فحل عربي

[العنبري]

هذا الفحل من انتاج العزبه وابي رايكم بصراحه فيه اخلليه والا اصرفه ؟

http://7alalqatar.net/vb/uploaded3/8_1211218441.jpg

http://7alalqatar.net/vb/uploaded3/8_1211218555.jpg

http://7alalqatar.net/vb/uploaded3/8_1211218635.jpg

http://7alalqatar.net/vb/uploaded3/8_1211218726.jpg

http://7alalqatar.net/vb/uploaded3/8_1211218803.jpg

http://7alalqatar.net/vb/uploaded3/8_1211218872.jpg

اتمنى من الاخوان ان اللي ينتقد يذكر اسباب انتقاده والعذاريب اللي يشوفها في الفحل ومايكتفي بكلمة صرفه او بيعه او شوف لك فحل غيره عشان الكل يستفيد من خبرة اللي قبلهم في هالمجال والاختلاف في الراي لايفسد من الود قضيه

[الأصايل]

اخوي العبري انا بصراحه اشوفه فحل طيب بس انا ما اقدر احكم انك تخليه ولا تطلعه لأني مو من أصحاب الخبره
والله يبارك لك في حلالك

[بوشنب]

الحلال كله مبروك
وان شاء ان الفحل طيب

ولكن فيه ( دق ) يعني مهوب جبر
وهذا عذروب واضح وبين عليه

عموما انت شوف انتاجة كيف
واذا كان انتاجة طيب شوري عليك تخليه في الغنم
لان الانتاج هو الاهم

الله يوفقك

[العنبري]

اخوي العبري انا بصراحه اشوفه فحل طيب بس انا ما اقدر احكم انك تخليه ولا تطلعه لأني مو من أصحاب الخبره
والله يبارك لك في حلالك

هلا والله وغلا باخوي الاصايل ويكفي مرورك اللي نور هالصفحه

[العنبري]

الحلال كله مبروك
وان شاء ان الفحل طيب

ولكن فيه ( دق ) يعني مهوب جبر
وهذا عذروب واضح وبين عليه

عموما انت شوف انتاجة كيف
واذا كان انتاجة طيب شوري عليك تخليه في الغنم
لان الانتاج هو الاهم

الله يوفقك

هلا وغلا فيك اخوي بو شنب واسعدني مرورك ومداخلتك وهذي الانتقادات البناءه اللي ننطرها منكم عشان الكل يستفيد وانا اطمح اجني فحول افضل بس لي الحين ماحصلت بقطر وناوي اروح السعوديه بس الوقت ماساعدني بسبة الدوام
بس عندي ملاحظه بسيطه على اللي يقولون شوف انتاجه اذا طيب خله في ضنكم حتى لو كان انتاجه درجه اولى اذا كنت جناي انتاج انتاجه مب طالع عليه ؟؟؟ اكيد العرق بيسحب ومعنى كلامي اذا انا اطمح للافضل ماتعذر واقول انتاجه وطبعا كل انسان وحسب مقدرته
وعلى فكره الفحل ميزوز وفقاره مب مبين في الصوره عشان يبين عرضه واذا تخبر لي فحل اجبر منه في قطر تراني ادور ومب شرط السعر

[ابوجديع]

(( ااالعنبري ))

أنا ماعرف أجامل أبصراحه فحل عادي جدآ لأنه مافيه مواري طيبه أو شيئ يدل علي أنه فحل ..

راسه عادي والخروف فيه شيئ وهو أزقم وماله عرنون وبرطمه التحتي أقصر من شفته العليا وماله ظهر ولا جبار ..

يعني بالعربي بيعه أو أنطرني إذا جيتك عند حمزه ..

