سومات

[العنبري]

السلام عليكم ورحمة الله وبركاته
اخواني الاعضاء طلعت موضه اخر الايام ان ايي وسيط ويقول ترى الشغله الفلانيه يسومونها بالقيمه الفلانيه ها شقلت ؟؟
ولما ينطلب اسم الشخص اللي سام يكون الرد والله ماقدر لانه محلفني ماقول اسمه
السؤال اللي يطرح نفسه ليش مايبي يذكر اسمه ؟؟؟
هل اللي قاعد يسويه منقود مثلا او شي ضد الشرع ؟؟؟
هالشخص اللي سام مايشوف انه يهضم حق السلعه اللي سامها بعدم ذكر اسمه وانه يعرض الشخص صاحب السلعه انه يكون محل تكذيب من العرب بالذات لما تكون السومه مبلغ كبير وياكثرهم اللي ينطرون الفرصه وياليت انهم يتكلمون في ويه الريال عشان يرد عليهم

حبيت اعرف رايكم في هالموضوع الله يجزيكم خير

[راعي الدولار]

اخوي العنبري انا وياك في ذالشي
واهل السوالف والتكذيب واجد
بس بقولك شغله بسرق مثل بوعلي ولايهون (واثق الخطوة يمشي ملك)
وحلالك طيب ماشالله الله يطرح فيه الابركه واذا شي انسام بقيمه وقدرها كذا!!!!!!! ان دل يدل على حلالك الطيب
يعني مب شي غريب
ولاتلتفت على هذي الامور

[العنبري]

فديت خشمك اخوي راعي الدولار انت ادرى الناس اني مالتفت حق هالشغلات بس ليش احنا نعطي غيرنا فرصه علينا وانا ماشوف فيه اي سبب يمنع راعي السومه انه يذكر اسمه وكلمة يمكن منحرج منك ماشوفها عذر والا انت شرايك ؟؟؟

[راعي الدولار]

صحيح انا وياك في ذي الشغله
وارجو من الي يسوم يذكر اسمه

[بوعبدالله]

اخوانى الاعزاء .................

انا من وجهت نظرى انه يجب السايم يذكر نفسه وبل العكس

هذا الشى يرفع من قيمة حلاله وانه رجال يدفع على الزين وسوم الحلال الزين لانه

هذى الايام موضة الغالى ولا الزين وقيمة قليله محد يدريبه

وعلى فكره انا من الاشخص الى يكلمونى عشان اكون وسيط وكذا مره صارت معاى

لكن هذا يعتمد على البايع اذا كان ................. ولاراعى عطايه

وعتقد قصدى واضح من الشطر الاخير

[العنبري]

من وجهة نظري واللي اشوفه ان مب عذر يا بو عبدالله والمفروض يذكر اسمه واذا العذر انه منحرج خايف ان يقدمونها عليه يقدر يرد العطيه ومايقبلها عادي احسن من يحط راعي السلعه في موقف يتكلمون عنه من وراه انه كذاب وهالشي حاصل وانت عارف واذا بتقول لاتهتم بارد عليك وباقول ان في ناس قريب منك وتعرفك عدل وتصدق فيك فما بالك بالناس اللي ماتعرفك محد يلومهم لو صدقوا لان السايم اصلا ماله عذر مقنع يخش اسمه ويحلف الوسيط مايعلم

[القانون]

اللي يسوم لابد ان يذكر اسمه علشان الناس اللي وراه اما زادو على السومه وإلا ردو يمكن الرجال اللي سام اول مره مهب صامل والثاني صامل بس يبي يعرف الاولي علشان يزيد عليه مايقدر يزيد في الهوى وإذا مالقى صاحب السومه الاولي ينسحب السوام الثاني وذلك لظنه ان الموضوع فيه خدعه والخسران راعي الحاجه اللي يبي يبيع

[ابوجديع]

(( ااالعنبري ))

ولله أن كلامك ميه ميه ..

لا وزيدك من الشعر بيت إن في ناس يقول أنت سوم سومه طيبه ولا راح أبيعك بس علشان أحلف عليها إن فلان سامها في هذا المبلغ ..

وهذا مايجوز لا في الشرع ولا غيره المفروض إذا بغي الواحد أن يسوم لازم فيه إشخاص موجودين عند البايع علشان تكون شهاده للبايع أو تكون في المزادات علني ..

