ماهو الفرق

[برووق]

السلام عليكم ورحمة الله وبركاته
الموضوع لأهل الأغنام من ماعز وأغنام فقط من غير الحلال الباقي
ماهو الفرق بين راعي الحلال المنتج
بلعربي اللي عنده الأغنام تتوالد وبنات بناتها تتوالد أيضا
وراعي الحلال الغير منتج ؟؟؟؟؟؟؟؟؟؟؟؟؟؟
تحياتي

[ViP]

الله يعطيك العافيه يابوعبدالله على الموضوع...


الفرق كما وضوح الشمس...

راعي الحلال نوعين.
راعي الصنف وحاب الهوايه.وخاصه اذا كان الانتاج طيب.... يحاول قد مايقدر انه يحافظ على الانتاج الي عنده ولا يطلع شي برى غير اذا حدته الظروف ممكن يطلع كمن راس...

وراعي حلال التجاري بحت : الحلال يتغير على طول يستربح من وراه.. يعني اتجي اتشوف حلاله وعقب اسبوع اترد واتشوف الحلال متغير ويظل على ذاا الحال مدام من وراه ربح.. واتشوفه يدور الحلال المرغوب في السوق ينتج ويبيع بالضمون ... واتكون نظرته غير عن نظرة راعي الصنف..

وهذااا رأيي ... والله واعلم

[بوعبدالله]

ماعتقد بينهم فرق كبير ............

ولكل فى الاخير راعى حلال والفرق البسيط

انه هذا شريطى يبيع ويشترى ويستغل المرقوب عند المنتجين والمربين الجداد .

والمنتج يتعب على حلاله ويبيع من عرق جبينه ويستربح من ورا انتاجه ويبحث عن سمعت حلاله بين المنتجين والشريطيه .

[صعب المنال]

اعتقد الاخوان كفو وفو
وما عندي شي ازيده من عقب قولهم

[الـ@ـاجري]

المنتج يا ابو عبدالله الي يتعب على حلاله ويطور فيه حسب رغبته هو بدون كلل ولا ملل
والغير منتج هو الي يتبع الجديد ويمشي مع هواء غيره

[الأصايل]

أظن إن الأخوه كفو ووفو
والله يجزاك خير يا بروووق على الموضوع

[بوناصر]

بوعبدالله في فرق بين الهاوي وبين المقلد والفرق شاسع وصعب ايتميز المقلد عن الهاوي وسبحان الله في داخل كل انسان تمييز لكن لشي معين وتلاقيه يفرق عن غيره ولو حاولت تقلده تفشل لان فرق بين التصنع والتلقائيه وهذ الشي ينطبق حتا في تربيه الحلال فان كنت هاوي ف صدقني سوف تتميز وان كنت مقلد فسوف تفشل حتما .
وسواء كان راعي صنف او راعي حلال ذباح وكان حلاله على هوايته صدقني راح تلاقيه مبدع .
والفرق الي انا اشوفه بين المنتج والغير منتج واعتقد انك تقصد الي ينتج انتاج مميز عن غيره هو الي يحدد لك الي يبيه وتشوف كلامه واقع وله منهجيه يمشي عليها وهدف معين .

[العنبري]

اخوي بو عبدالله اللي فهمته من سؤالك انك تبي تعرف الفرق بين المنتج وبين اللي يشتري ويبيع والفرق بينهم كبير من وجهة نظري المتواضعه ويمكن الاخوان يخالفوني الراي
المنتج هو اللي ضم حلال واسسه وانتج عنده ولو باع منه بتنحسب له من انتاجه والناس بتقول هذي من حلال فلان وهالشي بيكون وصل له عقب مجهود وتعب سنين وتجربه مايات في يوم وليله ومثال على ذلك المربي المعروف عيسى بن طوار مازال اسمه ينذكر لو انذكرت الفحول اللي عندي او عند غيري لازم ينذكر انها من انتاج حلال بن طوار وغيره مثال عبدالعزيز العطيه وجاسم الخاطر ومبارك بن عبدالله وهذال الجنوب ولحدان الكواري وعبدالعزيز بن خليفه وغيرهم اللي ماتحضرني اساميهم في الوقت الحالي ولا يهونون الربع وماننسى ونهضم حق القدامى مثال شامان وشافي رحمة الله عليهم ومشلش والعيادي وجاسم بن ربيعه واذا حد فيكم يحضره اسم انا غفلت عنه يفيدنا به ويذكره والله يجزيه خير
اما الشخص الثاني فهو شخص يشتري جاهز ويبيع وماتعب عمره ونطر يشوف الانتاج وحتى لو ضم احسن الحلال ودفع فيه مبالغ ضخمه ماراح ينحسب له باسمه كانتاج الا بعد ماينطره ينتج ولو باعه بيتم ينذكر باسم المربي اللي انتجه وبيقولون هذي من حلال فلان وشريناه من عند فلان

[برووق]

السلام عليكم ورحمة الله وبركاته
أخواني الأعزاء شاكر لكم مشاركاتكم
وكان كلام الأخ العنبري
هو عين الصواب واللي كنت ابحث عنه
جزاكم الله الف خير
تحياتي