يعني ممكن هالشي اللي جاملناه فيه وقلنا حلال طيب الله يبارك لك فيه نساعد راعيه ونمنحه او نهديه فحل يزيد مستوى حلاله ويحسنه ويطوره افضل من ان احنا نكون حطمناه من البدايه وكسرنا مياديفه ونوقف معاه باللي يحتاجه من نصيحه وتوجيهات والا انت شرايك هالشي مب افضل ؟؟؟؟؟ وانا حاضر للجميع وتحت امرهم باللي يقدرني عليه رب العالمين والحلال كله خير وبركه حق راعيه بغض النظر عن الصنف ودرجته يعني من وجهة نظري ان المجامله شي مهم وضروري ومطلوبه في بعض الاحيان بس في حدود المعقول وبقصد التشجيع ونحاول نوجه ونمد يد العون بطريقة ثانيه افضل من ان نذم

[الـ@ـاجري]

اعتقد يا اخيو الوحداني ان الحلال كله بركه على راعيه كان فاخر ولا عادي

واذا حط واحد صور للعرض لابد للجيمع من الشد من ازره خاصه اذا جديد على التربيه ولكن لو طلب التقيم مافيها
شي لو ذكرت تقيم حلاله من وجهة نظر خاصه ممكن تكون عكسيه عندي غيري

هذي وجهة نظري الخاصه وان شالله محد يزعل منك لان الجميع هنا اخون

[الماستر]

هلا اخوووي الوحداني ، اعتقد ان المجالمه الي مادش العقل هذه تسي للطرف الاول قبل صاحب الحلال ، لانها اما ان تكون نفاق او قلة خبره ومعرفه في الحلال

اما المجامله المعقوله والي يدركها العقل هذه الواحد ما يتعرض عليها

وعن الانتقاد الناس تختلف في تقبل الصراحه ، وعلى الشخص الانتباه لهذا الشي ، فليش الشخص يترك مجال للشيطانه ان يدش بينه وبين اخوه
والي قاصد الخير لصاحب العرض ما في داعي للانتقاد على الهواء مباشرة وامام الناس ، بامكانه استخدام الرسايل الخاصه وبامكانه الاتصال على الجوال، لان مقصده الخير لهذا الشخص.


فانا مع المجامله المعقوله الي يدركها العقل والا ما تزيد عن حدها ، و الي ما تحول الي نفاق ولا تعطي الشي اكثر من حقه

[الوحداني]

شكرالكم جميعا وهذي نقطة مهمة للجميع

[العنبري]

اخوي الوحداني الواحد يقدر يعبر ويقول رايه بطريقه ما فيها ذم باسلوب مباشر ومايكون جاف وكلامه جارح مثال ان يقول عنز طيبه ويذكر الزين فيها ويرجع يقول بس مافيها غزل او جباره او مد او رقبه او قرن او رهاوة اذن وبهالطريقه بيكون الجميع استفاد بدون ذم او تجريح

[برووق]

لوحظ في الاونة الاخير بعض المشاركين في منتدي حلال قطر انهم يجاملون بعض في حلالهم مثلا واحد عارض صورت معرا عادية جدا ويقوم الاخوان بكتابت اللة يباركلك حلالك طيب ونسلة طيب حافظ علية ليش هذي المجاملات ليش ما ننصحة بتربيت صنف اعلا واطيب ما فيها شي لو ذمينا حلالهم ليش ما يتقبلون الاراء بصدر رحب لا تزعلون مني يا اخون انا ما تكلمت الا على اساس الاخوان يطورون حلالهم مب نمدح على شي مب طيب وين راح نتطور ويصير عندنا انتاج نادر يضرب فية الوصف وشكرا واكرر لحد يزعل مني واتقبل انتقاداتكم


الوحداني موضوعك حلو
بس قولتك أن الواحد أذا قال الله يباركلك هل هذي مجامله في نظرك

[راعي كحيله]

الوحداني
انا معاك في كل حرف كتبته بس اقول لك الصراحه اذا انت تبي تقول العيوب للتطوير لازم تذكر العيوب والا مانفعت احد بشي وعلى سبيل المثال ارجع الى المواضيع اللي طلب فيها صاحب الحلال المعروض ابداء الرأي بتلقى كثير من الاخوان يذكرون العيوب للتطوير ولكن اذا المعروض من غير طلب الرأي او احد الاخوان عرض حلال واحد من ربعه ما يصير الواحد يذكر العيوب ويكتفي بالدعاء له بالبركه وانا باقول لك شي مهم ولا يهونون الربع
عندي كثير من ربعي ما يهتمون بالصنف مثل ربعا بالمنتدى واهم شي عندهم الحليب والانتاج للاكل وانا ان شاءالله عن قريب باعرض شي وباطلب من الجميع ابداْ الراي وبتشوف بنفسك اللي اقصده
اهنيك على هذا الموضوع وان دل انما يدل على حبك لاخوانك وحبك للحلال