أأأبوجديع

[بوعبدالله]

هلا اخوى العنبرى ........... ياصديقى

انا شايف افحولك على الطبيعه وهذا انا مادرى اى واحد فيهم مشاءالله من كثرهم

لكن اشوف انا عندك الافضل منه واذا سائلتنى ليش باقولك انا شايف عندك فحل افنس فيه مد وجباره

وكل هذااا مب متوفر فى الفحل المعروض ............ اتمنى انك تاخذ انتقادى بصدر رحب

[العنبري]

(( ااالعنبري ))

أنا ماعرف أجامل أبصراحه فحل عادي جدآ لأنه مافيه مواري طيبه أو شيئ يدل علي أنه فحل ..

راسه عادي والخروف فيه شيئ وهو أزقم وماله عرنون وبرطمه التحتي أقصر من شفته العليا وماله ظهر ولا جبار ..

يعني بالعربي بيعه أو أنطرني إذا جيتك عند حمزه ..

أأأبوجديع

هههههههههههههه هلا وغلا بشيبتنا المتشبب
انت وعدتني تشوف لي واحد من صوبكم وقلت لي ان في شي متوفر بالكويت وانا لي الحين انطرك وفي نيتي اصلا اخذ لي اثنين على الوصف اللي ابيه وادوره واصفي الفحول كلها بس ماحصلت لي الحين لان اصلا الفحول من الغنم وابي اغير الدم بشي احسن منها ومايهم السعر بس ابي شي مسكت وماحصل بقطر
ولو جاملتني بيوم باضرب عليك اكس بالذات انت وشيبتنا الهاجري واخوي بو ناصر ولا يهونون الباقي بس لان الباقي القاهم برى وابرد حرتي فيهم بالمعاياه انتوا مالقاكم الا هني
انتظر منك تليفون قبل لا تيي قطر باسبوع عشان اقدم اجازه واتفرغ لك

[العنبري]

هلا اخوى العنبرى ........... ياصديقى

انا شايف افحولك على الطبيعه وهذا انا مادرى اى واحد فيهم مشاءالله من كثرهم

لكن اشوف انا عندك الافضل منه واذا سائلتنى ليش باقولك انا شايف عندك فحل افنس فيه مد وجباره

وكل هذااا مب متوفر فى الفحل المعروض ............ اتمنى انك تاخذ انتقادى بصدر رحب

هههههههه هلا بصديقي اللي كل يوم يهاوشني فديت نويزك
بو عبدالله والله العظيم هذا الفحل الي اتكلم عنه واول مره اعرضه بس يمكن في الصوره تغير عليك لاني مصوره المغرب
هذا هو نفسه الفحل اللي امدحه القطري ومدحته انت وامدحوه كل الشباب واللي يوم قلت باشتري فحول اثنين زياده قالوا ليش تشتري فحول وعندك هالفحل مسكت
لي ييتني العزبه بتشوفه وبتعرفه اي واحد

[ViP]

هالو يابو عمر...
اعلومك اربك ابخير...
ياخوك انا خبرتي سطحية في الضان
واهل الضان ابدو رأيهم...
لكن ابي اوضح نقطه او بالاحرى نقطتين..

الفحل افنس .. ونادر اتشوف افحول اعربيه فنسى

والشي الثاني الفحل طيب بالمستوى الي نتكلم عنه في قطر...

الشي الثالث.. بعض الصور لك عليها اشوي .. ماتخدم العرض...

[عشق الشمال]

ماشاء الله تبارك الله
فحل طيب الله يبارك فيه وعيبه الدق بس

[العنبري]

هالو يابو عمر...
اعلومك اربك ابخير...
ياخوك انا خبرتي سطحية في الضان
واهل الضان ابدو رأيهم...
لكن ابي اوضح نقطه او بالاحرى نقطتين..

الفحل افنس .. ونادر اتشوف افحول اعربيه فنسى

والشي الثاني الفحل طيب بالمستوى الي نتكلم عنه في قطر...

الشي الثالث.. بعض الصور لك عليها اشوي .. ماتخدم العرض...