ولله يعطيك علي نيتك يابوعمر ..

أأأبوجديع

[بوناصر]

العنبري انا لي مداخله في هالموضوع بالذات لانه حساس ومهم وهالامور وارده وحاصله من زمان مو جديده وفي كل مجال وطبعا تفرق بين شخص لآخر وفي فرق بين الشاري الي يقني والشاري الشريطي والعكس صحيح للمربيين .
وانت ذكرت موضوع مهم واعتقد انك مريت او تمر بهذ الشي حاليا بس المهم النوايا وهذ شي مايعلم به الا الله سبحانه وتعالى واصابعك ماهي سوى والطيور على اشكالها تقع ومعروفين اهل الكذب والشريطيه وتشهد لهم افعالهم وتهويلهم لسلعهم وكذبهم وغشهم وخداعهم ويستطيع اي شخص التفريق بينهم بكل سهوله ونفس الشي معروفين اهل القلوب النظيفه والناصحين للخير والدالين عليه.
البيع والمشترى ماهو عيب ولاهو حرام ويمكن ميزه حلوه بالي سام حلالك ومايبي تعرف اسمه لانه عارف انك ممكن تقدم له المسيوم بدون مقابل هو يبي لك الخير وفي نفس الوقت انت تشوف انه انعكس ضدك ومن حقك تعرف صاحب السوم قبل البيع ونا عارف انك ماتحب ولا تبي اي شخص يقول عنك كلام ماهو فيك وهذ الي يخليك تثير هالموضوع وهذ يدل انك مو شريطي ولو كانت شغله شريطيه كان تم تبهير الخبر ونشره في الصفحات الاولى للتهويل.
من حق متلقي الخبر التاكدمن عده امور .
1_اسم الشاري
2_اسم البائع
3_سعر البيع او السوم
4_صور للحلال المباع او المسيوم
5_وجود شهود عالبيعه من ناس معروفين .
مع كل هذه الامور ويالله يالله انك تسلم من كلام الناس بس ارجع واقول كل اناء بما فيه ينضح وكل يرى الناس بعين طبعه.
ومشكور اخوي العنبري على اثاره هالموضوع المهم .

[الـ@ـاجري]

موضوع حلو عزالله
العنبري كل يوم يتحفنى من عنابره

انا اتفق مع الاخوان في سردهم للموضوع
وانا لي تعليق او قصه قصيره ممكن الكل يستفيد منهاا

مره كنت انا وواحد من الربع عند رجال جالسين عنده محل طيور وكنا في الصفري
الرجال فارش برى المحل وعنده طير طيب حاطه قدامه والناس اهل الطيور كل شوي واحد
مار على المحل ويشوف الطيور والمعروضات
المهم
جاء رجال ووقف قدام المحل والطير ثريب منه وهو جالس في سيارته سلم وردينا السلام
شاف الطير قال الطير للبيع قال راعيه مافي شي محرم على البيع
قال مسيوم او لك حد قال مسيوم بـ 22 الف والطير مشروط قام الرجال قال بـ30 الف بياع
وهو جالس في سيارته مانزل رد عليه خوينا قال له سومه طيبه من وجه طيب وحرك

ثاني يوم وحنا عنده على الغدا جانا رجال يشتري ويبيع في الطيور وشاف الطير وعجبه
وقام يقلبه ونشد معزبنا يا بوفلان الطير عليه سوم قال له نعم الطير مسيوم بـ 22 الف ومشروط
قام الرجال وفرق السوم وقال له بـ 25 الف تبيعني قال له نصيبك والله يبارك لك فيه

عاد بعد ما فضى المجلس جاني الفضول مع اني ماعرفه معرفه قويه هو صاحب رفيقي
قلت له يا ابو فلان الطير البارحه مسيوم منك بـ 30 الف وحنا عندك جالسين كيف تقول له مسيوم بـ22 الف
قال يا ابو فلان الي سام بـ30 سام وهو في السياره ولا شاف الطير ولاقلبه ولاشاف مواريه اللهم سومه في الهواء
لو كان جاد كان نزل وشل الطير وشافه وبعدين ان بقى يفرق السوم او يخليه محله
واذا جاني بكره رجال ونشدني من سوامه بـ 30 اقول لهم واحد في سياره هو السايم
لكن ابو 22 الف الرجال ماخلى ريشه فيه الي وقلبها وسام الطير وحط اسمه وتلفونه عندي مع اني ماعرفه
ولكن الرجال صامل وبيفرق السوم لو حد زاد عليه ..

