بمناسبه افتتاح قسم الماعز العمانيه

[بوناصر]

صور لبعص الماعز العمانيه لدي اتمنى ان تنال على اعجابكم .

http://www.7alalqatar.net/vb/uploaded3/90_1213633929.jpg

http://www.7alalqatar.net/vb/uploaded3/90_1213634086.jpg

http://www.7alalqatar.net/vb/uploaded3/90_1213634148.jpg


اتمنى تنال رضائكم واعجابكم .

[العنبري]

يا بو ناصر من خبرتي البسيطه فيهم اشوفهم شي مسكت وانتوا افهم مني في هالمجال وباقول حق الخبروفسور علي يعلق على هالموضوع اذا ياني البيت ونبي تعرض فحلهم الله لايهينك

[بوناصر]

العنبري العمانيات الدرجه الاولى البرص وبعدها تجي البيضا الصافيه وبعدها باقي الالوان واهمها لون الضبي هذ للالوان اما للموصافات فهي كثيره مثلها مثل باقي انواع المعزى .
1_انها تكون جبره .
2_ الاذن تكون مقوسه للاعلى وصغيره على شكل هلالي .
3_ حلسا او ملساء لايكون فيها اي شعر بارز الى في منطقه الذيل وبشكل بسيط .
4_الجبهه تكون عريضه ولا يكون راسها دقيق وكل ماعرض الراس كان افضل .
5_معروفه بغزاره الحليب مع صغر حجمه والديد عيوبه مثل باقي عيوب الماعز الاخرى كل ماكان مركن وغير سايح كان افضل.
6_ميزه البرص انها تكون بيضاء صافيه مع اذن وانف وحول العين لون الجلد يكون واضح والقرن يكون وردي يقارب للون الشفاف وهذه افضل انواع البرص اذا توافرت فيها باقي المواصفات الاخرى التي ذكرت وبناء على هذه الاسباب اتخذت اسم البرص لوضوح رويه الجلد في المناطق البارزه مثل الاذن والانف وحول العين .

[الأصايل]

ما شاء الله يابوناصر
ربي يبارك فيهم

[بوناصر]

كل الشكر لك اخوي الاصايل على مرورك واطرائك .

[العنبري]

العنبري العمانيات الدرجه الاولى البرص وبعدها تجي البيضا الصافيه وبعدها باقي الالوان واهمها لون الضبي هذ للالوان اما للموصافات فهي كثيره مثلها مثل باقي انواع المعزى .
1_انها تكون جبره .
2_ الاذن تكون مقوسه للاعلى وصغيره على شكل هلالي .
3_ حلسا او ملساء لايكون فيها اي شعر بارز الى في منطقه الذيل وبشكل بسيط .
4_الجبهه تكون عريضه ولا يكون راسها دقيق وكل ماعرفضالراس كان افضل .
5_معروفه بغزاره الحليب مع صغر حجمه والديد عيوبه مثل باقي عيوب الماعز الاخرى كل ماكان مركن وغير سايح كان افضل.
6_ميزه البرص انها تكون بيضاء صافيه مع اذن وانف وحول العين لون الجلد يكون واضح والقرن يكون وردي يقارب للون الشفاف وهذه افضل انواع البرص اذا توافرت فيها باقي المواصفات الاخرى التي ذكرت وبناء على هذه الاسبا اتخذت اسم البرص لوضوح رويه الجلد في المناطق البارزه مثل الاذن والانف وحول العين .

بيض الله ويهك يا بو ناصر على هالمعلومات اللي تبين انها من شخص فاهم واسمح لي اضيف على هالمعلومات اشياء بسيطه
في نوع يسمونه الصمع وناس يسمونه البرم وهي عمانيه كامله بس اذانيها قصيره ومبرومه وغالبا جرمها اصغر من العمانيه
وفي نوع اخر بعد يشبه العمانيه ويخلطون بينهم اكثر الناس ومايعرفون الفرق وهو اللي يسمونه البربري ومواصفاته انه يشبه العمانيه بصوره كبيره بس انه اكبر جرم واذانيه غالبا اطول ومايله على جدام ومب املس في منطقة الرقبه واللي لاحظتها في هالنوع انه ماييك فيه عرض ويا كثرهم اللي ينغشون في السوق في هالنوع
من وجهة نظري في هالنوعيه ان احلى العمانيات هي اللي اتيي مدلقمه وجنها كوره وطبعا اذا حصل وكانت برصا بتكون هذي اللي وصى عليها الدكتور
اي تعليق او تعديل بتكون فايده لي وحق الشباب ومنك انتعلم ونستفيد يا بو ناصر

[بوناصر]

العنبري البرم والصمع هي لعمانيه الاصيله وهي الي صفاتها مثل ماذكرت لك سابقا ومثل ماذكرت كل ماكانت جبره كل ماكانت احلى واجمل وفرق بينها وبين البربريه وفعلا في ناس يمكن ينغشون فيها لانها تقارب الى حد كبير بس الاذن والجباره والشعر هي الي تفرق بينهم وتوضح الاختلاف للمبتدئ .

[العنبري]

انا معاك يا بو ناصر في كل شي قلته بس الصمع في ناس تعتبرها فصيله بروحها او نوعيه غير لانها اتميز بقصر الاذن وغالبا تكون شبه معدومه ومافيها فرق عن العمانيه العاديه غير قصر اذنها

[بوناصر]

انت تقصد البزمه يالعنبري الي اذنها مثل اذن الطماطم .