[الوحداني]

اخوي برووق اذا قلت اللة يباركلك على صورة شي من الحلال مب طيب يعني انا اجاملك

[الوحداني]

اشكرك اخوي راعي كحيلة

[العنبري]

اخوي الوحداني انت تقصد اذا قلت الله يبارك لك في حلالك على صورة شي من الحلال مب طيب يعني انا جاملته وضريته ؟؟؟؟

[الوحداني]

صحيح اخوي العنبري

[العنبري]

صحيح اخوي العنبري


كيف صحيح اخوي الوحداني ؟؟؟ يعني اقوله مثلا الله لا يبارك في حلالك لانه مب طيب ؟؟؟
انا لو ييتك العزبه وسالتني عن رايي في حلالك ورديت عليك بكلمة الله يبارك لك في حلالك ومامدحته انت شبتفهم ؟؟؟؟ والا لازم اقولك حلالك تعبان وماينفع ولازم تبدله ؟؟؟ اي رد فيهم انت تفضل انك تسمعه لو كنت انت اللي طالب الراي في حلالك ؟؟؟؟
اخوي الوحداني كلمة الله يبارك لك في حلالك بدون تعليق معاها غالبا معناها ان الشي مب عاجبني او مب بالمستوى المطلوب واني اكتفيت بهالكلمه بدون تعليق ولو كان لي فيه راي ثاني كنت علقت ومدحته وهالشي معروف وانا مب ملزوم اقول رايي بالتفصيل مجرد اني شاركت ودعيت له ان ربي يبارك بحلاله ويتطور للافضل والاحسن
كلمة الله يبارك لك بحلالك هذي دعوه ومب مجامله والحلال كله بركه

[برووق]

كيف صحيح اخوي الوحداني ؟؟؟ يعني اقوله مثلا الله لا يبارك في حلالك لانه مب طيب ؟؟؟
انا لو ييتك العزبه وسالتني عن رايي في حلالك ورديت عليك بكلمة الله يبارك لك في حلالك ومامدحته انت شبتفهم ؟؟؟؟ والا لازم اقولك حلالك تعبان وماينفع ولازم تبدله ؟؟؟ اي رد فيهم انت تفضل انك تسمعه لو كنت انت اللي طالب الراي في حلالك ؟؟؟؟
اخوي الوحداني كلمة الله يبارك لك في حلالك بدون تعليق معاها غالبا معناها ان الشي مب عاجبني او مب بالمستوى المطلوب واني اكتفيت بهالكلمه بدون تعليق ولو كان لي فيه راي ثاني كنت علقت ومدحته وهالشي معروف وانا مب ملزوم اقول رايي بالتفصيل مجرد اني شاركت ودعيت له ان ربي يبارك بحلاله ويتطور للافضل والاحسن
كلمة الله يبارك لك بحلالك هذي دعوه ومب مجامله والحلال كله بركه


السلام عليكم
العنبري
شاكرلك ردك
والوحداني العنبري أظاهر أنه وصل المعنا
وكلمة الله يباركلك لها الف ملايين الحسنات
أنا تعليقي على الله يباركلك
وأكيد فاهم قصدي حتى لانطيل عليكم

[الوحداني]

يا جماعة انا ماعندي اعتراض على اللة يباركلك اعتراضي على انك اتقول اللة يباركلك على الحلال الى مب طيب قول اللة يباركلك في حلالك وحلالك بصراحة يحتاج تغير اما في الفحول او الماعز هذا القصد

[العنبري]

اخوي الوحداني الحين فهمت قصدك وكلامك سليم بس انا بعد اقول ان لازم نختار الاسلوب اللي بننتقد فيه ونقدر نوصل به نفس المعلومه ومانكون جافين في الرد لان في الاخر القصد هو التشجيع مب التحطيم وبعد لما ننتقد مانقول حلالك تعبان وبدله ونسكت لازم نشرح له ونفصل شاللي خلانا نقول عنه تعبان عشان الشخص يعرف ويتعلم ويستفيد او انه يناقش ويقول وجهة نظره ولو رجعت حق مواضيعي بتحصل انتقادات من ناس قالوا لاتفحله او سكين او ماينفع وماذكروا الاسباب مع العلم اني طالب هالشي من بداية الموضوع وبالاضافه ان بعض الانتقادات بينت لي ان اللي ينتقد مايدري شالطبخه اصلا ومابغيت اعلق حزتها عشان محد يحط في باله اني رافض الانتقاد ومب راضي مثال منها لما يكون الخاروف معترض ومعطيك بطنه شلون تقول لي هالخاروف دقيق وفقاره مايبين لك في الصوره ؟؟؟ انت لو محللي بتاخذ انتقاد من هالشخص وبتحطه في عين الاعتبار؟؟؟ انا اكيد اني باتقبل اي انتقاد اييني بس مب حاطه في عين الاعتبار ومب ماشي عليه الا لما اشوف الشخص اللي جدامي ينتقد صح وانتقاده منطقي ويبين لي انه فاهم في هالمجال والا انا غلطان ؟؟؟ وبيض الله ويهك على هالموضوع الحلو يالوحداني