يعني المقصود في كلامه

بكره لو جاني رجال يبي سلعه عندي وعليها سوم اقدر اعنز على السوام واذكره بسمه
اما السومه العابره مالها قاموس في الكتاب الا لاهل المصالح ..

وتحياتي للجميع

عاد استفيدو من شيبانكم لحد يسمع منا ويطلع منا

[أهم1]

العنبري ...... عليك طلعات بس حلوه


تعجبني


اخوك / أهم1

[ViP]

اهم واحد ... هاور يوووو ؟؟ اربك ابخير وسهاله... اشدنك صدقت راعي طلعات هههههههها بس يازين طلعاته خخخ


------------------------------


الهاجري
القصه قصيره ولكنها كبيرها بمعانيها .. وصاحب الطير صادق....
فيه قصه مماثله قد صارت معي...
ولكن انت كفيت ووفيت ياالاجودي

[العنبري]

اللي يسوم لابد ان يذكر اسمه علشان الناس اللي وراه اما زادو على السومه وإلا ردو يمكن الرجال اللي سام اول مره مهب صامل والثاني صامل بس يبي يعرف الاولي علشان يزيد عليه مايقدر يزيد في الهوى وإذا مالقى صاحب السومه الاولي ينسحب السوام الثاني وذلك لظنه ان الموضوع فيه خدعه والخسران راعي الحاجه اللي يبي يبيع

صح كلامك اخوي القانون وبالنسبه لي انا مايهمني المنظور التجاري فيها واللي يهمني ان مابي حد يحط في باله ان في الشغله خدعه

[العنبري]

(( ااالعنبري ))

ولله أن كلامك ميه ميه ..

لا وزيدك من الشعر بيت إن في ناس يقول أنت سوم سومه طيبه ولا راح أبيعك بس علشان أحلف عليها إن فلان سامها في هذا المبلغ ..

وهذا مايجوز لا في الشرع ولا غيره المفروض إذا بغي الواحد أن يسوم لازم فيه إشخاص موجودين عند البايع علشان تكون شهاده للبايع أو تكون في المزادات علني ..

ولله يعطيك علي نيتك يابوعمر ..

أأأبوجديع

الله لا يقول اني اكون من هالناس اخوي بو جديع ورب العالمين اعلم بالنيات
وشلون اللي يسوي هالشغله ينطر التوفيق من رب العالمين ؟؟؟

[العنبري]

العنبري انا لي مداخله في هالموضوع بالذات لانه حساس ومهم وهالامور وارده وحاصله من زمان مو جديده وفي كل مجال وطبعا تفرق بين شخص لآخر وفي فرق بين الشاري الي يقني والشاري الشريطي والعكس صحيح للمربيين .
وانت ذكرت موضوع مهم واعتقد انك مريت او تمر بهذ الشي حاليا بس المهم النوايا وهذ شي مايعلم به الا الله سبحانه وتعالى واصابعك ماهي سوى والطيور على اشكالها تقع ومعروفين اهل الكذب والشريطيه وتشهد لهم افعالهم وتهويلهم لسلعهم وكذبهم وغشهم وخداعهم ويستطيع اي شخص التفريق بينهم بكل سهوله ونفس الشي معروفين اهل القلوب النظيفه والناصحين للخير والدالين عليه.
البيع والمشترى ماهو عيب ولاهو حرام ويمكن ميزه حلوه بالي سام حلالك ومايبي تعرف اسمه لانه عارف انك ممكن تقدم له المسيوم بدون مقابل هو يبي لك الخير وفي نفس الوقت انت تشوف انه انعكس ضدك ومن حقك تعرف صاحب السوم قبل البيع ونا عارف انك ماتحب ولا تبي اي شخص يقول عنك كلام ماهو فيك وهذ الي يخليك تثير هالموضوع وهذ يدل انك مو شريطي ولو كانت شغله شريطيه كان تم تبهير الخبر ونشره في الصفحات الاولى للتهويل.
من حق متلقي الخبر التاكدمن عده امور .
1_اسم الشاري
2_اسم البائع
3_سعر البيع او السوم
4_صور للحلال المباع او المسيوم
5_وجود شهود عالبيعه من ناس معروفين .
مع كل هذه الامور ويالله يالله انك تسلم من كلام الناس بس ارجع واقول كل اناء بما فيه ينضح وكل يرى الناس بعين طبعه.
ومشكور اخوي العنبري على اثاره هالموضوع المهم .

