طلي ثاني من انتاج العزبه

[العنبري]

هذا طلي ثاني افكر افحله ومتردد بعد امسكه والا لا وعطوني رايكم فيه

http://7alalqatar.net/vb/uploaded3/8_1211715927.jpg

http://7alalqatar.net/vb/uploaded3/8_1211715992.jpg

http://7alalqatar.net/vb/uploaded3/8_1211716073.jpg

http://7alalqatar.net/vb/uploaded3/8_1211716141.jpg

من طلب رايكم دخل في ذمتكم وابي انتقادات وابي عذاريبه كلها وهمتكم يالربع فصلوها كامله ولاتقصرون ومابي ردود لاتفحله وذبحه وصرفه ابي نقاش وكللن يقول رايه ويطلع خبرته نبي نستفيد كلنا وحمزه ينطر عادي

[بومبارك المناعي]

ولو أني ماني فهيـــم في لعربي

بس الزين دايما واضح
حتى الغشيم
يقدر يفرق
بس في رايي الشخصي فحل
وأترك الراي حق أهل الخبرة في لعربي
رووووح يابوعمر عسى الله يوفقك
دنيا أوآخرة

[راعي كحيله]

الله يبارك لك فيه اخوي العنبري

[العنبري]

ولو أني ماني فهيـــم في لعربي

بس الزين دايما واضح
حتى الغشيم
يقدر يفرق
بس في رايي الشخصي فحل
وأترك الراي حق أهل الخبرة في لعربي
رووووح يابوعمر عسى الله يوفقك
دنيا أوآخرة

يكفيني شرف ان هالموضوع خلاك تشارك وتنور صفحتي يا ولد عمي لاخلا ولا عدم منك

[العنبري]

الله يبارك لك فيه اخوي العنبري

ويبارك لك في حلالك ومالك وكل ماتملك وشاكر لك مرورك العطر

[بوعبدالله]

مــــــــــــــــــــــــــــــــــــاشاء الله يالعنبرى هذى العروض ولا بلاش

طلى طيب ماعليه كلام والزين واضح ولا يبى تفصيل واذا تبى تفصيل انا حاظر

طبعااا جبر بتقول عشان شلايله بقولك شوف فوق الشلايل بتبين لك الجباره

وبعد راسه حلوو وبيزين اكثر بعد وعريض وفجحته واضحه وضوح الشمس

والعرنون واضح طبعااااااا ولا شرايك ........ ولحد يغزر زياده بعدين ينظلونه

الله يبارك لك فيه وشايف خيره وزياده بأذن الله ......... ولو الثانى مصوره نفسه بتلقه

الــــــــــــــــــــــــــراى لكن لى مايسمع الكلام شنقوله

[بوشنب]

مرحبا يالعنبري

لاتفحل الخروف
عسى ربي يرزقك اللي اخير منه

[الـ@ـاجري]

ماشالله تبارك الرحمن
الله يبارك لك في حلالك يا بوعمر
هذا افظل بكثير من السابق من ناحية الراس
وانا اعتقد انه مشروع فحل ولكن للان اصبر عليه ولا تستعجل
لانه بيتغير وراح تشوف تغيرات كثيره على راسه وجبره وسراده
واذا تطورة مدة افظل من الان فحل ولا في اذنك ماء

والله يوفقك

[العنبري]

