تساؤلات اتمنى المساعده فيها

[احساس خالد]

السلام عليكم ورحمة الله وبركاته
اتمنى ان يكون الجميع في اتم صحه وعافيه
هذه اول مشاركه لي
وهي عباره عن عدة تساؤلات اتمنى الرد عليها لم عنده خلفيه
مع الشكر مقدما

تسئلي الاول عن ايهم احسن عزبه في المجمع ام عزبه في البر(رخصه متنقله)
وما هي التقديرات الاوليه للمبالغ في كليهما
بمعنى لو اخذت عزبه وكتفيت بكم راس وخيمه وخزان ماء وشبوك كم التكلفه التقديريه
وبم تنصحوني بي معزه اخذ
وهل لو اخذت معزه عمانيه وعاضيه وتركتها خليط هل فيه مشكله ولا عزلها احسن
هل الرخص صعبه الحصول عليها او لا
يمكن هناك اسئله ما سئلتها ولكن انتم ابخص اي شي يتعلق بالحلال ياليت تقولونه لي من اكلها ومرعاها وانواعها يعني ابي كل شي بالتفصيل الممل والله لا يهينكم

[احساس خالد]

اقصد العارضيه كتبتها غلط
وما احسن الاماكن للعزب المتنقله البر يعني
واذا فيه حد يعرف عزب للبيع او لا بأسعار معقوله في الشحانيه او حولها اكون ممنون جدا
مع الشكر للجميع

[الـ@ـاجري]

وعليكم السلام ورحمة الله وبركاته
حياك الله اخوي احساس خالد في محلك وبين اخوانك
ونسعد في مشاركتك معنا
والحمدلله الكل بخير وعافيه ولا ينقصنا الا المشاركات الطيبه شرواك وشروا الاخوان الاعظاء

بنسبه للتساولات راح ارد عليها بالنقاط

بنسبه للنقطه الاولى انا عن نفسي كانت عندي عزبه جواله وعزبه في مجمع
وبكل امانه بنسبه لي العزبه الجواله افظل بكثير من المجمع
ولكن ترى ها الافظليه ترجع لصاحب الحلال او العزبه فيه ناس تفظل الجوال وناس تفظل المجمع

بنسبه للتقديرات ترجع على صاحب الحلال ممكن15الف تكفيك حق ترتيب مكان للعزبه وتبقى تكلفت الحلال
وهذي احسبها من 800 الى 1200 على حسب النوعيه الي انت تبي تاخذها والعدد كم

انا انصحك بعدم الخلط بين الماعز الا اذا كنت تبي لحم وحليب منهم فقط
وانا انصحك العمانيات لا تخلط فيهم شي وباقي الحلال مافيه مشكله

بنسبه للرخص
والله يا اخوي على حد علمي انه تم توقيفها لشعار اخر وانا مش متاكد منها ولكن الافظل تسال لك واحد في البيئه

بنسبه للمواقع انا افظل المواقع الغربيه الجنوبيه يمكن هي افظل المواقع للحلال
ولكن تبقى لكل شخص اماكن تكون مفضله له ناهيك عن المسافات والبعد عن المكان

بنسبه للبيع اعتقد فيه عزب جواله للبيع وهنا في قسم البيع عزبه معروضه من قبل اخونا اعي الدولار
وفيه عزب في مجمع الشحانيه للبيع ممكن استفسر لك من اهلها هل لازالو يبون يبيعونا ام لا اذا كنت ترغب في مجمع الشحانيه

بنسبه للنصيحه اذا كنت هاوي للحلال ولاتوجد لديك الخبره الكافيه انا افظل انك تزور اخوانك اهل الحلال والتعرف عليهم
ومعرفة كل شي من صغيره وكبيره وتستفيد منهم قبل لاتقبل على الشراء
لان الكتابه والكلام لا تعلم احد ولكن الحضور والزيارات والممارسه هي التي راح تكون لديك الخبره ان شالله
وانا مستعد وحاضر اقد اساعدك فيه ومحلي يتشرف فيك متى ماحبيت زيارته

هذا الي اقدر افيدك عنه واي سوال في خاطرك انا حاضر وتحت امرك

وان شالله الاخوان الاخرين راح يمدونا بالمعلومات والخبرات

ولكل كل الشكر

[راعي كحيله]

