المساعد الشخصي الرقمي

مشاهدة النسخة كاملة : سؤال عن الدوافع


العابر911
10-21-2008, 07:07 PM
مرحبا بالجميع
اشكر اخواني على الجهود الي يبذلونها في هذا المنتدى الرائع
واشكر الجميع بلا استثناء على الرد على المواضيع والاسئلة
ويعطيكم العافية
حبيت اسئل هل هناك طريقة تعرف فيها 100% ان العنز دافع ( مدني - حامل )
في اشياء بسيطه تدلك انقطاع الحليب مثلا لاكن ممكن العنز اول سنة لها تتلقح
وانتفاخ البطن لاكن في صعوبه في بعض الاوقات
وانتفاخ الديد هذا في الفترة الاخيرة قبل الولادة بفترة
لاكن هل هناك طريقة مضمونه لان عندي معز يقولي راعيهم انهم دوافع والفحل الي عندي مايخلي عنز
ودي اعزل الدوافع وابغي طريقة مضمونه
ويعطيكم العاافيه
والسموحه ع الازعاج
راعي كحيله
10-21-2008, 10:28 PM
العابر
والله اسئلتك مفيده لان فعلا اقرأ ردود الربع واستفيد انا وياك لاني جديد بالمهنه
وحسب علمي البسيط يقولون بعض الناس من الله يعزك فرج العنز يعني الراعي اللي عندي باكستاني وراعي منذ الصغر يعرف بسهوله كل اللي يسويه يشوف العنز من قفاها ويقول دافع او فاضيه!! وانا انتظر معاك ردود الربع بالمنتدى
الله يوفقك
العابر911
10-22-2008, 11:15 AM
يعطيك العااافيه اخوي وماقصرت
العابر911
10-23-2008, 11:32 AM
وينكم يالربع اكثر من 35 مشاهدة مشاركة وحده بس
راعي الدولار
10-23-2008, 03:12 PM
اخوي العابر طلبك صعب اذا 100%
لازم اجهزة امعتقد اذا على قولتك 100%
وانا عن نفسي اشيك على الحليب اذا لزج دريت انها دافع
ومن ديد العنز انها ينزل وتغير اشوي العنز بس اول اشهرين مايبينلي شي
والسموحه على التأخير
راعي كحيله
10-23-2008, 10:55 PM
العابر اليوم سالت الراعي ويقول من الاشياء اللي تبين على العنز اذا دافع لون الديد يتغير شوي من السواد الى الاحمرار
بوناصر
10-26-2008, 12:01 PM
اخوي العابر صعب جدا حد يعرف لقاح العنز او الشاه في الايام الاولى ولكن هناك دلائل تقدر تعرف منها اذا هي لقاح او لا وهي كالتالي

1_ في اول اسبوع يتغير الحليب ويقطع لمده اسبوع او عشر ايام بالكثير من ثبات القاح وهذ لايعرف الا عن طريق الطبخ وطبعا لازم يكون حليب العنز لحاله حتا تعرف من بين المعز وهذ ماكان يستدل عليه قديما يوم كان العرب يستخدمون الحليب استخدام يومي ويرجع الحليب طبيعي حتا الاشهر الاخيره من الحمل ويبدى يقطع مره ثانيه .
2_ وفي الشهر الثاني يمكن الاستدلال بالحمل عن طريق اللمس في اسفل البطن ويكون المكان قريب من الديد وتستطيع لمس الجنين وخصوصا في اوقات الصباح الباكر .
3_لزوجه الحليب وهذ يكون في الشهر الرابع او من منتصف الشهر الثالث ولكن يوجد بعض المعزى يكون حليبها طبيعي حتا قبل الولاده باسبوع وهذي تكون نادره.
4_ فتح الشهيه حيث ترى العنز او الشاه تاكل بشراهه .
5_تغير الشكل الخارجي والصحه العامه حيث تبين لك انطباع بانها سمين وهي عكس ذالك من كثره الاكل وامتلاء البطن بالاكل .
6_تغير الحيا (الفرج) ويكون بشكل رخو ويرتج عند المشي مع انتفاخ وترهل في الشهر الرابع وعند الضان ينتفخ في البدايه ويترهل ويكون متدلي في الاشهر الاخيره.
7_ الديد وخصوصا الاباكير يتغير لونه كما ذكر اخي راعي كحيله ولكن هذ في الشهر الثالث ويكون لونه احمر وهذ لان الديد اول مره يتشكل ويبرز وتراه كانه ملتهب من لونه الاحمر لانه في طور اخذ حجمه الطبيعي .
اتمنا اني قدرت افيدك ولو بشي بسيط .
اخوك . بوناصر
العابر911
10-27-2008, 11:55 AM
مرحب اخوي
بوناصر اقدرلك هالمجهود الي فدت فيه الجميع
وماقصرت والله
والله يطول بعمرك يالغالي
وجزاك الله خير