مرحبا يالعنبري

لاتفحل الخروف
عسى ربي يرزقك اللي اخير منه

هههههههههه اخوي بو شنب ان شالله ربي بيرزقني اللي اخير منه بس لو قريت فوق بتشوف اني قلت ابي نقاش وذكر عذاريب مب شغلة لاتفحله وصرفه عشان نستفيد ونتبادل الخبرات لان جذي محد عرف ليش ماتبيني افحله ولازم اعرف ان اللي يناقشني خبره من طريقة انتقاده عشان اقدر اخذ برايه واعرف انه راعي حلال وراعي صنف وله نظره في الحلال عشان اخذ برايه واصرف الفحل لان في ناس مايعرفون الدق من الجباره ومايعرفون الشلايل من العضا وساعات يشاركون لمجرد المشاركه وينتقدون وانا اعرف ان الفحل ماينحكم عليه انه دقيق الا لما يكون فقاره واضح وبعد ارجع اقولك لاتقصر اذا تخبر لي شي افضل ودلني على راعيه وشاكر لك مرورك وربي يبارك لك في حلالك ومالك واتمنى اشوف منك انتقادات كلنا نستفيد منها ولا تحاتي انا اصلا ادور الانتقادات يعني صدري وسيع بس احب اناقش والربع يعرفون عني هالشي والزعل مرفوع ان شالله

[العنبري]

مــــــــــــــــــــــــــــــــــــاشاء الله يالعنبرى هذى العروض ولا بلاش

طلى طيب ماعليه كلام والزين واضح ولا يبى تفصيل واذا تبى تفصيل انا حاظر

طبعااا جبر بتقول عشان شلايله بقولك شوف فوق الشلايل بتبين لك الجباره

وبعد راسه حلوو وبيزين اكثر بعد وعريض وفجحته واضحه وضوح الشمس

والعرنون واضح طبعااااااا ولا شرايك ........ ولحد يغزر زياده بعدين ينظلونه

الله يبارك لك فيه وشايف خيره وزياده بأذن الله ......... ولو الثانى مصوره نفسه بتلقه

الــــــــــــــــــــــــــراى لكن لى مايسمع الكلام شنقوله



ههههههههههههههه بو عبدالله هذي واحد من الاثنين واللي قبله الثاني وانت شفتهم بعينك و تحاتيني اعرف انقي وعارف شخلليت والربع اذا ياو العزبه بيشوفون بعينهم مثل مانت شفت بس انا احب النقاش والصك والحك

[العنبري]

ماشالله تبارك الرحمن
الله يبارك لك في حلالك يا بوعمر
هذا افظل بكثير من السابق من ناحية الراس
وانا اعتقد انه مشروع فحل ولكن للان اصبر عليه ولا تستعجل
لانه بيتغير وراح تشوف تغيرات كثيره على راسه وجبره وسراده
واذا تطورة مدة افظل من الان فحل ولا في اذنك ماء

والله يوفقك

هلا وغلا باخوي الكبير ويقولون راعي الحلال ماله حق يقول رايه بحلاله دامه طلب الراي لكن انا هالمره باكسر القاعده وباقول رايي في الطليان الثنين وانت ان شالله بتيي وبتشوف بعينك وبتعطيني رايك اذا كلامي صح او غلط
من وجهة نظري المتواضعه
الطلي الاول اللي عذربتوه احلى على الطبيعه في الراس لان فنسته ازيد وراسه اكبر
الطلي الثاني اللي مدحتوه احسن في الجفل وشكله بيطلع اكبر في الجرم
باقي مواريهم تقريبا نفس الشي من عرض وجباره ويمكن اذا كبروا يتغيرون بس الوقت الحاضر هذي اللي قلته لك وان شالله تشرفني بييتك وتقول رايك في كلامي صح والا كنت غلطان
وربي يبارك لك في حلالك ومالك يا ويه الخير
وسمحوا لي اني عطيت عمري الحق وقلت رايي

[ابوجديع]

(( ااالعنبري ))

يابوعمر يابعد راسي وناسي أهل مكه أدري في شعابها وأنت أبخص منا في حلالك ..

هل هذا الطلي ولاد عندك .

هل أنت شايف أمه وأبوه .

هل خواته موجوده عندك .

ملاحظه بسيطه قص الشعر إللي علي راسه لأنها موضه قديمه ولا راح يبين راسه ورقبته والخده ..

وبعدين أعطيك رأيي فيه ..