بيض الله ويهك اخوي بو ناصر وهذا انت قلتها بنفسك ان متلقي الخبر له حقوق لازم نوفيها وشي طبيعي بعد انا لي حق حتى من باب الفضول اني اعرف من هاللي سام هالسومه الطيبه واللي يشوف حلالي يستاهل هالسومه وترى ياكثرها السومات اللي ماذكرتها والسبه ان الرد يكون هو محلفني ماقولك وانت تدري يابوناصر ان والله ماهمتني هالسومات لكن اتم ادمي ويغلبني الفضول ساعات
وترى انا ماشوف كلمة اخاف يقدم الشغله علي انها عذر لان مثل ماقلت من قبل عنده القرار انه يرفض هالعطيه وماياخذها واذا هو صج يحب الخير لي مب راضي يطلعني كذاب جدام العرب اللي بيتكلمون من وراي مب في ويهي عشان ارد عليهم

[العنبري]

موضوع حلو عزالله
العنبري كل يوم يتحفنى من عنابره

انا اتفق مع الاخوان في سردهم للموضوع
وانا لي تعليق او قصه قصيره ممكن الكل يستفيد منهاا

مره كنت انا وواحد من الربع عند رجال جالسين عنده محل طيور وكنا في الصفري
الرجال فارش برى المحل وعنده طير طيب حاطه قدامه والناس اهل الطيور كل شوي واحد
مار على المحل ويشوف الطيور والمعروضات
المهم
جاء رجال ووقف قدام المحل والطير ثريب منه وهو جالس في سيارته سلم وردينا السلام
شاف الطير قال الطير للبيع قال راعيه مافي شي محرم على البيع
قال مسيوم او لك حد قال مسيوم بـ 22 الف والطير مشروط قام الرجال قال بـ30 الف بياع
وهو جالس في سيارته مانزل رد عليه خوينا قال له سومه طيبه من وجه طيب وحرك

ثاني يوم وحنا عنده على الغدا جانا رجال يشتري ويبيع في الطيور وشاف الطير وعجبه
وقام يقلبه ونشد معزبنا يا بوفلان الطير عليه سوم قال له نعم الطير مسيوم بـ 22 الف ومشروط
قام الرجال وفرق السوم وقال له بـ 25 الف تبيعني قال له نصيبك والله يبارك لك فيه

عاد بعد ما فضى المجلس جاني الفضول مع اني ماعرفه معرفه قويه هو صاحب رفيقي
قلت له يا ابو فلان الطير البارحه مسيوم منك بـ 30 الف وحنا عندك جالسين كيف تقول له مسيوم بـ22 الف
قال يا ابو فلان الي سام بـ30 سام وهو في السياره ولا شاف الطير ولاقلبه ولاشاف مواريه اللهم سومه في الهواء
لو كان جاد كان نزل وشل الطير وشافه وبعدين ان بقى يفرق السوم او يخليه محله
واذا جاني بكره رجال ونشدني من سوامه بـ 30 اقول لهم واحد في سياره هو السايم
لكن ابو 22 الف الرجال ماخلى ريشه فيه الي وقلبها وسام الطير وحط اسمه وتلفونه عندي مع اني ماعرفه
ولكن الرجال صامل وبيفرق السوم لو حد زاد عليه ..

يعني المقصود في كلامه

بكره لو جاني رجال يبي سلعه عندي وعليها سوم اقدر اعنز على السوام واذكره بسمه
اما السومه العابره مالها قاموس في الكتاب الا لاهل المصالح ..