وعليكم السلام ورحمة الله وبركاته
يا مرحبا بك اخوي احساس خالد بين اخوانك وربعك بالمنتدى والمحل محلك طال عمرك
اخوي الهاجري الصراحه ما قصر عطاك تقريبا كل المعلومات والهاجري واحد من اساتذتي الكبار الله يحفظه
انا بامكاني اجابة بعض الاسئله وليس كلها لان العزب ما اعرف عنها اي شي بس زرت ربعي في قطر واحس ان الجواله افضل شي والسبب النظافه وبعد الحلال عن باقي الحلال والابتعاد يحمي الحلال من الامراض
اما بالنسبه تربيتك لاي نوع فانا اقول لك وبكل امانه مابه احلى من المعزا الكبيره اللي طال عمرك اذا راحت ورا شمعه في البر شفتها اما العمانيات ما تصلح للبر لانها تضيع وسريعه وما تنصاد بسهوله واكثر الاخوان اللي يربون العمانيات يخلونها بالبيت للزينه والحليب
واخص بالمعز ا الكبيره العارضيه لانها من احلى الحلال مع احترامي لكل المربين للفصايل الاخرى وهي معزا الاوليين وطبعا تختلف الصور الجماليه فيها لان العوارض تجي الوانها مختلفه واحجامها مختلفه وبعضها ايضا معروف ساسها يعني تكون ملك اشخاص او قبائل معروفه
والاسعار تختلف من بلد لبلد فانا اشتريت كل حلالي من السعوديه واهتميت بالشكل واللون كثير
عندي اللي ماخذها وهي عمرها 4 شهور ب800 ريال وعندي اللي خذيتها ب3000 و4000 ريال وطبعا اغلى شي الفحول وطبعا لو بتدور وتدقق على الصفات الجماليه او الاصول راح توصل الاسعار لمئات الآلاف
وفكرة اخوي الهاجري تاكد انها طيبه لابد انك تقوم بزيارة الاخوان حتى تتضح لك الامور اكثر وتعرف شكل المعزا اكثر ولا تغلط مثل غلطتي شريت معزا على انها عوارض واطلعت مظروبه والسبب كان جهلي بشكل العارضيه
وانا اقول لك من البحرين اتشرف بزيارتك لي واذا ما شالتك الارض نشيلك بعيونا
الله يوفقك
اخوك راعي كحيله
البحرين

[برووق]

السلام عليكم ورحمة الله وبركاته
اتمنى ان يكون الجميع في اتم صحه وعافيه
هذه اول مشاركه لي
وهي عباره عن عدة تساؤلات اتمنى الرد عليها لم عنده خلفيه
مع الشكر مقدما

تسئلي الاول عن ايهم احسن عزبه في المجمع ام عزبه في البر(رخصه متنقله)
وما هي التقديرات الاوليه للمبالغ في كليهما
بمعنى لو اخذت عزبه وكتفيت بكم راس وخيمه وخزان ماء وشبوك كم التكلفه التقديريه
وبم تنصحوني بي معزه اخذ
وهل لو اخذت معزه عمانيه وعاضيه وتركتها خليط هل فيه مشكله ولا عزلها احسن
هل الرخص صعبه الحصول عليها او لا
يمكن هناك اسئله ما سئلتها ولكن انتم ابخص اي شي يتعلق بالحلال ياليت تقولونه لي من اكلها ومرعاها وانواعها يعني ابي كل شي بالتفصيل الممل والله لا يهينكم


هلابك ياخالد
وأسم خالد من أحلى الاسامي عندي بعد أسم عبدالله
وأسم خالد يعني دايم
وبنسبه لخزان الماي سعره مع الكرسي 1400 ريال والشبوك تقريبا لشبك بدون باب 200 ريال
والاحواض تقريبا 100 ريال والحلال على حسب النوع
والمكان على حسب رقبت راعي الحلال وين يريد
والرخصه موقفه لين شهر 12
وأنت شوف وش ودك وش ترقب في الحلال وبعدين لكل حادثن حديث
وأنا بكره سارح لسعوديه عندنا مطايا مجاهيم موودينها حول حنيذ والخميس راجع بأذن الله
وكلمني ومر علي ومايسير الا كل خير

[راعي كحيله]

هلابك ياخالد
وأسم خالد من أحلى الاسامي عندي بعد أسم عبدالله
وأسم خالد يعني دايم
وبنسبه لخزان الماي سعره مع الكرسي 1400 ريال والشبوك تقريبا لشبك بدون باب 200 ريال
والاحواض تقريبا 100 ريال والحلال على حسب النوع
والمكان على حسب رقبت راعي الحلال وين يريد
والرخصه موقفه لين شهر 12
وأنت شوف وش ودك وش ترقب في الحلال وبعدين لكل حادثن حديث
وأنا بكره سارح لسعوديه عندنا مطايا مجاهيم موودينها حول حنيذ والخميس راجع بأذن الله
وكلمني ومر علي ومايسير الا كل خير

