الماعز الحاتمي

[صعب المنال]

الماعز الحاتمي
من سلالة الماعز العمانيه...وتعتبر من الماعز الجيده جدا..


http://www8.0zz0.com/2008/08/07/20/588953359.jpg


موطنها : وادي العق ...في سلطنة عمان.
القرون: لدى الذكور والاناث واحيانا تنعدم القرون في بعضها ولكن نادرا



اللون: الوان محدده مابين الابيض والرصاصي..المحمر...ولون الحناء...وواللون الابيض الصافي.
الحجم: مابين المتوسطه والصغيره.



الوزن : 25 الى 30 كيلو للاناث.
*** : 30 الى 35 كيلو للذكور.
انتاجية التوائم: متوسطه..من 1 الى 2 .



انتاجية الحليب: جيده...
استعمالاته:
اللحوم ..ولحمه من اللحوم الممتازه...
والحليب..وهو ذو مذاق طيب جدا...
والشعر...لعمل السجاد....

منقول

[راعي كحيله]

صعب المنال
اشكرك على العرض الجميل بس عندي رجال من عمان جالس بجنبي ويقول السجاد ما يصنع من شعر المعز ويقول لصناعة السيح!! وانا الصراحه ماني بفاهم شي
وش ردك عليه ؟

[بوعبدالله]

تسلم على النقل ياصعب المنال نورتنا الله ينور دربك

[الجرناس]

الماعز الحاتمي
من سلالة الماعز العمانيه...وتعتبر من الماعز الجيده جدا..

اللون: الوان محدده مابين الابيض والرصاصي..المحمر...ولون الحناء...وواللون الابيض الصافي.
...


ماشاء الله عليك
حظور رائع
ودائما تتحفنا بالفوائد

بس تعال أخوي ( المحمر خابرها طبخة سمك ) هل يمكن تحويل لحمها للحم سمك :D:D:D

[ابوجديع]

(( صعب ااالمنال ))

الله يعطيك العافيه وتشكر على هذه المعلومات المفيده ومجهودك الواضح في سبيل توصيل المعلومه الصحيحه ..

أأأأبوجديع

[بوناصر]

كل الشكر لك اخوي صعب المنال على هذ المجهود

[صعب المنال]

صعب المنال
اشكرك على العرض الجميل بس عندي رجال من عمان جالس بجنبي ويقول السجاد ما يصنع من شعر المعز ويقول لصناعة السيح!! وانا الصراحه ماني بفاهم شي
وش ردك عليه ؟

اخوي الغالي راعي كحيله
ارحم الله والديك على هذا المرور المتميز
وبخصوص صناعة السجاد ترى يا اخوك انا نقلت الموضوع من احد المنتديات وعلمي علمك وجان الرجال الي بنجبك عماني ترى هو اخبر مني في هالسوالف لاني ما اربي غير الظفاريات ولكني حبيت انقل الموضوع بس للفائده العامه
وتقبل تحياتي
اخوك محمد

والسموحة على القصور

[صعب المنال]

تسلم على النقل ياصعب المنال نورتنا الله ينور دربك

اخوي الغالي بو عبدالله بيض الله وجهك وتسلم على المرور المتالق

[صعب المنال]

ماشاء الله عليك
حظور رائع
ودائما تتحفنا بالفوائد

بس تعال أخوي ( المحمر خابرها طبخة سمك ) هل يمكن تحويل لحمها للحم سمك :d:d:d

مرحبااااااااااا مليوووووووون با اخويه الغالي الجرناس
مرورك دوم مميز



بس تعال أخوي ( المحمر خابرها طبخة سمك ) هل يمكن تحويل لحمها للحم سمك
هههههههههههههههههه اسميك راعي سوالف يا اخويه شهيتنا على المحمر

بس المحمر الي في الموضوع يقصدون اللون البني الداكن

وتسلم على مرورك المميز

[صعب المنال]

(( صعب ااالمنال ))

الله يعطيك العافيه وتشكر على هذه المعلومات المفيده ومجهودك الواضح في سبيل توصيل المعلومه الصحيحه ..

أأأأبوجديع


اخويه الغالي ابوجديع
مرورك والله يسعدني بصراااااااااااحة يا اخويه احس بفرح شديد يوم اقرى مشاركاتك
الله لايحرمنا من مشاركاتك الطيبة
تقبل تحياتي
اخوك
محمد المطروشي

[صعب المنال]

كل الشكر لك اخوي صعب المنال على هذ المجهود

بيض الله وجهك يا اخويه
وتسلم على مرورك العطر

[صوت الشمال]

تسلم على النقل يا صعب المنال

ولله يعطيك العافيه

[صعب المنال]

اخوي الغالي صوت الشمال
تسلم يا اخويه على مرورك العطر

[الجرناس]

