نداء لراعي الابل وراعي الغنم

[ابوساره]

بسم الله الرحمن الرحيم
السلام عليكم ورحمة الله وبركاته
الاخوة الاعزاء بما ان هذه الساحه مطروحه للنقاش ارجو من الجميع ابداء الراي وهل انا مخطئ ام لا

الموضوع هو :

التحيز والتكبر عند اهل الابل على اهل الغنم والماعز

لما تجي عند واحد من اهل الابل ويعلم انك مربي غنم او ماعز يكشر بوجه ومايشوفك شي وينظر اليك نظره غريبه طبعا انا ماقول كلهم بس اغلبهم ولما تتكلم معاه يقول ان الابل عطايا الرحمن
اذا الابل عطايا الرحمن وش تطلع الغنم هل هي عطايا الشيطان ( استغفر الله )
وانا اشوف وهذي وجهة نظر ان الغنم غنيمه فيها خير كبير ويكفي ان بعض الانبياء رعو الغنم
انا لا اتحامل على اهل الابل ولا اقلل من شانهم والله يرزقم في حلالهم ويزيده ان شاء الله
للتذكير : الغنم فيها الحليب واللبن والزبد والسمن والضيف لمنه جاك اقرب خروف لكن راعي البل ماعنده الا حليب واحيانا يكون مالح ماينشرب

وياجماعه لاحد ياخذ بخاطره شي مني وهذي وجهة نظر واللي خلاني اكتب الموضوع ان حصل لواحد من الربع موقف من اهل الابل
واسف على الاطاله

[الشرقاوي]

الاخ / ابو ساره


السلام عليكم

اشكرك على طرح هذا الموضوع في ساحة النقاش وانا اوافقك في الراي انني لحظة هذه الوضع من مربي الابل
وسمعت منهم نفس الكلام الذي ذكرته . مادري ليش هذه الكلام يصدر منهم هل هو غرور او تكبر ياخي الذي جاب الغنم قادر ان يجيب الابل .
اعتقد ان هذه الكلام يصدر من الشباب الذي دخلو في تربيت الابل في السنوات الاخير وليس من اهلها الذين هم اهل الابل اباً عن جد

[برووق]

بوساره
مساء الخير
في البدايه كان ماودي تذكر عطايا الشيطان
وراعي الابل نعم ماوده براعي الاغنام يجي حوله في الربيع ليه لأن الأغنام يكون عددها فوق 500 راس
وهي في الرعي ماترفع راسها وتحرث الأرض حراث وفوق ذلك تعفس الأرض عفاس
والأبل رعيها يختلف عن الأغنام ولا تحرث الأرض
وعلى فكره مراح الأغنام أنظف من مراح الابل وفوق ذلك تقدر تصلي في مراح الاغنام ولايجوز تصلي في مراح الأبل
تحياتي

[بوعبدالله]

انا ماصادفنى موقف نفس هذا

لكن الكل يقولى ليه ماتفتر على المطايه

وهذى هوايه وكل واحد على ميوله

[الـ@ـاجري]

المفروووض تخلون الرد للاخ الــقــانــون


بوساره
مساء الخير
في البدايه كان ماودي تذكر عطايا الشيطان
وراعي الابل نعم ماوده براعي الاغنام يجي حوله في الربيع ليه لأن الأغنام يكون عددها فوق 500 راس
وهي في الرعي ماترفع راسها وتحرث الأرض حراث وفوق ذلك تعفس الأرض عفاس
والأبل رعيها يختلف عن الأغنام ولا تحرث الأرض
وعلى فكره مراح الأغنام أنظف من مراح الابل وفوق ذلك تقدر تصلي في مراح الاغنام ولايجوز تصلي في مراح الأبل
تحياتي

اتفق مع ها الكلام

[صعب المنال]

بصراحة اني ما واجة مثل هالموقف
لان عمومتي وعيال عمي يربون الابل
وانا اربي الغنم ولك واحد ميوله وهوايته

ولكن اني اشوف كلام اخويه الغالي برووووق منطقي

[ابوساره]