أأأبوجديع

[بوخالد]

أولاً الله يبارك لك فيه الرأس كأنه رأس بعير مجهم مع مد رقبته باقي تعطيه فرصه وتحكم على أنتاجه وما شاء الله ولا قوه ألا بالله

[العنبري]

أولاً الله يبارك لك فيه الرأس كأنه رأس بعير مجهم مع مد رقبته باقي تعطيه فرصه وتحكم على أنتاجه وما شاء الله ولا قوه ألا بالله

ماعندي الا حلالك يا بوخالد وشاكر لك هالاطراء والكلام الطيب وربي يبارك لك بحلالك ومالك

[الأصايل]

الله يبارك لك يا العنبري
ولي حجو الخبره حنا نسكت

[العنبري]

الله يبارك لك يا العنبري
ولي حجو الخبره حنا نسكت

هلا وغلا فيك اخوي الاصايل ونورت هالصفحه بمشاركتك
اخوي مب شرط يكون راي اهل الخبره صح لان النظره من عين لي عين تفرق وانا لي نظرتي الخاصه فيني اللي بنيت على اساسها الحلال اللي عندي الحين وبنفس الوقت والله اني احترم اي راي اييني من اي شخص كان حتى لو كان عكس رايي لان هذي هي نظرته وذوقه وترى حتى اهل الخبره يختلفون في الراي لاختلاف اذواقهم بعضهم يحب الخاروف الرفيع وبعضهم يهتم اكثر بالعرض وبعضهم يركز على الراس وشغلات ثانيه وكلها في الاخر شغلة ذوق
انا باقولك شغله فيني تراني اتمقل في حلالي واشوف ايش اللي يسرق عيني من غير ماحس ومب شرط يكون هو احلى الحلال اللي عندي وغالبا يسرق عيني المدلقم العريض اللي لي من مشى تقول كوره ولولا تعدد الاذواق لبارت السلع

[الوحداني]

الطلي يتربي يا العنبري طلي طيب وامهاتة اطيب

[ولد سيالة]

الله يبارك لك
وفي أنتظار رد أخونا بوجديع
اتوقع أنك فهمتني
وآسف على المداخلة

[الرمضاااء]

هذا طلي ثاني افكر افحله ومتردد بعد امسكه والا لا وعطوني رايكم فيه

http://7alalqatar.net/vb/uploaded3/8_1211715927.jpg

http://7alalqatar.net/vb/uploaded3/8_1211715992.jpg

http://7alalqatar.net/vb/uploaded3/8_1211716073.jpg

http://7alalqatar.net/vb/uploaded3/8_1211716141.jpg

من طلب رايكم دخل في ذمتكم وابي انتقادات وابي عذاريبه كلها وهمتكم يالربع فصلوها كامله ولاتقصرون ومابي ردود لاتفحله وذبحه وصرفه ابي نقاش وكللن يقول رايه ويطلع خبرته نبي نستفيد كلنا وحمزه ينطر عادي


شوف اخوي انت قلت اما تفحلة او لا انا راييانه مايصلح شوف اعيونة نظرتة غلبان مغلوب على امرة يعني بكرة مايثبت شطارتة وسط لفحولة وكلن بيدفة من صوب وبعدين شوف ارقبتة قصيرة , هذا رايي والصبر علية زين يمكن ليه كبر تظهر صورة ثانية لة والله يحفظك مع حلالك .

[العنبري]

الله يبارك لك
وفي أنتظار رد أخونا بوجديع
اتوقع أنك فهمتني
وآسف على المداخلة

اخوي ولد سياله اخونا الشايب المتشبب رد وخللص وقال رايه وتناقشت وياه بعد على التليفون وكل منا له راي وياليت لو انت بعد قلت رايك الخاص فيك ولو شفت ردي على اخونا الاصايل بتفهم قصدي ومب لازم يكون رايك نفس راي هل الخبره لان هل الخبره ناس مثلنا يحكمهم ذوق ونظره

[العنبري]

الطلي يتربي يا العنبري طلي طيب وامهاتة اطيب


ماعندي الا حلالك اخوي الوحداني وانت عارف ساسه وعارف من وين ياي واتعرف انا شانقي وشاضم وعارف انا تلميذ من وعلى يد من تاسست في هالمجال وتسلم على هالمداخله الطيبه

[العنبري]

شوف اخوي انت قلت اما تفحلة او لا انا راييانه مايصلح شوف اعيونة نظرتة غلبان مغلوب على امرة يعني بكرة مايثبت شطارتة وسط لفحولة وكلن بيدفة من صوب وبعدين شوف ارقبتة قصيرة , هذا رايي والصبر علية زين يمكن ليه كبر تظهر صورة ثانية لة والله يحفظك مع حلالك .