[العنبري]

من وعيت على الدنيا وانا اعرف اسمها الصمعه اما البزمه اول مره اسمع هالاسم ويمكن هذي شغلة اختلاف حضارات مثل ماتوهقت في المسميات في البدايه مع اخوانا اهل جنوب واللي اقصدها العمانيه اللي مالها اذن كللش اللي صح اذنها نفس اذن الطمطم

[بوناصر]

الله واعلم انها فصيله لحالها يالعنبري لاني ماشفت بعيني هالنوعيه عشان اقدر احدد لك او افتي فيها وعموما المعزى العمانيه لو اختلفت مسمياتها والوانها تبقى لها صفات وهذي اهم شي فيها وخصوصا عندنا في قطر هذ الي عرفته وسمعت عنه وطبعا فيها الطيب والردي ونا على حسب نظرتي وخبرتي فيها اشوف الي ذكرته هو الانسب والاقرب للجمال وهذ نشوفه بالعين .

[بوسعيد]

مشاالله حلال طيب والله يباركلك فيه يابوناصر وياليت تعرض فحولها

[بوناصر]

كل الشكر لك اخوي بوسعيد على مرورك واطرائك وبخصوص لفحلول حاليا المعزى بدون فحل واوعدك ابو هالانتاج اصوره لك لانه عند قريب لي ونا متمنحه هالسنه لاني ادور فحل ابرص ومالقيت وقريب بصوره وبعرض صوره .

[راعي كحيله]

الله يبارك في هالحلال الطيب اخوي بوناصر
انا قريت الحديث المتبادل بينك وبين اخونا الكبير العنبري وتذكرت سالفه قالها لي احد الاخوان الاعزاء اثناء زيارتي لقطر من فتره وتاكد اني صدقت الكلام اللي قاله لانه اخ عزيز واكن له كل احترام بس انت طال عمرك يبين عليك خبير في العمانيات لان هو الله يحفظه راعي عوارض بس بعد الصراحه مو متذكر بالضبط هو قال عمانيات او فرور!
قال ان العمانيات او الفرور مخلوطه بغزلان؟
وقال بعد ان فيه احد الاخوان في قطر فك تيس غزال على معزا عمانيه او فرور والقحوا منه بعضم؟
هل هذا الشي ممكن؟
واسف على الاطاله

[بوناصر]

مشكور اخوي راعي كحيله على مرورك ومشاركاتك اما بخصوص يلقحون من الغزال او لا ماقدر انفي او ااكد لاني ماجربت ولا سمعت تجربه مؤكده .

[الماستر]

يعطيك العافيه اخوي بو ناصر على هذا الدعم

الله يبارك لك في حلال لك

وتسلم على المعلومات القيمة

[بوناصر]

الله يعطيك الف عافيه اخوي المساتر على اهتمامك ومساعداتك لي ولباقي الاعظاء وخصوصا في تعديل الصور لاني صدق مبتلش فيها وماعندي الا حلالك وماراح ابخل على هالمنتدى الاكثر من رائع .

[عاهد بن علي]

الله يبارك لك في هذه النخبه الجميله

[بوعبدالله]

الله يباااااركلك اخوى بوناصر باهل الحلال ويطرح فيه البركه

والعمانيات طيبه ونظيره فى المراح

[بوناصر]

بوعلي . الله يبارك فيك ومالك وحلالك وكل الشكر على مرورك واطرائك .

[بوناصر]

كل الشكر لك اخوي بوعبدالله وماعندي الا حلالك .

[المارونـــي]

ماشاء الله تبارك الرحمن
والله يبارك لك بحلالك ان شاء الله
تقبل مروري اخوي

[بوناصر]

الله يبارك بحالك ومالك يالماروني ومشكور على مرورك واطرائك .

[الـ@ـاجري]

ماشالله تبارك الرحمن
الله يبارك لك يا ابوناصر
على ها الحلال الطيب

[بوناصر]

كل الشكر لك اخوي الهاجري على مرورك ومشاركتك .

[الجرناس]

ماشاء الله
الله يبارك لك فيهم

[خالد الحمادي]

ما شاااالله تبارك الرحمن

[بوناصر]

الجرناس +خالد الحمادي . كل الشكر على المرور والاطراء.

[ahmedabed]

ماعز جيدة .بارك الله فيها.واعتقد انها تشبة الى حد كبير ماعز السانين السويسرى

[بوناصر]

الله يجزاكم خير ومشكورين عالردود

[k_j_4001]

يا اخوان
ليت المعلومات التي تضاف في مجال، تكون مقرونه
* بالصور*
لعموم الفائدة

[k_j_4001]

يا اخوان
ليت المعلومات التي تضاف في أي مجال، تكون مقرونه
* بالصور*
لعموم الفائدة

[راعي القحيدي]

ماشالله تبارك الرحمن حلال طيب الله يباركلك فيه اشالله
تقبل تحياتي

[زكريت]

ما شاء الله تبارك الرحمن

على الحلال طيب

والله يطرح البركة

[بوناصر]

يا اخوان
ليت المعلومات التي تضاف في أي مجال، تكون مقرونه
* بالصور*
لعموم الفائدة

مافهمت قصدك اخوي k_j_4001

[بوناصر]

راعي القحيدي +زكريت الله يجزاكم خيرعالمرور والتعليق

[المبدع]

ماشاء الله

[بوناصر]

ماشاء الله

المبدع الله يجزاك خير