الاخ / ابو ساره


السلام عليكم

اشكرك على طرح هذا الموضوع في ساحة النقاش وانا اوافقك في الراي انني لحظة هذه الوضع من مربي الابل
وسمعت منهم نفس الكلام الذي ذكرته . مادري ليش هذه الكلام يصدر منهم هل هو غرور او تكبر ياخي الذي جاب الغنم قادر ان يجيب الابل .
اعتقد ان هذه الكلام يصدر من الشباب الذي دخلو في تربيت الابل في السنوات الاخير وليس من اهلها الذين هم اهل الابل اباً عن جد


حياك الله يالشرقاوي يمكن هذه احد الاسباب
مشكور على المداخله

[ابوساره]

بوساره
مساء الخير
في البدايه كان ماودي تذكر عطايا الشيطان
وراعي الابل نعم ماوده براعي الاغنام يجي حوله في الربيع ليه لأن الأغنام يكون عددها فوق 500 راس
وهي في الرعي ماترفع راسها وتحرث الأرض حراث وفوق ذلك تعفس الأرض عفاس
والأبل رعيها يختلف عن الأغنام ولا تحرث الأرض
وعلى فكره مراح الأغنام أنظف من مراح الابل وفوق ذلك تقدر تصلي في مراح الاغنام ولايجوز تصلي في مراح الأبل
تحياتي

حياك الله يابروق انا ماقلت انها عطايا الشيطان بس انا ردي على اهل الابل اذا قالوا البل عطايا الرحمن وش تصير او من وين جت الغنم
واذا كان على الربيع فارض الله واسعه والحمدلله يقدر يغير محله
وعلى العموم يعطيك العافيه يابروق وتسلم على المشاركه

[ابوساره]

انا ماصادفنى موقف نفس هذا

لكن الكل يقولى ليه ماتفتر على المطايه

وهذى هوايه وكل واحد على ميوله

صدقت يابو عبدالله كل واحد وميوله لكن لابد تكون نضرة اهل الابل لاهل الغنم تكون طيبه
وشاكر على المداخله

[ابوساره]

المفروووض تخلون الرد للاخ الــقــانــون



اتفق مع ها الكلام

وجهة نضر وتسلم يالهاجري على المداخله

[ابوساره]

بصراحة اني ما واجة مثل هالموقف
لان عمومتي وعيال عمي يربون الابل
وانا اربي الغنم ولك واحد ميوله وهوايته

ولكن اني اشوف كلام اخويه الغالي برووووق منطقي

الله يبارك لك بحلالك وحلال عيال عمك وانا ماتاحامل على اهل الابل بس هذي وجهة نضر وانا شفت كذا موقف
وتسلم ياصعب المنال على المشاركه

[ViP]

ارحب يابوساره... اشحالك ياربك طيب ان شاء الله

راعي الابل الي ذكرته بموضوعك هذا يمثل نفسه بالاضافه الي منهم على شاكلته

الحمد لله على شغال على الصوبين على المعزاا والضان .. وعندنا ابل ولا شفت الحلال مفلي في الروض والله ان ينشرح صدري

وان كان به حد مظيق عليك من راعي الابل ترى هذا عنده نقص او بالاخص ضعف في الشخصيه
صحيح ان الابل عطايا الله... ولكن الغنم غنيمه ..تغنيك ..
وابدن لامر عليك حد شايف عمره من هل الابل عطه ابتسامه وخل الدعوه السهلااات...
واسمح لنا ياطويل العمر على المداخله

[القانون]

بسم الله الرحمن الرحيم

اخوي بوساره السلام عليكم ورحمة الله وبركاته ، بالنسبه للموضوع اللي ذكرته كلامك بمتمه والظاهره موجوده بس لنوعين من الاشخاص 1- شخص يحب المداعبه 2- شخص مريض نفسيا ، اما بالنسبه لراعي الابل واللي يعرف الابل مايتحاقر الغنم وراعيها ابدا لأنها عشى ضيفانه ،وحتى هل الابل لول كانو يتمنحون من عند هل الغنم منيحه لبيته ، وانا اقولها لخوي العنبري لأنه من المربيين المعروفين في مجال الغنم من باب المداعبه لاأكثر ولا أقل ، لكن انا اخالفك من ناحية الاغلبيه .


