الفحل اللي ما ينسف . . . .

[الأصايل]

:confused: السلام عليكم ورحمة الله وبركاته
يا أخوان حبيت أطرح هذا الموضوع لأني متورط فيه ياريت تسعفونه بالردود الشافيه
اللي عنده فحل ما ينسف أيش الحل معاه
هل هناك طريقه يمكن يخلي الفحل ينسف أو لا زم على اليد يعني أرفعله الكفل ويقرع وأنا ماسك الشاه ؟
وإذا كان الفحل خواف يعني ما يجارب أحد شلون بيقرع وأنا ماسك الشاه ؟


ياريت الأخوان يفيدونا في هذا الموضوع لأنه مهم بالنسبه لي وللي في مثل هذي المشكله

[العنبري]

اخوي الاصايل عن نفسي افضل الفحل اللي على اليد اكثر من اللي ينسف لان بالنسبه لي اضمن واعرف اللي انقرع واللي لي الحين اما بخصوص ان الفحل خواف هذي لازم توادعه وتعلمه يقرب منك بالطعام ومع الوقت ان شالله بيرب وبيقرب وجرب تعطيه تمر بيدك بس حاسب لايتعلم ينطح لان الخاروف الوليف ساعات ينطح وفالك التوفيق ان شالله

[الـ@ـاجري]

الله يعينك يا اخوي الاصيل

انا عن نفسي لطرشه للسوق لان من الصعب كل ماتحني له شاه اروح امسكها له او اخلي
الراعي شغله الشاغل الفخل وبعدين ترى هذي هبه من الله لان بعض الفحول والله لو تسوي
معه وش ماتسوي مافيه فايده

لكن نقلت لك موضوع عن تعليم الفحل ارجو ان يساعدك

والله يعينك

طريقة التعليم


تتم عملية التدريب حسب الشروط التالية :-


 يبدأ التدريب من عمر 7 شهور وأكثر
 يعزل أثناء التدريب عن الإناث ويكون قريبا منها
 أن لا يجرب القريع إلى بعد فترة من التدريب
 الاهتمام الشديد فى الأعلاف مثل ( المكعبات / الذرة البيضاء )


الملاحظات المهمة فى بداية التدريب
كيفية وقوف الفحل خلف الانثى هل هو إلى اليمين أم إلى اليسار
التاكد من يد الفحل التى يحركها بالغريزة حتى يعتمد عليها المدرب ( مهمة جدا جدا )


التأكد من رغبة الفحل بالقريع هل هي قوية آم ضعيفة


خطوات التدريب
1. إحضار انثى تكون حاني اوهادئة ويجب أن تكون متوسطة اللية
2. فك الفحل مع الإمساك بالانثى من الرقبة
3. ترك الفحل يحاول لوحدة دون تدخل المدرب أكثر من 15 دقيقة حتى يتأكد المدرب من وضع الوقوف وحركة اليد من الغريزة
4. إذا تبين للمدرب أن وقوف الفحل المتكرر من يمين الانثى فيجب على المدرب الوقوف بالجهة المعاكسة مع الإمساك بالانثى
5. على المدرب مسك اللية من الوسط عن طريق الشعر الخارجي وإبعادها عن ملامسة الأرجل للانثى حتى يلزم الفحل بملامسة اللية وادخال اليد تحتها حتى يبداء الإحساس بوجود اللية والرفع اللا ارادى ( يجب تكرار العملية لأكثر من ساعة يوميا )
6. عدم تمكين الفحل من القريع باى حال من الأحوال وبالأخص عدم رفع اللية إلى اعلي مهما كانت الأحوال


محظورات مهمة للغاية
• رفع اللية إلى الأعلى ( كشف اللية ) يلغى تعليم الفحل ويعلمه الاعتماد على المدرب برفع اللية
• تمكين الفحل من القريع قبل اومع بداية التدريب يلغى التدريب ويصعب من المهمة



هذه الطريقة أثبتت نجاحها بصورة غير متوقعة


منقووووله
ولكن يضل نسف الطلي هذي هبه من الله فافيه فحول لا يمكن تنسف او تتعلم
و فيه اعراض تمنع الطلي من النسف
1- كبر لية النعجه وزيادة حجمها وثقل وزنها
2-صغر سن الفحل او حجمه
3- اظلاف الفحل
4- سمن الفحل الزائد بحيث لا يستطيع رفع نفسه
5- حجم وطول النعاج اكبر من حجم وطول الفحل ولا يستطيع الوثوب عليها خاصه اذا كان صغير في السن
5- المكان الواسع بحيث لا يستطيع الفحل التمكن من النعاج وعند وقوفها يكون قد تعب من المطارده