هلا وغلا يا ابا مووووحسن
اهل الضان والله كلهم على عيني وعلى راسي واتقبل انتقاداتهم وترى النظره من عين لي عين تفرق وهم لهم راي وانا بعد راعي ضان من سنين ولي راي وانا كل همي الانتقادات البناءه اللي تعكس اختلاف وجهات نظرنا ونستفيد منها كلنا
اما بخصوص الصور اللي ماتخدم انت تدري اني غشيم تصوير واصلا انا مب قصدي يطلع باحسن صوره وادور المدح بس لاني ابي انتقادات وابي معاياه وابي نقاشات المقصد منها الاستفاده ومابي حد يضن اني باحط بخاطري واصلا انا من زمان اطمح اني اغير فحول وقاعد ادور صار لي فتره بس ابي شي مسكت من قلب شي يطور في حلالي ومايكون نفس مستواه او اقل

[العنبري]

ماشاء الله تبارك الله
فحل طيب الله يبارك فيه وعيبه الدق بس

هلا وغلا بجاري العزيز
هههههههههههه هذي الفحل اللي شفتوه عندي انت وبو عبدالله يوم كنتوا عندي في العزبه وقلتوا عنه انه جرم وعريض وجبر وانه احسن خاروف عندي يوم قلت لكم اني اشوف الثاني احلى منه في عيني اللي قلتوا عنه قصير
هههههههههههه شاللي غير رايكم هني انت وبو عبدالله ؟؟؟؟
انا اصلا اطمح حق خرفان احسن من هذي اللي عندي ولي الحين قاعد ادور

[بوعبدالله]

هلا وغلا بجاري العزيز
هههههههههههه هذي الفحل اللي شفتوه عندي انت وبو عبدالله يوم كنتوا عندي في العزبه وقلتوا عنه انه جرم وعريض وجبر وانه احسن خاروف عندي يوم قلت لكم اني اشوف الثاني احلى منه في عيني اللي قلتوا عنه قصير
هههههههههههه شاللي غير رايكم هني انت وبو عبدالله ؟؟؟؟
انا اصلا اطمح حق خرفان احسن من هذي اللي عندي ولي الحين قاعد ادور



انا عن نفسى بالعماله ابى انتقد دام باب الانتقاد مفتوح

هههههه العنبرى كلش فى الصوره غير وماخفى انى شاك انه مب هو وانت ماعرفت الى مدحته لك

ولما اروح العزبه بشوفه على الطبيعه هوو ولاغيره لانه فحولك وايد ومالحظت هذى بينهم

او انت ماطلعت مميزاته فى التصوير

[صلاح العنزى]

السلام عليكم أخى --- العنبرى

ماشاء الله تبارك الرحمن

الحلال كله مبروك

والفحل إن شاء الله إنه طيب بس كن مافيه سراد أو مده ظهر ؛؛؛ ترى الغنم العرب دايم تجى جبره وعالية وطول ظهر

أخوك --- أبو محمد

[العنبري]

السلام عليكم أخى --- العنبرى

ماشاء الله تبارك الرحمن

الحلال كله مبروك

والفحل إن شاء الله إنه طيب بس كن مافيه سراد أو مده ظهر ؛؛؛ ترى الغنم العرب دايم تجى جبره وعالية وطول ظهر

أخوك --- أبو محمد

هلا والله وغلا باخوي بو محمد ويشرفني انك تعلق على هالموضوع وليتني عرضته من زمان والله بس عشان هالمداخله اللي ياعل ربي مايحرمنا منها ولا من راعيها

[العنبري]

اخوي الشيبه المتشبب بو جديع ترى فريت مخي وخلليتني البس نظارة القرايه والكتابه واشغل مشاشاتها بعد عشان اشوف الصوره اوضح ويالله تراني ناطرك لا اتاخر علي

[بوخالد]

الله يرزقك بأخير منه مع أنه ماهو ردي في نظري والله يبارك لك في حلالك

[الـ@ـاجري]