وتحياتي للجميع

عاد استفيدو من شيبانكم لحد يسمع منا ويطلع منا

اخوي الهاجري الله يشهد علي ياكثر السومات اللي ماذكرتها والسبه اني ماعرف من اللي سام ومابي حد يحط في باله اني افوشر بهالشي او اني او اني اسوي دعايه حق حلالي لاني اصلا ماعرضت شي للبيع لكن ساعات الناس لهم حق يشككون وانا مالومهم اذا السايم رافض يقول هو من

[العنبري]

العنبري ...... عليك طلعات بس حلوه


تعجبني


اخوك / أهم1

اخوي اهم واحد ياليت توضح قصدك اكثر بان علي طلعات لاني مافهمت والحمدلله انها حلوه واعجبتك وهذي اهم شي عندي

[العنبري]

اهم واحد ... هاور يوووو ؟؟ اربك ابخير وسهاله... اشدنك صدقت راعي طلعات هههههههها بس يازين طلعاته خخخ


------------------------------


الهاجري
القصه قصيره ولكنها كبيرها بمعانيها .. وصاحب الطير صادق....
فيه قصه مماثله قد صارت معي...
ولكن انت كفيت ووفيت ياالاجودي

اللي فهمته منك يا بو محسن انك مايد كلامي وان المفروض السايم يذكر اسمه ومايقول والله ماتعلمونه باسمي على الاقل عن الشكه جدام العرب مهما كانت اسبابه وانا ماشوف كلمة والله اخاف يقدمه علي عذر مقنع
وياليت بهالمناسبه تسمح لي اسالك جدام الاعضاء من اللي سام اليتيم ومن اللي سام عراك ؟؟؟

[ViP]

اللي فهمته منك يا بو محسن انك مايد كلامي وان المفروض السايم يذكر اسمه ومايقول والله ماتعلمونه باسمي على الاقل عن الشكه جدام العرب مهما كانت اسبابه وانا ماشوف كلمة والله اخاف يقدمه علي عذر مقنع
وياليت بهالمناسبه تسمح لي اسالك جدام الاعضاء من اللي سام اليتيم ومن اللي سام عراك ؟؟؟


ا اعتقد انك مافهمت ردود الاعضاء وخاصه رد ابو ناصر........

وبما انك مصر.......

فانا بعلمك من الي سام اليتيم...... وانا الي سايمه طيب...

وعراك ... حلفني بالله اني معلمك ... قال قوله التيس بثلاثين والرجال على كلامه الي قاله انه صامل... والسموحه لاني مقدر اقولك اسمه لان الرجال محلفني


ليه مايبيك اتعرفه .. وشحقه ي مهب مشكلتي موضوع ووصلته لك.... طيب !!!!

[العنبري]

[QUOTE=ViP;16374]

ا اعتقد انك مافهمت ردود الاعضاء وخاصه رد ابو ناصر........

وبما انك مصر.......

فانا بعلمك من الي سام اليتيم...... وانا الي سايمه طيب...

وعراك ... حلفني بالله اني معلمك ... قال قوله التيس بثلاثين والرجال على كلامه الي قاله انه صامل... والسموحه لاني مقدر اقولك اسمه لان الرجال محلفني


ليه مايبيك اتعرفه .. وشحقه ي مهب مشكلتي موضوع ووصلته لك.... طيب !!!![/QUOTE

اعتقد اني فهمت ردود الاعضاء صح واللي تشوفني مب فاهمه تقدر توضحه لي وبوناصر قال اللي يتلقى الخبر له حقوق يقصد عامة الناس واليتيم تحت امرك هو وغيره وعلى العموم انا عرفت من اللي سام عراك من غير ماتقول واعرف ليش سامه واعرف ليش مايبي يذكر اسمه وانا وياك ندري انها مب شغلة خايف اني اقدمه عليه واعتقد انتوا اللي مافهمتوا موضوعي ومب راضيين تفهمون ان في ناس قاعده وتنطر بس عشان تشب الضو واللي مب ذاكر اسم اللي بيسوم مره ثانيه يعطي عمره الراحه ولا يحط عمره وسيط ومن دون زعل ولا اييني ويقول ريال محلفني ماقولك اسمه يسوم من عندك وبعد اللي ناوي يسوم مايذكر اسمه خل يعشق الراحه ولا يسوم واعتقد ان هالشي من حقي
وانا والله عاذرك ومقدر موقفك يا بو محسن وربي يشهد اني مالومك