[الوحداني]

وجهك اخوي العنبري

[العنبري]

وجهك اخوي العنبري


اخوي الوحداني كان ودي اسمع وجهة نظرك في كلامي بما انك انت اللي فتحت هالموضوع وكان ودي تعلق اكثر عشان نعرف رايك بما انه موضوع نقاش وعشان الكل يستفيد نفس نظرية الله يبارك لك بحلالك

[راعي كحيله]

اخوي الوحداني كان ودي اسمع وجهة نظرك في كلامي بما انك انت اللي فتحت هالموضوع وكان ودي تعلق اكثر عشان نعرف رايك بما انه موضوع نقاش وعشان الكل يستفيد نفس نظرية الله يبارك لك بحلالك

العنبري
بيض الله وجهك على الشرح المفصل وتاكد ان كلامك في محله وانا كذالك اقول ان المنتقد لازم يبين العيوب لكي الواحد يتعلم ولا يتحطم

[الوحداني]

اشكرك راعي كحيلة هذا مقصدي

[العنبري]

اخوي الوحداني لاتزعل مني بس انت انتقدت اللي يقولون الله يبارك لك في حلالك ويسكتون ومايقولون رايهم بصراحه وانا الحين اشوفك تكتفي بكلمة وجهك ابيض واشكرك هذا قصدي وماشوفك تنتقد او تناقش ولا اشوفك انت تدخل المواضيع وتشارك وتنتقد وتقول رايك مع انك انت اللي تطلب هالشي ومن وجهة نظري ان مايصير تطلب هالشي من غيرك وانت ماتسويه والا انا غلطان ؟؟؟؟ واتمنى انك اتقبل كلامي بصدر رحب ولو ماقلت لك هالكلام صدقني باكون جاملتك وانت اللي تقول لحد يجامل

[الوحداني]

كلامك صحيح اخوي العنبري انا ما انتقد لاني لو انتقد يمكن راعي الحلال يزعل منى وانا ما احب احد يزعل مني عاشان هذا الشي ادخل واشوف المعروض بدون تعليق لان البعض يزعل صدقني وانا اتجاهل هذي الامور والا انت عارف انا من زمان في هذا المجال مجال تربية الحلال

[العنبري]

كلامك صحيح اخوي العنبري انا ما انتقد لاني لو انتقد يمكن راعي الحلال يزعل منى وانا ما احب احد يزعل مني عاشان هذا الشي ادخل واشوف المعروض بدون تعليق لان البعض يزعل صدقني وانا اتجاهل هذي الامور والا انت عارف انا من زمان في هذا المجال مجال تربية الحلال


اخوي الوحداني لو ماعرفك وماعرف باعك الطويل في هالمجال ماكنت قلت لك كلامي هذي وانا متاكد ان انا اول واحد بيستفيد من خبرتك وانتقاداتك وانت تعرفني مارفض اي انتقاد حتى لو ناقشت فيه وكان رايي العكس وانت طلبت منا ننتقد وقلت شفيها لو ذمينا وان هالشي ضروري وهذا انت رجعت قلتها بنفسك ان في ناس تزعل ومايتقبلون الانتقاد حتى لو كان هم اللي طالبين الراي وعشان جذي احيانا نكتفي بكلمة الله يبارك لك بحلالك ومانكون جاملنا بهالطريقه لكن مامدحنا وعطنا الشي حقه وعظمناه ونفخناه وكلنا مانبي حد يزعل علينا لكن مانبي نضر حد ونغشه بمجاملات زايده لكن نحاول نختار اسلوب حلو يوصل له المعلومه من غير مانضره ولانجرحه بنفس الوقت ونحطمه
انت باعك طويل في هالمجال ومن اقدم الناس اللي عرفتهم في هالشغله وودي ان على الاقل في مواضيعي تنتقد وتشرح اللي تشوفه وتاخذ راحتك مدح او ذم وانا باناقشك اذا رايي اختلف عن رايك نفس اللي كان يصير بيني وبين اخوي بوناصر وباقي الربع والزعل مرفوع والكل بيستفيد
يمكن الربع مايعرفون من الوحداني لكن انا اعرفه واعرف باعه الطويل وخبرته واكيد اني باحط انتقاداته في عين الاعتبار حتى لو خالف رايه رايي لاني اعرفه انسان فاهم وعنده خبره ونظره في الحلال بالضبط نفس اخوي بوناصر وباقي الربع حتى لو اختلفت في الراي معاه يتم رايه يهمني

[الوحداني]

تسلم اخوي العنبري هذا من طيبك والنقاش معاك لة طعم خاص