ماشالله تبارك الرحمن
الله يبارك لك يا ابو عمر

الصور يمكن تخدع المشاهد لانها ممكن تعطيك الافظل وممكن تغير في ملامحه

اعتقد الي في الصوره ينقصه مدة الظهر والجبر
والباقي ماخلو الاخوان شي نقوله

والله يوفقك

[العنبري]

الله يرزقك بأخير منه مع أنه ماهو ردي في نظري والله يبارك لك في حلالك

مرحبا والله ومسهلا اخوي ونورت الصفحه بمشاركتك وتسلم على هالدعوه الطيبه وربي يبارك لك في حلالك ومالك

[العنبري]

ماشالله تبارك الرحمن
الله يبارك لك يا ابو عمر

الصور يمكن تخدع المشاهد لانها ممكن تعطيك الافظل وممكن تغير في ملامحه

اعتقد الي في الصوره ينقصه مدة الظهر والجبر
والباقي ماخلو الاخوان شي نقوله

والله يوفقك

اخوي الكبير انا ماتعمدت ان الصوره تزينه او تشينه وتصويري كان عفوي بس الحمدلله ان الصوره سببت نقاش وتبادل اراء وان شالله اني باخذ رايك فيه على الطبيعه وصدقني حتى لو قلت رايك على الطبيعه وكان نفسه مثل ماكان هني بعد باستانس ان لي ربع مايجاملوني ويقولون رايهم لي ويفيدوني

[انا وخلي]

السلام عليكم الصراحة يا اخوي العنبري الفحل ماعلية كلام بس بعظ الربع يحب ان يكون الفحل رفيع وبعظهم يحب

الفحل القصير بقول شي اول شي الفحل ان جاك رفيع بيجون عيالةدقاق ورفاع ومافيهم عرظ الظهر مع الفقار اما بناسبة
للفحل القصير يجيك جبر وعيالة بيجون عراظ الظهر والفقار عريظ ويقول المثل لمااختلاف الانظار بارت السلاع

[العنبري]

السلام عليكم الصراحة يا اخوي العنبري الفحل ماعلية كلام بس بعظ الربع يحب ان يكون الفحل رفيع وبعظهم يحب

الفحل القصير بقول شي اول شي الفحل ان جاك رفيع بيجون عيالةدقاق ورفاع ومافيهم عرظ الظهر مع الفقار اما بناسبة
للفحل القصير يجيك جبر وعيالة بيجون عراظ الظهر والفقار عريظ ويقول المثل لمااختلاف الانظار بارت السلاع

هلا وغلا فيك اخوي انا وخللي وتسلم على هالمشاركه الحلوه
صح لو لا تعدد الاذواق لبارت السلع واللي تعلمته من الشيبان ان عرض الخاروف وجباره اهم من رفعه وانا عن نفسي افضل الخاروف المدلقم اللي لا من مشى تشوفه جنه كوره والخاروف الاسرد بو ظهر طويل صح حلوووو بس تراه يتعب اسرع في القريع ومعرض اكثر ان يتعور من النطاح وهالخاروف على الطبيعه رفيع وعريض وجبر واسرد بعد يعني فيه كل المواصفات المطلوبه ويمكن لاني اعرفه وصورته دوووم في عيني ماميزت وماشفت ان الصوره ظلمته بس اللي ياو العزبه عندي وشافوه كلهم قالوا ان الصوره ظالمته وايد وانا مقتنع فيه مليون في الميه وماعندي الا حلالك

[أبو عيسى]

اخوي العنبري
الى الامام ان شااللة

[ابراهيم الغشام]

اخى العنبرى اول شى يشرفنى ان اكون احد الاخوان اللذين يدلون برأيهم بمواصفات الفحل وهذا رأى الشخصى الفحل جرمه زين والراس طيب ولكن الفحل ايديه ادقاق ومافيهن فرو ومافيه عرض ظهر وهذى المواصفات لازم تكون بالفحل

[بوباسم]

العنبري

الله يبارك لك في حلالك ويعطيك خيره