سؤؤؤؤؤؤؤؤؤؤؤال .....لأهل الخبرة .................؟؟؟

[روح قطر]

السلام عليكم ورحمة الله وبركاتة

أخواني الأفاضل

عندى شاة ولدت والحمد لله

والأم مافيها حليب كلش

والمولود حلبت له من عنز ورضعتة والحمد لله مشا الحال

واليوم جبت لة حليب المراعي طويل المدى ينفع أرضعة هالنوع من الحليب

انا خايفة على الطلي وابية يتغذا عدل وماعندى الا هالعنز والعنز دافع وما اقدر استمر في رضاعه الطلي منها

شنهي نصيحتكم وخصوصا انة أول أنتاج عندى من الظان

وأمة نافر ومافيها حليب ....يعني منكسرة وتبرد

تكفون لاتبخلون على بالحل المناااااااااااسب

ودمتم بسلام

[العنبري]

اختي روح قطر الحمدلله على السلامه ونور المنتدى برجعتج

قبل واحنا صغار كنت اشوف الرعيان يرضعون الهوش نيدو واعتقد انه مفيد وجربيه مع ماي دافي اوفر لج وان شالله بيمشي الحال فوق الزين

[روح قطر]

الله يسلمك يالعنبرى

وبيض الله وجهك

بجرب النيدو وأن شاء الله يمشي الحال لين يشتد عزمها

[القطـــــــــــــــــــري]

آعتقد أنا النيدو غالي هالأيام ..

جرب حليب الصافي ترى زين

[العنبري]

آعتقد أنا النيدو غالي هالأيام ..

جرب حليب الصافي ترى زين

اخوي القطري بعد انت نقولك الحمدلله على السلامه ونور المنتدى برجعتك

بغض النظر عن الاسم او الماركه اعتقد عموما الحليب البودره زين ومفيد واوفر من الجاهز مثال المراعي والله اعلم

[ولد سيالة]

هلا فيج أختي
في حليب يباع في صيدليات البيطرة خصيصا للأغنام بأمكانك تستخدمينه

[ابوجديع]

(( ررررووح قطر ))

من طول الغيبات جاب الغنايم والله لو إني موجود في قطر كان عطيتك نعجه مليانه من الحليب ..

أنا أقول أن تشتريلك نعجه من السوق أو عنز المهم فيها حليب ..

أأأبوجديع

[راعي كحيله]

روح قطر
نورتي المنتدى كل ذي معرض؟
انا اتفق مع اخوي الكبير الذرررب ابوجديع هذي افضل طريقه وبعد طريقه اخوي الغالي ولد سياله صح والحليب اللي يعنيه ولد سياله اسمه بالانجليزي replacer على ما اضن يعني المعوض وانا استعملته مع مهر كان عندي وامه ماتت وهو كان عمره شهر

[العابر911]

اذا وقف حليبها فاكيد ان التيس قرعها على مااظن

فانا اعزل الولايد عن التيس

اما الحليب شوفي كان في عنز ثانيه او روحي السوق وتعينين بعض المعز بايعين تيوسهم او صخيلاتهم

[روح قطر]

بيض الله وجيهكم كلكم

ماقصرتو على الرد

واسمحولي على هالغيبة

سرت راعية غنم وابتلشت كل يوم لازم اروح لها واشوفها وما ارجع منها الا متأخرة

وأن شاء الله بتواصل معاكم على طووووووووول وما راح اقاطعكم

[راعي كحيله]

[quote=روح قطر;22723]بيض الله وجيهكم كلكم

ماقصرتو على الرد

واسمحولي على هالغيبة

سرت راعية غنم وابتلشت كل يوم لازم اروح لها واشوفها وما ارجع منها الا متأخرة

وأن شاء الله بتواصل معاكم على طووووووووول وما راح اقاطعكم

[/quot
راعية غنم !! بس بالكلام؟
نبي عروض ولا ما نستاهل؟
ام حمد نبي صور للحلال الله لا يهينج

[ابوجديع]

(( ررروووح قـطـر ))

أخاف تصيرين راعية غنم صنف ويكبر راسك علينا مثل بعض الناس أول حرف من الأسم الأصايل ولله زمان ماشفناه من بعد الموتر الجديد هههههههههههههههههه

على العموم نورتي المنتدي وبالتوفيق على الحلال الجديد وعسا الله يجيب المطر علينا وعليكم وعلى جميع المسلمين وأن يبارك فيه ..

أأأبوجديع

[راعي كحيله]

(( ررروووح قـطـر ))

أخاف تصيرين راعية غنم صنف ويكبر راسك علينا مثل بعض الناس أول حرف من الأسم الأصايل ولله زمان ماشفناه من بعد الموتر الجديد هههههههههههههههههه

على العموم نورتي المنتدي وبالتوفيق على الحلال الجديد وعسا الله يجيب المطر علينا وعليكم وعلى جميع المسلمين وأن يبارك فيه ..

أأأبوجديع

تصدق كلامك صج الاول الاصايل كل يوم يتصل فيني الحين بالاسابيع ولا يتصل
هايلكس وجذي شلون عجل لو ياخذ كابرس؟ ههههههههههههه

[الـ@ـاجري]

السلام عليكم

فيه نصيحه لابن الماعز او الشاه الي تولد ولا فيها حليب

يفضل ان تعطيه مضاد حيوي في اول 3 ايام مع الحليب البديل من حليب الام
لان حليب الام في بداية الولاده مفيد جدآ لابنها خاصه السرسوب او البا مثل ما نقول

فـ الافظل لابد ان يكون العلاج مع الحليب للوقايه من الامراض
والافظل ان تشتري له عنز لارضاعه افظل من المعلبات

[الأصايل]

الأخوان افدوك يا روح قطر

والله يابوجديع انا لويكبر راسي على العالم كله ما يكبر عليك طال عمرك
والعين ما تعلا على الحاجب جعل من جابك الفردوس

[برووق]

روح قطر
الحمد لله على السلامه
وأفضل شي روحي لسوق وشتريلج عنز ولا شاه والعنز أفضل