مهاوش

[سايق الخير]

أخواني الاعزاء حبيت اعرض لكم صور الفحل( مهاوش) من حلال الوالد الله يطول بعمره ,اتمنى أن الصور تعجبكم

http://7alalqatar.net/vb/uploaded3/269_1210589384.jpg

http://7alalqatar.net/vb/uploaded3/269_1210589446.jpg

اتمنى أني اشوف ردود الاخون وأتقبلها بكل صدر رحب وأن شالله باعرض لكم صور عياله في أقرب وقت

أخوكم سايق الخير

[بوعبدالله]

اخوى سايق الخير ماشاءالله فحل طيب وخلطه متعوب عليهااا لانا الفحل طيب من كل شى واعتقد مخلوط بين عرب ونجد

لكن هذا يعتمد على نوع حلال الوالد الله يطول بعمره .......... وفى انتظار انتاجه مع الامهااات

تحياتى لك يالغالى

[بومبارك المناعي]

فحل أفنس رفيع ماااا شاء الله شقه ظهر أوجبار اوطول ارقبتة واضحة
(((الفحل ممتاز)))
الله يبارك حق الوالد وإ طول بعمرة

[ابوجديع]

(( سااايق ااالخير ))

مساك الله بالخير ..

ولله مدري شباقولك علي هذا الخروف لأني أول مره أشوف من هذا النوع مدري نجدي ولا نعيمي ولا عربي ..

علي العموم الله يباركلك فيه ..


أأأأأبوجديع

[العنبري]

اخوي سايق الخير هلا وغلا فيك
هذا خاروف حجري وهالنوع من افضل الانواع حق الانتاج الاستهلاكي لانه يقاوي الجو وجرم ماشالله وانتاجه فيهم لحم وكان مرغوب بصوره كبيره عند اهل قطر اول لكن مب صنف ومايطور الحلال اذا كنت تبي تربي شي صنف لان الناس الحين كلها اتدور الصنف
والفحل الانتاجي مايهم حجم راسه او لونه واهم شي عرضه وجرمه وعياله اييون كبار او لا
والله يبارك لك في حلالك ومالك

[سايق الخير]

الاخوان : بوعبدالله
بوأحمد
أبوجديع
العنبري
شاكر لكم مروركم وتعليقاتكم على الموضوع وأكيد الاختلاف في الرأي لايفسد للود قضية لكني حبيت أقولكم أن هذا الفحل (نجدي) من حلال الشيخ / عبدالله بن جبر آل ثاني ,بس يمكن أنه محلق فصار فيه لبس عند بعض الاخوان ,انشالله باعرض لكم صور ابوه وأخوانه وعياله في أقرب وقت وانشالله بيكون الحكم عليه بطريقة أفضل ,وشاكر لكم مرة ثانية .

أخوكم : سايق الخير

[الجناي]

ماشاء الله لاقوة الا بالله
الله يبارك لكم بالحلال والمال والعيال
الفحل طيب عسى الله يبارك فيه
الجناي

[العنبري]

الاخوان : بوعبدالله
بوأحمد
أبوجديع
العنبري
شاكر لكم مروركم وتعليقاتكم على الموضوع وأكيد الاختلاف في الرأي لايفسد للود قضية لكني حبيت أقولكم أن هذا الفحل (نجدي) من حلال الشيخ / عبدالله بن جبر آل ثاني ,بس يمكن أنه محلق فصار فيه لبس عند بعض الاخوان ,انشالله باعرض لكم صور ابوه وأخوانه وعياله في أقرب وقت وانشالله بيكون الحكم عليه بطريقة أفضل ,وشاكر لكم مرة ثانية .

أخوكم : سايق الخير

اخوي سايق الخير الواضح من الصوره ان جفله مب جفل نجدي والله اعلم والله يبارك لك فيه ويطرح البركه ويطعمك من انتاجه

[الأصايل]

ما شاء الله تبارك الله
أخوك الأصايل

[صلاح العنزى]

السلام عليكم --- أخى سايق الخير

ماشاء الله تبارك الرحمن

عسى الله يبارك فية وبإنتاجة إن شاء الله

أخوك --- أبو محمد

[احمد الجاسم]

الفحل هذا دعاوي وهو خليط بين النجد والعرب

الزين في هذا الهجين ان انتاجه اجبر من العرب وحليب مثل النجد

والله يبارك لكم في حلالكم