الفرق بين الماعز الشاميه والعمانيه والعارضيه

[احساس خالد]

السلام عليكم
اتمنى الجميع بصحه وسلامه
دخلت قسم الماعز الشاميه فلم اجد
وصف لها كشكل وفائده وكم نوع لها
فلذلك ياليت الاخوان اهل الخبره
يعطونا الفرق بين الماعز الشاميه والعارضيه والعمانيه ومميزات كل منها
ومواصفاتها حتى يتسنى للي يبي يشترى من اي نوع يكون مرجع له هني ويعرف شيبي بالضبط
طبعا اعرف انها تعتمد على رغبه الشخص ولكن اتكلم كمواصفات ومميزات كل نوع
مع شكري للاخوان اللي متأكد انهم بيكفون وبيوفون
ويمكن فيه اشياء اجهلها ممكن يضيفونها الربع عشان تعم الفائده ولكم الشكر

[راعي كحيله]

احساس خالد
اسألتك صارت مثل امتحان الثانويه هههههههههه
بعد انت غالي وحاضر لك في اي وقت
الشاميه طال عمرك يبي لها راعي طول الوقت عشان يساعد الصغار على شرب حليب امهاتهم لان كيافة الشامي في انعطاف وانحاء راسه وفكه لذا يصعب الرضاعه في هالحاله يعني بالعربي يبي لها تعب شوي

العمانيه انا ما عندي فكره عنها ذاك الزود لكن يقال انها حساسه جدا وكل شي ياثر عليها

العارضيه كل شي فيها زين شكل وجمال ولون وتناسق بالجسم والحركه وغزل طويل وحليب ولحم طيب( تقريبا 99% لحم المندي عارضي)
وانا لو احد سألني احسن الحلال اقول له العارضي ومن الضان العرب
على فكره انا جديد بتربية المعزا والضان واكيد اللي بيردون عليك من الاخوان بالمنتدى افهم مني

[احساس خالد]

راعي كحيله الله يغليك ويحبك
ماقصرت حتى لو ماجاوبتني على شي يكفيني
والله مرورك الكريم فما بالك وانت عطيتني فكره
ولو مبسطه والاخوان كلهم خير وبركه والله لا يهينك

[احساس خالد]

راعي كحيله الله يغليك ويحبك
ماقصرت حتى لو ماجاوبتني على شي يكفيني
والله مرورك الكريم فما بالك وانت عطيتني فكره
ولو مبسطه والاخوان كلهم خير وبركه والله لا يهينك

[احساس خالد]

شدعوا وين الردود
تقرون وتطلعون
ترى الفائده متبادله
وماحطيت الاسئله الا عشان نستفيد من بعض
اتمنى تفاعل اكثر وتفاصيل اكثر
لاهل المعرفه والدرايه

[الـ@ـاجري]

عليكم السلام

والله يا اخوي الي بقدر افيدك فيه ان الحلال كله بركه من رب العالمين
انا ماعندي اي خبره في الماعز الشامي ولكن الي اشوفه انه فيه انواع كثيره
مثله مثل العارضي والعماني وجميع الحلال بسبب التهجين

من ناحية المواصفات والمميزات من الصعب على الواحد توصيلها للاخرين من خلال الكتابه
ولكن انا اشوف الاخوان في المنتدى لم يقصرو وفاتحين اقسام لجميع الحلال تقدر من خلاله
ان تدخل كل قسم وتفتح على المواضيع وتشوف الصور والمعروضه من خلال المشاهده
تقدر تعرف الشامي من العارضي والعماني والمواصفات والصفات في كل صنف لحدى
وهذا راح يختصر عليك الكثير من الاستفسارات واي ملاحظه عندك
ممكن تنسخ الصوره الي تبي تتعرف عليها وتعرضها وتخلي الاخوان يقربون لك الاوصاف الي انت تبيهاا

ولكن كل الشكر

[احساس خالد]

بيض الله وجهك يا الهاجري ولا هنت
واسعدني مرورك الكريم