هلا وغلا فيج اختي الرمضاء وتسلمين على هالمداخله الطيبه وانا اقولج على يدج وعلى يد الربع كلهم اللي يخبر لي شي احسن منه واحسن من الفحول الموجوده عندي انا شراي ومايهم السعر لاني ماخبر حد حط ضان احسن من اللي كانت عند اخوي الكبير مبارك بن ضابت واللي عندي كلها من ساسها وحتى في السعوديه درت لين عيزت ماحصلت شي من الفحول اللي اقدر اقول انها بتطور شي عندي

[ولد سيالة]

هلا وغلا فيج اختي الرمضاء وتسلمين على هالمداخله الطيبه وانا اقولج على يدج وعلى يد الربع كلهم اللي يخبر لي شي احسن منه واحسن من الفحول الموجوده عندي انا شراي ومايهم السعر لاني ماخبر حد حط ضان احسن من اللي كانت عند اخوي الكبير مبارك بن ضابت واللي عندي كلها من ساسها وحتى في السعوديه درت لين عيزت ماحصلت شي من الفحول اللي اقدر اقول انها بتطور شي عندي


ليتك ماكتبت هذا الكلام
دورت في السعودية كلها ومالقيت
مستحيل
اذا منشئها في السعودية شلون مافيه
يقول المثل
أو اقول خلني ساكت أحسن
والله يالعنبري في خاطري كلام ودي اقوله بس خوفتي من اخواني الغالين اهل قطر يزعلون مني
ماودي اقولك
الا الله يهديك ويصلح بالك
وينور دربك

[العنبري]

ليتك ماكتبت هذا الكلام
دورت في السعودية كلها ومالقيت
مستحيل
اذا منشئها في السعودية شلون مافيه
يقول المثل
أو اقول خلني ساكت أحسن
والله يالعنبري في خاطري كلام ودي اقوله بس خوفتي من اخواني الغالين اهل قطر يزعلون مني
ماودي اقولك
الا الله يهديك ويصلح بالك
وينور دربك

اخوي ولد سياله انا مادري شلون انت ترجمت كلامي وفسرته باي طريقه وهذاني قلت لكم كم مره اللي يخبر لي شي احسن من اللي عندي يقول ويدلني عليه وانا شراي وبما انك من السعوديه ومب راضي على اللي انا قلته وشكلك فهمتني غلط وخذتها بعنصريه يالله على يدك ابي فحول اثنين وفعلا الاماكن اللي رحت لها وطرشت ناس هل خبره يسالون لي كلهم ارجعوا لي وقالوا مافي شي بيطور زود على اللي عندك
اخوي ولد سياله الله يهدي الجميع واللي في خاطرك قوله ولاتخللي شي فيه والكلام اخذ وعطا وان شالله الزعل مرفوع وانا عارف شقلت وان شالله اني مثمن كلامي وماغلطت على حد والسعوديه الله يشهد انها ديرتي الثانيه والناس اللي فيها هلي

[ولد سيالة]

أخوي أنت تعرف موطن العرب وين
وبعدين أخوي الكل يشوف حلاله أحسن شئ
لا تقولي لا
ولما تقول أنا دورت في السعودية ومالقيت
من وين العرب اللي في قطر
ما اقول كلها بس أغلبها من السعودية
يعني الأصل من السعودية
والزعل مرفوع
وانت اخوي الكبير ولك كل أحترامي وتقديري
ملحوظة ( أختلاف الرأي لايفسد للود قضية )