تقبلوا تحياتي وتقديري

[بوناصر]

الربع كفو ووفو ولكن اذا الفحل عاده سنه صغير وانت متامل منه خير حاول تعلمه والطرق ذكرها لك اخوي الهاجري اما اذا الفحل كبير انصحك بالتخلص منه

[العنبري]

اذا كان فحل نادر ومسكت ومواريه كلها طيبه وصعب القى مثله ليش اتخللص منه ؟؟؟ الا بامسكه ولو امسك له خمس شوهات طيبه على اليد افحل من عيالهم

[ViP]

الاصايل
اذا الفحل مواريه زينه عادي حاول انك تعلمه على اليد
شوف لك فحل ينسف على اليد وخله يشوف كذا مره الين مايتعلم

انا هاد اربع افحول ولا واحد فيهم نسف ومن بينهم طلي المهم طلعت واحد من الفحول النطوح وتميت من ابعيد اشوف الشبك اشوف اثنينه من الفحول اشتغلت
وجيت ثالث يوم اشوف الا الطلي من بينهم ينسف وقده اخيرهم في النساااف
الفحل الي ماينسف مافي الا انك تهد معه فحل ينسف..

[الأصايل]

الأخوان
العنبري
الهاجري
بوناصر
في أي بي
بصراحه أن الفحل عادي بس في الوقت الحالي مافي غيره

الله يجزاكم خير يالربع على هذي الرودود الطيبه وبيض الله وجيهكم والله يعينا عليه

[بوعبدالله]

بصراحه الر بع ماقصرو فى ردودهم

ونشاءالله تحصل مرادك يالاصايل

[ابوجديع]

(( الاصااايل ))

أول شيئ هذا من عند الله لأن في فحول ماتنسف ولا تعرف القريع ..

شوف السوق تسمع يقولون للبايع شرط القريع ..

ولكن هذا مايمنع أن نقول مانعرف من معلومات بسيطه ..

إذا كان الفحل كبير حاول أنك تعلمه مره ومرات لين يعرف الطريق وحاول أن تترك معاه طلي 7 شهور لأن قد يكون هذا الفحل مع ماعز من قبل أو لوحده ..

أأأبوجديع

[الأصايل]

الأخوان بو عبدالله وأبو جديع
الله يجزاكم خير على مروركم الطيب
والله يوفقنا معاكم لكل ما يحبه ويرضاه

[صلاح العنزى]

السلام عليكم


بالنسبه للفحل اللى تمسكله بيغدى نطوح وبعدين كل ماحنت نعجه رحت امسكله وأرفع ذنبتها وأطل بموخرها هو جاها عدل ولا لا

إلا عنه ماقرع ولو ينتج ذهب ماله إلا السوق

مرة سيرو على خمسه رياجيل وكنت فاكلى طارود طلى عمرة خمسه أشهر تقريبا ؛؛؛ ويوم دشينا شبك الجلد ؛؛؛ وإنقز يالطلى الطارود أبو خمسه أشهر على ذيك النعجه وهو ينسف ذنبها ويحطه على نحره ويقرعها قريع فحل وافى ؛؛؛ وينز ل عنها ويرد ويقرعها مره ثانيه وأتطير عيونهم فى الطلى (( وأخوكم مابقى آيه من القرآن ماقريتها ))


ومن ليلته وأنزله سوق الليل وأبيعه 250 دينار لأتى دارى الطلى هذا إن بقى عندى مايصبح عليه الصبح

اخوكم --- أبو محمد

[الأصايل]

حياك الله اخوي صلاح وتسلم على مرورك الطيب

[خطاب]

[[هناك ثلاثة حلول
1/افرك خشمه ببصله
2/جيب خروف ثاني يحركه مع تنييف الخروف الجديد
3/ عرضه على السوق وبيعه على القصاب

[الجزائري]

فهموني معاكم ... بين العرب و ماني فاهم كلمة .... ههههه
حاولو تستعملو عبارات مفهومة لغير القطريين يا اخوان
وبارك الله فيكم
الجزائري

[العامري]

مـــــــــــرحبا
ما شاء الله عليكم يالربع كفيتوا ووفيتوا
والله لايهينكم كلكم بلا استثناء على المعلومات الطيبه والوافيه

مع التحيه
العامري