أسعار الاعلاف في قطر

[جـابــر]

السلام عليكم

مساكم الله بالخير جميع

أخواني فضلا حبيت استفسر عن سعر الشعير والمخلوط اللي هو نخاله القمح وشعير وذره


على كم الشعير وكم وزن الكيس ؟؟


وعلى كم المخلوط وكم وزن الكيس ؟؟


وهل هو مدعوم من قبل الحكومه ولا من السوق


ودي اذوق فلوس قطر :d


ولكم جزيل الشكر

[بوعبدالله]

اعتقد 35 كيلو الشعير 16 ريال

والشوار 40 كيلو 10 ريال

ومدعوم من الحكومه ،،،،، لكن شتقصد انك تبى تذوق افلوس قطر مافهمتك ؟

[جـابــر]

بوعبدالله


ياهلا والله وتسلم على سرعه الرد

تستاهلون كل خير واسعااااار والله ولا في الاحلام تستاهلون

قلت يمكن غالي الشعير عندك بشحن كم تريله بوديها قطر يمكن فيها مكسب

بس الحين اشحن لي تريلتين بسعر 16 للكيس ههههههههههههه



تحياتي لك ومبروكين على هالدعم والله يبارك

[راعي كحيله]

جابر
اذا لك خاطر ترسل للبحرين ممكن لان الشعير الظاهر انه 6 دينار (60 ريال سعودي) ويجيبونه من السعوديه ونفسه في السعوديه 26 ريال والوزن 50 كيلو
اما الشوار مدعوم 50 كيلو 22 ريال
بس لا تسألني شلون الطريقه اللي تقدر تدخل فيها البحرين لان انا ما لي في هالشغلات
تقدر تسأل اخونا الأصايل لان عنده محل لبيع ادوات الفروسيه والاعلاف

[دخان]

الاخ / جابر

سعر الشعير المدعوم 16 ريال 35 كيلو
يعني 16/36 = 0.45 ( 45 درهم للكيلو )

واذا قلنا ان الشعير في السعودية 50 كيلو ( اذا انت من السعودية )
وبـ 30 ريال تقريباً
يصبح 30 / 50 = 0.60 ( 60 هلله للكيلو )

الشوار : 10 ريال مدعوم
ــــــــــــــــــــــــــــــــــــــــــــــــــ ــــــــــــــــــــ

الاسعار في السوق :

الشعير 30 ــ 35 ريال 30 كيلو
الشوار 35 ريال وبعض المرات ايوصل 50 ريال
الجت : من 30 ــــ 40 ريال
الرودس : من 25 ـــ 35 ريال
ــــــــــــــــــــــــــــــــــــــــــــــــــ ــــــــــــ

واذا انت تاجر جيب لنا جت ارخيص احسن
بنشتري منك على طول
بس تصدير الاعلاف ممنوع من السعودية
وانت اضن اسعودي اذا انا مب غلطان
ــــــــــــــــــــــــــــــــــــــــــــــــــ ــــــــــــــــــ

بس اذا ودك اتذوق افلوس قطــــــــــر
حاسب تحرقك ترا فلوسنا حــــــــــارة
واللي اتلسع من الشوربة ينفخ في الزبادي ( يعني الروب )

[الأصايل]

الأخ جابر وين مكان الشعير اللي بترسله
وانا من البحرين وعندنا نحتاج الشعير لأنه ينباع في السوق غالي
واذا لك خاطر بالتجاره تراني حاضر

[جـابــر]

ههههههههههههههههههه

الله يسعدكم جميع

انا من الامارات الله يرضى عليكم

بس حبيت استفسر عن الاسعار عندكم


وعلى فكره الشعير عندنا 30 كيلو 43 و 44 درهم

والشوار 30 كيلو 27 درهم


بصراحه اسعاركم يا هل قطر حلوووووووووووووووه الله يبارك لكم

[روح قطر]

الحمد لله على نعمة الأسعار

والله يعز بو مشعل ويطول في عمرة لنا

والله يعينكم أخواني في الخليج على الغلا عندكم

الصراحة مضلومين بالأسعار