[العنبري]

أخوي أنت تعرف موطن العرب وين
وبعدين أخوي الكل يشوف حلاله أحسن شئ
لا تقولي لا
ولما تقول أنا دورت في السعودية ومالقيت
من وين العرب اللي في قطر
ما اقول كلها بس أغلبها من السعودية
يعني الأصل من السعودية
والزعل مرفوع
وانت اخوي الكبير ولك كل أحترامي وتقديري
ملحوظة ( أختلاف الرأي لايفسد للود قضية )

اخوي ولد سياله انا مادري شاللي مزعلك الحين وترى شوهاتي كلها ساسها من السعوديه مثل مانت قلت واللي جلبها وجناها هو مبارك بن عبدالله ال ضابت والكل يعرف ان افضل حلال في الضان كان عنده وهو نقاها بنفسه من السعوديه وانا شريتها من عنده وين الغلط في كلامي اللي زعلك الحين ؟؟؟
بو عبدالله نقى خيرتها من السعوديه وانا ماحقرت حلالكم عشان تزعل مني وكل اللي قلته اني ماحصلت فحول بتطور زياده على اللي عندي وياليت توضح لي اكثر الغلط في كلامي ولك مني طيبة الخاطر ووين اختلاف الراي بيني وبينك الحين اصلا عشان تكون قضيه ؟؟؟

[بوناصر]

اخوي ولد سياله والله مادري ايش الخطاء الي ارتكبه العنبري عشان تقول كلامك الاول وتقول في خاطرك كلام وخوفك من اهل قطر يزعلون بالعكس كلمه الحق ماتزعل ونا بعطيك كلمه حق واتمنى انك ماتزعل .
نعم العرب والعوارض موطنها في الاساس السعوديه واعتقد ليسة بحكر على السعودين فقط ومنتشره في نجد كافه ومنها المناطق الشرقيه الى قطر والكويت وكلها موطن للضان العرب والمعزى العوارض وتعرف انت بان لاتوج حدود واهل هذه المناطق اهل وبدو رحل وتنتقل معهم مواشيهم في حلهم وترحالهم وهذ سبب الانتشار يا اخي ولد سياله .
اما ان كل شخص يرى حلاله انه هو الاحس اسمح لي ان ارد بالنيابه عن اخي العنبري لاني اعرفه معرفه شخصيه واعرف حلاله اكثر من الباقين ونا من نصحه بان صعب يلاقي فحل يطور في حلاله العرب لانه يملك فحول طيبه ومصدرها السعوديه ومن اكبر الملاك ولو ياتي بفحل سوف يكون بنفس المستوى وهذ شي طبيعي وذكر لك بان توصف له من يملك افحل عرب نادره وفيها مواصافات لاتوج في فحوله وسوف يكون لك شاكر واعتقد تعلم بان يوجد ملاك سعودين يشترون فحول عوارض من قطر لماذا لم يتم شرائها من السعوديه مع انها هي موطن العوارض اتمنى ان يتسع صدرك للنقاش واختلاف الرائ لايفسد للود قضيه والحلال واحد ويوجد الزين والشين هنا وفي السعوديه .

[ViP]

ليتك ماكتبت هذا الكلام
دورت في السعودية كلها ومالقيت
مستحيل
اذا منشئها في السعودية شلون مافيه
يقول المثل
أو اقول خلني ساكت أحسن
والله يالعنبري في خاطري كلام ودي اقوله بس خوفتي من اخواني الغالين اهل قطر يزعلون مني
ماودي اقولك
الا الله يهديك ويصلح بالك
وينور دربك

اخوي ولد سياله
ليه تمنيته ماكتب الكلام وانا اشوفه خالي من السب والشتائم...
هل اصبح كلام المنطق شتيمه ياسبحان الله

نحن نعلم ان مصدرها السعوديه ونجد خاصه

عزيزي... المسئله ليست مسئلة مصدر وانما من الذي مسك الحلال الطيب وطوره ...
والله وثما والله اني شفت من الغنم العرب ولكن ليس نفس مستوى ضان اخوي العنبري
وهو ذكر اذا توجد فحول احسن من فحوله لن يتردد في الشرااء وخاصه انه راعي صنف ...