الغالي برووق تروح وترجع بالسلامه الله يوفقك ان شاءالله

[احساس خالد]

الهاجري بيض الله وجهك وماقصرت كفيت وفيت
وشرواك الطيب ولاعدمناك والله لايهينك
راعي الكحيله الشرف متبادل ولا عدمناك وجعلك ذخر
بروق حلت دنياك وتروح وترجع بالسلامه ولاهنت
لاهنتو كلكم غمرتوني بطيبكم والله والله يقدرني على الطيب
واذا عندي او بغيت شي مالي بعد الله الا انتم

[احساس خالد]

بس سمعت ان البيع ممنوع او عليه مشاكل
مدري صحيح او لا
وسمعت بعد ان الرخص موقفه بالنسبه للمجمعات
اما المتنقله يعلمني واحد انه ماخذها من كم يوم والله اعلم

[احساس خالد]

لو حبيت اشتري غنم طيبه
طبعا انا ابيها هوايه وسعة صدر
ابيها للبيت مو تجاره
لو عزمت اشتري فيه ناس ثقه
وعندهم معزا طيبه ولا لازم اروح لسوق وانا والتوفيق

[ابوجديع]

(( أحساااس خالد ))

أنا أنصحك نصيحه حاول أن بدايتك صحيحه وأن تشتري من المعزا العارضيه الطيبه وأن تمر على المزادات وتشوف الزين ولا تستعجل وتمر على أهل الحلال وتشوف حلالهم حتي تكون عندك فكره كامله في مواصفات الحلال وأن في هذا المنتدي حلال طيب وأدخل وتمنظر ببلاش وبعدين أشتر عزبه وجهزها ومن ثم حتي ولو تشتري كل شهر راس واحد على شرط أن تكون شيئ طيب وفحل طيب وأتمني لك التوفيق ..

أأأخوك// أأأبوجديع

[احساس خالد]

الله لا يهينك يابو جديع
وجزاك الله خير على النصيحه الطيبه

[العنبري]

السلام عليكم ورحمة الله وبركاته

اخوي احساس خالد الربع كفوا ووفوا وماعندي شي ازيده على كلامهم غير اني اقولك خذ بنصيحتهم ودور على الربع هل الحلال وخذ فكره واذا عرفت شاللي تبغيه وتهواه نفسك حزتها ولا يهمك كلنا تحت امرك ولكل حادث حديث ولاتستعيل وتركد وتعلم من غلطات غيرك

[احساس خالد]

الله لايهينك يا العنبري
وبيض الله وجهك
ولا خلى ولا عدم
فعلا ماقصرو ولا بيقصرون
جعلها ماتقصر اعمارهم واعماركم

[العنبري]

اخوي احساس خالد من مشاركاتك والمواضيع اللي تختارها وااضح انك مكسب لنا جميع قبل لاتكون مكسب حق المنتدى واحنا انتشرف بمعرفتك وان يكون لنا اخووو بينا مثلك وشرواك وربي يكثر من امثالك ومثل ماقلت لك كلنا تحت امرك بمالنا وحلالنا

[راعي كحيله]

السلام عليكم ورحمة الله وبركاته

اخوي احساس خالد الربع كفوا ووفوا وماعندي شي ازيده على كلامهم غير اني اقولك خذ بنصيحتهم ودور على الربع هل الحلال وخذ فكره واذا عرفت شاللي تبغيه وتهواه نفسك حزتها ولا يهمك كلنا تحت امرك ولكل حادث حديث ولاتستعيل وتركد وتعلم من غلطات غيرك

العنبري اكيد تقصدني بتعلم من غلطات غيرك ههههههههههههه
والله كلام العنبري صح احساس خالد لان انا شريت بدون ما اشاور ويوم اكتشفت الصج والله ما اقعدوا عندي حتى 24ساعه لان استغفر الله كرهتم
بما ان العنبري دخل الموضوع نصيحه حاول تمر عليه وتشوف حلاله وبعدين تذكر شي مهم ان العنبري الله يحفظه هاوي مو تاجر ما بحاول مدح او بيع سلعته وبعدين ما يبيع مهما كان الثمن بس بيعلمك بشكل العوارض لان ولله الحمد عنده مجموعه لا تقدر بثمن الله يوفق الجميع

[احساس خالد]

راعي كحيله الله لا يهينك ولا يهين الجميع
وفعلا انتم اخوان وشرواكم الطيب
واكيد لو احتجت شي ياكثرهم اللي بحصلهم هنا
واقصدكم طبعا وخصوصا اللي ردو على موضوعي
الف شكر لكم يعجز اللسان ان يعبر لكم