[راعي الدليل]

السلام عليكم ورحمةالله

اخواني....... التعميم وفي كل الامور من الأخطاء الكبيره....فمثلا مايجوز اقول ذا الناس كلهم صادقين ولا كلهم كاذبين....دايما به امور خلف الكواليس ومن المفروض ان المسلم ما يطلق لنفسه العنان في تفسير ما يدور خلف الكواليس........
نعم من الافضل ان نقول السومه
لكن صارت مرات كثيره ان الشاري يتحفظ على القيمه او يتحفظ على اسمه وهاذي حريه شخصيه على كل حال
فعلى سبيل المثال انا بعت حلال والشاري حب يتحفظ على السعر
وكذالك بعت حلال والشاري حب ان ما يعلن اسمه فالمنتدى وفيه بعض الاشخاص في المنتدى عارفين من اقصد........

وبارك الله فيكم جميعا

[العنبري]

السلام عليكم ورحمةالله

اخواني....... التعميم وفي كل الامور من الأخطاء الكبيره....فمثلا مايجوز اقول ذا الناس كلهم صادقين ولا كلهم كاذبين....دايما به امور خلف الكواليس ومن المفروض ان المسلم ما يطلق لنفسه العنان في تفسير ما يدور خلف الكواليس........
نعم من الافضل ان نقول السومه
لكن صارت مرات كثيره ان الشاري يتحفظ على القيمه او يتحفظ على اسمه وهاذي حريه شخصيه على كل حال
فعلى سبيل المثال انا بعت حلال والشاري حب يتحفظ على السعر
وكذالك بعت حلال والشاري حب ان ما يعلن اسمه فالمنتدى وفيه بعض الاشخاص في المنتدى عارفين من اقصد........

وبارك الله فيكم جميعا

هلا وغلا فيك اخوي بو خالد ومرحبا بك عقب طول غيبه ومكانك كان مبين وعاش من شافك
اخوي بو خالد انا ماتكلم عن بيع ومشترى على اتفاق او عن سومه اتم بتفاق بين السايم وراعي السلعه ان ماينذكر اسم السايم او المبلغ في هالحاله صح كلامك هذي حريه شخصيه لانها باتفاق مسبق
اللي اقصده ان ايي وسيط ويقول حق راعي السلعه في شخص يسوم من عندك الشغله الفلانيه بمبلغ كذا بس هو محلفني ماقول اسمه يعني راعي السلعه يجهل من اللي سام عنده في هالحاله كيف راعي السلعه بيقدر يذكر هالسومه جدام الناس وعلى اي اساس بيقول والله اللي سام حلف الوسيط مايعلم باسمه ؟؟
انت ماتعتقد ان في شريحه من الناس بتعتبره كذاب وبتكلم من وراه لو ذكر هالسومه بهالطريقه ؟؟؟

[راعي الدليل]

هلابك والله يالعنبري وانا دوم معاكم واستأنس بمشاركاتكم......

انا ماشوف به فرق فالحالتين سواء باع او ماباع السلعه.....
لكن بالنسبه للشريحه اللي بتعتبره كذاب....ردي بيكون
ان الاصل اللي لازم يأخذ به المسلم داااااائما في جميع معاملاته هو الصدق
اما الكذب لايعلمه الا الواحد القهار و تكفل الله وحده في عقابه

لكن ارجع واقول ان المسلم لازم يظن في اخوه الظن الحسن مادام الاصل هو الصدق

[العنبري]

هلابك والله يالعنبري وانا دوم معاكم واستأنس بمشاركاتكم......

انا ماشوف به فرق فالحالتين سواء باع او ماباع السلعه.....
لكن بالنسبه للشريحه اللي بتعتبره كذاب....ردي بيكون
ان الاصل اللي لازم يأخذ به المسلم داااااائما في جميع معاملاته هو الصدق
اما الكذب لايعلمه الا الواحد القهار و تكفل الله وحده في عقابه

لكن ارجع واقول ان المسلم لازم يظن في اخوه الظن الحسن مادام الاصل هو الصدق

وجهة نظر يا بوخالد حتى لو ماتفقت معاك فيها لكن والله احترمها لاني فاهم شتقصد