بسم الله الرحمن الرحيم

للتذكير : الغنم فيها الحليب واللبن والزبد والسمن والضيف لمنه جاك اقرب خروف لكن راعي البل ماعنده الا حليب واحيانا يكون مالح ماينشرب


واسف على الاطاله


بالنسبه لحليب الابل والنقطه اللي ذكرتها ، ابي اقولك شغله ترى حليب الابل يقدم كماتقدم الذبيحه للضيف نظراً للفقر اللي كانو فيه قبل ، وتعتبر منقود عند البدو إذا لم يقدم لهم حليب الابل وهو متوفر عند صاحب الحلال

[ابوساره]

ارحب يابوساره... اشحالك ياربك طيب ان شاء الله

راعي الابل الي ذكرته بموضوعك هذا يمثل نفسه بالاضافه الي منهم على شاكلته

الحمد لله على شغال على الصوبين على المعزاا والضان .. وعندنا ابل ولا شفت الحلال مفلي في الروض والله ان ينشرح صدري

وان كان به حد مظيق عليك من راعي الابل ترى هذا عنده نقص او بالاخص ضعف في الشخصيه
صحيح ان الابل عطايا الله... ولكن الغنم غنيمه ..تغنيك ..
وابدن لامر عليك حد شايف عمره من هل الابل عطه ابتسامه وخل الدعوه السهلااات...
واسمح لنا ياطويل العمر على المداخله

ياهلا والله ب vip ابشرك انا بخير
الله يبارك بحلالك ومالك ان شاء الله
انا اشهد اذا شفت الحلال ينشرح صدرك
وانا والله ماحصلت ضيق من اهل الابل لكن واجهت وبالعكس اني ابارك ال راعيها وابد اخوك وسيع صدر
وهذا الموضوع طرح للنقاش

والله يعطيك العافيه على المرور

[ابوساره]

[QUOTE=القانون;18196]
بسم الله الرحمن الرحيم

اخوي بوساره السلام عليكم ورحمة الله وبركاته ، بالنسبه للموضوع اللي ذكرته كلامك بمتمه والظاهره موجوده بس لنوعين من الاشخاص 1- شخص يحب المداعبه 2- شخص مريض نفسيا ، اما بالنسبه لراعي الابل واللي يعرف الابل مايتحاقر الغنم وراعيها ابدا لأنها عشى ضيفانه ،وحتى هل الابل لول كانو يتمنحون من عند هل الغنم منيحه لبيته ، وانا اقولها لخوي العنبري لأنه من المربيين المعروفين في مجال الغنم من باب المداعبه لاأكثر ولا أقل ، لكن انا اخالفك من ناحية الاغلبيه .

ياهلا والله بالقانون
كلام جميل وياليت ان ماتكون الاغلبيه

[ابوساره]

[


بالنسبه لحليب الابل والنقطه اللي ذكرتها ، ابي اقولك شغله ترى حليب الابل يقدم كماتقدم الذبيحه للضيف نظراً للفقر اللي كانو فيه قبل ، وتعتبر منقود عند البدو إذا لم يقدم لهم حليب الابل وهو متوفر عند صاحب الحلال [/QUOTE]

كلام والله طيب من وجه طيب
وهذا الكلام في الماضي لكن الوقت الحالي يمكن انه اختلف شئ ما
والدليل ان في كم واحد من الربع راح لمزاين ام رقيبه وكانو احيانا يمرون على اهل الحلال ويطلبون حليب والرد يكون من صاحب الحلال ان ماعندنا حليب وما شاء الله يكون عدد الخلفات كبير ويمنع الحليب عن الناس والمشكله انهم اكثر من واحد عمل نفس الشي .
وعلى على العموم اسعدتني بمشاركتك للموضوع ويعطيك العافيه

[بوخالد]

أخي بوساره أعتقد أن المسأله مسئلة جهل وتعصب عند هل الأبل تجاه راعي الغنم وهذه المسأله
تحتاج إلى توعيه ونشر مثل هذه المواضيع في منتديات الأبل حتى تعم الفائده وتتغير هذه النظره
وشكراً على هذا الموضوع الحساس والله ولي التوفيق