اي لشوهات افضل ؟؟؟

[رحاااال]

استفسار موجه الى اصحاب الحلال بشكل عام واصحاب الشوهات بشكل خاص

ايش احسن الشاه الي كفلها كبير ولا الشاه الي كفلها صغير؟؟؟

ونفس السؤال عن الخروف؟؟


وجزاكم الله خير

[راعي كحيله]

مرحبا اخوي
الصراحه هذا السؤال من اختصاص ابو جديع وان شاءالله اذا شاف الموضوع راح يجاوبك عليه
حسب اللي اسمعه ان الشواهاة كفلها ما تكون كبيره وايد يعني مو واصله للارض للقريع اسهل والفحل بعد نفس الشي ويكون على شكل دائره
وطبعا عينك هي اللي تحكم بعد يعني ما يكون الكفل مشوه منظر الدابشه هذا والله اعلى واعلم
واتمنى من الاخوان انهم يجاوبونك في اسرع وقت ممكن لان الصراحه انا بعد ابغي اتعلم اكثر
الله يوفقك

[برووق]

مرحبتين
وهذا السؤال يخص شيبتنا ابوجديع
وبنسبه عني اللي كفلها صغير

[رحاااال]

اخواني بوعبدالعزيز وبرووق

حياكم الله وشاكر لكم مشاركتكم ورايكم

وان شاء نشوف راي باقي الاخوان و اخونا بوجديع

[الأصايل]

الأخ علي
أخونا الكبير أبو جديع هو اللي بيعطيك الجواب الكافي
ولا نتقدم عليه لأنه هو راعي الباع الطويل في هذه المسأله
لكن على حد علمي أنه لا يكون الكفل كبير ولا صغير يعني في كلا الحالتين عذروب في الحلال ولك خير الأمور الوسط وعادتا يحددون الكفل يكون لي الركب الخلفيه للنعجه والخروف كذلك ولكن إن كانت النعجه أو الخروف فيه المواصفات الباقيه زينه ففي رأي أنه الكفل ليس بذاك الأهميه
والله يوفقك ومثل ما قلت أخونا ابوجديع يفيدك

[ابوناصر القطري]

السلام عليكم ورحمة الله وبركاتة
أخي: طبعا" المطلوب الشاه الي كفلها لاهوب كبير ولا صغير فوق العرقوب و على راي شيبانا عليك بذات الكفل لمكفكف وايضا" الفحل
( عليك بالغنم كبار الحجم : كبرالرأس - الوجه مقوس - عرض الخد- الارتفاع - طول اظهر - عرض الجنب - تباعد الارجل والايدي - جباره اليدين)
0
0
تقبل تحياتي/ابوناصر القطري

[رحاااال]

اخواني الاصايل وابوناصر القطري

جزاكم الله خير على المشاركات الطيبه

[بومبارك المناعي]

يا مرحبا بك اخوي علي
اما بخصوص سؤالك فانا افضل الكفل الوسط
الكفل الصغير يشين الشاه أويخرب منظرها
والكفل الكبير يتعب الفحل فالوسط افضل
والاهم من هذا
اهي المواصفات العامة الي اتفق فيها مع اخوي ابو ناصر القطري
والي يتفقون فيها معظم أهل الحلال الطيب
ونشاء الله كــل الشباب فيهم الخير للنصح لك
بس يبقى ذوقك الخاص اهو المهم
وهذا رابط لا فضل ملاك الحلال على مستوى الجزيرة العربية
والمؤسس الاول وراس الهرم للحلال الصنف
حلال ناصر مسهوج الشتيوي

شوف الصور وعطنى رايك
والرابط اهداء لجميع الاعضاء واحد واحد

http://www.q8333.com/vb/showthread.php?t=3912

[بومبارك المناعي]

عفوا الموقع يحتاج للتسجيل للتمكن من مشاهدة الصور
لهذا السبب رفعت لكم بعض الصور
والي حاب يطلع على الموضوع بشكل افضل لابد من التسجيل
http://www.gmrup.com/up/photo/qnQ17350.jpg (http://www.gmrup.com/up/)
http://www.gmrup.com/up/photo/iRN18086.jpg (http://www.gmrup.com/up/)
http://www.gmrup.com/up/photo/KHJ18170.jpg (http://www.gmrup.com/up/)

[ابوجديع]

(( ali ))

الله يعطيك العافيه طبعآ الذنبه الكبيره بالنسبه للشاه كمنظر شيئ جميل أما للقريع فهذي تتعب الفحل إلا على أيد الراعي ولكن خير الأمور الوسط وهي على حد العرقوب وتكون خفيفه وشكل دائري ..

الفحل إذا كانت ذنبته كبيره فهذا غير مرغوب فيه لأن يمكن بناته تكون مثله المهم تكون على حد العرقوب وخفيفه ..

أأأبوجديع

[رحاااال]

اخوي بواحمد جزاك الله خير على المشاركه المفيده والمدعومه بالصور

اخوي بوجديع جزاك الله خير على المشاركه المفيده... لكن...الشباب كلهم حطوها في راسك يعني لازم تشرح شرح استا(ز) حق تلاميذه ..صحيح ان الاخوان ماقصروا لكن نبي شرح مفصل من طق طق الى سلام عليكم

س2: اذا كان الكفل متوسط فهو لا يبدو سمين على الصحن (ذبيحه)..ايش رايك؟؟