والعوارض منشئها السعوديه ولكن هل بمقدورك ان تنكر بوجود عوارض من الدرجه الاولى في قطر وخصوصا ان اهل الصنف عندنا كثر؟؟
ونحن نعلم كم تصل قيمة الفحول عندنا في قطر وذااالك دليل على انها فحول منتجه


عمومااااااا اخي الكلام اخذ وعطااا
و ولا ازيد فوق اخواني العنبري وبوناصر لانهم تكلمو بشفافيه واضحه دون تحيز
وارجو ان تتقبل رأيي بصدرن رحب

أخوك
عبدالله الهاجري

[برووق]

السلام عليكم ورحمة الله وبركاته
بنسبه لي أخوكم الصغير
أنا شفت حلال أخوي العنبري وشفت فحوله
أما بنسبه لتطوير الأنتاج
((( أنا أقول لازم يدور فحل خصم )))
أنا ماقول أن فحوله عاديه لا والله فحوله طيبه ألا وهي ثنين فقط عنده والباقي حليوه
تمنياتي لخوي العنبري
كل خير ((( لانه مجتهد في حلاله وأنا أشهد على ذلك )))
تحياتي

[العنبري]

السلام عليكم ورحمة الله وبركاته
بنسبه لي أخوكم الصغير
أنا شفت حلال أخوي العنبري وشفت فحوله
أما بنسبه لتطوير الأنتاج
((( أنا أقول لازم يدور فحل خصم )))
أنا ماقول أن فحوله عاديه لا والله فحوله طيبه ألا وهي ثنين فقط عنده والباقي حليوه
تمنياتي لخوي العنبري
كل خير ((( لانه مجتهد في حلاله وأنا أشهد على ذلك )))
تحياتي

اخوي برووق يالله الفحل الخصم على يدكم دللوني عليه وانا شراي

[برووق]

العنبري
فيه فحل عند السعدون في سوق الأحسا الصراحه خصم
وأنا مفروض أني الشتريه ولاكن هناك السباب
ورح حول النعيريه وبتشوف فحول خصم الخصم
تحياتي ياكفيل حمزه
تعال يقولون الجمعه العشا كاري على كيفك يقول واحد من الشباب أنه طلع نار من ثمه
وهذي اعتبرها خيانه تعشيتو ولا علمتوني

[العنبري]

اخوي بو عبدالله يوم رحنا ناخذ الهند بريك مرينا على السعدون وماحصلنا شي على المزاج عنده وبخصوص الاثنين اللي مدحتهم هذولي انتاج العزبه عندي ومن قبل انا شريت اثنين من عند السعدون وهذولي احسن اثنين لقيتهم عقب دواره وخذتهم بس عشان اخلط الدم واغيره بهم ويوم يبتهم العزبه اطلعوا دون خرفاني القبليه واللي نقاهم معاي الشهراني وهذولي توه انتاجهم يبين والاثنين الباقي اكل عليهم الدهر وشرب وهم ساس الانتاج اللي عندي كله تقريبا وهذولي اللي انت قلت عنهم حليوين ومن اسبوعين واحد من ربعك تعرفه عدل كلفت عليه وهو رايح السعوديه وقلت له انشد لي عن خرفان وسال حتى الشيبه وهو بعد من حط خيرة الضان العرب من قبل ورجع لي بنفس الكلام ان الفحول العرب الطيبه الحين نادر تنلقى ويالله على يدكم ان شالله احصل لي شي يطور عندي
وابشر بالعوض يا بو عبدالله نعيضك ان شالله باللي احسن من الكاري

[أبو عيسى]

الغالي: العنبري
اللة يبارك في حلالك ومالك وعيالك
وان شااللة اتنول الي في بالك