أستفتــــــــاء لجميع الهاااااوين س : ماهو اللون المحبب لك ؟

[الواااثق]

الله يمسيكم بالخير للجميع دون استثناء وحبينا ندردش مع بعض في كل واحد واللون الي يحب أقتناءه ويحب تربيته والااحتفاظ به //// والمقصد انه نتشارك ونرفع روح الحماسه بين الأعضاء والله الموفق .............ز

ونبداء بي ونقول /// انا من محبي وعاااااشق وبقوه اللون (( البرص الدرجه الأولى )) وننتظركم

[الجرح الخطير]

تسلم يا خوي الواااثق على هذا الاستفتاء

وأنا مثلك ( البرص )

اخوك الجرح الخطير

[saddam]

وانا اضم صوتي الى اخواني واقول البرص
واقترح انكم تحددون ايم او قرون انا افضل القرون

[k_j_4001]

أسعدالله أوقاتكم بكل خير
اناأفضل
.................................................. ..................................................
النوع:الماعز
العماني،او الصلالي،اوالحكلي،او الظفاري،،،،،،الخ.
اللون:الأبيض العادي،والابيض^الأبرص^لون حياها أعزكم الله الوردي.
المد(الطول):أفضل التي بها مد،أي طول بالظهر.
الارتفاع:متوسطة الارتفاع.
الشعر:يكون شعرها صغير وفي مستوى واحد.
القرون:اليماء.
اذاً= هذا الوصف قريب من الماعز الاصلية قبل التهجين طبعاً هذه محاولة مني لإقتناء أفضل المستوايات ولو الواحد منا يتأمل في هذا النوع سيجد وليس ،،،،،،،،،،،،،،مستحيل
سأحاول الاضافة في هذا الموضوع،وأنتظر منكم المناقشة فيه

[6eeb]

بني فاتح نفس لون الغزلان
أحب فيهن قرون
وشعر قصير
وصغار

[k_j_4001]

لعلي أضيف على المستوى السابق المطلوب هو:-
الاذن : ان تكو الاذن ليست بالطويلة وبها إرتكاز
أي ليست بالمتهدلة اوبها إرتخاء ،
والاذن المبرومة منها شئ راقي

[ولد الديره]

انا من مربي جميع الالوان واحبهم لقلبي البرص والجيشيات الفواتح

[الواااثق]

أشكر مروركم ياربع وألاحظ أصحاب اللوان المميزه مادخلو الجيشيات وين أهلها جمهورهااا كبير ترا وبالنسبه للجما ولا بها قرون (((( أنا من خبرتي في الحلال أن المعزا يكتمل جمالها بالقرون المتناسقه وتعطيها منظر جميل جدا وكل واحد وحسب هوايته )))) ومثل ماقال اخوي العضو ابو ماجد الأذن لها دور ومده الظهر لها دور واتمنى من جميع محبين هذه النوعيات لا يبخلون علينا بالعرض الطيب وبرايه السديد وودي من اهل الحلال يتعب في الحفاظ على النوع الطيب لأنها في المستقبل بتكون راس مال لك وأرجو من الغير صبور على حلاله انه يتملك الصبر ويتعب على حلاله وبيلقى الخير انشاء الله موفقين

[الواااثق]

مرحبا ياولد الديره افتقدناك ياخوي عسى المانع خير تراك من أصحاب العرض المميزومشاركاتك معنا تزيدنا حماس ومعنويه وانت راعي الجيشيات مافي كلام

[k_j_4001]

مرحباً أخي الواااثق
والله دائماً أنت متحفنا.
أخي العزبز صارعندي قناعة بأن قرن المميزة أي الوردية من هذه المعزا شديد الحساسية للأنكساروبالأخص العاجي منها لأنه هش جداً جداً،وبعد ذلك يصير منظر المعزا مب حلو. وعليه صرت أفضل( اليماء)؛علماً بأن حلالي/ مقرنة
===============الا اذا عندك حل؟

[ولد الديره]

احب ازيد على كلام الاخ الغزيز الواااثق انه اذا كانت الماغز في ضهرها شعر فانا نعتبرها جنوبيه
من مواصفات الصلاليات هلاست الشعر وقصر الراس وبرمت الفخذ وقصر الاذن العاديه
والمشكله بعض من الناس لايفرق بين الصلاليه والجنوبيه والفرق بينهم شاسع في المواصفات تمتاز الجنوبيه بكبر
الرأس وطول الاذن والحجم اكبر بكثير من الصلاليه ومن اراد تطوير حلاله فعليه اغتناء الفحل الطيب
ولو كلفه الكثير اساس الحلال هو الفحل وليس الماعز وانما الماعز وعاء لحفض الجنين وارجوا من اصحاب الحلال
عدم الزعل من كلامي ولا كن اردت اوضح الفرق بين النوعين الجنوبي والصلالي حتى لايلتبس على البعض النوعين
ولكم تقديري واحترامي والله يبارك للجميع في حلاله وماله

[k_j_4001]

أخي الفاضل ،،،ولد الديرة
يسعد جميع أوقاتك بكل خير
يسعدنا كثيراً لوتحط لنا مقارنة بالصوربين الصلالية والجنوبية
تحياتي لك والآخرين

[الواااثق]

مبدع ياولد الديره كل مازاد الشعر في العنز قلت جودتها يعني اصلها بالعامي تهجينا والفحل هو اساس المراح وانا من احتكاكي بكثير من ربعي التوجه لأقتناء الأفضل هو اساس تنافسهم على قولت الشاعر (( يامدور الهين ترا الكايد أغلا ولكل شرايا بضاعه وسوقي )) ......... يسعد مساكم