اخوي الغالي راعي كحيله
ارحم الله والديك على هذا المرور المتميز
وبخصوص صناعة السجاد ترى يا اخوك انا نقلت الموضوع من احد المنتديات وعلمي علمك وجان الرجال الي بنجبك عماني ترى هو اخبر مني في هالسوالف لاني ما اربي غير الظفاريات ولكني حبيت انقل الموضوع بس للفائده العامه

اقتباس
المشاركة الأصلية كتبت بواسطة راعي كحيله
صعب المنال
اشكرك على العرض الجميل بس عندي رجال من عمان جالس بجنبي ويقول السجاد ما يصنع من شعر المعز ويقول لصناعة السيح!! وانا الصراحه ماني بفاهم شي
وش ردك عليه ؟





أخواني الأعزاء / صعب المنال وراعي كحيله
أسمحوا لي بهذه المداخله
صعب المنال معلومته صح والأخ / العماني زميل راعي كحيله أيضا صح
السيح التي قصدها هو البساط وهو كمانعرفه جميعا يسمى أيضا الساحه
وكلها مسميات مختلفه لشيء واحد والبساط أو السيح أو الساحه هو نوع من أنواع السجاد

[راعي كحيله]

اخوي الغالي راعي كحيله
ارحم الله والديك على هذا المرور المتميز
وبخصوص صناعة السجاد ترى يا اخوك انا نقلت الموضوع من احد المنتديات وعلمي علمك وجان الرجال الي بنجبك عماني ترى هو اخبر مني في هالسوالف لاني ما اربي غير الظفاريات ولكني حبيت انقل الموضوع بس للفائده العامه
وتقبل تحياتي
اخوك محمد

والسموحة على القصور

ما به قصور يا الغالي
بس انا قريت وهو كان قاعد بجنبي ما شفته الا مشطط ويقول لي اكتب مثل ما اقول لك!
قلت ان شاءالله والصراحه خفت اقول له لا ويقلبني ارنب او ضفدع هههههههه
بس الحين طال عمرك لازم تعرض لنا الضفاريات دام انك ذكرتها
الله يرحم والديك

[راعي كحيله]

أخواني الأعزاء / صعب المنال وراعي كحيله
أسمحوا لي بهذه المداخله
صعب المنال معلومته صح والأخ / العماني زميل راعي كحيله أيضا صح
السيح التي قصدها هو البساط وهو كمانعرفه جميعا يسمى أيضا الساحه
وكلها مسميات مختلفه لشيء واحد والبساط أو السيح أو الساحه هو نوع من أنواع السجاد

الجرناس
الله يرحم والديك مشكور على التوضيح طال عمرك

[صعب المنال]

أخواني الأعزاء / صعب المنال وراعي كحيله
أسمحوا لي بهذه المداخله
صعب المنال معلومته صح والأخ / العماني زميل راعي كحيله أيضا صح
السيح التي قصدها هو البساط وهو كمانعرفه جميعا يسمى أيضا الساحه
وكلها مسميات مختلفه لشيء واحد والبساط أو السيح أو الساحه هو نوع من أنواع السجاد

بيض الله وجهك يا اخوي الغالي الجرناس
والله يعطيك العافيه على هذا التوضيح

والله يدوم الصداقة والاخوه من بينا يالغالي

[صعب المنال]

ما به قصور يا الغالي
بس انا قريت وهو كان قاعد بجنبي ما شفته الا مشطط ويقول لي اكتب مثل ما اقول لك!
قلت ان شاءالله والصراحه خفت اقول له لا ويقلبني ارنب او ضفدع هههههههه
بس الحين طال عمرك لازم تعرض لنا الضفاريات دام انك ذكرتها
الله يرحم والديك

هههههههههه ضفدع عاد
وما صار الا الخير يا اخويه ووجودنا في المنتدى لنستفيد من معلومات بعض ومب عيب انه الواحد يتعلم ويستفيد
وبصراحة اشكر يا اخوي على ابداء رائك وانا دائما اتقبل الآرا ءبصدر رحب ولا ازعل من اي شي يفيدني ويزيد من معلوماتيويفيد اخواني الاعضاء

والله يدوم الود من بينا يا اخوي

اما الظفاريات فهي الماعز المعروضه من قبل الاعضاء في المنتدى وهي الماعز السيحيات

[راعي كحيله]

هههههههههه ضفدع عاد
وما صار الا الخير يا اخويه ووجودنا في المنتدى لنستفيد من معلومات بعض ومب عيب انه الواحد يتعلم ويستفيد
وبصراحة اشكر يا اخوي على ابداء رائك وانا دائما اتقبل الآرا ءبصدر رحب ولا ازعل من اي شي يفيدني ويزيد من معلوماتيويفيد اخواني الاعضاء

والله يدوم الود من بينا يا اخوي

اما الظفاريات فهي الماعز المعروضه من قبل الاعضاء في المنتدى وهي الماعز السيحيات

الله يرحم والديك صعب المنال وانا والله افتخر واتشرف بمعرفتك يا الغالي
وتعلمت منك ومن الاخوان والله الكثير والكثير الله يجزاكم خير يا الغاليين